IJAI 30:10 - Bibəl ta Sar̄

¹⁰ Nin̄ ədan̄ ngé koō ta gə̄ na: Ī-lōōī ka̰a̰ yá̰á̰ ɓáý to̰! Ī-lōōī kədají yá̰á̰ kə́ rɔ̄kum! Ə́daījí yá̰á̰ kə́ nel̄ gə̄, ə́daījí yá̰á̰ kə́ nel̄jí ādə̄ j-oō kété, ká ré i yá̰á̰ rɔ̄kum aĺ gə̄gē ní.

Bible sar

¹⁰ Nin̄ ədan̄ *ngé koō ta gə̄ na: Ī-lōōī ka̰a̰ yá̰á̰ ɓáý to̰! Ī-lōōī kədají yá̰á̰ kə́ rɔ̄kum! Ə́daījí yá̰á̰ kə́ nel̄ gə̄, ə́daījí yá̰á̰ kə́ nel̄jí ādə̄ j-oō kété, ká ré i yá̰á̰ rɔ̄kum aĺ gə̄gē ní.

IJAI 30:10 Referans Kwoze

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

AMOS 7:13

Ba Betel tə́ laā ɓáa, ādə̄ asiī kɔr̄ najə̄ kə́ loo nge koō ta tə́! Tɔdɔ̄ i loo kə́ kɔr̄ kam̄ yā mban̄g ō, i kújə yā Kɔ́ɔ̄ɓē kə́ kem ɓē ko̰o̰ tə́ ō.

AMOS 2:12

Banī ngé gə̄ ń ənīn̄ ndūdə́ yā ka̰ȳ kasə nduú aĺ ní, sḭḭ̄ ī-rāāīdə́ adə̄ a̰ȳn̄ ō, ngé koō ta gə̄ ń mā m-ə̄ndā najə̄ tadə́ tə́ kadə̄ ədan̄ ní, sḭḭ̄ ɔ̄gīdə́ kɔr̄ najə̄ ō.

JEREMI 11:21

I tām̄ ń toō tə́ n Kɔ́ɔ̄ɓē ɔr̄ najə̄ kə́ majə aĺ kə de kə́ Anatot tə́ gə̄ ń ndigən̄ tɔ̄lī ní. Nin̄ ədan na: Ī-lōō koō najə̄ ta Kɔ́ɔ̄ɓē tə́ kəda, ré i beé aĺ ɓáa j-a jə-tɔ̄lī kə jījí.

JEJU TEĒ KUM JA̰A̰ 11:7

Dan ń nin̄ a ədan̄ najə̄ kə́ kum tə́ yādə́ oy anī, dā̰ ń teē kem bəlo kə́ bo ngá̰ý kə́ ngɔ́nən gətóó tə́ ní, a rɔ̄ɔ̄də́ ō, a tetədə́ rɔ̄ɔ̄ ō, a tɔ̄l̄də́ ō.

JEREMI 23:17

Nin̄ nāān̄ kəda ngé gə̄ ń kídə̄n̄ najə̄ yā Kɔ́ɔ̄ɓē ní na, Kɔ́ɔ̄ɓē əda na: Yá̰a̰ malang a njə̄rā majə tām̄ yāsí tə́. Nin̄ ədan̄ náā nəkɔ́ ń a rāā dɔ ngan̄g kə̄ non tə́ ní na: Yá̰á̰ kə́ to kum kaȳ aĺ a əsō dɔí tə́ alé.

MISE 2:11

Tá de kə́rēý gə̄ ɔrə̄n̄ najə̄ kə́ sor̄ gə̄, ədan̄ na: Ā ā̰yī kasə nduú ō, kasə kə́ ngan̄g ō. Tá ngé kɔr̄ najə̄ wa gə̄ ngeé ń toō ədan̄ ɓáý to̰ na: Israel gə̄ ń teēn̄ ta yo tə́ ní, Nə́ɓā a ɔsə njadə́ kə̄ naā tə́.

MISE 2:6

De kə́rēý gə̄ ɔrə̄n̄ najə̄ seḿ, ədamə̄n̄ na: Asiī najə̄ yāí gə̄ ń noō. Kəda na a əlan̄ rɔ̄sɔl̄ dɔjí tə́ rɔ̄kum ní, nge ń noō i najə̄ kə́ yā kɔr̄ alé.

1 MBAN̄G GƏ̄ 22:27

ba ə́dádə́ na: Mban̄g əda na kə ənīn̄ deē ń toō dəngáyá ba kə a̰a̰n̄ gōn kə mápá kə́ sḛ́ý beē ō, kə man̄ kə́ sḛ́ý beē ō, bátə́ kadə̄ n-téləń ta rɔ̄ɔ̄ tə́ kə lápə́ya.

1 MBAN̄G GƏ̄ 21:20

Akab əda Eli na: Madə̄ ba̰ā̰ḿ, ī-téĺ ə́ngem̄ gogə́ ɓáý ḿ? Eli tél ədan na: m̄-tél m-ə́ngeī gogə́ ɓáý to̰ i tām̄ ə́ya̰ rɔ̄í ī-rāań yá̰á̰ kə́ majaĺ ta kum Kɔ́ɔ̄ɓē tə́.

GALATƏ 4:16

Ba ngɔlaā m̄-tél madə̄ ba̰ā̰sí i tām̄ najə̄ kə́ rɔ̄kum ń m-ə́dásí tə́ ní a?

KƏLA RĀĀ 5:28

J-ɔgə̄sí ndóō de gə̄ yá̰a̰ kə rī deē ń noō ō, j-ədasí adə̄ unjə̄ ō. Ba ń toō ɓáa ī-ndóōī de gə̄ yá̰a̰ yāsí adə̄ taā kem ɓē kə́ Jerusalem malang kɔ̄ɔ́ ō, ī-sāāī kadə̄ mósə deē ní tél əsō dɔjí tə́ ō!

KƏLA RĀĀ 4:17

Banī yā kadə̄ najə̄ ní aw̄ń kə̄ kété dan ngán Israel gə̄ tə́ aĺ ɓáa, adə̄ j-a̰yī ndíĺdə́ j-ɔgīneédə́ kɔr̄ najə̄ kə deē kógə̄ḿ kə rī Jeju.

JA̰A̰ 8:45

Banī i tām̄ kəda ń m-ə́da najə̄ kə́ rɔ̄kum ní n sḭḭ̄ ī-taāiń kemḿ aĺ ní.

JA̰A̰ 7:7

Banī nin̄-imə̄mə̄n̄ mā i tɔdɔ̄ kəda ń m-ə́da kə̄ ndágá wáńg na kəla rāādə́ gə̄ i kə́ majaĺ ní.

JEREMI 38:4

De kə́ bo gə̄ ədan̄ mban̄g na: Ādə̄ jə-tɔ̄lī deē ń noō kɔ̄ɔ́, tɔdɔ̄ dan ń ɔr̄ najə̄ beé ní a rāā kadə̄ jī ngé rɔ̄ɔ̄ gə̄ ń na̰yn̄ kem ɓēé ō, jī de gə̄ malang ń ndin̄ kemeé ní ō a ur̄ wak kɔ̄ɔ́. Deē ń noō sāā kadə̄ de gə̄ ń toō ajən̄ alé. Ni sāā i kadə̄ yá̰á̰ kə́ to kum kaȳ aĺ tá rāādə́ ngóy.

JEREMI 29:27

I tām̄ rí tə́ á ī-rāā yá̰a̰ kə Jeremi kə́ Anatot tə́ ń ɔr̄ najə̄ kə́ nge koō ta tə́ dɔ dáńsí tə́ ní aĺ ní.

JEREMI 26:11

Ngé tun̄ yá̰a̰ gə̄ ō, ngé koō ta gə̄ ō, ədan̄ de kə́ bo gə̄ ō, de gə̄ malang kə́ kem ɓēé ō na: Majə kadə̄ deē ń toō oy. Tɔdɔ̄ ni-ɔr̄ najə̄ dɔ yá̰a̰ gə̄ ń a rāān̄ ɓē ń toō tə́ ní adə̄ sḭḭ̄ kɔ́ gə̄ ōōī kə mbīsí.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

2 YÁ̰A̰ GƏ̄ 25:16

Dan ń a əda Amasia najə̄ ń noō ɓáý anī Amasia dəjen na ké əndānən̄ nge kadə̄ mban̄g kɔjə̄ wa. Ré gḛy kadə̄ əndanən̄ aĺ ɓáa kə lōō kaw̄ kə najə̄ ní kə̄ kété. Nge koō ta aw̄ kə najə̄ ní kə̄ kété to̰ alé banī əda na: Mā m̄-ger̄ kadə̄ Nə́ɓā gḛy rāā kadə̄ óy kɔ̄ɔ́ tām̄ ḭ̄ ī-rāā yá̰á̰ ń noō ō, ōō najə̄ yāḿ aĺ ō.

2 YÁ̰A̰ GƏ̄ 16:10

Wōn̄g rāā Asa kə nge ka̰a̰ yá̰á̰ adə̄ əhɔ ənīn dəngáyá. Tɔdɔ̄ najə gə̄ ń ɔr̄ ní adə̄n wōn̄g ngá̰ý. Dan ngeé ń noō tə́ ní Asa rāā kum ngán Israel kə́rēý gə̄ ndoō tə́.

2 TIMOTE 4:3

Tɔdɔ̄ ndɔ̄ gə̄ a reēn̄ noó kadə̄ de gə̄ a ndigən̄ yá̰á̰ ndóō kə́ rɔ̄kum to̰ alé, ba a rāān̄ i yá̰á̰ ń kemdə́ gḛy ní. Adə̄ a ɔyn̄ ngé ndóōdə́ yá̰a̰ gə̄ kə́ kadə̄ a ndóōn̄də́ i yá̰á̰ ń nel̄də́ koō ní.

2 TIMOTE 4:4

Nin̄ a unən̄ mbīdə́ kɔ̄ɔ́ ta najə̄ kə́ rɔ̄kum tə́, ba a tūrə̄n̄ rɔ̄də́ i kə̄ rɔ̄ súū kə́ kɔr̄ gə̄ tə́.

1 SAMUEL 9:9

Jóo dɔ nang kə́ Israel tə́ ní ré de gə̄ aw̄n̄ kə̄ koō ta Nə́ɓā tə́ anī a ədan̄ na: Ī-reē j-awī rɔ̄ nge ka̰a̰ yá̰á̰ tə́. Tɔdɔ̄ kété ní a ɓārə́n̄ nge koō ta na i nge ka̰a̰ yá̰a̰.

IJAI 5:20

I yá̰á̰ kə́ to kum kaȳ aĺ kə́ ba̰ý beē tām̄ yā ngé gə̄ ń ədan̄ na: Yá̰á̰ kə́ majaĺ i yá̰á̰ kə́ majə, yá̰á̰ kə́ majə i yá̰á̰ kə́ majaĺ tə́ ní. Nin̄ tūrə̄n̄ loo kə́ ndɔ̄ɔ́ adə̄ tél loo kə́ unjə̄ kow ō, tūrə̄n̄ loo kə́ unjə̄ kow adə̄ tél loo kə́ ndɔ̄ɔ́ ō. Nin̄ rāān̄ yá̰á̰ kə́ atə̄ adə̄ téĺ yá̰á̰ kə́ nel̄ ō, rāān̄ yá̰á̰ kə́ nel̄ adə̄ téĺ yá̰á̰ kə́ atə̄ ō.

IJAI 29:10

Tām̄ Kɔ́ɔ̄ɓē rāā adə̄ kur̄ dɔsí oy kɔ̄ɔ́. Ngé koō ta yāsí gə̄ ń nin̄ i kumsí gə̄ ní, ni ɔgə̄də́ ka̰a̰ loo ō, ngé ka̰a̰ yá̰a̰ yāsí gə̄ ń nin̄ i dɔsí gə̄ ní, ni seĺ kūbə̄ kógə̄ḿ dɔm dɔdə́ tə́ kɔ̄ɔ́ ō.

JEREMI 36:29

Ā ə́da Joakim, mban̄g kə́ Juda na najə̄ ń mā Kɔ́ɔ̄ɓē m-ə́dá ní n toó: Ī-róō ndāŕ ndang najə̄ kə́ ɓír̄ gidə naā tə́ ń toō ō, ī-gákə̄m̄ ə́da na ké i tām̄ rí tə́ á m̄-ndang najə̄ kemeé m-ə́da na mban̄g kə́ Babilon tə́ na a reē yā nujə kə ɓē ń toō gáŕ ō, na a rāā kadə̄ de gə̄ ō, dā̰ gə̄ ō kə́ kemeé na a gətóon̄ kɔ̄ɔ́ ō ní wa?

Makətūbə̄ yā Job 41:3

De kə́ adə̄m̄ mā yá̰a̰ loo tə̄nā tə́, yā kadə̄ m-ə̄gā kɔ́ɔ̄ kə̄rā i náā? Yá̰a̰ malang kə́ dɔ nang tə́ i yāḿ mā!

IJAI 28:15

Sḭḭ̄ ə́daī na: J-ənī ndūjí j-adə̄ naā kə yoó. J-əndā jījí gír makətūbə̄ tə́ j-adə̄ naā kə de kə́ ɓádá gēé. Dan ń yá̰á̰ kə́ a nujə loo a rāā yā rāā yá̰a̰ anī, a reē loojí alé. Tām̄ sor̄ i yá̰á̰ kə́ j-a jə-ndi gírí, yá̰á̰ kə́ gōtə́ aĺ i loo ɓɔ̄ɔ̄ rɔ̄ yājí.