IJAI 30:7 - Bibəl ta Sar̄

⁷ A̰á̰ā̰, rāā kə deé yā ɓē kə́ Ejiptə i nél karī, teē yá̰á̰ kógə̄ḿ aĺ bátə́. I tām̄ najə̄ ń toō tə́ n m-ə́da najə̄ kə́ dɔ ɓē ngeé ń toō tə́ na: Ni-a̰a̰ gajə gajə ngá̰ý, banī rāā yá̰á̰ kógə̄ḿ aĺ ní.

Bible sar

⁷ A̰á̰ā̰, rāā kə deé yā ɓē kə́ Ejiptə i nél karī, teē yá̰á̰ kógə̄ḿ aĺ bátə́. I tām̄ najə̄ ń toō tə́ n m-ə́da najə̄ kə́ dɔ ɓē ngeé ń toō tə́ na: Ni-a̰a̰ gajə gajə ngá̰ý, banī rāā yá̰á̰ kógə̄ḿ aĺ ní.

IJAI 30:7 Referans Kwoze

IJAI 2:22

I beé ní, ə́ya̰ī deē ndul gə̄! Ndidə́ kə kumdə́ i koō ngóy. Ní, nin̄ i rí kógə̄ḿ?

OJEE 5:13

Epəraim ger̄ kadə̄ ni i mo̰y ō, Juda ger̄ kadə̄ ni-ənge do ō. Loo ń noō tə́ Epəraim tūr̄ rɔ̄n kə̄ rɔ̄ Asiri tə́, ni-əla de gə̄ rɔ̄ mban̄g kə́ bo kə́ ɓē ngeé ń noō tə́. Banī mban̄g ní asə rāā kadə̄ rɔ̄sí ngáā aĺ ō, asə rāā kadə̄ do yāsí edə̄ aĺ ō.

NŌŌ RƆ̄ 3:26

Majə kadə̄ deē əndā kemən dɔ kajə yā Kɔ́ɔ̄ɓē tə́ kə tan kə́ mbóó.

IJAI 7:4

Ā ə́dan na: Á̰a̰ gō rɔ̄í majə! Ī-ndi jəke, ī-lōō ɓōĺ. Ī-lōō kadə̄ wōn̄g kə́ ngá̰ý yā Resin ń i de kə́ Aram ní ō, yā ngōn̄ Remalia ō, ɔr̄ tɔ́gí. Mban̄g gə̄ ń noō i ta kīr̄ hor kə́ jōó gə̄ kə́ a sūn̄ sa ngóy.

Teē Ngán Israel gə̄ 14:13

Moijə tél ədadə́ na kə lōōn̄ ɓōĺ, ba kə əhɔn̄ kemdə́ ngan̄g na a a̰a̰n̄ loo kajə ń Kɔ́ɔ̄ɓē na a ajədə́ ní ɓōólaā. De kə́ Ejiptə gə̄ ń na a̰a̰n̄də́ ɓōólaā toó na a a̰a̰n̄də́ gogə́ to̰ alé i kə́ bátə́ gə̄ tə́.

JEREMI 37:7

Najə̄ ń mā Kɔ́ɔ̄ɓē, Nə́ɓā yā Israel m-ə́dá ní n toó: Najə̄ ń ā ə́daī mban̄g kə́ Juda tə́ ń əlasí rɔ̄ḿ tə́ ní n toó: Ɓūtə̄ ngé rɔ̄ɔ̄ gə̄ yā Parao̰ ń ḭḭn̄ Ejiptə tə́ ba reēn̄ yā dḭḭ̄sí ní tél aw̄n̄ gogə́ ɓē yādə́ tə́ kɔ̄ɔ́.

IJAI 51:9

Ī-ndól̄, Kɔ́ɔ̄ɓē, ī-ndól̄! Ɔ́jə́ tɔ́gí! Ī-ndól̄ tītə̄ kə́ kété, tītə̄ kə́ kété jóo! Rahab ń i dā̰ man̄ kə́ majaĺ ngá̰ý kə́ kum bā bo tə́ ní, i īkɔ́ bang n ɔ́sən ba ī-gángən naā tə́ bét bét ní.

IJAI 30:15

Najə̄ ń Kɔ́ɔ̄ɓē, ni ń i Nə́ɓā kə́ táĺ yā Israel Najə̄ ń əda ní n toó: Ā ájiī i loo ń ī-tūrī rɔ̄sí kə̄ rɔ̄ḿ tə́ ō, ī-raī jəke ngóy ō ní. Tɔ́gə́sí kə́ kal kógə̄ḿ beē i kadə̄ ī-raī jəke ō, kadə̄ ə̄ndāī kemsí dɔḿ tə́ ō, i kadə̄ ə̄nī kemsí ādə̄mī ō. Banī sḭḭ̄ ɔ́diī alé.

IJAI 28:12

Tá i kə́ ni ədadə́ kété na: Loo ń toō i loo kə́ loo to lɔm tū tə́. Deē ń kɔr rāān ní, ə́ya̰in̄ ādī taā koō. Loo ń toō i loo kə́ loo to jəke tū tə́. Banī nin̄ ndigən̄ koō alé.

Makətūbə̄ yā Job 9:13

Nə́ɓā əhɔ gír wōn̄g yān alé. Dā̰ man̄ kə́ kum bā bo tə́ gə̄, adə̄ i Rahab nin̄ kə ngé rāā seneé gēé ní, tɔ́gə́də́ gətóó gír njan tə́.

PĀ GƏ̄ 87:4

M-ə́da najə̄ yā de kə́ Ejiptə gə̄ ō de kə́ Babilon gə̄ ō Pilistin gə̄ ō Tir gə̄ ō de kə́ Etiopi gə̄ ō ta kum ngé gə̄ ń ger̄mə̄n̄ tə́ ní. Rɔ̄kum, ojən̄də́ i kem ɓē gə̄ ń noō tə́.

PĀ GƏ̄ 89:10

I ḭ̄ n i nge kɔgə̄ bā bo kɔjə rɔ̄n ní, dan ń ḭḭ bububu anī, i ḭ̄ n i nge rāā kadə̄ tél to jəke ní.

IJAI 10:3

Dan ń Kɔ́ɔ̄ɓē a rāā yá̰a̰, dan ń yá̰á̰ kə́ to kum kaȳ aĺ a ḭḭ sa̰y yā reē ní, ā ī-rāāī i ba̰ý? I náā n ā ā̰yī yā kaw̄ looneé kadə̄ rāā sesí ní? Ā ə́ya̰ī yá̰a̰ kənge yāsí gə̄ i loo kə́ rá tə́?

IJAI 20:6

Ndɔ̄ ngeé ń noō tə́ ní, ngé gə̄ ń ndin̄ ɓē ta bā bo tə́ ní, a ədan na: Yá̰á̰ ń a rāā ngé gə̄ ń j-əndāī kemjí dɔdə́ tə́ ní n noó! Jə-ndigiī ɓɔ̄ɔ̄ rɔ̄jí ɓēé loodə́ i yā kəngeń rāā kə́ kadə̄ rāān̄ sejí ō, kadə̄ gāngə̄n̄ dɔjí jī mban̄g kə́ Asiri tə́ ō.

IJAI 30:5

Banī nin̄ malang ní rɔ̄də́ a sɔl̄də́ ngá̰ý, najə̄ yā gír de gə̄ kə́ a asən̄ rāā yá̰á̰ kógə̄ḿ tām̄ yādə́ tə́ aĺ tə́. De kə́ Ejiptə gə̄ a adə̄n̄sí yá̰á̰ kógə̄ḿ yā rāań sesí aĺ ō, a adə̄n̄sí yá̰á̰ kə́ a rāā majə sesí aĺ ō. Nin̄ a əlan̄ i rɔ̄sɔl̄ dɔsí tə́ ngóy ō, a rāān̄sí kadə̄ ā ī-tḭ̄ḭ̄ ta hɔ̄r̄mɔ̄ yāsí kɔ̄ɔ́ ō.

IJAI 36:9

Ḭ̄ ń ə̄ndā kemií dɔ kənge púsə rɔ̄ɔ̄ gə̄ ō sə́nda gə̄ ō jī ɓē kə́ Ejiptə tə́ ní, ā ásə rāā kadə̄ kógə̄ḿ dan ngol áskar gə̄ yā kɔ́ɔ̄ḿ tə́ tél kə̄ gogə́ i ba̰ý? Ká i ngol áskar gə̄ kə́ dūú gə̄gē a tél kə̄ gogə́ i ba̰ý?

Gōsə̄ najə̄ gə̄ 25:19

Kənā kemií kadə̄ de kə́ sew aĺ dan ń wur kɔl əsōń dɔí tə́ ní, to i tītə̄ gɔgə de kə́ yéȳ beé ō nja de kə́ əhɔ dɔ nang aĺ beé ō.