IJAI 3:3 - Bibəl ta Sar̄

³ ngol áskar gə̄ ō, de kə́ bo kə́ kem ɓēé gə̄ ō, ngé kadə̄ kɔjə̄ gə̄ ō, ngé rāā mbōlí gə̄ ō, ngé kəga gə̄ ō.

Bible sar

³ ngol áskar gə̄ ō, de kə́ bo kə́ kem ɓēé gə̄ ō, ngé kadə̄ kɔjə̄ gə̄ ō, ngé rāā mbōlí gə̄ ō, ngé kəga gə̄ ō.

IJAI 3:3 Referans Kwoze

1 SAMUEL 8:12

A əhɔdə́ yā kəndādə́ ngāgəra dɔ de kə́ dūbú gə̄ tə́ ō, de kə́ kutə mí gə̄ tə́ ō, kadə̄ ndɔrə̄n̄ ndɔr̄ yān gə̄ ō, sāān̄ kōō yān gə̄ ō, rāān̄ yá̰a̰ rɔ̄ɔ̄ yān gə̄ ō, yá̰a̰ kal̄ sə́nda yān gə̄ ō.

NGÉ SARYA 8:18

Gō tə́ anī əda Jeba nin̄ kə Salmuna na: De gə̄ ń ī-tɔ̄līdə́ Tabor ní ton̄ i ba̰ý? Nin̄ tél ədanən̄ na: Ton̄ tītīí. Nin̄ kógə̄ḿ kógə̄ḿ kə dɔdə́ gēé ton̄ tītə̄ ngámban̄g gə̄.

NDŪ NAJƏ̄ 1:15

Adə̄ m-ɔ́y ngār gə̄ kə́ dɔ gír ɓē yāsí gə̄ tə́ ń i de kə́ kumdə́ edə̄ gə̄ ō, kə́ ī-gerī háĺdə́ majə gə̄ ō ní m̄-tə́ndādə́ dɔsí tə́. M-ə̄ndā kə́rēý i ngār gə̄ kə́ dɔ de kə́ dūbú gə̄ tə́ ō, kə́ dɔ de kə́ ɓú gə̄ tə́ ō, kə́ dɔ de kə́ kutə mí gə̄ tə́ ō, kə́ dɔ de kə́ kutə kógə̄ḿ gə̄ tə́ ō. M-ə̄ndā kə́rēý gə̄ i ngé ndóō de gə̄ ndū najə̄ kə́ tām̄ yā gír ɓē yāsí gə̄ tə́.

Teē Ngán Israel gə̄ 18:21

Ní kə rāā ba kə gə̄rā de kə́ ngáā ngáā gə̄ dan ngán Israel gə̄ tə́ kə́ ɓōlə́n̄ ndíĺ Nə́ɓā ō, kə́ deē asə kənī kemən kadə̄də́ ō, kə́ a taān̄ yá̰a̰ jī deē tə́ yā nujəń sarya yā deē aĺ ō. Kə əndādə́ dɔ ngán Israel gə̄ tə́ kadə̄ nin̄ kə i ngār gə̄ dɔ de kə́ dūbú gə̄ tə́ ō, dɔ de kə́ ɓú gə̄ tə́ ō, dɔ de kə́ kutə mí gə̄ tə́ ō, dɔ de kə́ kutə kógə̄ḿ gə̄ tə́ ō,

Teē Ngán Israel gə̄ 4:10

Moijə əda Kɔ́ɔ̄ɓē na ni na i de kə́ n-ger̄ kɔr̄ najə̄ alé na i ɓatə, na i tagə́bēé laā aĺ ō, na i tagə́ ndɔ̄ tə́ aĺ ō, na i kum mbang ń na a ɔrə̄ń najə̄ seneé tə́ toō aĺ ō. Ni na i de kə́ tan ɔȳ ngá̰ý dɔ najə̄ tə́ na i jóo.

Makətūbə̄ yā Job 22:8

Deē ń a o̰o̰ ɓē i kə tɔ́gɔ́ ní ənge dɔ nang ō, deē ń de gə̄ ndigən̄ najə̄ yān ngá̰ý ní n ndi tū tə́ ō ní.

IJAI 3:2

Áskar kə́ ger̄ rɔ̄ɔ̄ ngá̰ý gə̄ ō, ngé rɔ̄ɔ̄ kə́ karī gə̄ ō, ngé sarya gə̄ ō, ngé koō ta gə̄ ō, kɔdə̄ sāā gə̄ ō, kum kɔɔ̄ gə̄ ō,

IJAI 3:4

Kɔ́ɔ̄ɓē ə́da na: Ngār gə̄ ń m-ā m̄-tə́ndādə́ dɔdə́ tə́ ní, i ngáń kə́ dūú gə̄, kadə̄ yə̄ngān̄də́.

IJAI 5:13

I tām̄ najə̄ ń toō tə́ ń Kɔ́ɔ̄ɓē əda najə̄ ń toō ní: A ɔyn̄ gír deē yāḿ gə̄ yā kaw̄ sedə́ dɔ ɓē kə́ rang tə́, tɔdɔ̄ nin̄ ndigən̄ ger̄ yá̰á̰ kógə̄ḿ alé. De kə́ bo gə̄ a oyn̄ yo ɓō ō, kósə de gə̄ a oyn̄ yo kəndā man̄ ō.

IJAI 9:15

Ngé kɔr no de gə̄ gólə̄n̄ gír de gə̄ ń toō, adə̄ ngé gə̄ ń nin̄ ɔrən̄ nodə́ ní unən̄ róbə́ kə́ majaĺ.