IJAI 30:14 - Bibəl ta Sar̄

¹⁴ Ndogə̄ mbal̄ ní a əsō tétə̄ ká káḿ kadə̄ gajən gə̄ a dūún̄ tītə̄ bay kə́ laa yā kɔdə̄ jóo beé. Deē a əndā kemən dɔ tə́ to̰ alé, deē a ənge gájən kə́ tə́sō sḛ́ý yā kunəń hor aĺ ō, yā kɔdəń man̄ kə́ tə́gā aĺ ō.

Bible sar

¹⁴ Ndogə̄ mbal̄ ní a əsō tétə̄ ká káḿ kadə̄ gajən gə̄ a dūún̄ tītə̄ bay kə́ laa yā kɔdə̄ jóo beé. Deē a əndā kemən dɔ tə́ to̰ alé, deē a ənge gájən kə́ tə́sō sḛ́ý yā kunəń hor aĺ ō, yā kɔdəń man̄ kə́ tə́gā aĺ ō.

IJAI 30:14 Referans Kwoze

PĀ GƏ̄ 2:9

Ā ə́la dɔdə́ gíŕ tɔ́gə yāí tə́ i kə ko̰o̰ ɓē kə́ ngan̄g ngá̰ý ō, ā ī-tɔ̄ɔ̄ kōōdə́ i tītə̄ loo tɔ̄ɔ̄ jóó nánjə beé ō.

JEJU TEĒ KUM JA̰A̰ 2:27

Ni a o̰o̰ ɓē dɔdə́ tə́ i kə ndéy gindīí. Ni a tɔ̄ɔ̄də́ i tītə̄ loo tɔ̄ɔ̄ jóó nánjə̄ beé.

Makətūbə̄ ń Pol ndang adə̄ Rom gə̄ ní 11:21

Tɔdɔ̄ ré Jipə gə̄ ń i ta jī kāgə̄ olibə kə́ ɓēé gə̄ ní, Nə́ɓā tə́gādə́ kɔ̄ɔ́ anī, ḭ̄ ń i kə́ ndə̄mā dɔɔ́ ní tá a əya̰ī a?

Makətūbə̄ ń Pol ndang adə̄ Rom gə̄ ní 8:32

Nə́ɓā ń ɔgəjí Ngōnən alé, banī əlan jī de gə̄ tə́ tām̄ yājí tə́ ní, loo kadə̄ ni-adə̄jí yá̰a̰ malang kə Ngōnə̄neé aĺ i ba̰ý?

Najə̄ kə́ Majə yā Jeju ń Luk ndang ní 4:2

ba diabəl reē nāān. Kem ndɔ̄ gə̄ ń noō tə́ ní, ni-əsa yá̰a̰ alé. Ba dan ń gír ndɔ̄ gə̄ ní gān̄g anī ɓō rāān.

EJEKIEL 24:14

I mā Kɔ́ɔ̄ɓē m-ɔ̄r̄ najə̄ ō, yá̰á̰ m-ə́dá ní m-ā m̄-rāā ō. M-ā m̄-tél kə gōḿ aĺ ō, kumḿ a o̰o̰m̄ aĺ ō. M-ā m̄-ndə̄ngā rɔ̄ḿ najə̄ yá̰á̰ kógə̄ḿ tə́ aĺ ō. Jerusalem, m-ā m̄-rāā sarya seí sɔɔ̄ń hálí ō, yá̰a̰ rāāí gə̄ ō. Yá̰á̰ ń Kɔ́ɔ̄ɓē Nə́ɓā əda ní n noó.

EJEKIEL 9:10

Adə̄ m-ā m-ə́yá̰də́ alé, kumḿ a o̰o̰m̄ tām̄ yādə́ tə́ alé. M-ā m̄-rāā kadə̄ yá̰á̰ kə́ majaĺ ń nin̄ rāān̄ ní tél əsō dɔdə́ nin̄ kɔ́ gə̄ tə́.

EJEKIEL 8:18

Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

EJEKIEL 7:9

Kumḿ a o̰o̰m̄ tām̄ yāsí tə́ alé, adə̄ m-ā m-ə́yá̰sí alé. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ i mā Kɔ́ɔ̄ɓē n m-ə́ndásí ní.

EJEKIEL 7:4

Kumḿ a o̰o̰m̄ tām̄ yāsí tə́ aĺ ō, m-ā m-ā m-ə́yá̰sí aĺ ō. M-ā m̄-rāāsí kadə̄ ā ə̄gāī kə̄rā háĺsí ō, ā ásiī ɓɔ̄ɔ̄ dɔ yá̰a̰ rāāsí kə́ majaĺ ngá̰ý gə̄ aĺ ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 5:11

I tām̄ ń toō tə́ ní, m̄-ndi kə kumḿ, i najə̄ yā Kɔ́ɔ̄ɓē Nə́ɓā. Tītə̄ ń ī-tákəń loo kə́ táĺ yāḿ kə yá̰á̰ kə́ majaĺ ngá̰ý gə̄ malang yāí ō, kə yá̰á̰ kə́ to nāsə̄ míndə gə̄ malang yāí ō ní, mā m-ā m-ɔ̄r̄ rɔ̄ḿ kɔ̄ɔ́ ō, kumḿ a o̰o̰m̄ aĺ ō, m-ā m-á̰a̰ kum to ndoō yāí aĺ ō.

JEREMI 48:38

Deē a oō i nōō rɔ̄ dɔ kújə gə̄ kə́ Moab tə́ ō, ndágə loo gə̄ tə́ ō. m̄-tetə Moab naā tə́ tītə̄ yá̰á̰ kə́ nelə̄m̄ aĺ beē. Najə̄ ń Kɔ́ɔ̄ɓē əda ní n noó.

JEREMI 13:14

M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

IJAI 47:14

Nin̄ a ton̄ i tītə̄ mu beé, hor kógə̄ḿ a o̰o̰də́. Nin̄ a asən̄ kajə rɔ̄də́ ta ndo̰ hor gə̄ tə́ alé. Tá hor ní i hor kúĺ kə́ yā ndīrəń yá̰á̰ kújə garaá aĺ ō, i hor kógə̄ḿ kə́ dūú kə́ rāān̄ i kə kāgāá yā ndíbə̄ aĺ ō!

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

PĀ GƏ̄ 31:12

Madə̄ ba̰ā̰ḿ gə̄ tájə̄mə̄n̄ ō, madə̄ ɓēḿ gə̄ tájə̄mə̄n̄ adə̄ mān̄ dɔ ɓáý to̰ ō. Ngé gə̄ ń j-ənī kemjí báŕ báŕ j-adə̄ naā ní ɓōĺmə̄n̄ kɔ̄ɔ́. Ré əngemə̄n̄ róbó anī a̰ȳn̄ naā kɔ̄ɔ́.

Makətūbə̄ yā Job 27:22

Urnən̄ kanjə̄ ka̰a̰ kum tō ndoō yān, ba ni-əhɔ rɔ̄n tɔgə yā teē kɔ̄ɔ́ ta jī nge kur gərā tə́.

NDŪ NAJƏ̄ 29:20

Kɔ́ɔ̄ɓē a ɔrə̄n kɔ̄ɔ́ dan gír ɓē gə̄ kə́ Israel tə́ yā kəndān kə kérneé kadə̄ yá̰á̰ kə́ tōr̄ gə̄ malang ń ənīn̄ ndūdə́ dɔ tə́ loo kəhɔ madə̄ naā ń ndangən̄ najə̄n kem makətūbə̄ ndū najə̄ ń toō tə́ ní rāān.

Gōsə̄ najə̄ gə̄ 6:15

I tām̄ najə̄ ń noō tə́ n ni a nujə sák sák gidə kógə̄ḿ beē ní. A tétə̄n̄ kə̄ngōn rárák i gidə kógə̄ḿ ō, yá̰á̰ kə́ yā rāań a gətóo ō.

IJAI 30:26

Ndɔ̄ ń Kɔ́ɔ̄ɓē a ndem̄ ta do yā gír deē yān gə̄ anī, dan ń ni a rāā do yā gír deē yān gə̄ kadə̄ idə̄ ní, nāā a ndə́lē tītə̄ mbang ō, mbang kə́ ndɔ̄ kógə̄ḿ a ɔsə, loo kə́ unjə̄ kow yā mbang kə́ ɔsə ndɔ̄ kógə̄ḿ a asən̄ naā kə loo kə́ unjə̄ kow yā mbang kə́ ɔsə ndɔ̄ sīrí.

IJAI 65:7

a əgān̄ kə̄ran yā kaadə́ gə̄ ō. Kaadə́ gə̄ ní róōn̄ ndujə̄ yá̰á̰ kə́ kotə majə gə̄ kə̄ dɔ mbal̄ bo gə̄ tə́ ō, tájə̄mə̄n̄ dɔ ngán mbal̄ gə̄ tə́ ō. I beé ní, yá̰á̰ ń nin̄ rāān̄ kété jóó ní, m-ā m̄-rāā kadə̄ nin̄ a əgān̄ kə̄rān ngá̰ý. I mā Kɔ́ɔ̄ɓē n m-ə́da na najə̄ ń noō i najə̄ kə́ rɔ̄kum ní.

NŌŌ RƆ̄ 4:2

Ngán kə́ Siyo̰ gə̄ majən̄ ngá̰ý ō, gātə̄də́ asə kə yā lɔ́ŕ kə́ unjə̄ njáý njáý ō, ba i ba̰ý tā á rāān̄də́ i jóó nánjə́ ń i yá̰á̰ kə́ kɔdə̄ jóo rāā kə jīneé tə́ ní?