IJAI 31:1 - Bibəl ta Sar̄

¹ Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ táĺ yā Israel tə́ alé. Nin̄ sāān̄ Kɔ́ɔ̄ɓē alé.

Bible sar

¹ Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ *táĺ yā *Israel tə́ alé. Nin̄ sāān̄ Kɔ́ɔ̄ɓē alé.

IJAI 31:1 Referans Kwoze

PĀ GƏ̄ 20:7

Ngɔlaā m̄-ger̄ tā: Kɔ́ɔ̄ɓē tetə rɔ̄ɔ̄ adə̄ mban̄g ń ni gə̄rān ní. Ndi i kə̄ kem loo kə́ táĺ yān kə́ dɔ rā̰ tə́ tə́ n oōń ndūn ní. Jī ko̰n rāā yá̰á̰ kə́ to rī ɓār̄ tetəń rɔ̄ɔ̄ adə̄n.

JEREMI 17:5

Najə̄ ń Kɔ́ɔ̄ɓē əda ní n toó: Ndɔ̄ĺ i dɔ deē ń əndā kemən dɔ deē madə̄n gə̄ tə́ ō, əndā tɔ́gən dɔ yá̰á̰ kə́ dɔ nang tə́ gə̄ tə́ ō, mbātə́ Kɔ́ɔ̄ɓē ngarā̰ kemən tə́ ō ní.

NDŪ NAJƏ̄ 17:16

Mban̄g yāí a aw̄ kə sə́nda gə̄ ngá̰ý aĺ ō, a əla de gə̄ ngá̰ý mangaá dɔ nang kə́ Ejiptə tə́ aĺ ō. Tām̄ Kɔ́ɔ̄ɓē ədasí na: Ī-lōōī tél kun róbə́ gír njasí.

DANIEL 9:13

Yá̰á̰ kə́ to kum kaȳ aĺ ní reē dɔjí tə́ malang i tītə̄ ń ndangən̄neé kem makətūbə̄ ndū najə̄ yā Moijə tə́ ní. Banī jḭḭ jə-tūr̄ gidəjí kɔ̄ɔ́ ta yá̰a̰ rāājí kə́ gōtə́ aĺ gə̄ tə́ jə-sɔlə̄ń kem Kɔ́ɔ̄ɓē Nə́ɓā yājí aĺ ō, jə-nēl̄ mbījí j-oōń najə̄ kə́ rɔ̄kum yān jə-sɔlə̄ń kemən aĺ ō.

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

IJAI 36:9

Ḭ̄ ń ə̄ndā kemií dɔ kənge púsə rɔ̄ɔ̄ gə̄ ō sə́nda gə̄ ō jī ɓē kə́ Ejiptə tə́ ní, ā ásə rāā kadə̄ kógə̄ḿ dan ngol áskar gə̄ yā kɔ́ɔ̄ḿ tə́ tél kə̄ gogə́ i ba̰ý? Ká i ngol áskar gə̄ kə́ dūú gə̄gē a tél kə̄ gogə́ i ba̰ý?

IJAI 30:16

Sḭḭ̄ ə́daī na: I beé alé, j-a j-un sə́nda yā ka̰ȳń. I beé ɓá ní, a̰á̰ā̰, sḭḭ̄ ā ā̰yī naā. Sḭḭ̄ ə́daī to̰ na: Sə́nda yājí gə̄ a ngɔ̄də̄n̄ ngá̰ý. I beé ní, ngé ngɔ̄də̄sí gə̄ a a̰ȳn̄ ngɔ̄də̄ ngá̰ý ō.

IJAI 36:6

I dɔ ɓē kə́ Ejiptə tə́ a? Ə̄ndā kemií i dɔ tə̄ɓā kə́ tetə kɔ̄ɔ́ ń a sēr̄ jī náā nəkɔ́ ń a ndə̄nā rɔ̄n tū tə́ ní tə́ a? Parao̰ mban̄g kə́ Ejiptə i tītə̄ ń noō kə de gə̄ malang ń a əndān̄ kemdə́ dɔn tə́ ní.

OJEE 14:3

Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

OJEE 7:7

Nin̄ malang ní, təngān̄ tītə̄ púŕ mápa beé ō, nin̄ tɔ̄lə̄n̄ ngār yādə́ gə̄ ō. Mban̄g yādə́ gə̄ malang tə́sōn̄ kɔ̄ɔ́ ō, de kə́ sāā njaḿ mā gətóo ō.

EJEKIEL 17:15

Banī mban̄g kə́ kijə ní mbātə́ ta mban̄g kə́ Babilon, adə̄ əla de gə̄ Ejiptə tə́, kadə̄ ɓē kə́ Ejiptə adə̄n sə́nda gə̄ ō, ngé rɔ̄ɔ̄ gə̄ ngá̰ý ō. Deē ń rāā yá̰á̰ ń noō ní a asə a? Deē ń rāā yá̰a̰ beé ní a asə kaw̄ kum kə̄ kété a? A̰ á̰, ni a asə teē kum tə́ alé, tām̄ ni-ra dɔ ndūn ń ənī tə́ ní alé.

IJAI 9:13

Loo ń noō tə́, kem ndɔ̄ kógə̄ḿ beē tə́ ní, Kɔ́ɔ̄ɓē gān̄g dɔ ō kə̄lá ō kɔ̄ɔ́ dɔ nang kə́ Israel tə́. Ni-gān̄g ta jī kāgə̄ túmbur kɔ̄ɔ́ ō, gān̄g mu tə̄ɓā kɔ̄ɔ́ ō.

IJAI 22:11

Sḭḭ̄ ī-rāāī bəlo kə́ yā kadə̄ man̄ aw̄ kemeé dɔ dán ndogə̄ mbal̄ kə́ jōó gə̄ tə́, tām̄ yā man̄ kə́ kem jóo man̄ kə́ bo kə́ jóó tə́ tə́. Banī deē ń rāā yá̰á̰ á yá̰a̰ gə̄ ń noō malang rāānəń yá̰á̰ ní, sḭḭ̄ ī-tūrī kumsí kə̄ rɔ̄n tə́ alé. Ni-əndā dɔ yá̰a̰ gə̄ ní danaá i jóó ngá̰ý, banī sḭḭ̄ á̰a̰ī alé.

2 YÁ̰A̰ GƏ̄ 16:7

Dan ngé ń noō tə́ ní Hanani nge ka̰a̰ yá̰a̰ reē ənge Asa mban̄g kə́ Juda ba ədan na: Dan ń ə̄ndā tɔ́gí i dɔ mban̄g kə́ Aram tə́ ba i dɔ Kɔ́ɔ̄ɓē Nə́ɓā yāí tə́ aĺ ɓá ní, ādə̄ i ngé rɔ̄ɔ̄ gə̄ yā mban̄g kə́ Aram ta róbə teē kɔ̄ɔ́ gíŕ tɔ́gə yāí tə́.

IJAI 57:9

Ḭ̄ āw̄ rɔ̄ mban̄g kə́ bo tə́ kə yibīí ō, kə ítirií ō, ḭ̄ ə́la de gə̄ adə̄ aw̄n̄ bátə́ ugə̄n̄ sa̰y ngá̰ý, nin̄ i sa̰y kə loo ń toō. Ḭ̄ ī-risə nang tə́, āw̄ bátə́ ūgə̄ loo ń de kə́ koy kɔ̄ɔ́ gə̄ ndin̄ tū tə́ ní tə́.

IJAI 5:12

Nin̄ əsan̄ yá̰a̰ ō, a̰ȳn̄ yá̰a̰ ō, adə̄ mān̄ dɔ majən. Dānə̄n̄ gō yá̰a̰ gə̄ ní i kə kənde kə́ laa kə́ kugə ō, i kə kənde kə́ karī kə́ kugə ō, i kə kɔdɔɔ́ ō, i kə nalaá ō. Banī yá̰á̰ ń Kɔ́ɔ̄ɓē rāā ní, nin̄ a̰a̰n̄ alé. Nin̄ a̰a̰n̄ kəla rāān alé.

IJAI 2:7

Gində̄ arjā̰a̰ ō, lɔ́r ō, yá̰a̰ kənge gə̄ kə́ deē asə tə́da kutədə́ aĺ gə̄ ō, taān̄ loo kem ɓē yān tə́ ō, sə́nda gə̄, kə púsə rɔ̄ɔ̄ gə̄, taān̄ loo kem ɓē yān tə́ ō.

OJEE 11:5

Ngán Israel gə̄ a tə́lən̄ yā kaw̄ gogə́ dɔ nang kə́ Ejiptə tə́ alé, banī i dɔ nang kə́ Asiri n a téĺ kɔ́ɔ̄də́ ní. Tɔdɔ̄ nin̄ mbātə́n̄ tél reē gogə́ rɔ̄ḿ tə́.

IJAI 64:7

Tá Kɔ́ɔ̄ɓē, ḭ̄ i bɔbə̄jí. Jḭḭ i nánjə, ba ḭ̄ i kɔdə̄ jóo. Jḭḭ malang ní ī-rāājí kə jīí.

NDŪ NAJƏ̄ 20:1

Ré āw̄ yā rɔ̄ɔ̄ madə̄ ba̰ā̰í gə̄, ba á̰á̰ sə́nda gə̄ ō, púsə rɔ̄ɔ̄ gə̄ ō, kósə de gə̄ kə́ kutədə́ i ngá̰ý tɔȳ yāí ō anī, ī-lōō ɓōĺ. Tɔdɔ̄ Kɔ́ɔ̄ɓē Nə́ɓā yāí ń teē seí kɔ̄ɔ́ kem ɓē kə́ Ejiptə tə́ ní i naā tə́ seí.

IJAI 10:17

Kɔ́ɔ̄ɓē ń i loo kə́ unjə̄ kow yā Israel ní, a tél hor kógə̄ḿ. Ta ndo̰ hor gə̄ yā Nə́ɓā kə́ táĺ a əla hor tū túpə kōn̄ gə̄ tə́ ō, hor ní a o̰o̰də́ i kem ndɔ̄ kógə̄ḿ beē ō.

IJAI 20:5

Ngé gə̄ ń ənīn̄ kemdə́ mámák adə̄n̄ ɓē kə́ Etiopi, aláa ɔjən̄ rɔ̄də́ najə̄ rāā kə́ ɓē kə́ Ejiptə a rāā sedə́ tə́ ní, ɓōĺ a rāādə́ ō, rɔ̄də́ a sɔl̄də́ ō.

IJAI 43:15

Mā i Kɔ́ɔ̄ɓē ō, Nə́ɓā yāsí kə́ táĺ nge kəndā Israel, mban̄g yāsí.

JEREMI 37:7

Najə̄ ń mā Kɔ́ɔ̄ɓē, Nə́ɓā yā Israel m-ə́dá ní n toó: Najə̄ ń ā ə́daī mban̄g kə́ Juda tə́ ń əlasí rɔ̄ḿ tə́ ní n toó: Ɓūtə̄ ngé rɔ̄ɔ̄ gə̄ yā Parao̰ ń ḭḭn̄ Ejiptə tə́ ba reēn̄ yā dḭḭ̄sí ní tél aw̄n̄ gogə́ ɓē yādə́ tə́ kɔ̄ɔ́.

JEREMI 42:14

adə̄ ə́daī na: A̰ á̰, jə-gḛy kaw̄ Ejiptə tə́ kadə̄ rɔ̄ɔ̄ rāājí to̰ aĺ ō, kadə̄ kōō tōw̄ yā ngé kaw̄ ta rɔ̄ɔ̄ tə́ gə̄ ɓār̄ ta mbījí tə́ to̰ aĺ ō, kadə̄ jə-nal̄ yá̰a̰ kəsa to̰ aĺ ō, ré ə́daī na jə-gḛy i ndi ɓē Ejiptə tə́ ō anī,

EJEKIEL 29:16

Yá̰á̰ kə́ kadə̄ ngán Israel gə̄ əndānəń kemdə́ dɔdə́ tə́ to̰ a gətóo. Nin̄ a rāān̄ majaĺ ń i tūr̄ rɔ̄də́ kə̄ rɔ̄ de gə̄ kə́ Ejiptə tə́ ní to̰ alé. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

OJEE 11:9

M-ā m̄-bə̄gā wōn̄g yāḿ kə́ ngá̰ý alé, m-ā m̄-tél yā reē nujə ɓē kə́ Epəraim kɔ̄ɔ́ alé. Tɔdɔ̄ mā i Nə́ɓā, ba i deē ndul alé. Epəraim, ɓēé looí ní, mā i Nə́ɓā kə́ táĺ ō, m-ā m̄-reē kə wōngōó aĺ ō.

HABAKUK 1:12

Nəkɔ́ ń jóo toó ní, i ḭ̄ n i Kɔ́ɔ̄ɓē ní. Ḭ̄ i Nə́ɓā yāḿ. Ḭ̄ i de kə́ Táĺ ō, ḭ̄ óy aĺ ō. Kɔ́ɔ̄ɓē, ḭ̄ ī-gə̄rā Babilon gə̄ yā rāań sarya sejí. Ḭ̄ i mbal̄ yāḿ kə́ ngan̄g. Ḭ̄ ī-mēr̄də́ kəndají, najə̄ yá̰a̰ rāājí kə́ gōtə́ aĺ tə́.

HABAKUK 3:3

Nə́ɓā ḭḭ i Teman n reē ní. Nə́ɓā kə́ táĺ ḭḭ i mbal̄ bo gə̄ kə́ Paran tə́. Bo yān taā loo malang dɔ rā̰ tə́ ō, tɔ̄ȳ kə́ de gə̄ tɔ̄ȳnən̄ taā loo malang dɔ nang tə́ ō.

TA KƏLA 47:17

Nin̄ reēn̄ kə yá̰a̰ kul̄ yādə́ gēé adə̄n̄ Jəjep. Ni adə̄də́ yá̰a̰ kəsa taāń sə́nda gə̄ ō, batə̄ gə̄ ō, bə̄yā̰ gə̄ ō, man̄g gə̄ ō, kərō gə̄ ō. Jəjep adə̄də́ yá̰a̰ kəsa ɓāl̄ ngeé ń noō tə́ taāń yá̰a̰ kul̄ yādə́ gə̄ malang.

2 YÁ̰A̰ GƏ̄ 16:9

Tām̄ kum Kɔ́ɔ̄ɓē a̰a̰ loo dɔ nang tə́ malang i yā kɔsəń kíĺ ngé gə̄ ń kemdə́ i yān kə taá malang ní kə̄ dɔɔ́. I beé n a ī-rāā yá̰a̰ i tītə̄ de kə́ kur̄ dɔn gətóo ní. Adə̄ əla gír ɓōólaā bátə́ kə̄ no tə́ ní ā ī-ra i dan rɔ̄ɔ́.

Makətūbə̄ yā Job 39:11

Ā ə̄nī kemií mámák yā kadə̄n ō, ā ə́ya̰ kəla yāí jīn tə́ ō, tām̄ tɔ́gən kə́ ngá̰ý tə́ a?

IJAI 9:12

Kɔ́ɔ̄ɓē ənda gír deē yān gə̄, banī Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

JAKARI 10:5

Nin̄ a ton̄ tītə̄ go̰ rɔ̄ɔ̄ gə̄ beé. Nin̄ a rējə̄n̄ ngé rɔ̄ɔ̄də́ gə̄, tītə̄ bɔr kə́ kum róbə kɔsɔɔ́ beē. Nin̄ a rɔ̄ɔ̄n̄ tītə̄ ń noō i tɔdɔ̄ mā ń i Kɔ́ɔ̄ɓē ní, mā i sedə́ naā tə́. Rɔ̄ ngé kal̄ sə́nda yā madə̄ ba̰ā̰ gə̄ a sɔl̄də́.