IJAI 30:6 - Bibəl ta Sar̄

⁶ Dā̰ gə̄ kə́ ətōn̄ yá̰a̰ ədan̄ dan dəla loo kə́ Negeb a mānə̄n̄. I gō nang yā wur kɔl kə́ nge rāā kadə̄ deē ndew ndew sōl̄ ō. Ɓɔl kə́ dəngam gə̄ ō, ɓɔl kə́ dəyá̰ gə̄ ō, lī kakə́m gə̄ ō, dā̰ kə́ majaĺ gə̄ kə́ a ḭḭn̄ bɔ̄gə̄ ō, ndin̄ tū tə́. Ngámbang kəla yāsí gə̄ ətōn̄ yá̰a̰ kənge yādə́ gə̄ ō, yá̰a̰ ɓɔ̄ɔ̄ yādə́ kə́ gātə̄də́ i ngá̰ý gə̄ ō, gidə kərō gə̄ tə́ ō, dɔ gɔ́sə́ jámbal gə̄ tə́ ō. I kadə̄ karī gə̄ kə́ tām̄ yā gír de gə̄ kə́ asən̄ rāā yá̰á̰ kógə̄ḿ tām̄ yādə́ tə́.

Bible sar

⁶ Dā̰ gə̄ kə́ ətōn̄ yá̰a̰ ədan̄ dan dəla loo kə́ Negeb a mānə̄n̄. I gō nang yā wur kɔl kə́ nge rāā kadə̄ deē ndew ndew sōl̄ ō. Ɓɔl kə́ dəngam gə̄ ō, ɓɔl kə́ dəyá̰ gə̄ ō, lī kakə́m gə̄ ō, dā̰ kə́ majaĺ gə̄ kə́ a ḭḭn̄ bɔ̄gə̄ ō, ndin̄ tū tə́. Ngámbang kəla yāsí gə̄ ətōn̄ yá̰a̰ kənge yādə́ gə̄ ō, yá̰a̰ ɓɔ̄ɔ̄ yādə́ kə́ gātə̄də́ i ngá̰ý gə̄ ō, gidə kərō gə̄ tə́ ō, dɔ gɔ́sə́ jámbal gə̄ tə́ ō. I kadə̄ karī gə̄ kə́ tām̄ yā gír de gə̄ kə́ asən̄ rāā yá̰á̰ kógə̄ḿ tām̄ yādə́ tə́.

IJAI 30:6 Referans Kwoze

NDŪ NAJƏ̄ 8:15

I ni n rāā sesí adə̄ ī-njə̄rāīneé kem dəla loo kə́ bo ngá̰ý tə́ ō, to ɓōĺ ngá̰ý tə́ ō ń lī kə́ do̰ tōr̄ ngá̰ý gə̄ ō, gə́na gə̄ ō, i ngá̰ý tū tə́ ní. I loo kə́ kəndā a rāā deē tū tə́ banī deē a ənge man̄ tū tə́ yā ka̰ȳ alé. Ba ni-rāā adə̄ man̄ teē tū mbal̄ kə́ ngan̄g ngá̰ý tə́ tām̄ yāsí tə́.

JEREMI 11:4

Najə̄ ń m̄-ndang m-ādə̄ kaasí gə̄ dan ń m̄-teēń sedə́ kɔ̄ɔ́ kem ɓē kə́ Ejiptə tə́ ō, kum hor nō gində̄ tə́ ō ní, m-ə́dá na: Ōōī ndūḿ ō, ī-rāāī yá̰a̰ malang ń m̄-ndang m-ādə̄sí ō. I beé n sḭḭ̄ a ī-téliīneé gír deē yāḿ gə̄ ō, mā mā i Nə́ɓā yāsí ō ní.

1 MBAN̄G GƏ̄ 10:2

Reē ugə̄ Jerusalem kə de kə́ ngá̰ý gēé gōn tə́ ō, kə jámbal gə̄ kə́ ətōn̄ yá̰á̰ kə́ kotə majə gə̄ ō, lɔ́ŕ kə́ ngá̰ý ō, mbal̄ gə̄ kə́ gātə̄də́ i ngá̰ý gə̄ ō. Dan ń ugə̄ rɔ̄ Salomo̰ tə́ anī, yá̰a̰ malang ń ni núm̄ kemən tə́ yā kɔr̄ seneé ní ɔr̄ seneé.

NDŪ NAJƏ̄ 4:20

Banī Kɔ́ɔ̄ɓē ɔysí sḭḭ̄ teē sesí kɔ̄ɔ́ kem ɓē kə́ Ejiptə ń rāā rɔ̄n i hor nō gində̄ tə́ kə́ njɔ́ḿ gə̄ tə́ ní, yā kadə̄ ī-téliī gír deē yān gə̄ kə́ yá̰a̰ halan gə̄ tə́ tītə̄ ń ī-ndiīneé jīsí tə́ ɓōólaā toó.

MATIYE 12:42

Ndɔ̄ sarya tə́ anī, mban̄g kə́ dəyá̰ kə́ dām̄ mbɔ́r ɓē kə́ geleé tə́ a ḭḭ yā gān̄g sarya dɔ de kə́ ngɔlaā gə̄ tə́. Tɔdɔ̄ ni-ḭḭ i ta ngóy dɔ nang tə́ nú n-reē koō kum kedə̄ yā Salomo̰ tə́ ní. Ba kə́ tɔȳ Salomo̰ i laā.

OJEE 12:1

Kɔ́ɔ̄ɓē əda na: Gír deē yā Epəraim gə̄ sorə̄n̄ gīr̄nəń gidəḿ. A̰á̰ā̰, Israel gə̄ ɓír̄mə̄n̄ kə gól̄ looó. Deē yā Juda gə̄ i seḿ ɓáý, banī nin̄ na̰yn̄ kə̄ loo kəhɔ gō nə́ɓā kə́ rang gə̄ tə́.

JEREMI 2:6

Nin̄ mbātə́n̄ kəda na: Kɔ́ɔ̄ɓē ń teē sejí kɔ̄ɔ́ kem ɓē kə́ Ejiptə tə́ ō, ni i nge ɔr̄ nojí kem dəla loo tə́ ō, dɔ nang kə́ i kə̄sā gə̄ ō, i mbḛ̄ gə̄ ō n i tū tə́ ō, kem ɓē kə́ loo laa ō, ndíl yo ō, i tū tə́ ō, kem ɓē ń deē kógə̄ḿ kə́ mān̄ tū tə́ gətóo ō, kem ɓē ń deē kógə̄ḿ kə́ ndi tū tə́ gətóo ō ní i rá?

IJAI 57:9

Ḭ̄ āw̄ rɔ̄ mban̄g kə́ bo tə́ kə yibīí ō, kə ítirií ō, ḭ̄ ə́la de gə̄ adə̄ aw̄n̄ bátə́ ugə̄n̄ sa̰y ngá̰ý, nin̄ i sa̰y kə loo ń toō. Ḭ̄ ī-risə nang tə́, āw̄ bátə́ ūgə̄ loo ń de kə́ koy kɔ̄ɔ́ gə̄ ndin̄ tū tə́ ní tə́.

IJAI 19:4

M-ā m-ə́la dɔ ɓē kə́ Ejiptə gíŕ tɔ́gə yā ngol kógə̄ḿ kə́ kumən o̰o̰n aĺ tə́, mban̄g kógə̄ḿ kə́ nelə̄n rāā de gə̄ yá̰á̰ kə́ tōr̄ a ndi dɔn tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ō ní, əda ní n toó:

IJAI 15:7

I tām̄ najə̄ ń toō tə́ n de gə̄ ɔyn̄ gotə yá̰a̰ kənge yādə́ kə́ na̰y gə̄ kɔ̄ɔ́ ní, gotə yá̰a̰ kənge yādə́ gə̄ ń nin̄ rāān̄ bátə́ ba ngɔ̄mə̄n̄ ní. Nin̄ ɔyn̄ aw̄nəń kə̄ kété sa̰y ɓáý, gidə man̄ kāgə̄ popəliye gə̄ tə́ kə̄ nú.

IJAI 8:22

ba gō tə́ anī a a̰a̰n̄ loo nang tə́. Yá̰á̰ ń nin̄ a əngen̄ ní i wur kɔl ō, i loo kə́ risə til ō, i sōl̄ kə́ to ɓōĺ ngá̰ý ō, i loo kə́ ndul ndí ndḭ́ ō ō, ngóy.

2 YÁ̰A̰ GƏ̄ 16:2

Asa ɔy gində̄ arjā̰a̰ ō, lɔ́r ō, kə́ loo ngɔ̄m̄ yá̰a̰ kənge kə́ kem kújə yā Kɔ́ɔ̄ɓē tə́ ō, kə́ loo ngɔ̄m̄ yá̰a̰ kənge kə́ kem kújə yā mban̄g tə́ ō, ba əlań adə̄ Ben Hadad mban̄g kə́ Aram ń ndi Damas ní tə́. Ni ədan na:

2 YÁ̰A̰ GƏ̄ 9:1

Mban̄g kə́ dəyá̰ kə́ Saba oō najə̄ yā Salomo̰ anī reē dəjen najə̄ kə́ ngan̄g gə̄ tə́ nāań kum kedə̄ yān. Ni-reē Jerusalem i kə de gēé ngá̰ý gōn tə́ ō, kə jámbal gə̄ kə́ ətōn̄ yá̰á̰ kə́ kotə majə gə̄ ō, lɔ́ŕ kə́ ngá̰ý ō, mbal̄ gə̄ kə́ gātə̄də́ i ngá̰ý gə̄ ō. Dan ń ugə̄ rɔ̄ Salomo̰ tə́ anī dəjen najə̄ gə̄ malang ń ni núm̄ dəjen ní.

NDŪ NAJƏ̄ 17:16

Mban̄g yāí a aw̄ kə sə́nda gə̄ ngá̰ý aĺ ō, a əla de gə̄ ngá̰ý mangaá dɔ nang kə́ Ejiptə tə́ aĺ ō. Tām̄ Kɔ́ɔ̄ɓē ədasí na: Ī-lōōī tél kun róbə́ gír njasí.

Teē Ngán Israel gə̄ 1:14

Adə̄n̄ a rāān̄ i kəla kə́ ngan̄g gə̄ adə̄ rɔ̄də́ atə̄də́ ngá̰ý: I kəla ndām̄ bɔr ō, kɔr̄ bəríkə ō, kəla ndɔr̄ gə̄ malang ō. Nin̄-tə́ndān̄ kəla gə̄ dɔdə́ tə́ kə gúú.

TA KƏLA 12:9

Abəram ndi ɓáa ndɔ́təń sḛ́ý sḛ́ý kum kə̄ gō nang kə́ Negeb tə́.

TƏ́DA 21:8

Anī Kɔ́ɔ̄ɓē tél ədan na: Ī-rāā lī gində̄ ə́la ta kāgə̄ kə́ ngāl̄ tə́, kadə̄ deē ń lī do̰o̰n ba a̰a̰ lī gində̄ ní anī, kɔ́ɔ̄ a ajə.

IJAI 5:30

Ɓá tā ba ndɔ̄ kógə̄ḿ anī, man̄ a ndán̄g gír de gə̄ ń toō, tītə̄ kōō bā bo kə́ ɓār̄ dan ń nél man̄ a əlań kə tɔ́gɔ́ tə́ ní beē. A a̰a̰n̄ ɓē, banī loo kə́ ndɔ̄ɔ́ ō, wur kɔl ō, a ɓír̄ gidə kɔ̄ɔ́. Kil̄ man̄ gə̄ kə́ ndulən̄ ndí ndí a utə̄n̄ dɔ loo kə́ unjə̄ kow kə́ kadaá kɔ̄ɔ́.

IJAI 14:29

Kāgə̄ ń kété əndasí sḭḭ̄ Pilistin gə̄ ní, tetən̄ kāgə̄ ní kɔ̄ɔ́, banī ī-lōōī rāā rɔ̄nel̄ najə̄n tə́. Tām̄ lī kakə́m a teē kem lī ń oy kɔ̄ɔ́ tə́ ní ō, lī kakə́ḿ ní a ojə dā̰ kə́ majaĺ ngá̰ý kə́ a ḭḭ bɔ̄gə̄ ō.

IJAI 35:9

Deē a ənge ɓɔl tū tə́ alé, dā̰ kə́ do̰ gə̄ gətóon̄ tū tə́, kógə̄ḿ kə́ yā reē loo ń noō tə́ a gətóo. I ngé gə̄ ń Kɔ́ɔ̄ɓē a ɔr̄də́ ɓəloó ní ngóy n a unən̄ róbə ngeé ń noō ní.

MISE 6:14

Ā ə́saī yá̰a̰, banī ɓō a rāāsí ɓáý. Ā ī-gerī yá̰á̰ ń i ɓō kə́ əsō ní. Ā ī-ngɔ̄mī yá̰a̰ kəsa tām̄ yāsí tə́, banī a to ta kaw̄ jóo alé. Ba ré ī-ngɔ̄mī yá̰á̰ kə́rēý anī, m-ā m̄-nujəń kɔ̄ɔ́ kə rɔ̄ɔ́.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

Makətūbə̄ yā Job 39:11

Ā ə̄nī kemií mámák yā kadə̄n ō, ā ə́ya̰ kəla yāí jīn tə́ ō, tām̄ tɔ́gən kə́ ngá̰ý tə́ a?

OJEE 12:2

Epəraim adə̄ de gə̄ kə́ Ejiptə tə́ yibə̄ ō, əndā jīn gír makətūbə̄ koō naā yādə́ kə de kə́ Asiri gēé tə́ ō. I tītə̄ ń noō n ni ulə̄ń rɔ̄n kə nélé ō, a̰ȳń ngɔ̄də̄ gō néĺ kə́ dūn̄ ɓē tə́ dəloí bátə́ loo tíbə dɔn tə́ ō ní. Ni seĺ sor̄ kə̄ loo gə̄ tə́ ō, nujə loo ɔyń yá̰a̰ yā de gə̄ dɔ gúú tə́ ō.

JAKARI 6:6

Púsə rɔ̄ɔ̄ ń sə́ndá kə́ ndul gə̄ unən̄ ní, aw̄ kum kə̄ dām̄ mbɔ́r ɓē kə́ ko̰ó̰ tə́ ō, sə́ndá kə́ ndaa gə̄ aw̄n̄ kum kə̄ no ɓē tə́ ō, sə́ndá kə́ ɓál gə̄ aw̄n̄ kum kə̄ dām̄ mbɔ́r ɓē kə́ geleé tə́ ō.