IJAI 31:2 - Bibəl ta Sar̄

² Tá ni i de kə́ ɔl ō: Asə reē kə yá̰á̰ kə́ to kum kaȳ aĺ ō, ni-lōō gíŕ yá̰á̰ kə́ tōr̄ ń sāā rāā tə́ ní aĺ ō. Ɓūtə̄ yā de kə́ majaĺ gə̄ ní, ni-ḭḭ sedə́ kə rɔ̄ɔ́ ō, ni-mbātə́ rāā kə deé yā ngé rāā yá̰á̰ kə́ majaĺ ō.

Bible sar

² Tá ni i de kə́ ɔl ō: Asə reē kə yá̰á̰ kə́ to kum kaȳ aĺ ō, ni-lōō gíŕ yá̰á̰ kə́ tōr̄ ń sāā rāā tə́ ní aĺ ō. Ɓūtə̄ yā de kə́ majaĺ gə̄ ní, ni-ḭḭ sedə́ kə rɔ̄ɔ́ ō, ni-mbātə́ rāā kə deé yā ngé rāā yá̰á̰ kə́ majaĺ ō.

IJAI 31:2 Referans Kwoze

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

IJAI 45:7

Mā m̄-rāā loo kə́ unjə̄ kow ō, m̄-rāā loo kə́ ndɔ̄ɔ́ ō, m̄-rāā ndi majə ō, m̄-rāā yá̰á̰ kə́ to kum kaȳ aĺ ō. A̰á̰ā̰, i mā Kɔ́ɔ̄ɓē n m̄-rāā yá̰a̰ gə̄ ń noō malang ní.

Makətūbə̄ ń Jud ndang ní 1:25

ni ń i Nə́ɓā kə́ kal kógə̄ḿ beē kə́ nge kajəjí kə ta kūl̄ Kɔ́ɔ̄ɓē yājí Jeju Kərist ní, kɔsə gɔn i yān ō, i ni n i de kə́ bo ō, tɔ́gə i yān ō, ko̰o̰ ɓē i yān ō, kem ɓāl̄ gə̄ ń mānə̄n̄ kɔ̄ɔ́ tə́ ní ō, ngɔlaā ō, mbóńg kə̄ no tə́ ō. Adə̄ i tītə̄ ń noō.

Makətūbə̄ ń Pol ndang adə̄ Rom gə̄ ní 16:27

Kɔsə gɔn i yā Nə́ɓā, i nəkɔ́ kal kógə̄ḿ beē ngóy n i de kə́ nge kum kedə̄. Kadə̄ de gə̄ ɔsən̄ gɔnən kə ta kūl̄ Jeju Kərist kə dɔ ɓāl̄ gə̄ ɓāl̄ gə̄! Adə̄ i tītə̄ ń noō.

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

SOPONI 3:8

Kɔ́ɔ̄ɓē əda wáńg kə̄ ndágá na: I beé ní, ī-ngóōī ndɔ̄ ń kadə̄ m̄-reēń yā kəndā najə̄ dɔsí tə́ ní! m̄-gḛy kɔsə dɔ gotə nápar de kə́ rang gə̄ kə̄ naā tə́, m̄-gḛy kɔsə dɔ ɓē ko̰o̰ gə̄ kə̄ naā tə́, yā kadə̄ m̄-bə̄gań wōn̄g yāḿ kə́ ngá̰ý dɔdə́ tə́. A̰á̰ā̰, hor wōn̄g yāḿ a o̰o̰ dɔ nang kə taá malang.

AMOS 3:6

Deē a kɔĺ tōw̄ rɔ̄ɔ̄ kem ɓēé kanjə̄ kəla ɓōĺ kem de kə́ kem ɓēé gə̄ tə́ a? Yá̰á̰ kə́ to kum kaȳ aĺ kógə̄ḿ a reē dɔ ɓē tə́ kanjə̄ kadə̄ i Kɔ́ɔ̄ɓē n əlań a?

JEREMI 10:12

Tɔdɔ̄ Nə́ɓā i nge ń rāā dɔ nang kə ta kūl̄ tɔ́gəneé ō, əndā yá̰a̰ gə̄ kə kum kedə̄ yānneé ō, teē kem dɔ rā̰ kə̄ gogə́ kə gō yá̰a̰ ger̄ yānneé ō ní.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

EJEKIEL 29:6

Loo ń noō tə́, de kə́ Ejiptə gə̄ malang a gerə̄n̄ kadə̄ Kɔ́ɔ̄ɓē i mā. Dḭḭ̄ ń ī-dḭḭ̄ ngán Israel gə̄ ní hɔɔ́lɔ̄ tītə̄ yā mu tə̄ɓā beé.

JEREMI 36:32

Tā anī, Jeremi un ndāŕ ndang najə̄ kə́ ɓír̄ gidə naā tə́ kə́ rang adə̄ Baruk nge ndang makətūbə̄ kə́ ngōn̄ Neriya. Ni ndang najə̄ gə̄ malang ń Jeremi tə́dan á Joakim, mban̄g kə́ Juda tə́ róō kɔ̄ɔ́ ní kemeé. Ndangən̄ najə̄ kə́ rang kə́ tītə̄ ngé gə̄ ń noō gə̄ ngá̰ý kemeé ɓáý to̰ ō.

JEREMI 10:7

Mban̄g yā nápar de gə̄, i náā n a ɓōlíī aĺ ní? I ḭ̄ n de gə̄ ɓōĺnī ní. De kə́ nge kum kedə̄ kə́ tītīí dan nápar de gə̄ tə́ ō, kem ɓē ko̰o̰ gə̄ tə́ malang ō ní gətóo.

IJAI 32:6

Tām̄ de kə́ sapə gə̄ a ɔrə̄n̄ i najə̄ kə́ kumən gətóo gə̄. Yá̰á̰ ń nin̄ a gírə̄n̄ ní, i rāā yá̰á̰ kə́ majaĺ ngóy ō, a rāān̄ i yá̰á̰ kə́ majə ka̰ā̰ aĺ ngá̰ý gə̄ ō, a tájə̄n̄ i Kɔ́ɔ̄ɓē ō. Deē ń ɓō rāān ní, nin̄ adə̄nən̄ yá̰a̰ kəsa aĺ ō, deē ń kəndā man̄ rāān ní, nin̄ adə̄nən̄ man̄ ka̰ȳ aĺ ō.

IJAI 31:3

De kə́ Ejiptə tə́ gə̄ i deē ndul gə̄, nin̄ i nə́ɓā gə̄ alé. Sə́nda yādə́ gə̄ i dā̰ gə̄, nin̄ i yá̰á̰ kógə̄ḿ alé. Dan ń Kɔ́ɔ̄ɓē sə́ra jīn anī, nge rāā kə deé əsō ō, nge dəje kadə̄ rāān̄ seneé teē əsō kərim ō, nin̄ jōó mbak oyn̄.

IJAI 30:3

Banī ngɔ̄m̄ ń mban̄g ngeé ń toō a ngɔ̄m̄sí ní, a əla rɔ̄sɔl̄ dɔsí tə́. Loo ɓɔ̄ɔ̄ rɔ̄ɔ̄ ń ā ī-sāāī dɔ nang kə́ Ejiptə tə́ ní, a rāā kadə̄ ā ī-tḭ̄ḭ̄ ta hɔ̄r̄mɔ̄ yāsí.

IJAI 28:21

Kɔ́ɔ̄ɓē a rāā yá̰á̰ kógə̄ḿ tītə̄ ń rāań dɔ mbal̄ Perasim tə́ ní. Wōn̄g a rāān adə̄ ni a ndew tītə̄ ń ndewń wól loo kə́ Gabaon tə́ ní, yā rāań yá̰á̰ kógə̄ḿ ō, yā rāań kəla yān ō. Banī yá̰á̰ ń ni-rāā ní ɔr kum ngá̰ý, kəla ń ni-rāā ní i kəla kə́ rāā jóo alé!

IJAI 22:14

Banī Kɔ́ɔ̄ɓē kə́ bo kə́ tɔ́gən i ngá̰ý ədam̄ najə̄ ń toō adə̄ m-ōō, ni-əda na: m̄-túbə, yá̰á̰ kə́ gōtə́ aĺ ń ī-rāāī toó, a mā̰ȳn̄ rɔ̄də́ dɔ tə́ yā kadə̄sí alé i bátə́ kadə̄ óyiīń. Najə̄ ń Kɔ́ɔ̄ɓē Nə́ɓā kə́ bo kə́ tɔ́gən i ngá̰ý əda ní n noó.

1 SAMUEL 2:3

Ī-lōōī ndájə̄ najə̄ ō, ī-lōōī ngonjə̄ ō, tɔdɔ̄ Kɔ́ɔ̄ɓē i Nə́ɓā kə́ ger̄ yá̰a̰ malang. Ni i nge gān̄g sarya dɔ yá̰a̰ malang ń de gə̄ rāān̄ tə́ ní.

JOJUE 23:15

Tītə̄ ń Kɔ́ɔ̄ɓē Nə́ɓā yāsí rāā adə̄ najə̄ kə́ majə gə̄ ń ni ədasí ní rāān̄ yá̰á̰ ní, a rāā kadə̄ najə̄ kə́ majaĺ gə̄ malang ń ədasí ní rāān̄ yá̰a̰ ō. Njan a ra gōsí tə́ yā nujə sesí kɔ̄ɔ́ malang dɔ nang kə́ majə ń ni-adə̄sí tə́ ní.

TƏ́DA 10:35

Ré sandúkə madə̄ naā a ɔr̄ dɔɔ́ anī Moijə əda na: Kɔ́ɔ̄ɓē, ḭ́ḭ dɔɔ́ ādə̄ madə̄ ba̰ā̰í gə̄ tə̄ndān̄ naā tḭ̄ḭ̄n̄ kɔ̄ɔ́ ō, ādə̄ ngé rɔ̄ɔ̄í gə̄ a̰ȳn̄ naā kɔ̄ɔ́ noí tə́ ō.

Makətūbə̄ yā Job 5:13

I ni n i nge kəhɔ ngé kum kedə̄ gə̄ kə gūmbə̄ kum kedə̄ yādə́ nin̄ kɔ́ gɔ̄ɔ́ ní. Adə̄ kɔjə̄ yādə́ gə̄ kə́ kə kum kedēé ngá̰ý rāā yá̰á̰ kógə̄ḿ to̰ alé.

IJAI 1:4

I yá̰á̰ kə́ to kum kaȳ aĺ kə́ ba̰ý beē! Sḭḭ̄ nápar de gə̄ kə́ najə̄ i dɔdə́ tə́ gə̄, gír de gə̄ kə́ najə̄ tɔ̄l̄ deē i ngá̰ý dɔdə́ tə́ gə̄! Sḭḭ̄ i gír de kə́ ngé ngān̄g róbə gə̄, ngáń kə́ nujə kɔ̄ɔ́ gə̄! Sḭḭ̄ ə́ya̰ī Kɔ́ɔ̄ɓē kɔ̄ɔ́, usəsí dɔ Nə́ɓā kə́ táĺ yā Israel tə́ alé. Sḭḭ̄ ī-tūrī gidəsí tan tə́ kɔ̄ɔ́.

IJAI 9:17

A̰á̰ā̰, kem ndul i yá̰á̰ kə́ o̰o̰ loo tītə̄ hor kə́ o̰o̰ kōn̄ kə́ tayā tayā gə̄ beé. Hor ní əhɔ túpə kámbə gə̄ kə́ kem ku kāgə̄ gə̄ tə́ ō, rāā adə̄ sa hor kə́ ra kə ngālāá ɓururu ḭḭ ta kaw̄ dɔ rā̰ tə́ ō.

IJAI 14:20

Banī a dubīn̄ naā tə́ sedə́ alé, tām̄ ḭ̄ ī-nujə ɓē yāí kɔ̄ɔ́, ḭ̄ ī-rāā adə̄ gír deē yāí gə̄ gətóon̄ kɔ̄ɔ́. Dɔ de gə̄ a ndígə̄nal gír de kə́ ngé tɔ̄l̄ de gə̄ i kə́ bátə́ gə̄ tə́.

IJAI 28:29

Kɔ́ɔ̄ɓē kə́ bo kə́ tɔ́gən i ngá̰ý ní, loo rāā kəla kə́ tītə̄ ń noō ḭḭ i rɔ̄n tə́ ō. Ni i nge kadə̄ kɔjə̄ kə́ majə ngá̰ý. Ni ger̄ rāā yá̰á̰ ngá̰ý.

Makətūbə̄ yā Job 12:13

Ba kə́ rɔ̄kum tə́ ní, kum kedə̄ ō, tɔ́gə ō, i kem jī Kɔ́ɔ̄ɓē tə́. Kɔjə̄ ō, ger̄ kum yá̰a̰ ō, i yá̰a̰ yān gə̄.

Makətūbə̄ yā Job 12:16

Tɔ́gə, ō yá̰á̰ kə́ teē majə ō, i kem jī Kɔ́ɔ̄ɓē tə́. De kə́ nge ndúm̄ ō, nge rāān kadə̄ ndúm̄ ō ní, nin̄ i deē yān gə̄.

IJAI 21:17

Dan ngé rɔ̄ɔ̄ gə̄ kə́ Kedar tə́ ní, ngé kur gərā gə̄ a na̰yn̄ i sḛ́ý beē ngóy. Najə̄ ń Kɔ́ɔ̄ɓē, Nə́ɓā yā Israel, əda ní n noó.

IJAI 30:7

A̰á̰ā̰, rāā kə deé yā ɓē kə́ Ejiptə i nél karī, teē yá̰á̰ kógə̄ḿ aĺ bátə́. I tām̄ najə̄ ń toō tə́ n m-ə́da najə̄ kə́ dɔ ɓē ngeé ń toō tə́ na: Ni-a̰a̰ gajə gajə ngá̰ý, banī rāā yá̰á̰ kógə̄ḿ aĺ ní.