IJAI 30:12 - Bibəl ta Sar̄

¹² I tām̄ najə̄ ń toō tə́ n Nə́ɓā kə́ táĺ yā Israel əda najə̄ ń toō ní, əda na: Sḭḭ̄ ī-mbātíī najə̄ yāḿ gə̄. Sḭḭ̄ ə̄nī kemsí ādī ngé ngóĺsí gə̄ ō, ngé sor̄ gə̄ ō, sḭḭ̄ ī-ndə̄nāī rɔ̄sí rɔ̄də́ tə́ ō.

Bible sar

¹² I tām̄ najə̄ ń toō tə́ n Nə́ɓā kə́ *táĺ yā *Israel əda najə̄ ń toō ní, əda na: Sḭḭ̄ ī-mbātíī najə̄ yāḿ gə̄. Sḭḭ̄ ə̄nī kemsí ādī ngé ngóĺsí gə̄ ō, ngé sor̄ gə̄ ō, sḭḭ̄ ī-ndə̄nāī rɔ̄sí rɔ̄də́ tə́ ō.

IJAI 30:12 Referans Kwoze

IJAI 5:24

I tām̄ najə̄ ń toō tə́ n nin̄ a ton̄ tītə̄ mu kə́ hor o̰o̰ ní, aláa a ton̄ i tītə̄ mu kə́ tutə kə́ udə lim kɔ̄ɔ́ kum ta ndo̰ hor gə̄ tə́ ní. nin̄ a ndumən̄ i ngəradə́ tə́. Hútə̄də́ a ḭḭ nél tītə̄ bumbə́ru beé. Tɔdɔ̄ nin̄ kídə̄n̄ yá̰á̰ ndóō gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ mbātə́n̄ najə̄ kɔr̄ Nə́ɓā kə́ táĺ yā Israel.

1 TESALONIK 4:8

Adə̄ deē ń mbātə́ yá̰a̰ ń j-ɔjəsí toō ní, mbātə́ i deē ndul alé, banī mbātə́ i Nə́ɓā kə́ nge kadə̄sí Ndíĺ kə́ Táĺ yān.

AMOS 2:4

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Juda gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Yá̰a̰ gə̄ ń m̄-ndóōdə́ ní, nin̄ mbātə́n̄ kɔ̄ɔ́. Yá̰a̰ gə̄ ń m̄-ndang kadə̄ yā rāā ní, rāān̄ aĺ ō, gólə̄n̄ rɔ̄də́ tītə̄ yā kaadə́ gə̄ ń unən̄ gō nə́ɓā kə́ rɔ̄kum aĺ gə̄ ní ō. Nə́ɓā gə̄ ní ran̄ dɔ tə́ noō gólə̄n̄də́ ō. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

IJAI 47:10

Yá̰a̰ rāāí kə́ majaĺ gə̄ ní ḭ̄ ə̄ndā kemií dɔ tə́, adə̄ ī-gír̄ najə̄ ə́da na: De kə́ a̰a̰m̄ gətóo. I kum kedə̄ yāí kə́ gōtə́ aĺ ō, i yá̰a̰ ger̄ yāí kə́ gōtə́ aĺ ō n gólīn̄ ní. Anī ḭ̄ ī-gír̄ najə̄ ə́da na: m̄-majə m̄-tɔȳ gotə de gə̄ malang, de kə́ tītə̄ḿ gətóo.

Najə̄ kə́ Majə yā Jeju ń Luk ndang ní 10:16

Jeju əda ngé ndóō yá̰a̰ yān gə̄ ɓáý to̰ na: Deē ń oō najə̄ tasí tə́ ní kɔ́ɔ̄ oō najə̄ i taḿ mā tə́ ō, deē ń mbātə́sí ní kɔ́ɔ̄ mbātə́m̄ i mā ō. Ba deē ń mbātə́m̄ mā ní kɔ́ɔ̄ mbātə́ i deē ń əlam̄ mā ní.

JEREMI 13:25

Dūbə̄ yá̰a̰ kənge yāí ń m̄-mbɔ̄jə́ m-ādī ní n toó, tɔdɔ̄ dɔí ndígə̄nal dɔḿ tə́ ō, ə̄nī kemií ādə̄ yá̰á̰ kə́ rɔ̄kum aĺ ō. Najə̄ ń Kɔ́ɔ̄ɓē əda ní n noó.

IJAI 30:7

A̰á̰ā̰, rāā kə deé yā ɓē kə́ Ejiptə i nél karī, teē yá̰á̰ kógə̄ḿ aĺ bátə́. I tām̄ najə̄ ń toō tə́ n m-ə́da najə̄ kə́ dɔ ɓē ngeé ń toō tə́ na: Ni-a̰a̰ gajə gajə ngá̰ý, banī rāā yá̰á̰ kógə̄ḿ aĺ ní.

IJAI 30:1

Najə̄ ń Kɔ́ɔ̄ɓē əda ní n toó: Yá̰á̰ kə́ to kum̄ kaȳ aĺ a teē dɔsí tə́, sḭḭ̄ ngáń kə́ ngé mbātə́ najə̄ gə̄! Sḭḭ̄ ī-númī yá̰á̰ kə́ yā rāā gə̄ kə́ i mā n m-ɔ́jə rāā alé. Sḭḭ̄ ə̄nī ndūsí ādī naā, ba kənī ndū yāsí ní mbātə́ nge ń mā m̄-ndigə ní. Sḭḭ̄ ī-rāāī yá̰á̰ kə́ gōtə́ aĺ ba ī-reē ə̄nī dɔ madə̄ kə́ gōtə́ aĺ tə́.

IJAI 28:15

Sḭḭ̄ ə́daī na: J-ənī ndūjí j-adə̄ naā kə yoó. J-əndā jījí gír makətūbə̄ tə́ j-adə̄ naā kə de kə́ ɓádá gēé. Dan ń yá̰á̰ kə́ a nujə loo a rāā yā rāā yá̰a̰ anī, a reē loojí alé. Tām̄ sor̄ i yá̰á̰ kə́ j-a jə-ndi gírí, yá̰á̰ kə́ gōtə́ aĺ i loo ɓɔ̄ɔ̄ rɔ̄ yājí.

IJAI 5:7

Ndɔr̄ kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

PĀ GƏ̄ 62:10

A̰á̰ā̰, de gə̄ i nél karī ō, ngé rī ɓār̄ gə̄ i sor̄ karī ō. Ré deē mbɔ̄jə́də́ malang naā tə́ anī, nél ɔȳ tɔȳdə́.

PĀ GƏ̄ 52:7

Adə̄ Nə́ɓā a nujiī kɔ̄ɔ́ i kə́ njɔ́ḿ gə̄ tə́. Ni a ndɔ́rī yā teē seí kɔ̄ɔ́ kem kújə tandā yāí tə́. A ɔrī kɔ̄ɔ́ kə ngəraí gēé dɔ nang ń de kə́ kə kumuú gə̄ ndin̄ tū tə́ ní tə́.

Gōsə̄ najə̄ gə̄ 24:2

tɔdɔ̄ nin̄ gírə̄n̄ i dɔ rāā yá̰á̰ kə́ majaĺ kə́ yā rāā tə́ ngóy.

IJAI 3:14

Ni-aw̄ kə kum kɔɔ̄ gə̄ yā gír deē yān gə̄ ō, ngār gə̄ yā gír deē yān gə̄ ō, loo sarya tə́. Ni ədadə́ na: I sḭḭ̄ n ī-nujiī ndɔr̄ kāgə̄ nduū yāḿ kɔ̄ɔ́ ní. Yá̰a̰ kənge yā ngé ndoō gə̄ ń ī-ɓogiī ní, rosə kem kújə yāsí gə̄.

IJAI 3:15

Sḭḭ̄ ī-rējī gír deē yāḿ gə̄. I tām̄ rí tə́? Sḭḭ̄ ḭ́ḭḭ̄ gúu dɔ ngé ndoō gə̄ tə́. Ní, i tām̄ rí tə́? Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

IJAI 8:6

Juda gə̄ kídə̄n̄ man̄ bəlo kə́ ndēr̄ kə ngālāá kə́ Siloe ń a nūgə́ jəke ní ō, tɔ́gə́də́ ur̄ wak kɔ̄ɔ́ no Resin tə́ ō, no ngán Remalia tə́ ō.

IJAI 26:21

Kɔ́ɔ̄ɓē a teē i mbée kɔ̄ɔ́ kem kújə yān tə́ kə̄ ndágá. Ni a ənda de kə́ dɔ nang tə́ gə̄ tām̄ yá̰a̰ rāādə́ kə́ gōtə́ aĺ gə̄ tə́. Dɔ nang a əya̰ mósə́ kə́ a̰ȳ nang tə́ yā kadə̄ de gə̄ a̰a̰n̄, de gə̄ ń tɔ̄lə̄n̄də́ ní, ni a ɓɔ̄ɔ̄də́ to̰ alé.

IJAI 59:4

Loo sekə́ ń ā ī-sekíī deē loo sarya tə́ ní i gōtə́ alé. Sḭḭ̄ ī-rɔ̄ɔ̄ī dɔ deē tə́ i kə gō najə̄ kə́ rɔ̄kum alé. Sḭḭ̄ ə̄ndāī tɔ́gə́sí i dɔ yá̰á̰ kə́ kemən ra wōȳ tə́. Sḭḭ̄ ə́daī yá̰á̰ kə́ rɔ̄kum aĺ gə̄. Sḭḭ̄ ə̄tōī yá̰á̰ kə́ majaĺ kemsí tə́ ō, ójiī i yá̰á̰ kə́ to kum kaȳ aĺ ō.

IJAI 59:13

Kɔ́ɔ̄ɓē, jə-mbātə́ taí, jə-tél gōí tə́ kɔ̄ɔ́, Nə́ɓā yājí, j-a̰yī j-aw̄ sa̰y. J-a j-ɔr̄ i najə̄ rējə̄ madə̄jí gə̄ ngóy ō, i najə̄ kəsō wōn̄g ngóy ō. Sor̄ i ngá̰ý kemjí tə́ ō, i ngá̰ý dɔjí tə́ ō.