IJAI 32:19 - Bibəl ta Sar̄

¹⁹ Kɔ̄sə̄ a tə́sō dɔ ku kāgə̄ gə̄ tə́ ō, ɓē a əsō ō.

Bible sar

¹⁹ Kɔ̄sə̄ a tə́sō dɔ ku kāgə̄ gə̄ tə́ ō, ɓē a əsō ō.

IJAI 32:19 Referans Kwoze

IJAI 28:17

Yá̰á̰ kə́ súmūú i yá̰a̰ mbɔ̄jə́ yá̰a̰ yāḿ, yá̰á̰ kə́ gōtə́ i kəlā yāḿ kə́ gində̄ pəlɔm i ta tə́. Man̄ kə́ edə kə kɔ̄sɔ̄ɔ́ a un yá̰á̰ gól̄ loo ń ā ī-ndiī gírí ní yā kaw̄ń kɔ̄ɔ́, loo ń ā ī-ɓɔ̄ɔ̄ rɔ̄sí tū tə́ ní man̄ a taā kɔ̄ɔ́.

IJAI 30:30

Kɔ́ɔ̄ɓē a rāā kadə̄ de gə̄ a oōn̄ ndūn kə́ to ɓōĺ ngá̰ý ō, ni a rāā kadə̄ de gə̄ a a̰a̰n̄ tɔ́gə jīn ō. Ni a ɔjə wōn̄g yān kə́ ngá̰ý kə̄ ndágá dan ndo̰ hor kə́ a o̰o̰ tə́ ō, a dān̄ gō kə nél man̄ kə́ əla kə ngangá ngá̰ý ō, kə man̄ kə́ edə kə kɔ̄sɔ̄ɔ́ ō.

IJAI 28:2

De kə́ tɔ́gən to ō ngan̄g ō n toó. I Kɔ́ɔ̄ɓē n əla seneé ní. Ni to i tītə̄ man̄ kə́ edə kə kɔ̄sɔ̄ɔ́ beē, to i tītə̄ nél man̄ kə́ nujə loo beé, to i tītə̄ man̄ kə́ edə ngá̰ý kə́ taā loo malang beé. Deē ngeé ń toō mbəre yá̰a̰ malang tə́nī kə tɔ́gɔ́.

IJAI 26:5

Ni-rāā ngé ndi ɓē loo kə́ kḭḭ kə̄ dɔɔ́ gə̄ tə́ adə̄ tə́sōn̄. Ni mbəre ɓē bo kə́ de gə̄ ngɔ̄mə̄n̄ majə ngá̰ý ənīn. Ni-tél seneé bátə́ ugə̄ seneé nang tə́, ənīn kum bumbə́rú tə́.

JAKARI 11:2

Sḭḭ̄ kāgə̄ sipəres gə̄, ī-nōōī ādə̄ oōn̄ ndūsí, tɔdɔ̄ kāgə̄ sedər gə̄ tə́sōn̄ kɔ̄ɔ́. Nujən̄ kāgə̄ kə́ majə ngá̰ý gə̄ ń noō kɔ̄ɔ́. Sḭḭ̄ kāgə̄ sén gə̄ kə́ Basan, ī-nōōī ādə̄ oōn̄ ndūsí, tɔdɔ̄ nujən̄ ku kāgə̄ yāsí kə́ nder̄ nginding kɔ̄ɔ́.

JEJU TEĒ KUM JA̰A̰ 18:21

Anī de kə́ dɔ rā̰ tə́ kógə̄ḿ kə́ tɔ́gən i ngá̰ý, un mbal̄ kógə̄ḿ kə́ bo tītə̄ mbal̄ riī yá̰á̰ kə́ bo beé, ənī kum bā bo tə́ ba əda na: A unən̄ Babilon ń i ɓē kə́ bo ní yā kənīn gidə kógə̄ḿ tītə̄ ń noō ō, a əngen̄ ɓē kə́ Babilon gogə́ to̰ aĺ ō.

JEJU TEĒ KUM JA̰A̰ 8:7

De kə́ dɔ rā̰ tə́ kə́ ta kəga dɔ kɔ̄ŕ bərúnjə, anī kɔ̄sə̄ man̄ ō, hor ō ń əlan̄də́ naā tə́ kə mósó ní, ɓōkə́n̄də́ dɔ nang tə́. Adə̄ ré gángə̄n̄ dɔ nang gír loo mətá anī, hor o̰o̰ gírən kə́ kógə̄ḿ kɔ̄ɔ́ ō, ré gángə̄n̄ ɓūtə̄ kāgə̄ gə̄ gír loo mətá anī, hor o̰o̰ gírən kə́ kógə̄ḿ kɔ̄ɔ́ ō, o̰o̰ mu kə́ mbōl̄ gə̄ malang kɔ̄ɔ́ ō.

MATIYE 7:25

Man̄ edə, adə̄ bā taā loo reē ta kújə́ tə́ ō, nél əla dɔ kújə́ tə́ kə ngangāá ngá̰ý ō, ba kújə́ ní tetə alé, tɔdɔ̄ əndān̄ ngəran i dɔ mbal̄ tə́.

NAHUM 1:8

dan ń yá̰á̰ kə́ to kum kaȳ aĺ mān̄ tītə̄ man̄ dɔ mbal̄ beé ní. Banī ni-nujə madə̄ ba̰ā̰n gə̄ ō, tə̄ɓādə́ aw̄ sedə́ kum loo kə́ risə til yā yo tə́ ō.

NAHUM 1:1

Najə̄ kə́ dɔ ɓē kə́ Ninibə tə́ i kem makətūbə̄ ń toō tə́. Nə́ɓā ɔjə Nahum nge koō ta kə́ kem ɓē kə́ Elkos tə́ adə̄ ger̄, i kə ta kūl̄ yá̰á̰ kə́ Nahum a̰ā̰.

IJAI 37:24

Mā ń i Kɔ́ɔ̄ɓē ní, ī-tájə̄m̄ kə ta kūl̄ najə̄ kə́ ə̄ndā ta ngé kəla yāí gə̄ tə́. Ḭ̄ ə́da na: Mā Senakerib, m-āl̄ dɔ mbal̄ bo gə̄ tə́ dɔɔ́ kə púsə rɔ̄ɔ̄ yāḿ gə̄ kə́ ngá̰ý, m-āw̄ bátə́ m-ūgə̄ dɔ mbal̄ Liban tə́ dɔɔ́. Kāgə̄ sédər yān gə̄ kə́ majən̄ tɔȳ madə̄ gə̄ ní m̄-tə́gādə́ kɔ̄ɔ́ ō, kāgə̄ sipəres yān gə̄ kə́ majən̄ tɔȳ madə̄ gə̄ ní m̄-tə́gādə́ ō. Mbal̄ bo yān kə́ ngāl̄ tɔȳ madə̄ gə̄ ní, m-āw̄ m-ūgə̄ tū tə́ ō, ku kāgə̄ yān kə́ majə tɔȳ madə̄ gə̄ ní, m-āw̄ m-ūgə̄ tū tə́ ō.

IJAI 27:10

Ɓē ń ngɔ̄mə̄n̄ majə ngá̰ý ní, deē i kemeé to̰ alé. Kemən i karī ō, əya̰nən̄ kɔ̄ɔ́ tītə̄ dəla loo beé ō. Ngán man̄g gə̄ a reēn̄ ko̰ó̰ i loo ń noō tə́ ō, a ɔrə̄n̄ koō i loo ń noō tə́ ō, əsan̄ mbī túpə́ kámbə gə̄ ō.

IJAI 25:4

Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

IJAI 24:10

Ɓē bo ń de gə̄ i ngá̰ý tū tə́ aĺ ní əsō, ta kújə gə̄ malang ran̄ i kə kutú, deē asə kudə kemeé to̰ alé.

IJAI 10:19

Kāgə̄ gə̄ kə́ kem ku yā Asiri tə́ a na̰yn̄ i sḛ́ý beē, adə̄ ngōn̄ kə́ dūú a asə tə́da kutədə́.

IJAI 10:18

Ni a nujə kə kāgə̄ kə́ majə ngá̰ý gə̄ kɔ̄ɔ́ malang ō, kāgə̄ gə̄ malang ń a anə̄n̄ ní, ni a nujədə́ kɔ̄ɔ́ ō. Ɓē a to tītə̄ nge mo̰y kə́ tɔ́gən teē kɔ̄ɔ́ beē.

IJAI 24:12

I kɔkərɔ kə́ kán̄ dɔ naā tə́ gə̄ ngóy n ton̄ kem ɓēé ní. Tetən̄ ta róbə́ kə́ yā kudəń kə̄ kem ɓēé kɔ̄ɔ́, ta róbə́ ní nujə sák sák kɔ̄ɔ́.

IJAI 25:2

Ḭ̄ ī-rāā ɓē ādə̄ tél i kɔkərɔ kə́ kán̄ dɔ naā tə́ bing. Ɓē ngeé ń toō ń ngɔ̄mə̄n̄ majə ní, i kə́ tétə̄ nang tə́ kɔ̄ɔ́. Ɓē kə́ ngan̄g ngá̰ý gə̄ yā tə̄rā gə̄ tél i ɓē to̰ alé, deē a tél yā rāān gogə́ to̰ aĺ i kə́ bátə́ gə̄ tə́.

IJAI 29:4

Ā ə̄sō gírí nang tə́ ngá̰ý, adə̄ ndūí a ɓār̄ tītə̄ kə́ teē i gíŕ nángāá beē. Ndūí ní a teē dan bumbə́rú tə́ i sḛ́ý beē adə̄ loo koōn ngan̄g ngá̰ý. To tītə̄ kə́ teē i gíŕ nángāá tītə̄ ndū ndíl de kə́ tɔ́gən gətóo kə́ a ɔr̄ najə̄ kum bumbə́rú tə́ beē.

IJAI 10:33

Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, tétə̄ ta jī kāgə̄ gə̄ kə tɔ́gɔ́. Gángə̄n̄ kāgə̄ kə́ bo tɔȳ madə̄ gə̄ kɔ̄ɔ́, mbə́rēn̄ ngé kə́ ngāl̄ tɔȳ madə̄ gə̄ tə́nīn̄də́ nang tə́.