IJAI 30:3 - Bibəl ta Sar̄

³ Banī ngɔ̄m̄ ń mban̄g ngeé ń toō a ngɔ̄m̄sí ní, a əla rɔ̄sɔl̄ dɔsí tə́. Loo ɓɔ̄ɔ̄ rɔ̄ɔ̄ ń ā ī-sāāī dɔ nang kə́ Ejiptə tə́ ní, a rāā kadə̄ ā ī-tḭ̄ḭ̄ ta hɔ̄r̄mɔ̄ yāsí.

Bible sar

³ Banī ngɔ̄m̄ ń mban̄g ngeé ń toō a ngɔ̄m̄sí ní, a əla rɔ̄sɔl̄ dɔsí tə́. Loo ɓɔ̄ɔ̄ rɔ̄ɔ̄ ń ā ī-sāāī dɔ nang kə́ Ejiptə tə́ ní, a rāā kadə̄ ā ī-tḭ̄ḭ̄ ta hɔ̄r̄mɔ̄ yāsí.

IJAI 30:3 Referans Kwoze

IJAI 20:5

Ngé gə̄ ń ənīn̄ kemdə́ mámák adə̄n̄ ɓē kə́ Etiopi, aláa ɔjən̄ rɔ̄də́ najə̄ rāā kə́ ɓē kə́ Ejiptə a rāā sedə́ tə́ ní, ɓōĺ a rāādə́ ō, rɔ̄də́ a sɔl̄də́ ō.

Makətūbə̄ ń Pol ndang adə̄ Rom gə̄ ní 10:11

Tɔdɔ̄ makətūbə̄ əda na: Deē malang ń a taā kem Jeju ní rɔ̄n a sɔlə̄n alé.

Makətūbə̄ ń Pol ndang adə̄ Rom gə̄ ní 5:5

Ba deē ń əndā kemən dɔ Nə́ɓā tə́ ní, a ənge rɔ̄sɔl̄ loon tə́ alé, tɔdɔ̄ Nə́ɓā əla tár yān kemjí tə́ i kə ta kūl̄ Ndíĺ kə́ Táĺ ń adə̄jí ní.

IJAI 36:6

I dɔ ɓē kə́ Ejiptə tə́ a? Ə̄ndā kemií i dɔ tə̄ɓā kə́ tetə kɔ̄ɔ́ ń a sēr̄ jī náā nəkɔ́ ń a ndə̄nā rɔ̄n tū tə́ ní tə́ a? Parao̰ mban̄g kə́ Ejiptə i tītə̄ ń noō kə de gə̄ malang ń a əndān̄ kemdə́ dɔn tə́ ní.

2 MBAN̄G 18:21

I dɔ ɓē kə́ Ejiptə tə́ a? Ə̄ndā kemií i dɔ tə̄ɓā kə́ tetə kɔ̄ɔ́ ń a sēr̄ jī náā nəkɔ́ ń a ndə̄nā rɔ̄n tū tə́ ní tə́ a? Parao̰ mban̄g kə́ Ejiptə i tītə̄ ń noō kə de gə̄ malang ń a əndān̄ kemdə́ dɔn tə́ ní.

PĀ GƏ̄ 108:12

I ḭ̄ Nə́ɓā ń ī-mbātə́jí kɔ̄ɔ́ ní ngóy aĺ a? I ḭ̄ Nə́ɓā ń ī-teē kə ngé rɔ̄ɔ̄ yājí gēé to̰ aĺ ní ngóy aĺ a?

IJAI 20:6

Ndɔ̄ ngeé ń noō tə́ ní, ngé gə̄ ń ndin̄ ɓē ta bā bo tə́ ní, a ədan na: Yá̰á̰ ń a rāā ngé gə̄ ń j-əndāī kemjí dɔdə́ tə́ ní n noó! Jə-ndigiī ɓɔ̄ɔ̄ rɔ̄jí ɓēé loodə́ i yā kəngeń rāā kə́ kadə̄ rāān̄ sejí ō, kadə̄ gāngə̄n̄ dɔjí jī mban̄g kə́ Asiri tə́ ō.

JEREMI 2:36

Tītə̄ ń ḭ̄kɔ́ ī-rāā ādə̄ de gə̄ kídīnī sɔɔ̄ ń dɔ hál koō naā loo mundə̄ tə́ yāí gə̄ ní, rɔ̄í a sɔlī ngá̰ý Ejiptə tə́ ō, Asiri tə́ ō.

JEREMI 42:18

Rɔ̄kum, najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Tītə̄ ń wōn̄g yāḿ ō, wōn̄g kə́ ngá̰ý yāḿ ō rāāmə̄nneé dɔ de kə́ Jerusalem tə́ gə̄ ní, wōn̄g kə́ ngá̰ý yāḿ a rāām̄ dɔsí tə́ i tītə̄ ń noō ō, dan ń ā ūgīneé Ejiptə tə́ ní. Sḭḭ̄ ā ī-téliī i yá̰á̰ kə́ nujə sák sák kɔ̄ɔ́ ō, kə́ túbə ō, ndɔ̄ĺ ō i dɔ tə́, kə́ de gə̄ kídə̄n̄ ō, kə́ to rɔ̄sɔl̄ ō.

JEREMI 42:22

Ngɔlaā ní, ī-gerī majə kadə̄ ā óyiī yo kaskar ō, yo ɓō ō, yo mo̰y ngāl̄bɔ̄gīí ō, loo ń sḭḭ̄ ī-gḛyiī kaw̄ ɓɔ̄ɔ̄ rɔ̄sí tū tə́ ní tə́.

OJEE 10:6

A unən̄ ngōn̄ man̄g yā kaw̄ seneé dɔ nang kə́ Asiri tə́ ō. A adə̄n̄ mban̄g kə́ bo kə́ dɔ nang ngeé ń noō tə́ ngōn̄ man̄g ní kadə̄ karī tə́. A télən̄ kə Epəraim kə̄ nang tə́, a̰á̰ā̰, rɔ̄ Israel a sɔlə̄n najə̄ yā yá̰a̰ gə̄ ń ni núm̄ rāā tə́ ní.

Gōsə̄ najə̄ gə̄ 25:19

Kənā kemií kadə̄ de kə́ sew aĺ dan ń wur kɔl əsōń dɔí tə́ ní, to i tītə̄ gɔgə de kə́ yéȳ beé ō nja de kə́ əhɔ dɔ nang aĺ beé ō.

JEREMI 46:25

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda na: M-ā m̄-rāā yá̰á̰ kə́ tōr̄ kə Amon kə́ Tebə tə́ ō, Parao̰ ō, ɓē kə́ Ejiptə ō, nə́ɓā kə́ kemeé gə̄ ō, mban̄g gə̄ ō. M-ā m-ə́nda Parao̰ ō, de gə̄ malang ń ənīn̄ kemdə́ adə̄nən̄ ní ō.

EJEKIEL 29:7

Dan ń nin̄ ndə̄nān̄ rɔ̄də́ rɔ̄í tə́ anī, ḭ̄ ī-tetə kɔ̄ɔ́. Ḭ̄ ādə̄də́ do kār̄ bɔ̄gə̄də́ tə́ ō, ḭ̄ ɔ̄r̄ tɔ́gə́də́ kɔ̄ɔ́ ō.