IJAI 30:15 - Bibəl ta Sar̄

¹⁵ Najə̄ ń Kɔ́ɔ̄ɓē, ni ń i Nə́ɓā kə́ táĺ yā Israel Najə̄ ń əda ní n toó: Ā ájiī i loo ń ī-tūrī rɔ̄sí kə̄ rɔ̄ḿ tə́ ō, ī-raī jəke ngóy ō ní. Tɔ́gə́sí kə́ kal kógə̄ḿ beē i kadə̄ ī-raī jəke ō, kadə̄ ə̄ndāī kemsí dɔḿ tə́ ō, i kadə̄ ə̄nī kemsí ādə̄mī ō. Banī sḭḭ̄ ɔ́diī alé.

Bible sar

¹⁵ Najə̄ ń Kɔ́ɔ̄ɓē, ni ń i Nə́ɓā kə́ *táĺ yā *Israel Najə̄ ń əda ní n toó: Ā ájiī i loo ń ī-tūrī rɔ̄sí kə̄ rɔ̄ḿ tə́ ō, ī-raī jəke ngóy ō ní. Tɔ́gə́sí kə́ kal kógə̄ḿ beē i kadə̄ ī-raī jəke ō, kadə̄ ə̄ndāī kemsí dɔḿ tə́ ō, i kadə̄ ə̄nī kemsí ādə̄mī ō. Banī sḭḭ̄ ɔ́diī alé.

IJAI 30:15 Referans Kwoze

IJAI 32:17

Yá̰á̰ kə́ gōtə́ a ojə kem sɔl̄ lɔm, ni a reē kə ndi lápə́yaá ō, kə ndi kanjə̄ sōl̄ yá̰á̰ kógə̄ḿ ō, kə́ njɔ́ḿ gə̄ tə́ ō.

Najə̄ kə́ Majə yā Jeju ń Luk ndang ní 13:34

Jerusalem, Jerusalem, ḭ̄ nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ ní kə mbalá ō, nja ngá̰ý m̄-gḛy kán̄ ngání gə̄ kə̄ naā tə́ tītə̄ kó̰o̰ kə̄njá kə́ kán̄ ngánən gə̄ gír bɔ̄gə̄n tə́, ba sḭḭ̄ ī-gḛyiī alé.

JA̰A̰ 5:40

Banī sḭḭ̄ ī-ndigiī reē rɔ̄ḿ tə́ kadə̄ ə́ngeīń ndi kə kumuú kə́ rɔ̄kum alé.

1 YÁ̰A̰ GƏ̄ 5:20

Nə́ɓā rāā sedə́ loo rɔ̄ɔ̄ ní tə́. Ni-əla Hagəri gə̄ ō, de kə́ sedə́ gə̄ malang ō, kem jīdə́ tə́. Tɔdɔ̄ dan ń udən̄ rɔ̄ɔ̄ naā tə́ a rɔ̄ɔ̄n̄ naā ní, nin̄ əgan̄ kɔŕ kə̄ dɔ Nə́ɓā tə́ adə̄ Nə́ɓā oō ndūdə́ ba dḭḭ̄də́, tām̄ nin̄ ənīn̄ kemdə́ adə̄n̄ Nə́ɓā.

2 YÁ̰A̰ GƏ̄ 16:8

Kété ní Nubi gə̄ ō, Libi gə̄ ō, ɓoon̄ naā adə̄ nin̄ i ngé rɔ̄ɔ̄ kə́ kósə́ ngá̰ý gə̄ kə́ aw̄n̄ kə púsə rɔ̄ɔ̄ gə̄ ō, ngé kal̄ sə́nda gə̄ ō aĺ a? Ba Kɔ́ɔ̄ɓē əladə́ gíŕ tɔ́gə yāí tə́, tām̄ dan ń noō tə́ ní ə̄ndā tɔ́gí i dɔn tə́.

2 YÁ̰A̰ GƏ̄ 32:8

Ngé rɔ̄ɔ̄ gə̄ ń seneé ní i de gə̄, banī jḭḭ̄ ɓáa Kɔ́ɔ̄ɓē Nə́ɓā yājí n i sejí ní. Ni a dḭḭ̄jí adə̄ a rɔ̄ɔ̄ dɔjí tə́. Najə̄ ń mban̄g Ejekias ɔr̄ ní adə̄ de gə̄ malang tɔ́gə.

IJAI 7:4

Ā ə́dan na: Á̰a̰ gō rɔ̄í majə! Ī-ndi jəke, ī-lōō ɓōĺ. Ī-lōō kadə̄ wōn̄g kə́ ngá̰ý yā Resin ń i de kə́ Aram ní ō, yā ngōn̄ Remalia ō, ɔr̄ tɔ́gí. Mban̄g gə̄ ń noō i ta kīr̄ hor kə́ jōó gə̄ kə́ a sūn̄ sa ngóy.

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

MATIYE 23:37

Ɓē kə́ Jerusalem, ɓē kə́ Jerusalem, ḭ̄ ń i nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ looí ní kə mbalá tə́nī tɔ̄l̄də́ ō ní! Nja i kóndóńg n m̄-gḛy kán̄ ngání gə̄ kə̄ naā tə́, tītə̄ ń kó̰o̰ kə̄njá a kánəń ngánən gə̄ gír bɔ̄gə̄n tə́ ní? Ba ngání gə̄ gḛyn̄ alé!

IJAI 30:7

A̰á̰ā̰, rāā kə deé yā ɓē kə́ Ejiptə i nél karī, teē yá̰á̰ kógə̄ḿ aĺ bátə́. I tām̄ najə̄ ń toō tə́ n m-ə́da najə̄ kə́ dɔ ɓē ngeé ń toō tə́ na: Ni-a̰a̰ gajə gajə ngá̰ý, banī rāā yá̰á̰ kógə̄ḿ aĺ ní.

MATIYE 22:3

Mban̄g ní əla ngé kəla yān gə̄ gō de gə̄ ń ni-ɓāŕdə́ tə́ ní kadə̄ reēn̄ loo yá̰a̰ kəsa ní tə́. Banī de gə̄ ní mbātə́n̄ reē.

JEREMI 23:36

Ba najə̄ ń na yá̰a̰ kətō kə́ kɔȳ ngá̰ý yā Kɔ́ɔ̄ɓē ní a teē tasí tə́ to̰ alé, i najə̄ kɔrsí gə̄ n a tél yá̰a̰ kətō kə́ kɔȳ ngá̰ý yāsí kógə̄ḿ kógə̄ḿ ní, tɔdɔ̄ sḭḭ̄ ī-nujiī najə̄ yā Nə́ɓā kə́ ndi kə kumneé. Ni ń i Kɔ́ɔ̄ɓē kə́ bo kə́ tɔ́gən i ngá̰ý á i Nə́ɓā yājí ní.

IJAI 30:11

Ə́ya̰ī róbə́ kə́ majə kɔ̄ɔ́ ba āwī sa̰y, ə́ya̰ī róbə́ kə́ majə ba ī-tɔ̄ɔ̄ī. Nə́ɓā kə́ táĺ yā Israel ní, ī-lōōī kɔr̄ najə̄ yān sejí to̰!

Teē Ngán Israel gə̄ 14:14

I Kɔ́ɔ̄ɓē n na a rɔ̄ɔ̄ kum gotədə́ ní, ba kə ran̄ jəke.

PĀ GƏ̄ 116:7

Kemḿ, majə kadə̄ ī-tetə kə̄ nang tə́, tɔdɔ̄ Kɔ́ɔ̄ɓē rāā majə seí.

IJAI 28:12

Tá i kə́ ni ədadə́ kété na: Loo ń toō i loo kə́ loo to lɔm tū tə́. Deē ń kɔr rāān ní, ə́ya̰in̄ ādī taā koō. Loo ń toō i loo kə́ loo to jəke tū tə́. Banī nin̄ ndigən̄ koō alé.

IJAI 32:18

Gír de gə̄ yā Kɔ́ɔ̄ɓē a ndin̄ i loo kógə̄ḿ kə́ loo to lɔm tū tə́ tə́, kem kújə gə̄ kə́ deē a taā kemdə́ mámák gə̄ tə́, kem loo gə̄ kə́ deē a ndi jəke tū tə́ tə́.

IJAI 42:24

I náā n əla Israel ń i gír de gə̄ yā Jakob ní jī ngé gə̄ ń taān̄ yá̰a̰ yān malang kɔ̄ɔ́ tə́ ní, jī ngé gə̄ ń ɔyn̄ yá̰a̰ yān dɔ gúú tə́ ní? I Kɔ́ɔ̄ɓē waḿ? Tām̄ jə-rāāī majaĺ seneé, gír deē yān gə̄ ndigən̄ kun róbə yān alé, ndigən̄ koō ndū najə̄ yān aĺ ō.

IJAI 45:22

Sḭḭ̄ ń ī-ndiī ta ngóy dɔ nang tə́ ní, ī-tūrī kumsí kə̄ rɔ̄ḿ tə́, anī ā ájiī. A̰á̰ā̰, mā i Nə́ɓā ō, nə́ɓā kə́ rang gətóo ō.

IJAI 40:31

Banī ngé gə̄ ń əndān̄ kemdə́ dɔ Kɔ́ɔ̄ɓē tə́ ní əngen̄ tɔ́gə́ kə́ kijə. Nin̄ ḭḭn̄ bɔ̄gə̄ tītə̄ kə̄rō gə̄ beé, nin̄ a̰ȳn̄ ngɔ̄də̄ kanjə̄ kadə̄ kɔr rāādə́, nin̄ njə̄rān̄ kumdə́ kə̄ kété kanjə̄ kadə̄ tɔ́gə́də́ təgā.