IJAI 32:15 - Bibəl ta Sar̄

¹⁵ Ndɔ̄ kógə̄ḿ tə́ anī, Kɔ́ɔ̄ɓē a ɓōkə́ ndílən dɔjí tə́. Loo ń noō tə́ dəla loo a tél ndɔr̄ kāgə̄ gə̄ kə́ a anə̄n̄ ō, ndɔr̄ ní a tél i ku kāgə̄ gə̄ kə́ rɔ̄kum ō.

Bible sar

¹⁵ Ndɔ̄ kógə̄ḿ tə́ anī, Kɔ́ɔ̄ɓē a ɓōkə́ ndílən dɔjí tə́. Loo ń noō tə́ dəla loo a tél ndɔr̄ kāgə̄ gə̄ kə́ a anə̄n̄ ō, ndɔr̄ ní a tél i ku kāgə̄ gə̄ kə́ rɔ̄kum ō.

IJAI 32:15 Referans Kwoze

IJAI 29:17

Na̰y kum mbang i ngá̰ý aĺ yā kadə̄ ku kāgə̄ gə̄ kə́ Liban a tél i ndɔr̄ kāgə̄ gə̄ kə́ a anə̄n̄ gə̄ ō, ndɔr̄ ní a tél i ku kāgə̄ gə̄ ō.

EJEKIEL 39:29

Israel gə̄ ń i gír deē yāḿ gə̄ ní, m-ā m-ādə̄də́ ndílə́ḿ ō, m-ā m̄-tūr̄ gidəḿ kɔ̄ɔ́ tadə́ tə́ to̰ aĺ ō. Najə̄ ń Kɔ́ɔ̄ɓē Nə́ɓā əda ní n noó.

IJAI 44:3

Tām̄ mā m̄-rāā kadə̄ man̄ a nūgə́ dɔ nang kə́ kəndā man̄ a rāān tə́ ō, m-ā m̄-rāā kadə̄ ngán man̄ gə̄ a nūgə́n̄ dɔ nang kə́ tutə tə́ ō. M-ā m̄-ɓōkə́ ndílə́ḿ dɔ ngání gə̄ tə́ ō, m-ā m̄-tɔ́r̄ taḿ dɔ ngán kaaí gə̄ tə́ ō.

IJAI 59:19

Loo ń noō tə́, ḭḭ gír ɓē tə́ bátə́ no ɓē tə́ ní, de gə̄ malang a ɓōlə́n̄ gidə rī Kɔ́ɔ̄ɓē, nin̄ malang a ɓōlə́n̄ gidə kɔsə gɔn yān. A̰á̰ā̰, Kɔ́ɔ̄ɓē a rēē tītə̄ man̄ dɔ mbal̄ kə́ kum wól loo tə́ kə́ man̄ kə́ edə kə néĺ kə́ əla kə ngangá ngá̰ý mbəre gōn beé.

KƏLA RĀĀ 2:33

Nə́ɓā ɔsən kə̄ dɔɔ́ kə tɔ́gəneé, adə̄ ni-ənge Ndíĺ kə́ Táĺ ń Bɔbə̄ Ngōn̄ ənī míndən yā kadə̄ ní. I Ndíĺ kə́ Táĺ ngeé ń ni-ənge ní n ni-rāā adə̄ reē á á̰a̰ī ō, ōōī ō toó.

Najə̄ kə́ Majə yā Jeju ń Luk ndang ní 24:49

Ba mā tā a, m-ā m-ə́la kə nge ń Bɔbə́ḿ ənī míndən dɔ tə́ yā kadə̄sí ní, adə̄ a reē dɔsí tə́. Ní, sḭḭ̄ ī-ndiī kem ɓēé laā bátə́ kadə̄ Nə́ɓā əlań tɔ́gə́ kə́ dɔɔ́ kūbə̄ tə́ rɔ̄sí tə́.

2 KORḚNTƏ 3:8

kɔsə gɔn ń a dān̄ gō kəla yā Ndíĺ ní i ngá̰ý tɔȳ aĺ a?

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

PĀ GƏ̄ 104:30

Ḭ̄ ə́la koōí kemdə́ tə́ ɓá anī ndin̄ kə kumdə́ ō, dɔ nang tél kə́ kijə ō.

IJAI 63:11

Loo ń noō tə́ əga kem gír deē yān gə̄ dɔ yá̰á̰ kə́ mān̄ kɔ̄ɔ́ tə́, dɔ ɓāl̄ gə̄ ń Moijə i sedə́ tə́ ní: Nge ń teē kə gír deē yān gēé kum bā bo tə́ ní, kə ɓūtə̄ yá̰a̰ kul̄ yān gēé naā tə́ kə ngé ngɔ̄m̄ yá̰á̰ kul̄ yān gēé ní, ni i rá? Nge ń əndā ndílən dɔ dáńdə́ tə́ ní ni i rá?

IJAI 45:8

Dɔ rā̰, ə́yá̰ yá̰a̰ rāā yāí kə́ gōtə́ ādə̄ tə́sō tītə̄ tal beé. Ādə̄ kil̄ man̄ gə̄ rāān̄ adə̄ yá̰a̰ rāā yāí kə́ gōtə́ edə kə́ man̄ tə́! Ādə̄ dɔ nang teē tan adə̄ kajə hútə̄ ō, ādə̄ yá̰á̰ kə́ gōtə́ əɓa ō! Mā Kɔ́ɔ̄ɓē, m̄-rāā yá̰a̰ gə̄ ń noō malang.

Gōsə̄ najə̄ gə̄ 1:23

Ōōī gír kə́ kemḿ tə́. Á̰a̰ī, m-ā m̄-rāā kadə̄ ndílə́ḿ a risə dɔsí tə́, m-ā m-ə́dásí najə̄ yāḿ kadə̄ ī-gerī.

IJAI 35:7

Nán̄g ngárə̄ḿnjēý kə́ təngā a tél dang man̄ kə́ bo, nang kə́ kəndā man̄ a rāā de gə̄ tū tə́ a tél gō nang kə́ man̄ gə̄ a əɓan̄ nang tə́ tū tə́. Loo ń kété tal̄ gə̄ rāān̄ ɓē tū tə́ ní, mu tə̄ɓā ō mu papirus ō a əɓan̄ tū tə́.

PĀ GƏ̄ 107:35

Ni asə rāā kadə̄ dəla loo tél gáŕ man̄ ō, asə rāā kadə̄ loo kə́ kə̄sāá tél kəɓa man̄ ō.

PĀ GƏ̄ 107:33

I ni n i nge rāā kadə̄ bā gə̄ télən̄ dəla loo ō, ta kəɓa man̄ gə̄ télən̄ loo kə́ kəndā man̄ a rāā de gə̄ tū tə́ ō ní.

JA̰A̰ 7:39

Ni-əda najə̄ ń toō i tām̄ yā Ndíĺ kə́ Táĺ ń ngé taā kem gə̄ a əngen̄ ɓáý tə́ ní. Dan ngeé ń noō tə́ ní adə̄n̄ Ndíl reē aĺ ɓáý, i tɔdɔ̄ ɔsə gɔn Jeju aĺ ɓáý.

IJAI 28:6

Ni a adə̄ ngé gān̄g sarya gə̄ ndíĺ yá̰a̰ rāā kə́ gōtə́. Ngé mbəre madə̄ ba̰ā̰də́ gə̄ kə̄ gogə́ kɔ̄ɔ́ ta róbə́ kə́ yā kudəń kə̄ kem ɓēé tə́ ní, ni a adə̄də́ tɔ́gə́ ngá̰ý.

IJAI 59:21

Kɔ́ɔ̄ɓē əda najə̄ kə́ rang dɔ tə́ ɓáý: Ba mā ɓáa, ndūḿ ń m-ə̄nī m-ādə̄ ngé gə̄ ń noō ní n toó: Ndílə́ḿ i dɔsí tə́ ō, m-ə̄ndā najə̄ yāḿ tasí tə́ ō. Nin̄ i tām̄ yāsí tə́ ō, tām̄ yā ngáńsí gə̄ tə́ ō, i tām̄ yā ngán kaasí gə̄ tə́ ō, ngɔlaā ō njɔ́ḿ kə̄ no tə́ ō. M-ā m̄-tél yā taādə́ jīsí tə́ kɔ̄ɔ́ aĺ i kə́ bátə́ gə̄ tə́. I mā Kɔ́ɔ̄ɓē n m-ə́da na najə̄ ń noō i rɔ̄kum ní.

EJEKIEL 37:14

M-ā m-ə́lá ndílə́ḿ kemsí tə́, adə̄ ā ī-ndiī kə kumsí. M-ā m-ə̄ndāsí dɔ nang yāsí tə́. Loo ń noō tə́ ā ī-gerī kadə̄ i mā Kɔ́ɔ̄ɓē n m-ɔ̄r̄ najə̄ ní ō, m̄-rāā yá̰á̰ ń m-ə́dá ní ō. Najə̄ ń Kɔ́ɔ̄ɓē əda ní n noó.