IJAI 30:23 - Bibəl ta Sar̄

²³ Loo ń noō tə́ Kɔ́ɔ̄ɓē a rāā kadə̄ man̄ edə dɔ kum yá̰a̰ gə̄ ń ī-dubə̄ tə́ ní ō, yá̰a̰ kəsa ń dɔ nang a adī ní a i ngá̰ý ō, a nel̄ ngá̰ý ō. Ndɔ̄ ngeé ń noō tə́ ní, ɓūtə̄ yá̰a̰ kul̄ yāí gə̄ a aw̄n̄ ko̰ó̰ loo kə́ bo tə́.

Bible sar

²³ Loo ń noō tə́ Kɔ́ɔ̄ɓē a rāā kadə̄ man̄ edə dɔ kum yá̰a̰ gə̄ ń ī-dubə̄ tə́ ní ō, yá̰a̰ kəsa ń dɔ nang a adī ní a i ngá̰ý ō, a nel̄ ngá̰ý ō. Ndɔ̄ ngeé ń noō tə́ ní, ɓūtə̄ yá̰a̰ kul̄ yāí gə̄ a aw̄n̄ ko̰ó̰ loo kə́ bo tə́.

IJAI 30:23 Referans Kwoze

IJAI 32:20

Banī yāsí a majə sesí, adə̄ ā ásiī dubə̄ yá̰a̰ kə̄ loo gə̄ tə́ ō, man̄ a to ngá̰ý ō, ā ásiī kəya̰ man̄g dɔɔ́ ō, kəya̰ kərō dɔɔ́ ō, kadə̄ njə̄rān̄ loo yādə́.

1 TIMOTE 4:8

Tɔdɔ̄ ndóō kənī gambəla i yá̰á̰ kə́ majə, ba i tām̄ yā yá̰á̰ kə́ ngá̰ý aĺ tə́. Banī ndóō rāā yá̰a̰ kə gō ń Nə́ɓā ndigə ní, i yá̰á̰ kə́ majə tām̄ yā yá̰a̰ gə̄ tə́ malang. Tɔdɔ̄ Nə́ɓā ənī míndən tāmən tə́. Ba míndən ń ənī ní, i tām̄ yā ndi kə kumuú kə́ ngɔr ń toō tə́ ō, kə́ ndɔ̄ń tə́ ō.

MALASI 3:10

I beé ní, yá̰a̰ kənge yāsí gə̄ kə́ nge ko̰ kutə gə̄ ní, ī-reēīń kə́ rɔ̄kum tə́, kem kújə ngɔ̄m̄ yá̰a̰ kənge tə́, ādə̄ yá̰a̰ kəsa to ngándáńg kem kújə yā Kɔ́ɔ̄ɓē tə́. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Ásiī ndəle gír yā ger̄ kadə̄ m-ə́da i najə̄ kə́ rɔ̄kum. Loo ń noō tə́ ā á̰a̰ī kadə̄ m-ā m̄-teē ta kār̄ man̄ gə̄ kə́ dɔ rā̰ tə́ tām̄ yāsí tə́ ō, m-ā m̄-rāā majə sesí ngá̰ý ō.

JAKARI 10:1

Ī-dəjeī Kɔ́ɔ̄ɓē man̄, dan ń ndɔr̄ gə̄ a gḛyn̄ man̄ ní. I ni n i nge rāā kadə̄ man̄ edə kə néĺ kə́ əla kə ngangá ngá̰ý ní. Ni a rāā kadə̄ man̄ edə ngá̰ý ō, ni a adə̄ de gə̄ kógə̄ḿ kógə̄ḿ mu kə́ ndɔrɔ́ ō.

IJAI 58:11

Kɔ́ɔ̄ɓē a tél nge kɔjiī róbə́ ngándáńg. Dəla loo tə́ gə̄gē ni a adī yá̰a̰ kəsa ō, a adī tɔ́gə gogə́ rang ō. Ā ī-to tītə̄ ndɔr̄ kə́ rāān̄ man̄ dɔ tə́ adə̄ man̄ asən beé, tītə̄ man̄ kə́ əɓa nang tə́ kə́ a nūgə́ ngándáńg beē.

PĀ GƏ̄ 36:8

Nə́ɓā, kem majə yāí i yá̰á̰ kə́ majə ngá̰ý! De gə̄ sāān̄ loo ɓɔ̄ɔ̄ rɔ̄ yādə́ i gír bɔ̄gīí tə́.

TA KƏLA 41:18

Anī kó̰o̰ man̄g kə́ bo majə gə̄ sīrí teēn̄ kum man̄ tə́, na ra a əsan̄ mu.

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

JEREMI 14:22

Dɔ dáń yá̰á̰ kə́ kanjə̄ kumən gə̄ ń i ɓesə̄ yā nápar de gə̄ ní, i ngé kə́ rá gə̄ n rāān̄ man̄ adə̄ edə ní? Aké i dɔ rā̰ n rāā man̄ adə̄ edə ní a? I ḭ̄ Kɔ́ɔ̄ɓē Nə́ɓā yājí aĺ a? J-a jə-ngóō ta jīí tɔdɔ̄ i ḭ̄ n i nge rāā yá̰a̰ gə̄ ń noō malang ní.

IJAI 5:6

M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

IJAI 4:2

Ndɔ̄ kógə̄ḿ tə́ Kɔ́ɔ̄ɓē a rāā kadə̄ yá̰á̰ kógə̄ḿ kə́ majə ngá̰ý ō, kə́ to kɔsə gɔn ngá̰ý ō, əɓa kem ɓēé. De kə́ Israel tə́ gə̄ ń a teēn̄ ta yo tə́ ní, a əndan̄ kadədə́ ō, de gə̄ a rɔȳn̄də́ ō, najə̄ yá̰á̰ ń a teē kem ɓēé tə́ ní.

TA KƏLA 41:26

Kó̰o̰ man̄g kə́ majə kə́ sīrí gə̄ ní na i ɓāl̄ kə́ sīrí gə̄ ō, dɔ kōō kə́ ngón̄g kə́ sīrí gə̄ ní na i ɓāl̄ kə́ sīrí gə̄ ō, adə̄ na i nī kə́ kógə̄ḿ beē.

OJEE 4:16

Israel rāā dɔ ngan̄g tītə̄ man̄g kə́ mbātə́ rāā kəla beé. Ní, ngɔlaā ní Kɔ́ɔ̄ɓē a rāā gír deē yān gə̄ i ngán batə̄ gə̄ ń deē a aw̄ sedə́ dɔ mu kə́ ngá̰ý tə́ ní a?

TA KƏLA 41:47

Kem ɓāl̄ kə́ sīrí gə̄ ń dɔ nang majəń tə́ ní, kōō teē ngá̰ý,

IJAI 10:27

Ndɔ̄ ngeé ń noō tə́ ní, yá̰a̰ kətō ń ndi mbajə dɔ bɔ̄gīí tə́ ní, yá̰a̰ kətō ń ɔȳ míndí tītə̄ njúkə beé ní, ni a un kɔ̄ɔ́. Madə̄ ba̰ā̰ gə̄ aw̄n̄ Samari,

IJAI 65:21

Nin̄ a rāān̄ kújə gə̄ ō, a ndin̄ kemeé ō. A ndɔrə̄n̄ kāgə̄ nduú gə̄ ō, a əsan̄ kanə̄n ō.

LEBI GƏ̄ 25:19

Kan̄ yá̰á̰ kə́ dɔ nang tə́ gə̄ a teēn̄ kadə̄ ə́saī kadə̄ asəsí ō, ā ī-ndiī kem ɓēé kanjə̄ sōl̄ yá̰á̰ kógə̄ḿ ō.

LEBI GƏ̄ 26:3

Ré úniī gō najə̄ yāḿ gə̄ ō, ī-rāāī yá̰a̰ gə̄ ń m-ə́dásí kadə̄ ī-rāāī ní ō anī,

LEBI GƏ̄ 26:5

Ā ī-səɓāī kōō bátə́ yā kugə̄ń dan yā kəja kan̄ kāgə̄ nduú gə̄ tə́ ō, ā ə́jaī kan̄ kāgə̄ nduú gə̄ bátə́ yā kugə̄ń dan yā dubə̄ kōō gə̄ tə́ ō. Ā ə́ngeī yá̰a̰ kəsa ngá̰ý ō, ā ī-ndiī kem ɓē yāsí tə́ kanjə̄ sōl̄ yá̰á̰ kógə̄ḿ ō.

NDŪ NAJƏ̄ 11:14

m-ā m̄-rāā kadə̄ man̄ edə dɔ nang yāsí tə́ kə dɔ nāāneé: M-ā m̄-rāā kadə̄ man̄ ta ɓar ō, man̄ ta ɓāl̄ ō, edən̄ dɔ nang yāsí tə́ kadə̄ ə́ngeīneé kōō gémē ō, kasə nduú ō, yibə̄ ō.

PĀ GƏ̄ 67:7

Dɔ nang teē kōō: Nə́ɓā ń i Nə́ɓā yājí ní rāā majə sejí.