IJAI 30:18 - Bibəl ta Sar̄

¹⁸ Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

Bible sar

¹⁸ Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

IJAI 30:18 Referans Kwoze

2 PIYER 3:9

Kɔ́ɔ̄ɓē ɔr bā̰ā̰ loo rāā yá̰á̰ ń ni-ənī míndən yā rāā tə́ ní alé. Ba de kə́rēý gə̄ ədan̄ na ni na ɔr bā̰ā̰ ngá̰ý, tá ni tə́gā i tan tām̄ yāsí tə́. Tɔdɔ̄ ni gḛy kadə̄ de kə́rēý gə̄ udən̄ kɔ̄ɔ́ alé, ba kadə̄ de gə̄ malang tūrə̄n̄ gidədə́ kɔ̄ɔ́ ta yá̰á̰ kə́ majaĺ tə́.

Gōsə̄ najə̄ gə̄ 16:20

De kə́ gír̄ najə̄ dɔ yá̰á̰ tə́ majə a ndi majə najə̄ yá̰á̰ ní tə́. Rɔ̄nel̄ i kə deē ń ənī kemən mámák adə̄ Kɔ́ɔ̄ɓē ní.

IJAI 8:17

m̄-ndi m̄-ngóō Kɔ́ɔ̄ɓē. Kə́ ngɔr ń toō tə́ ɓáa ni-əndā kumən gír kojə yā Jakob tə́ to̰ alé, banī m-ə̄ndā kemḿ dɔn tə́.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

PĀ GƏ̄ 34:8

Nge kaw̄ kəla yā Kɔ́ɔ̄ɓē a ngɔ̄m̄ dɔ ngé ɓōĺ ndíĺ Kɔ́ɔ̄ɓē gə̄ ō, a ɔr̄də́ kɔ̄ɔ́ kum yá̰á̰ kə́ majaĺ gə̄ tə́ ō.

2 PIYER 3:15

Majə kadə̄ ī-rāāī tə́gā ta kə́ dan i ngá̰ý yā Kɔ́ɔ̄ɓē yājí i ta róbə́ kə́ kadə̄ ájiīneé tə́! Ngōkó̰ó̰jí kə́ kó tár yājí ń i Pol ní, ndang adə̄sí kə gō kum kedə̄ ń Nə́ɓā adə̄n ní i tītə̄ ń noō ō.

Najə̄ kə́ Majə yā Jeju ń Luk ndang ní 15:20

Anī ni-ḭḭ dɔɔ́, aw̄ ta kaw̄ gogə́ rɔ̄ bɔbə̄n tə́. Dan ń ni i sa̰y ɓáý á bɔbə̄n a̰a̰ dɔn, anī kumən o̰o̰n seneé. Bɔbə̄n a̰ȳ ngɔ̄də̄ ɔjə non, əhɔn kə̄ rɔ̄n tə́ ɓirə̄n dagə.

IJAI 55:8

Najə̄ ń Kɔ́ɔ̄ɓē əda ní n toó: Gír̄ yāsí gə̄ i gír̄ yāḿ gə̄ alé. Jī bēl̄ loo rāā yá̰a̰ yāḿ gə̄ i jī bēl̄ loo rāā yá̰a̰ yāsí gə̄ alé.

PĀ GƏ̄ 27:14

Ī-ngóō ta Kɔ́ɔ̄ɓē. Ə́hɔ rɔ̄í tɔgə ō, ə́hɔ kemií ngan̄g ō! Ī-ngóō ta Kɔ́ɔ̄ɓē.

IJAI 33:5

Kɔ́ɔ̄ɓē bo tɔȳ yá̰a̰ malang, tɔdɔ̄ ni-ndi i loo kógə̄ḿ kə́ ḭḭ kə̄ dɔɔ́ tə́. Ɓōĺ gidə yá̰á̰ kə́ súmūú ō, yá̰a̰ rāā kə́ gōtə́ ō ní, ni-əndā ngəran i Jerusalem.

Makətūbə̄ ń Pol ndang adə̄ Rom gə̄ ní 9:22

Nə́ɓā gḛy i kɔjə wōn̄g yān ō, tɔ́gən ō. Ɓá tā ba ni-tə́gā tan dɔ ngé gə̄ ń asə kadə̄ ni-rāā wōn̄g sedə́ ō, nujədə́ kɔ̄ɔ́ ō ní tə́.

JEREMI 17:7

Ba tɔ́r̄ ta i dɔ deē ń əndā kemən dɔ Kɔ́ɔ̄ɓē tə́ ní. Kɔ́ɔ̄ɓē a rāā kadə̄ ni a ənī kemən báŕ báŕ.

JAKƏ 5:11

Tɔdɔ̄ ngé gə̄ ń əhɔn̄ rɔ̄də́ tɔgə ní rɔ̄də́ nel̄də́. Sḭḭ̄ ōōī kōō kəhɔń Job əhɔ rɔ̄n tɔgə ní ō, á̰a̰ī yá̰á̰ ń Kɔ́ɔ̄ɓē rāā seneé ta tɔ̄l̄ ta tə́ ní ō, tɔdɔ̄ Kɔ́ɔ̄ɓē i nge kem majə ō, nge ka̰a̰ kum tō ndoō yā deē ō.

IJAI 5:16

Kɔ́ɔ̄ɓē kə́ bo kə́ tɔ́gən i ngá̰ý a ɔjə kadə̄ ni i de kə́ bo i kə ta kūl̄ kəndā ngəra yá̰á̰ kə́ súmūú. Nə́ɓā kə́ táĺ a ɔjə háĺ kə́ táĺ yān i kə ta kūl̄ rāā tá kadə̄ de gə̄ ɓōlə́n̄ gidə yá̰a̰ rāā kə́ gōtə́.

1 SAMUEL 2:3

Ī-lōōī ndájə̄ najə̄ ō, ī-lōōī ngonjə̄ ō, tɔdɔ̄ Kɔ́ɔ̄ɓē i Nə́ɓā kə́ ger̄ yá̰a̰ malang. Ni i nge gān̄g sarya dɔ yá̰a̰ malang ń de gə̄ rāān̄ tə́ ní.

EPEJƏ 1:8

Ni-rāā adə̄ kumjí edə̄ ngá̰ý ō, jə-gerī kum najə̄ ngá̰ý ō, i kə ta kūl̄ kem majə yān kə́ ngá̰ý ngeé ń toō.

Makətūbə̄ ń Pol ndang adə̄ Rom gə̄ ní 5:20

Tɔdɔ̄ ndū najə̄ yā Nə́ɓā reē yān yā kadə̄ majaĺ ń de gə̄ rāān̄ ní taā loo ɓá tā, banī loo ń majaĺ yā de gə̄ taā loo tū tə́ ní, rajə yā Nə́ɓā al̄ ngandə̄ tū tə́ ō.

KƏLA RĀĀ 5:31

I ni n Nə́ɓā ɔsən kə̄ dɔɔ́ kə tɔ́gəneé əndānəń ngāraá ō, nge kajə de gə̄ tə́ ō, kadə̄ ngán Israel gə̄ əngen̄neé ta róbə ndə̄ngā rɔ̄də́ ba kəngeń mā̰ȳ rɔ̄ dɔ majaĺ yādə́ gə̄ tə́ ní.

Najə̄ kə́ Majə yā Jeju ń Luk ndang ní 2:25

Dan ngeé ń noō tə́ ní dəngam kógə̄ḿ ndi Jerusalem noó, rīn na i Simeo̰. Ni i de kə́ súmūú ō, i de kə́ ɓōĺ ndíĺ Nə́ɓā ō. Ni a ngóō i ta ndɔ̄ ń Israel gə̄ a əngen̄neé kem sɔl̄ ní ō, Ndíĺ kə́ Táĺ i dɔn tə́ ō.

MALASI 2:17

Ī-rāāī Kɔ́ɔ̄ɓē kə najə̄ kɔr̄sí gēé adə̄ ni ɔr. Sḭḭ̄ ə́daī na ké ī-rāāī i ba̰ý n ni ɔrəń ní wa. Sḭḭ̄ ī-rāāin̄ adə̄ ni ɔr, i dan ń ə́daī na ni na a̰a̰ ngé rāā yá̰á̰ kə́ majaĺ gə̄ na i kə kemən kə́ majaá ní, ni na ndigə najə̄ gō de gə̄ ngeé gə̄ ń noō tə́ ní. Sḭḭ̄ ə́daī ɓáý to̰ na: Ké Nə́ɓā kə́ nge gān̄g sarya kə́ gōtə́ ndi a rāā i rí wa.

PĀ GƏ̄ 2:12

Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.

Teē Ngán Israel gə̄ 34:6

Kɔ́ɔ̄ɓē mān̄ no Moijə tə́, anī əda kə ndū boó na: Mā i Kɔ́ɔ̄ɓē, mā i Kɔ́ɔ̄ɓē. Mā i Nə́ɓā kə́ kumḿ a o̰o̰m̄ kə deé ō, kə́ m-á̰a̰ kum tō ndoō yā deē ō, kə́ m-ā m̄-rāā wōn̄g láẃ aĺ ō, mā m̄-rāā kem majə ngá̰ý ō, mā i de kə́ m̄-ra dɔ ndūḿ tə́ ō.

EPEJƏ 1:6

I beé ní ādə̄ jə-tɔ̄yī Nə́ɓā najə̄ yá̰á̰ kə́ majə ngá̰ý ń ni-rāā adə̄jí kə ta kūl̄ Ngōn̄ kó tár yānneé ní.

OJEE 5:15

Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

IJAI 18:4

Tām̄ Kɔ́ɔ̄ɓē ədam̄ na: m̄-ndigə ndi loo ndiḿ tə́ ka̰a̰ń loo ō, ndi tū tə́ jəke ō, tītə̄ mbang kə́ ɔsə ngá̰ý kum loo kə́ unjə̄ kow tə́ beē ō, tītə̄ tal kə́ to tītə̄ kil̄ man̄ dan yā sāā kōō gə̄ tə́ beē.

PĀ GƏ̄ 99:4

Mban̄g ń ɓō háĺ kə́ rɔ̄kum rāān ní a ndi ngan̄g. I ḭ̄ n i nge rāā kadə̄ yá̰a̰ un gō naā kə gōó majə ní. I ḭ̄ n i nge rāā kadə̄ yá̰á̰ kə́ súmūú ō, yá̰á̰ kə́ gōtə́ ō, to dan ngán Jakob gə̄ tə́ ní.

PĀ GƏ̄ 84:12

A̰á̰ā̰, Kɔ́ɔ̄ɓē Nə́ɓā i mbang ō i der ō. Kɔ́ɔ̄ɓē i nge rajə deē ō, i nge rāā kadə̄ rī deē ɓār̄ ō. Ngé gə̄ ń háĺdə́ i súmūú ní, yá̰á̰ kógə̄ḿ kə́ majə kə́ ni ɔgə̄də́ gətóo.

Makətūbə̄ yā Job 35:14

Tá ḭ̄ ī-ɓōĺ alé, ba ə́da na ḭ̄ na á̰a̰n alé, najə̄ yāí na i kə́ kənī kə̄ non tə́, ba ḭ̄ na ī-ndi na i gíŕ ngóō tan tə́.

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

OJEE 2:14

M-ā m̄-nujə kāgə̄ nduú yān gə̄ ō, kāgə̄ kótə̄ yān gə̄ ō ń ni-əda na: I yá̰a̰ kəndā nja ń ngé sāāḿ gə̄ adə̄mə̄n̄ ní n noó ní. M-ā m̄-rāā kadə̄ nin̄ a télən̄ túpə́ kámbə gə̄ ō, dā̰ kə́ bembeé gə̄ a əsan̄də́ ō.

IJAI 42:14

Kɔ́ɔ̄ɓē əda na: M-ɔ̄r̄ najə̄ aĺ i jóo, m̄-ndi kanjə̄ kəda yá̰á̰ kógə̄ḿ. Ba ngɔlaā m-ā m-ə́ga kɔŕ. m̄-tó̰ō̰ ō, koōḿ gətóo ō, m̄-taā koō majaĺ ō, tītə̄ dəyá̰ kə́ a rāā loo kojə ngōn̄ beé.

IJAI 40:31

Banī ngé gə̄ ń əndān̄ kemdə́ dɔ Kɔ́ɔ̄ɓē tə́ ní əngen̄ tɔ́gə́ kə́ kijə. Nin̄ ḭḭn̄ bɔ̄gə̄ tītə̄ kə̄rō gə̄ beé, nin̄ a̰ȳn̄ ngɔ̄də̄ kanjə̄ kadə̄ kɔr rāādə́, nin̄ njə̄rān̄ kumdə́ kə̄ kété kanjə̄ kadə̄ tɔ́gə́də́ təgā.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

IJAI 2:17

I gáŕ kadə̄ ngé kɔjə rɔ̄də́ gə̄ malang rugən̄ nang tə́ ō, ngé kənda kadədə́ gə̄ télən̄ kə rɔ̄də́ kə̄ nang tə́ ō. Ndɔ̄ ngeé ń noō tə́ ní, i Kɔ́ɔ̄ɓē kal kógə̄ḿ beē ngóy n i de kə́ bo ní.

IJAI 28:17

Yá̰á̰ kə́ súmūú i yá̰a̰ mbɔ̄jə́ yá̰a̰ yāḿ, yá̰á̰ kə́ gōtə́ i kəlā yāḿ kə́ gində̄ pəlɔm i ta tə́. Man̄ kə́ edə kə kɔ̄sɔ̄ɔ́ a un yá̰á̰ gól̄ loo ń ā ī-ndiī gírí ní yā kaw̄ń kɔ̄ɔ́, loo ń ā ī-ɓɔ̄ɔ̄ rɔ̄sí tū tə́ ní man̄ a taā kɔ̄ɔ́.

IJAI 33:2

Kɔ́ɔ̄ɓē, ādə̄ kumií o̰ō̰ī tām̄ yājí tə́! J-ənī kemjí mámák j-adī. Ādə̄ dəloí kə ndɔ̄ gə̄ ḭ̄ i tɔ́gə́jí ō, ḭ̄ i nge kajəjí kum mbang yā wur kɔl tə́ ō.

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

IJAI 48:9

M-ə́hɔ rɔ̄ḿ dɔ wōn̄g tə́ i najə̄ yā rīḿ tə́. m̄-nujə seí alé i najə̄ yā rī ɓār̄ yāḿ tə́ ō, majə yāí tə́ ō.

IJAI 61:8

Yá̰á̰ kə́ nelə̄m̄ mā Kɔ́ɔ̄ɓē i kadə̄ de gə̄ ɓōlə́n̄ gidə yá̰a̰ rāā kə́ súmūú. Banī yá̰á̰ ń nelə̄m̄ aĺ ngá̰ý ní, i taā yá̰a̰ yā deē dɔ gúú tə́. Adə̄ m-ā m̄-tél kə yá̰á̰ ń sɔɔ̄sí ní yā kadə̄sí gogə́, m-ā m-ə́hɔ madə̄ naā sesí, i madə̄ naā kə́ a to ngándáńg.

IJAI 64:4

Ngé gə̄ ń rāān̄ yá̰á̰ kə́ gōtə́ kə rɔ̄nelēé ní, ngé gə̄ ń əga kemdə́ dɔí tə́ kadə̄ unən̄ róbə yāí ní, ḭ̄ ī-tə́nī tadə́. Ḭ̄ ī-rāā wōn̄g najə̄ yá̰a̰ rāājí kə́ gōtə́ aĺ gə̄ tə́. Ba ré j-un róbə́ kə́ kété jóo gə̄ anī j-a j-ajə.

JEREMI 42:7

Rāā ndɔ̄ kutə gō tə́ anī Kɔ́ɔ̄ɓē ɔr̄ najə̄ kə Jeremi

DANIEL 12:12

Rɔ̄nel̄ I kə deē ń a ngóō bátə́ ndɔ̄ dūbú kə́ ɓú mətá kə kutə mətá kə kalən kə́ mí ní.

OJEE 1:7

Banī m-ā m̄-tár de kə́ Juda gə̄ ngándáńg. Mā Kɔ́ɔ̄ɓē Nə́ɓā yādə́ m-ā m-ájə́də́, ba i kanjə̄ ga̰ gərā ō, kaskar ō, gotə yá̰a̰ rɔ̄ɔ̄ kə́ rang gə̄ ō, kanjə̄ sə́nda gə̄ ō, ngé kal̄ sə́nda gə̄ ō.

IJAI 57:16

Tām̄ m̄-ndigə kɔ̄l̄ ngándáńg aĺ ō, m̄-ndigə kadə̄ wōn̄g rāām̄ kə́ njɔ́ḿ gə̄ tə́ aĺ ō. Ré i beé aĺ anī, ngé gə̄ ń m̄-rāādə́ ní, a tḭ̄ḭ̄n̄ ta koō ń deē a ndiń kə kumneé ní kɔ̄ɔ́.