IJAI 30:25 - Bibəl ta Sar̄

²⁵ Ndɔ̄ ń a tɔ̄lə̄n̄ de gə̄ malang kɔ̄ɔ́ tə́ ní, dan ń kújə rɔ̄ɔ̄ dɔ ɓē tə́ kə́ ngāl̄ ɓururu gə̄ a tə́sōn̄ tə́ ní, ngán man̄ gə̄ a yḭ̄lə̄n̄ loo dɔ mbal̄ bo gə̄ tə́ ō, dɔ ngán mbal̄ gə̄ tə́ ō.

Bible sar

²⁵ Ndɔ̄ ń a tɔ̄lə̄n̄ de gə̄ malang kɔ̄ɔ́ tə́ ní, dan ń kújə rɔ̄ɔ̄ dɔ ɓē tə́ kə́ ngāl̄ ɓururu gə̄ a tə́sōn̄ tə́ ní, ngán man̄ gə̄ a yḭ̄lə̄n̄ loo dɔ mbal̄ bo gə̄ tə́ ō, dɔ ngán mbal̄ gə̄ tə́ ō.

IJAI 30:25 Referans Kwoze

JEJU TEĒ KUM JA̰A̰ 22:1

Gō tə́ anī, de kə́ dɔ rā̰ tə́ ní ɔjəm̄ man̄ bā kógə̄ḿ kə́ deē a̰ȳ anī a ndi kə kumneé. Bā ní kumən unjə̄ yáŕ yáŕ tītə̄ bətēl̄ kəristal beé ō, teē i tū kōr̄ kāgə̄ mbang yā Nə́ɓā tə́ ō, yā Ngōn̄ Batə̄ tə́ ō.

2 KORḚNTƏ 10:4

Tɔdɔ̄ yá̰a̰ rɔ̄ɔ̄ gə̄ ń j-a jə-rɔ̄ɔń ní, i deē ndul n rāā ní alé. Ba i yá̰a̰ rɔ̄ɔ̄ kə́ ngan̄g gə̄ yā Nə́ɓā yā nujəń kújə́ kə́ ngan̄g gə̄. Jə-nujə gír̄ kə́ gō tə́ aĺ gə̄ kɔ̄ɔ́ ō,

JA̰A̰ 7:38

Deē ń taā kemḿ anī, tītə̄ ń ndangən̄neé kem makətūbə̄ tə́ ní, man̄ kə́ ngá̰ý kə́ a rāā kadə̄ deē ndi kə kumneé a kə̄rā kemən tə́ tiriri.

NAHUM 3:12

Ndogə̄ mbal̄ yāí gə̄ malang ń ā ī-rɔ̄ɔń dɔ rɔ̄í tə́ ní, ton̄ i tītə̄ kan̄ kótə̄ kə́ kərē ta kəga dɔ gə̄ beé. Dan ń deē yéȳ kāgə̄ kótə̄ anī, nin̄-tə́sōn̄ i kem ta deē ń sāā kəsadə́ tə́ ní.

EJEKIEL 34:26

M-ā m-ə́yá̰də́ yā kadə̄ nin̄ a ndin̄ kə kumdə́ kadə ngōn̄ mbal̄ bo yāḿ kə́ táĺ tə́. M-ā m̄-rāā man̄ kadə̄ a edə kə kum mbang kə́ majə ō, man̄ ní a rāā majə sedə́ ō.

EJEKIEL 34:13

M-ā m̄-teē sedə́ kɔ̄ɔ́ kem ɓē kə́ rang gə̄ tə́ ō, m-ā m-ɔ́sə njadə́ naā tə́ ō, ba m-ā m̄-tél yā kaw̄ sedə́ gogə́ kem ɓē yādə́ tə́. M-ā m-āw̄ sedə́ dɔ mbal̄ bo gə̄ kə́ Israel tə́ tə́ ō, kum wól loo gə̄ tə́ ō, kem loo kə́ majə ngá̰ý gə̄ kə́ kem ɓēé tə́ ō.

EJEKIEL 17:22

Najə̄ ń Kɔ́ɔ̄ɓē Nə́ɓā ɔr̄ ní n toō, ni-əda na: Mə̄kɔ́ m-ā m̄-gān̄g ta jī kāgə̄ sedər kógə̄ḿ kə́ dūú ta télən tə́ dɔɔ́, ba m-ā m-ə̄ndān dɔ mbal̄ kógə̄ḿ kə́ ngāl̄ ngá̰ý tə́.

IJAI 37:36

De kə́ dɔ rā̰ tə́ yā Kɔ́ɔ̄ɓē ugə̄ gérger yā Asiri gə̄ tə́, ba rāā adə̄ de gə̄ dūbú kə kutə sɔ́sɔ́ kə kalən kə́ mí oyn̄. Teē dəloí kə ndɔ̄ kə́ noō anī, áskar gə̄ teēn̄ dɔ de kə́ koy gə̄ ń noō tə́ malang.

IJAI 32:14

Əya̰n̄ kújə ndi mban̄g gə̄ kɔ̄ɔ́, ɓē ń ká̰a̰ de gə̄ ɓār̄ gijə gijə kemeé ní, deē kógə̄ḿ gē gətóo kemeé. Opel ō, kújə ngɔ̄m̄ ɓē kə́ ngāl̄ ɓururu ō ń i kem ɓē kə́ Jerusalem tə́ ní, télən̄ i dɔ nang gə̄ kə́ əya̰n̄də́ kɔ̄ɔ́ kə́ njɔ́ḿ gə̄ tə́. Kərō kə́ bembeé gə̄ əngen̄ rɔ̄nel̄ yādə́ i loo ń noō tə́ ō, ɓūtə̄ yá̰a̰ kul̄ gə̄ a əsan̄ mu i loo ń noō tə́ ō.

IJAI 48:21

Kem dəla loo ń ni-ɔr̄ Israel gə̄ ta róbə tū tə́ ní, kəndā man̄ rāādə́ alé. Ni-rāā adə̄ man̄ teē tū mbal̄ tə́ tām̄ yādə́ tə́, ni njar mbal̄ ō, man̄ teē tū tə́ ō.

EJEKIEL 47:1

Ni-tél reē seḿ kum kə̄ ta róbə́ kə́ yā kudəń kem kújə yā Kɔ́ɔ̄ɓē tə́. Anī m-á̰a̰ man̄ a əɓa nang tə́ ta kújə yā Kɔ́ɔ̄ɓē tə́ dām̄ kə́ gír ɓē tə́, tɔdɔ̄ ta kújə yā Kɔ́ɔ̄ɓē ní ra i dām̄ kə́ gír ɓē tə́. Man̄ ní əɓa nang tə́ dām̄ kújə yā Kɔ́ɔ̄ɓē kə́ dām̄ mbɔ́r ɓē kə́ ko̰ó̰ tə́ ba mān̄ aw̄ dām̄ loo tun̄ yá̰á̰ kə́ dām̄ mbɔ́r ɓē kə́ geleé tə́.

TƏ́DA 24:7

Man̄ kə́ kem gembé rə̄ɓā adə̄ aw̄ kə̄ kem ndɔr̄ gə̄ tə́ dɔ kó gə̄ tə́ adə̄ asə kōō gə̄ majə. Mban̄g yā ngán Israel gə̄ a tetə mban̄g Agag rɔ̄ɔ̄. Ko̰o̰ ɓē yān a ḭḭ kə gidəneé.