IJAI 30:2 - Bibəl ta Sar̄

² Sḭḭ̄ ə̄sōī róbó ta kaw̄ kə̄ Ejiptə, banī ī-dəjeī gír̄ yāḿ mā kə́ dɔ tə́ alé. Ī-sāāī kadə̄ mban̄g kə́ Ejiptə ngɔ̄m̄sí ō, ī-sāāī ɓɔ̄ɔ̄ rɔ̄sí ndíl ɓē yān tə́ ō!

Bible sar

² Sḭḭ̄ ə̄sōī róbó ta kaw̄ kə̄ Ejiptə, banī ī-dəjeī gír̄ yāḿ mā kə́ dɔ tə́ alé. Ī-sāāī kadə̄ mban̄g kə́ Ejiptə ngɔ̄m̄sí ō, ī-sāāī ɓɔ̄ɔ̄ rɔ̄sí ndíl ɓē yān tə́ ō!

IJAI 30:2 Referans Kwoze

IJAI 36:6

I dɔ ɓē kə́ Ejiptə tə́ a? Ə̄ndā kemií i dɔ tə̄ɓā kə́ tetə kɔ̄ɔ́ ń a sēr̄ jī náā nəkɔ́ ń a ndə̄nā rɔ̄n tū tə́ ní tə́ a? Parao̰ mban̄g kə́ Ejiptə i tītə̄ ń noō kə de gə̄ malang ń a əndān̄ kemdə́ dɔn tə́ ní.

JEREMI 43:7

mbātə́n̄ koō ndū Kɔ́ɔ̄ɓē ba aw̄n̄ Ejiptə tə́ adə̄ aw̄n̄ bátə́ ugə̄n̄ Tapanes.

TƏ́DA 27:21

Jojue a aw̄ rɔ̄ Eleajar nge tun̄ yá̰á̰ tə́ kadə̄ túgə̄ wə̄lā urim tām̄ yān tə́ ta kum Kɔ́ɔ̄ɓē tə́. Ni ō, ngán Israel gə̄ malang ō ní a teēn̄ ō, tél a udən̄ gogə́ ō, i kə gō ndū ń wə̄lā a ɔjə ní.

NŌŌ RƆ̄ 4:20

Mban̄g ń Kɔ́ɔ̄ɓē gə̄rān á i nge rāā kadə jə-ndiī kə kumjí ní ō, ni ń j-ɔrī najə̄ yān j-ədaī na: J-a jə-ndiī dan nápar de gə̄ tə́ gír ndílən tə́ ō ní, ni i kem kújə dəngáy yādə́ gə̄ kə́ gíŕ nángāá tə́.

JEREMI 42:20

Sḭḭ̄ kɔ́ gə̄ ī-gólī rɔ̄sí, tɔdɔ̄ sḭḭ̄ ə́lamī rɔ̄ Kɔ́ɔ̄ɓē Nə́ɓā yāsí tə́ ə́daī na: Ɔ̄r̄ najə̄ kə Kɔ́ɔ̄ɓē Nə́ɓāá tām̄ yājí tə́, ə́dájí yá̰a̰ malang ń Kɔ́ɔ̄ɓē Nə́ɓā yājí əda ní kə ta njaá na j-a jə-rāā.

JEREMI 42:2

kə̄ rɔ̄ Jeremi nge koō ta tə́ ba ədanən̄ na: Jə-rāāī ɓɔ́ ba ī-nēl̄ mbīí ōoń najə̄ yājí. Ɔ̄r̄ najə̄ kə Kɔ́ɔ̄ɓē Nə́ɓā yāí tām̄ yājí jḭḭ gotə de kə́ séý beē gə̄ ń jə-na̰y tə́ toō. Rɔ̄kum, kété ní jḭḭ i de kə́ ngá̰ý gə̄ ba ń toō ɓáa jḭḭ ngé teē ta yo tə́ gə̄ i sḛ́ý beē, tītə̄ ń īkɔ́ á̰a̰ń kə kumií toō.

JEREMI 37:5

Ɓūtə̄ ngé rɔ̄ɔ̄ gə̄ yā Parao̰ teēn̄ kɔ̄ɔ́ kem ɓē kə́ Ejiptə tə́. Kalde gə̄ ń gīrə̄n̄ gidə ɓē kə́ Jerusalem ní oōn̄ najə̄n anī, ɔrə̄n̄ rɔ̄də́ kə̄ gogə́ sa̰y.

JEREMI 21:2

Ōō najə̄ ta Kɔ́ɔ̄ɓē tə́ tām̄ yājí tə́, tɔdɔ̄ Nabukodonosor, mban̄g kə́ Babilon ənījí rɔ̄ɔ̄, majanī Kɔ́ɔ̄ɓē a tél yā rāā yá̰á̰ kə́ yáā yān kógə̄ḿ tām̄ yājí tə́, yā tə̄ɓānneé kə gérger yānneé. Tā anī, Kɔ́ɔ̄ɓē ɔr̄ najə̄ kə Jeremi.

IJAI 36:9

Ḭ̄ ń ə̄ndā kemií dɔ kənge púsə rɔ̄ɔ̄ gə̄ ō sə́nda gə̄ ō jī ɓē kə́ Ejiptə tə́ ní, ā ásə rāā kadə̄ kógə̄ḿ dan ngol áskar gə̄ yā kɔ́ɔ̄ḿ tə́ tél kə̄ gogə́ i ba̰ý? Ká i ngol áskar gə̄ kə́ dūú gə̄gē a tél kə̄ gogə́ i ba̰ý?

IJAI 18:1

I yá̰á̰ kə́ to kum kaȳ aĺ kə́ ba̰ý beē tām̄ yā ɓē yā too bo gə̄ kə́ kūbə̄ yādə́ gə̄ i jōó jōó tə́, adə̄ i tām̄ yā ɓē ń to kə gō kadə bā gə̄ kə́ Etiopi ní!

IJAI 16:3

De kə́ Moab gə̄ dəjen̄ Jerusalem na: Ādə̄jí kɔjə̄, ún ndūí yā rāā yá̰á̰ kógə̄ḿ, ūtə̄ gidəjí dan kadaá yā ngɔ̄məńjí, tītə̄ loo kə́ ndɔ̄ɔ́ kə́ ənī til dɔ loo tə́ beē. Ī-ɓɔ̄ɔ̄ dɔ mā̰ȳ rɔ̄ɔ̄ yājí gə̄. Ngé gə̄ ń a̰ȳn̄ naā ní, ī-lōō teē kə gíŕdə́ dɔɔ́.

2 MBAN̄G 17:4

Ba gō tə́ anī Ose oōn̄ naā kə madə̄n gēé dɔn tə́. Ni-əla de gə̄ Sayis rɔ̄ mban̄g kə́ Ejiptə tə́ ō, mbātə́ kadə̄ mban̄g kə́ Asiri yá̰a̰ tīr̄ ō. Dan ń Salmanasar reē ger̄ kadə̄ Ose oōn̄ naā kə madə̄n gēé anī, əhɔ ənīn dəngáyá ō, ənī súĺ njan tə́ ō.

1 MBAN̄G GƏ̄ 22:7

Banī Josapat dəje na ké nge koō ta kə́ rang kə́ kadə̄ n-oōn̄ najə̄ kə́ ta Kɔ́ɔ̄ɓē tə́ tan tə́ ké gətóo wa.

NGÉ SARYA 9:15

Anī túpə kōn̄ əda kāgə̄ gə̄ na: Ré ī-ndigiī kəndām̄ mban̄g rɔ̄kum anī, ī-reē ī-ndiī ndílə́ḿ tə́. Ba ré ī-mbātíī reē ndi ndílə́ḿ tə́ anī, hor kógə̄ḿ a teē kemḿ tə́ yā ko̰o̰ kāgə̄ sédər gə̄ kə́ Liban.

JOJUE 9:14

Ngán Israel gə̄ taān̄ núsə́ sádə̄ yādə́ sḛ́ý əsan̄ kanjə̄ koō yā Kɔ́ɔ̄ɓē.

NDŪ NAJƏ̄ 28:68

Kɔ́ɔ̄ɓē a tél seí kə too boó yā kaw̄ seí gogə́ Ejiptə, dɔ nang ń m-ə́daī na ā ī-tél yā ka̰a̰ gogə́ to̰ aĺ i kə́ bátə́ gə̄ tə́ ní tə́. Loo ń noō tə́ sḭḭ̄ kɔ́ gə̄ ā ə̄ndāī rɔ̄sí gātāá, dəyá̰ gē dəngam gē, kadə̄ madə̄ ba̰ā̰sí gə̄ mangən̄sí ba rāān̄sí ɓəlo tə́, banī de kə́ yā mangsí a gətóo.

2 MBAN̄G 18:21

I dɔ ɓē kə́ Ejiptə tə́ a? Ə̄ndā kemií i dɔ tə̄ɓā kə́ tetə kɔ̄ɔ́ ń a sēr̄ jī náā nəkɔ́ ń a ndə̄nā rɔ̄n tū tə́ ní tə́ a? Parao̰ mban̄g kə́ Ejiptə i tītə̄ ń noō kə de gə̄ malang ń a əndān̄ kemdə́ dɔn tə́ ní.

IJAI 8:19

Ngé kə́rēý gə̄ ədan̄ na: Āw̄ ōōī najə̄ kə́ ta ngé ɓāŕ de kə́ koy gə̄ tə́, kɔdə̄ sāā gə̄ ń i ngé kəda yá̰á̰ kə́ a reē ɓáý gə̄ ní. Nin̄ i ngé tél kə ndūdə́ kə̄ nang tə́ ngá̰ý kɔrə̄ń najə̄ gə̄, deē asə ger̄ kum najə̄ kɔr̄də́ alé. I gōtə́ ngá̰ý kadə̄ gír de gə̄ aw̄ oōn̄ najə̄ kə́ ta nə́ɓā yādə́ gə̄ tə́, kadə̄ ɓārə́n̄ de kə́ koy kɔ̄ɔ́ gə̄ kadə̄ rāān̄ majə kə de gə̄ kə́ ndin̄ kə kumdə́. Ré deē ədasí tītə̄ ń noō anī,

JEREMI 2:18

Ngɔlaā ní i rí n nelī ngá̰ý kum róbə́ kə́ Ejiptə tə́, kadə̄ āw̄ ā̰ȳ man̄ bā kə́ Nil tə́ ní? I rí n nelī ngá̰ý kum róbə́ kə́ Asiri tə́, Kadə̄ āw̄ ā̰ȳ man̄ kə́ bāá ní?

JEREMI 42:14

adə̄ ə́daī na: A̰ á̰, jə-gḛy kaw̄ Ejiptə tə́ kadə̄ rɔ̄ɔ̄ rāājí to̰ aĺ ō, kadə̄ kōō tōw̄ yā ngé kaw̄ ta rɔ̄ɔ̄ tə́ gə̄ ɓār̄ ta mbījí tə́ to̰ aĺ ō, kadə̄ jə-nal̄ yá̰a̰ kəsa to̰ aĺ ō, ré ə́daī na jə-gḛy i ndi ɓē Ejiptə tə́ ō anī,

OJEE 7:13

Yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́! Nin̄ a̰ȳn̄ rɔ̄ḿ tə́ kɔ̄ɔ́ aw̄n̄ sa̰y! A nujən̄də́ kɔ̄ɔ́, tɔdɔ̄ nin̄ əsōn̄ wōn̄g taḿ tə́. Nin̄ ɔrə̄n̄ najə̄ kə́ sor̄ gə̄ dɔḿ tə́. Loo ń noō tə́ ní, m-ā m̄-rāā i ba̰ý n m-ā m-ásəń gān̄g dɔdə́ ní?

OJEE 8:9

Epəraim aw̄ dɔ nang kə̄ Asiri tə́, ni to i tītə̄ kərō kə́ bembeé kə́ a rāā yá̰a̰ i kə kérneé beē. Tá ni-adə̄ yá̰á̰ gíŕ ngé sāān gə̄ tə́ yā kəngeńdə́.

OJEE 8:10

Ni-adə̄ nápar de gə̄ yá̰a̰ karī. Ba ngɔlaā ní, m-ā m̄-ɓoodə́ naā tə́ ō, sḛ́ý laā anī nin̄ a a̰a̰n̄ tápə̄ gír mban̄g kə́ tɔ́gən tɔȳ yā mban̄g gə̄ tə́ ō.