IJAI 30:19 - Bibəl ta Sar̄

¹⁹ Sḭḭ̄ gír de gə̄ kə́ Siyo̰, sḭḭ̄ ń ī-ndiī Jerusalem ní, ā ī-nōōī to̰ alé. Kɔ́ɔ̄ɓē a ɔjəsí kem majə yān loo ń ā ə́gaī kɔŕ kə̄ dɔn tə́ ní. Ré kɔŕ yāsí əsō mbīn tə́ anī, ni a dalsí najə̄ i kə̄ ta jī tə́ noō.

Bible sar

¹⁹ Sḭḭ̄ gír de gə̄ kə́ *Siyo̰, sḭḭ̄ ń ī-ndiī Jerusalem ní, ā ī-nōōī to̰ alé. Kɔ́ɔ̄ɓē a ɔjəsí kem majə yān loo ń ā ə́gaī kɔŕ kə̄ dɔn tə́ ní. Ré kɔŕ yāsí əsō mbīn tə́ anī, ni a dalsí najə̄ i kə̄ ta jī tə́ noō.

IJAI 30:19 Referans Kwoze

IJAI 60:20

Mbang yāí a udə to̰ aĺ ō, nāā yāí a udə to̰ aĺ ō. A̰á̰ā̰, mā Kɔ́ɔ̄ɓē, m-ā m̄-tél loo kə́ unjə̄ kow kə́ ta tɔ̄l̄ tan gətóo tām̄ yāí tə́. Gír kəhɔ ndoō yāí a gān̄g.

IJAI 65:24

Kété pá tá kadə̄ nin̄ ɓāŕmə̄n̄ ní, mā m-ā m̄-daldə́. Nin̄ a ɔrə̄n̄ najə̄ təgā aĺ ɓáý anī mā m-ā m-ōō najə̄ yādə́ ní kɔ̄ɔ́.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

IJAI 58:9

Dan ń ā ī-ɓāŕ yá̰a̰ anī, Kɔ́ɔ̄ɓē a ndigiī. Dan ń ā ə́ga kɔŕ anī, ni a əda na: Mā i laā! Yá̰á̰ kə́ a rējə̄ madí gə̄ ō, yá̰a̰ rāā kə́ a əla ɓōĺ kem deē tə́ ō, najə̄ kə́ adə̄ deē do ō ní, ré ī-rāādə́ adə̄ gətóon̄ kɔ̄ɔ́ kem ɓē yāí tə́ anī,

JEJU TEĒ KUM JA̰A̰ 7:17

Tɔdɔ̄ Ngōn̄ batə̄ ń ndi dɔ kōr̄ kāgə̄ mbang tə́ danaá bang ní, a ul̄də́ ō, a aw̄ sedə́ ta kəɓa man̄ kə́ a rāā kadə̄ deē ndi kə kumneé tə́ ō. Nə́ɓā a ɔl̄ man̄ nōō kə́ kumdə́ tə́ kɔ̄ɔ́ ō.

Najə̄ kə́ Majə yā Jeju ń Luk ndang ní 6:21

Rɔ̄nel̄ i yāsí sḭḭ̄ ń ɓō rāāsí ngɔlaā ní, tɔdɔ̄ ā ī-ndānī! Rɔ̄nel̄ i yāsí sḭḭ̄ ń ā i-nōōī naā ngɔlaā ní, tɔdɔ̄ ā ī-kəgōī naā!

IJAI 25:8

Ni a nujə yo kɔ̄ɔ́ i kə́ njɔ́ḿ gə̄ tə́. Kɔ́ɔ̄ɓē Nə́ɓā a ɔl̄ man̄ nōō kə́ kum de gə̄ tə́ malang kɔ̄ɔ́. Ni a un rɔ̄sɔl̄ kɔ̄ɔ́ dɔ gír deē yān gə̄ tə́ kem ɓēé malang. Yá̰á̰ ń Kɔ́ɔ̄ɓē ənī ndūn yā rāā ní n noó.

JEREMI 33:3

Ī-ɓārə́m̄ anī, m-ā m̄-ndigiī, m-ā m-ɔ́jiī yá̰á̰ kə́ bo ngá̰ý gə̄ kə́ ton̄ loo ɓɔ̄ɔ̄ rɔ̄ tə́, i yá̰a̰ gə̄ kə́ ī-ger̄ aĺ ɓáý.

IJAI 65:9

Banī gír de gə̄ yā Jakob ní, m-ā m-ādə̄də́ ngán gə̄, gír ɓē yā Juda ní, m-ā m-ādə̄də́ ngán kaadə́ gə̄. Nin̄ a əngen̄ mbal̄ bo yāḿ gə̄ yá̰a̰ ndəbā tə́. Ngé gə̄ ń m̄-gə̄rādə́ ní a əngen̄ mbal̄ bo yāḿ gə̄ ní, ngé gə̄ ń rāān̄ kəla adə̄mə̄n̄ ní a ndin̄ tū tə́.

JEREMI 31:12

Nin̄ reē ugə̄n̄ kə kɔŕ rɔ̄nelēé tadə́ tə́ dɔ mbal̄ kə́ Siyo̰ tə́. A kánə̄n̄ naā ɓuk ɓuk kum kə̄ rɔ̄ yá̰a̰ kənge gə̄ yā Kɔ́ɔ̄ɓē tə́, kum kə̄ rɔ̄ gémē tə́ ō, kasə nduú tə́ ō, yibə̄ kə́ kijə tə́ ō, kum kə̄ rɔ̄ dā̰ kə́ dūú gə̄ tə́ ō, kə́ bo gə̄ tə́ ō. Rɔ̄də́ a to mbōl̄ sṵy tītə̄ ndɔr̄ kə́ rāān̄ man̄ dɔ tə́ beé ō, Kəndā a rāādə́ to̰ aĺ ō.

JEJU TEĒ KUM JA̰A̰ 5:4

Adə̄ m̄-nōō ngá̰ý tɔdɔ̄ de kə́ asə teē makətūbə̄ ní, aláa ka̰a̰ kə kumneé ní, gətóo.

EPEJƏ 3:20

Nə́ɓā asə rāā yá̰á̰ malang ń jə-dəjein̄ aláa jə-gírī ní. Ni-asə rāā kadə̄ tɔȳ dɔ. Ba a rāā yá̰a̰ gə̄ ní i kə ta kūl̄ tɔ́gə́ ń a rāā kəla kemjí tə́ ní.

Makətūbə̄ ń Pol ndang adə̄ Rom gə̄ ní 11:26

Loo ń noō tə́ ngán Israel gə̄ malang a ajən̄. Tītə̄ ń makətūbə̄ yā Nə́ɓā ədań ní, ndangən̄ na: Nge gān̄g dɔ de gə̄ a teē i kem ɓē kə́ Siyo̰ tə́. Ni a ɔr̄ háĺ ngán Jakob gə̄ ń i hál rāā yá̰a̰ kə gō ń Nə́ɓā ndigə alé ní kɔ̄ɔ́.

MISE 4:9

Sḭḭ̄ de kə́ Jerusalem gə̄, ngɔlaā ə́gaī kɔŕ i najə̄ rí tə́? Rɔ̄sí tōr̄sí tītə̄ dəyá̰ kə́ a ojə ngōn̄ beé i tām̄ rí tə́? Mban̄g yāsí gətóo i mbée a? Ngé kadə̄sí kɔjə̄ gə̄ oyn̄ i mbée kɔ̄ɔ́ a?

EJEKIEL 36:37

Yá̰á̰ ń mā Kɔ́ɔ̄ɓē Nə́ɓā m-ə́da kadə̄ i rɔ̄kum ní n toó: M-ā m-ə́yá̰ Israel gə̄ kadə̄ tél ndɔ̄ȳmə̄n̄ gogə́ ō, m-ā m̄-daldə́ i kə ta kūl̄ rāā kadə̄ nin̄ i ngá̰ý tītə̄ batə̄ gə̄ kə́ dan ɓūtə̄ yá̰a̰ kul̄ kógə̄ḿ tə́ beē.

JEREMI 50:28

Kōō yá̰á̰ kógə̄ḿ ɓār̄, i ngé ka̰ȳ naā gə̄ ō, ngé teē ta yo tə́ Babilon gə̄ ō n reē ədan̄ najə̄ dal ba̰ā̰ yā Kɔ́ɔ̄ɓē Nə́ɓā yājí kem ɓē kə́ Siyo̰ tə́ ní, i dal ba̰ā̰ kə́ dɔ rā̰ tə́.

JEREMI 31:6

Ndɔ̄ ń ngé ngɔ̄m̄ loo gə̄ a əgan̄neé kɔŕ dɔ mbal̄ kə́ Epəraim tə́ ní i kə́ kɔjə kɔ̄ɔ́ ɓá. A ədan̄ na ḭ́ḭī dɔɔ́, j-al̄ j-awī Siyo̰, kum kə̄ rɔ̄ Kɔ́ɔ̄ɓē Nə́ɓā yājí tə́

JEREMI 30:12

Kɔ́ɔ̄ɓē ɔr̄ najə̄ i tītə̄ ń toō beé: Ī-nujə i nujə kə́ al̄ naā ngá̰ý adə̄ dum̄ kəndaī ta naā tə́. Do gə̄ kə́ rɔ̄í tə́ i kə́ dum̄ kedə̄.

IJAI 10:24

I tām̄ najə̄ ń toō tə́ n Kɔ́ɔ̄ɓē Nə́ɓā kə́ bo kə́ tɔ́gən i ngá̰ý əda najə̄ ń toō ní: Gír deē yāḿ gə̄, sḭḭ̄ ń ī-ndiī Siyo̰ ní, ī-lōōī ɓōĺ Asiri. Ni əndasí kə məraw, un sálang kāgə̄ yān kə̄ dɔsí tə́, tītə̄ ń de kə́ Ejiptə tə́ gə̄ rāānəń kété jóó ní.

EJEKIEL 20:40

Tɔdɔ̄ ngán Israel gə̄ malang, ngé gə̄ ń a ndin̄ kem ɓēé ní, a rāān̄ kəla yā kadə̄m̄ dɔ mbal̄ yāḿ kə́ táĺ tə́, dɔ mbal̄ bo kə́ Israel tə́. I mā Kɔ́ɔ̄ɓē Nə́ɓā n m-ə́da najə̄ ń noō ní. M-ā m̄-rāā kem majə sesí loo ń noō tə́, adə̄ m-ā m-ə́wásí kə̄ rɔ̄ḿ tə́ ō, m-ā m̄-taā yá̰a̰ malang ń ā ɔ̄rī tām̄ yāḿ tə́ ní ō. Adə̄ i yá̰a̰ ndējə̄ yāsí gə̄ ō, yá̰á̰ kə́ majə tɔȳ madə̄ gə̄ ń ā ādə̄mī karī ní ō.

JEREMI 51:10

Kɔ́ɔ̄ɓē rāā adə̄ kajə yājí to kə̄ ndágá wáńg. Ī-reēī, j-ənī gotə kəla ń Kɔ́ɔ̄ɓē Nə́ɓā yājí rāā ní Siyo̰ tə́.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

IJAI 46:13

m̄-rāā adə̄ yá̰a̰ rāā kə́ gōtə́ yāḿ a reē noó, ni i sa̰y to̰ alé. Dɔ teē ɓəloó i ngɔr. I mə̄kɔ́ n m-ā m-āwń kem ɓē kə́ Siyo̰ tə́ ní. A̰á̰ā̰, m-ādə̄ Israel yá̰á̰ kógə̄ḿ kə́ majə ngá̰ý.

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

IJAI 65:18

Ādī rɔ̄nel̄ yāsí ɔjə rɔ̄n kə̄ ndágá, ī-rāāī rɔ̄nel̄ kanjə̄ kəya̰ ta najə̄ yā yá̰á̰ ń m-ā m̄-rāā yā rāā tə́ ní. M-ā m̄-rāā Jerusalem kadə̄ a tél i ɓē kə́ rɔ̄nel̄ i ngá̰ý kemeé ō, m-ā m̄-rāā kadə̄ de kə́ kemeé gə̄ a télən̄ i gír de gə̄ kə́ rɔ̄nel̄ yādə́ a ɔjə rɔ̄n kə̄ ndágá.

IJAI 33:2

Kɔ́ɔ̄ɓē, ādə̄ kumií o̰ō̰ī tām̄ yājí tə́! J-ənī kemjí mámák j-adī. Ādə̄ dəloí kə ndɔ̄ gə̄ ḭ̄ i tɔ́gə́jí ō, ḭ̄ i nge kajəjí kum mbang yā wur kɔl tə́ ō.

IJAI 41:17

Ngé rɔ̄ tō ndoō gə̄ ō, ngé ndoō gə̄ ō, sāān̄ man̄ banī əngen̄ alé. Kəndā man̄ rāā ndo̰də́ adə̄ tutə. I beé ní, mā Kɔ́ɔ̄ɓē m-ā m̄-daldə́, mā Nə́ɓā yā Israel, m-ā m-ə́yá̰də́ kɔ̄ɔ́ alé.

IJAI 65:19

M-ā m̄-rāā rɔ̄nel̄ najə̄ yā ɓē kə́ Jerusalem tə́. Rɔ̄nel̄ yāḿ kə́ tām̄ yā gír deē yāḿ gə̄ tə́ a ɔjə rɔ̄n kə̄ ndágá. Deē a oō kōō nōō to̰ aĺ ō, kōō ɓāŕ kə́ de gə̄ a ɓārə́n̄ yá̰a̰ kadə̄ dḭḭ̄n̄də́ to̰ aĺ ō.

JEREMI 31:16

Kɔ́ɔ̄ɓē ɔr̄ najə̄ i tītə̄ ń toō beé: Asiī beé, ī-nōō rɔ̄í to̰ aĺ ō, ādə̄ man̄ kumií reē to̰ aĺ ō, tɔdɔ̄ ā ə́nge yá̰a̰ kəndā nja yāí tām̄ yā kəla yāí gə̄ tə́. ngání gə̄ a ḭḭn̄ kə gō ɓē yā madə̄ ba̰ā̰í gə̄ yā reē. Najə̄ ń Kɔ́ɔ̄ɓē əda ní n noó.