IJAI 32:14 - Bibəl ta Sar̄

¹⁴ Əya̰n̄ kújə ndi mban̄g gə̄ kɔ̄ɔ́, ɓē ń ká̰a̰ de gə̄ ɓār̄ gijə gijə kemeé ní, deē kógə̄ḿ gē gətóo kemeé. Opel ō, kújə ngɔ̄m̄ ɓē kə́ ngāl̄ ɓururu ō ń i kem ɓē kə́ Jerusalem tə́ ní, télən̄ i dɔ nang gə̄ kə́ əya̰n̄də́ kɔ̄ɔ́ kə́ njɔ́ḿ gə̄ tə́. Kərō kə́ bembeé gə̄ əngen̄ rɔ̄nel̄ yādə́ i loo ń noō tə́ ō, ɓūtə̄ yá̰a̰ kul̄ gə̄ a əsan̄ mu i loo ń noō tə́ ō.

Bible sar

¹⁴ Əya̰n̄ kújə ndi mban̄g gə̄ kɔ̄ɔ́, ɓē ń ká̰a̰ de gə̄ ɓār̄ gijə gijə kemeé ní, deē kógə̄ḿ gē gətóo kemeé. Opel ō, kújə ngɔ̄m̄ ɓē kə́ ngāl̄ ɓururu ō ń i kem ɓē kə́ Jerusalem tə́ ní, télən̄ i dɔ nang gə̄ kə́ əya̰n̄də́ kɔ̄ɔ́ kə́ njɔ́ḿ gə̄ tə́. Kərō kə́ bembeé gə̄ əngen̄ rɔ̄nel̄ yādə́ i loo ń noō tə́ ō, ɓūtə̄ yá̰a̰ kul̄ gə̄ a əsan̄ mu i loo ń noō tə́ ō.

IJAI 32:14 Referans Kwoze

IJAI 27:10

Ɓē ń ngɔ̄mə̄n̄ majə ngá̰ý ní, deē i kemeé to̰ alé. Kemən i karī ō, əya̰nən̄ kɔ̄ɔ́ tītə̄ dəla loo beé ō. Ngán man̄g gə̄ a reēn̄ ko̰ó̰ i loo ń noō tə́ ō, a ɔrə̄n̄ koō i loo ń noō tə́ ō, əsan̄ mbī túpə́ kámbə gə̄ ō.

IJAI 25:2

Ḭ̄ ī-rāā ɓē ādə̄ tél i kɔkərɔ kə́ kán̄ dɔ naā tə́ bing. Ɓē ngeé ń toō ń ngɔ̄mə̄n̄ majə ní, i kə́ tétə̄ nang tə́ kɔ̄ɔ́. Ɓē kə́ ngan̄g ngá̰ý gə̄ yā tə̄rā gə̄ tél i ɓē to̰ alé, deē a tél yā rāān gogə́ to̰ aĺ i kə́ bátə́ gə̄ tə́.

IJAI 24:12

I kɔkərɔ kə́ kán̄ dɔ naā tə́ gə̄ ngóy n ton̄ kem ɓēé ní. Tetən̄ ta róbə́ kə́ yā kudəń kə̄ kem ɓēé kɔ̄ɔ́, ta róbə́ ní nujə sák sák kɔ̄ɔ́.

IJAI 24:10

Ɓē bo ń de gə̄ i ngá̰ý tū tə́ aĺ ní əsō, ta kújə gə̄ malang ran̄ i kə kutú, deē asə kudə kemeé to̰ alé.

Najə̄ kə́ Majə yā Jeju ń Luk ndang ní 21:24

A tɔ̄lə̄n̄də́ kə kaskaraá ō, a aw̄n̄ sedə́ ɓəloó dan nápar de gə̄ tə́ malang ō, adə̄ de gə̄ kə́ nin̄ i Jipə aĺ gə̄ a tə́ɓān̄ ɓē kə́ Jerusalem njadə́ tə́ bátə́ kadə̄ ndɔ̄ yā nápar de gə̄ təgāń.

Najə̄ kə́ Majə yā Jeju ń Luk ndang ní 21:20

Ba dan ń ā á̰a̰ī áskar gə̄ a gīrə̄n̄ gidə ɓē kə́ Jerusalem anī, ā ī-gerī kadə̄ ndɔ̄ rɔ̄ tō ndoō yān i ngɔr kɔ̄ɔ́.

IJAI 6:11

m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

IJAI 5:9

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda adə̄ m-ōō ní n toó: m̄-túbə̄ kə rɔ̄ḿ, a nujən̄ kújə gə̄ ń noō malang kɔ̄kə́. Kújə́ kə́ bo kə́ majə gə̄ ń noō, deē a ndi kemeé alé.

PĀ GƏ̄ 104:11

Dā̰ kə́ bembeé gə̄ malang asən̄ reē ka̰ȳ, kərō kə́ bembeé gə̄ a̰ȳn̄ adə̄ tɔ̄l̄ kəndā ń rāādə́ ní.

2 MBAN̄G 25:9

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, kújə gə̄ kə́ kem ɓēé tə́ ō, ba mandang ní ni tə́la hor i dɔ kújə yā de kə́ bo gə̄ tə́ malang.

IJAI 7:23

Ndɔ̄ ngeé ń noō tə́ ɓáý to̰ ní, ndɔr̄ kāgə̄ nduú kə́ kāgə̄ nduú gə̄ i dūbūú kemeé, kə́ gatən i sə́lē gində̄ arjā̰a̰ dūbú ní, a əya̰n̄ kɔ̄ɔ́ yā kadə̄ túpə kōn̄ gə̄.

IJAI 22:2

Jerusalem, i tām̄ rí tə́ á ḭ̄ i ɓē bo kə́ kōō de gə̄ kə́ kemií tə́ ɓār̄ ngá̰ý beē ō, de kə́ kemií tə́ gə̄ a̰a̰n̄ woy woy beé ō ní? De kə́ koy yāí gə̄ oyn̄ i ta rɔ̄ɔ̄ tə́ alé, i rɔ̄ɔ̄ n tɔ̄l̄də́ alé.

JEREMI 6:5

Ḭ́ḭī dɔɔ́, ə̄nīī rɔ̄ɔ̄ dan ndɔ̄ tɔyɔ̄ɔ́, jə-nujiī kújə yādə́ kə́ majə ngá̰ý gə̄.

JEREMI 14:6

Kərō kə́ bembeé gə̄ ran̄ dɔ loo kə́ kḭḭ kə̄ dɔɔ́ gə̄ tə́. Unən̄ sēē nél tītə̄ tal̄ gə̄. Gó̰ō̰n̄ mu sét kɔr rāādə́ tɔdɔ̄ mu gətóo.

JEREMI 33:4

Rɔ̄kum, Kɔ́ɔ̄ɓē Nə́ɓā yā Israel ɔr̄ najə̄ kə́ dɔ kújə gə̄ kə́ kem ɓē ń toō tə́ ō, kə́ dɔ kújə gə̄ yā mban̄g gə̄ kə́ Juda tə́ ō ń a nujən̄də́ kɔ̄ɔ́ kə ta kūl̄ nán̄g kə́ kɔsə dɔ naā tə́ ō, kaskar ō ní.

JEREMI 52:27

Mban̄g kə́ Babilon tɔ̄l̄də́ Ribəla, dɔ nang kə́ Hamat tə́. I beé n ɔyn̄neé de kə́ Juda gə̄ dɔ nang yādə́ tə́ aw̄n̄ sedə́ sa̰y kɔ̄ɔ́ ní.

OJEE 2:3

Ə́daī ngákó̰ó̰sí kə́ dəngam gə̄ na: Sḭḭ̄ i gír deē yāḿ gə̄ ō, ngákó̰ó̰sí kə́ dəyá̰ gə̄ na: Sḭḭ̄ i Kó tár gə̄ ō.

SOPONI 2:7

Juda gə̄ ń a teēn̄ ta yo tə́ ní, a ndin̄ gō nang ngeé ń noō tə́. Nin̄ a aw̄n̄ kə yá̰a̰ kul̄ yādə́ gēé loo ń noō tə́, ba loo tíbí anī, a aw̄n̄ ɓīí kem kújə gə̄ kə́ Askalon tə́ tə́. Tɔdɔ̄ Kɔ́ɔ̄ɓē Nə́ɓā yādə́ a rāā majə sedə́, adə̄ ni a tūr̄ yá̰á̰ ń a rāā yā reē kə̄ dɔdə́ tə́ ní.

SOPONI 2:15

Ninibə ń i ɓē kə́ ɔjə rɔ̄n ngá̰ý ní, a tél yā to i tītə̄ ń noō. De kə́ kemeé gə̄ ɔjə̄nə̄ń na yá̰a̰ na a rāādə́ aĺ ō, nin̄ gírə̄n̄ yá̰a̰ ədan̄ na de kə́ tītə̄də́ na gətóo ō. Adə̄ Ninibə tél i kɔkərɔ kə́ to dɔ naā tə́ bing, tél i loo ɓɔ̄ɔ̄ rɔ̄ yā dā̰ gə̄! De gə̄ malang ń mānə̄n̄ kadən tə́ ní, a əgan̄ kɔŕ kə́ ɔjə kadə̄ yá̰á̰ kə́ to ka̰ā̰ aĺ i noó ō, a rāān̄ i yá̰á̰ kə́ ɔjə kadə̄ nin̄ kídə̄n̄ loo ō.

2 YÁ̰A̰ GƏ̄ 33:14

Gō yá̰a̰ gə̄ ń noō tə́ anī Manase ənī ndogə̄ mbal̄ kə́ ngāl̄ ngá̰ý kum kə̄ dɔɔ́ gidə ɓē yā Dabid tə́. Ré deē ra loo ń man̄ Gihon a əɓa tū tə́ ní tə́ anī ndogə̄ ní i kə dām̄ kə́ no ɓē tə́. Ndogə̄ ní un gō kadə wól loo kə́ Sedəron ō, teē gidə ɓē kə́ Opel tə́ ō, ba aw̄ bátə́ ugə̄ ta róbə yā kānjə̄ gə̄ tə́. Manase tə́ndā ngol áskar gə̄ kem ɓē kə́ ngan̄g ngan̄g gə̄ kə́ Juda tə́ malang ō,

NEHEMI 3:26

Ngé kəla gə̄ ń ndin̄ Opel ní rāān̄ kəla ugə̄n̄ kújə́ kə́ ngāl̄ ɓururu kə́ teē kə̄ ndágá ń deē ra ta róbə yā man̄ tə́ anī i kə̄ dām̄ kə́ gír ɓē tə́ ní.

IJAI 3:26

Loo ń nōō tə́ ɓē kə taá malang a nōō rɔ̄n ō, a əhɔ ndoō ō. Ni a ndi nang tə́ tītə̄ dəyá̰ kə́ tḭ̄ḭ̄ ta yá̰a̰ malang kɔ̄ɔ́ beē.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.