IJAI 3:26 - Bibəl ta Sar̄

²⁶ Loo ń nōō tə́ ɓē kə taá malang a nōō rɔ̄n ō, a əhɔ ndoō ō. Ni a ndi nang tə́ tītə̄ dəyá̰ kə́ tḭ̄ḭ̄ ta yá̰a̰ malang kɔ̄ɔ́ beē.

Bible sar

²⁶ Loo ń nōō tə́ ɓē kə taá malang a nōō rɔ̄n ō, a əhɔ ndoō ō. Ni a ndi nang tə́ tītə̄ dəyá̰ kə́ tḭ̄ḭ̄ ta yá̰a̰ malang kɔ̄ɔ́ beē.

IJAI 3:26 Referans Kwoze

NŌŌ RƆ̄ 2:10

Kum kɔɔ̄ gə̄ yā ngōmandə kə́ Siyo̰ ndin̄ nang tə́ tadə́ mbóo. Ba ɔyn̄ bumbə́ru kə̄ dɔdə́ tə́ ō, o̰ō̰n̄ kūbə̄ sákə̄ rɔ̄də́ tə́ ō. Ngámandə kə́ Jerusalem gə̄ əlan̄ dɔdə́ nang tə́.

JEREMI 14:2

Juda əhɔ ndoō, ɓē yān gə̄ a nujən̄ yā təgā, ton̄ kum tō ndoō ngá̰ý ō, əndan̄ nang ō. Jerusalem əga kɔŕ adə̄ ɓār̄ kə̄ dɔɔ́ dɔɔ́.

NŌŌ RƆ̄ 1:4

Róbə́ kə́ ta reē kə̄ Siyo̰ tə́ gə̄ ndə̄ngān̄ rɔ̄də́, tɔdɔ̄ de gə̄ njə̄rān̄ dɔ tə́ yā reēń rāā nāā gə̄ tə́ to̰ alé. Bápə́ kə́ ta róbə ndogə̄ kə́ Siyo̰ tə́ gə̄ malang i kə́ nujəń kɔ̄ɔ́. Ngé tun̄ yá̰a̰ yān gə̄ malang to̰ō̰n̄ rus rus. Rɔ̄ ngámandə yān gə̄ nel̄də́ aĺ ō, wurən nəkɔ́ atə̄n ngá̰ý ō.

Makətūbə̄ yā Job 2:13

Gō tə́ anī, ndin̄ nang tə́ dɔ dā̰ nang tə́ seneé, bátə́ ndɔ̄ sīrí kanjə̄ kədan najə̄ kógə̄ḿ. Tɔdɔ̄ nin̄ a̰a̰n̄ kadə̄ wur kɔl yān ní i wur kɔl kə́ al̄ naā ngá̰ý.

Najə̄ kə́ Majə yā Jeju ń Luk ndang ní 19:44

a rējə̄n̄sí rárák nang tə́, ḭ̄ gə̄gē ngání gə̄ ń a ton̄ kem bɔr yāí tə́ ní gə̄gē, a əya̰n̄ mbal̄ kógə̄ḿ dɔ mbal̄ madə̄ tə́ looí alé, tɔdɔ̄ ī-ger̄ ndɔ̄ ń Nə́ɓā reē go̰ō̰īneé tə́ ní alé.

EJEKIEL 26:16

Ngār gə̄ yā gír de gə̄ ń ndin̄ kə gō kadə bā boó ní, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́ yā ndi nang tə́. Nin̄ a ɔrə̄n̄ kūbə̄ yādə́ kə́ majə gə̄ rɔ̄də́ tə́ kɔ̄ɔ́ ō, a ɔrə̄n̄ kūbə̄ yādə́ gə̄ ń ɔsən̄ desḛ̄ḛ tū tə́ ní rɔ̄də́ tə́ kɔ̄ɔ́ ō. Nin̄ a əlan̄ ɓōĺ rɔ̄də́ tə́ tītə̄ kūbə̄ beé ō, a ndin̄ nang tə́ ō. A asədə́ ndew aĺ ō, ɓōĺ a rāādə́ ngá̰ý sɔɔ̄iń ḭ̄ ō.

Makətūbə̄ yā Job 2:8

Job ndi i kum bū tə́ ō, un i kéngəlé n a ndo̰ō̰ń rɔ̄n ō.

IJAI 47:1

Najə̄ ń Kɔ́ɔ̄ɓē əda ní n toó: Ḭ̄ ɓē kə́ Babilon, ī-risə kɔ̄ɔ́ dɔ kōr̄ kāgə̄ mbang yāí tə́, ba ī-ndi kum bumbə́rú tə́. A̰á̰ā̰, ɓē yā Babilon gə̄, ī-ndi dɔ nang tə́. Ngɔlaā ní a ɓāríīn̄ na i Babilon kə́ ger̄ gō yá̰á̰ láẃ ngá̰ý to̰ aĺ i kə́ bátə́ gə̄ tə́.

MATIYE 11:17

Jə-kɔ̄ĺ nal j-ənīń pā ndām̄ j-adə̄sí, anī sḭḭ̄ ɔdiī ndām̄ aĺ ō, j-ənī pā yo a sḭḭ̄ ɔ́diī nōō aĺ ō.

IJAI 6:11

m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

IJAI 14:31

Sḭḭ̄ ta róbə gə̄ kə́ yā kudəń kə̄ kem ɓē bo gə̄ tə́, ī-nōōī! Sḭḭ̄ ɓē bo gə̄, ī-gángī kɔŕ! Tɔ́gə dɔ nang kə́ Pilistin kə taá malang ur̄ wak kɔ̄ɔ́, tām̄ sa hor kógə̄ḿ kə́ to tītə̄ kil̄ man̄ beé, ḭḭ dām̄ mbɔ́r ɓē kə́ ko̰ó̰ tə́ a reē noó. Ɓē madə̄ ba̰ā̰ gēé ɓáa, de kə́ əya̰ ɓūtə̄ ngé rɔ̄ɔ̄ gə̄ ba aw̄ sa̰y ní gətóo.

IJAI 29:2

Banī m-ā m̄-rējī, Ariel. Ā ī-nōō ngá̰ý ō, man̄ kumií a reē ngá̰ý ō, tām̄ yāḿ tə́ ɓáa ā ī-to tītə̄ Ariel yā loo tun̄ yá̰á̰ ń a róōn̄ yá̰á̰ kə́ tun̄ gə̄ tū tə́ ní.

IJAI 33:9

Ɓē əhɔ ndoō ō, tutə kɔ̄ɔ́ ō. Mbal̄ bo gə̄ kə́ Liban ń əlan̄ rɔ̄sɔl̄ dɔdə́ tə́ ngá̰ý ní, tutən̄ malang kɔ̄ɔ́. Ndágə mbō kə́ Saro̰ tə́ to i tītə̄ dəla loo beé. Kāgə̄ gə̄ gətóon̄ kɔ̄ɔ́ dɔ mbal̄ gə̄ kə́ Basan tə́ ō, dɔ mbal̄ gə̄ kə́ Karmel tə́ ō.

JEREMI 15:8

m̄-rāā adə̄ dəyá̰ yān kə́ ngaa koy gə̄ i ngá̰ý tɔȳ kum nán̄g ngárə̄ḿnjēý kə́ ta bā tə́. m̄-rāā ādə̄ nge nujə loo reē dan kadə ndaá dɔ kó̰o̰ nge rɔ̄ɔ̄ kə́ balsáá tə́. m̄-rāā ādə̄ yá̰á̰ kə́ tə́la naā kə́ to ɓōĺ ngá̰ý əsō dɔn tə́ gidə kógə̄ḿ.

NŌŌ RƆ̄ 1:1

Jerusalem ń i ɓē kə́ kété de gə̄ i ngá̰ý kemeé ní, i ba̰ý á ngɔlaā əya̰nən̄ kɔ̄ɔ́ kə kérneé ní? I ba̰ý á ndi tītə̄ dəyá̰ kə́ ngaa koy beé ní? Ni ń rīn ɓār̄ ngá̰ý dan nápar de gə̄ tə́ ō, ni i ngār kə́ dɔ ngán ɓē gə̄ tə́ ō ní, i najə̄ rí tə́ á a rāā kəla ngámbá ní?

NŌŌ RƆ̄ 2:8

Kɔ́ɔ̄ɓē núm̄ kadə̄ kə n-nujə ndogə̄ mbal̄ yā ngōmandə kə́ Siyo̰ kɔ̄ɔ́. A ənī kəlā kə́ yā jɔ̄r̄yɔń gidə loo kadə̄ asə naā ō, a tél kə jīneé karī kanjə̄ nujə loo aĺ ō. Ni-rāā adə̄ loo déw yā ngé rɔ̄ɔ̄ gə̄ ō, ndogə̄ mbal̄ ō, ton̄ ndoō ngá̰ý.

EJEKIEL 12:20

De kə́ kem ɓēé gə̄ a gətóon̄ kɔ̄ɔ́ ō, ɓē a tél dəla loo ō. Loo ń noō tə́ ā ī-gerī kadə̄ Kɔ́ɔ̄ɓē i mā.

MISE 1:9

Tɔdɔ̄ ndéý ń ɔdə Samari ní, dáwán gətóo. Ɓē kə́ Juda gə̄gē, ndéý ní ɔdən ō, ndéý ní ɔdə ta róbə́ kə́ Jerusalem ō, loo ń gír deē yāḿ gə̄ ndin̄ tū tə́ ní.

IJAI 32:14

Əya̰n̄ kújə ndi mban̄g gə̄ kɔ̄ɔ́, ɓē ń ká̰a̰ de gə̄ ɓār̄ gijə gijə kemeé ní, deē kógə̄ḿ gē gətóo kemeé. Opel ō, kújə ngɔ̄m̄ ɓē kə́ ngāl̄ ɓururu ō ń i kem ɓē kə́ Jerusalem tə́ ní, télən̄ i dɔ nang gə̄ kə́ əya̰n̄də́ kɔ̄ɔ́ kə́ njɔ́ḿ gə̄ tə́. Kərō kə́ bembeé gə̄ əngen̄ rɔ̄nel̄ yādə́ i loo ń noō tə́ ō, ɓūtə̄ yá̰a̰ kul̄ gə̄ a əsan̄ mu i loo ń noō tə́ ō.