IJAI 3:24 - Bibəl ta Sar̄

²⁴ Sēē yá̰á̰ kə́ ndum a otə kum gotə ítər gə̄ ō, kəlā kə́ karī a un gotə ndāŕ kəhɔ ɓōdə̄ ō. Dɔ kə́ dəsā a un gotə dɔ kə́ tūmə̄n tə́la naā ngá̰ý ō, kūbə̄ kəhɔ ndoō kə́ rāā kə sákə̄ kə́ ndo̰ō̰ huyuyu a un gotə kūbə̄ kə́ majə ngá̰ý kə́ gātə̄n i ngá̰ý ō. Tə́re rɔ̄sɔl̄ a un gotə majə kə́ rɔ̄ deē majə ō.

Bible sar

²⁴ Sēē yá̰á̰ kə́ ndum a otə kum gotə ítər gə̄ ō, kəlā kə́ karī a un gotə ndāŕ kəhɔ ɓōdə̄ ō. Dɔ kə́ dəsā a un gotə dɔ kə́ tūmə̄n tə́la naā ngá̰ý ō, kūbə̄ kəhɔ ndoō kə́ rāā kə sákə̄ kə́ ndo̰ō̰ huyuyu a un gotə kūbə̄ kə́ majə ngá̰ý kə́ gātə̄n i ngá̰ý ō. Tə́re rɔ̄sɔl̄ a un gotə majə kə́ rɔ̄ deē majə ō.

IJAI 3:24 Referans Kwoze

EJEKIEL 27:31

Nin̄ dəsān̄ dɔdə́ ō, a o̰o̰n̄ kūbə̄ kəhɔ ndoō ō, najə̄ yāí tə́. Nin̄ a nōōīn̄ kə man̄ kumdə́, tɔdɔ̄ kemdə́ nel̄də́ aĺ ngá̰ý ō, nin̄ a nōōn̄ rɔ̄də́ kə wur katāá ō.

NŌŌ RƆ̄ 2:10

Kum kɔɔ̄ gə̄ yā ngōmandə kə́ Siyo̰ ndin̄ nang tə́ tadə́ mbóo. Ba ɔyn̄ bumbə́ru kə̄ dɔdə́ tə́ ō, o̰ō̰n̄ kūbə̄ sákə̄ rɔ̄də́ tə́ ō. Ngámandə kə́ Jerusalem gə̄ əlan̄ dɔdə́ nang tə́.

MISE 1:16

Sḭḭ̄ de kə́ Jerusalem gə̄, ī-ró̰yī nənga dɔsí gə̄ ō, ī-dəsāī dɔsí ɔ́jiīń kadə̄ ə́hɔī ndoō, najə̄ yā ngáńsí gə̄ kə́ ī-tariīdə́ ngá̰ý tə́! Ādə̄ nənga gətóo dɔsí tə́ tītə̄ yā míndə māl̄ beé, tɔdɔ̄ a ɔyn̄ ngáńsí gə̄ ngeé ń toō yā kaw̄ sedə́ dɔ ɓē kə́ rang tə́ dɔ gúú tə́, sa̰y rɔ̄sí tə́.

IJAI 22:12

Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

IJAI 15:3

Nin̄ əlan̄ kūbə̄ kəhɔ ndoō rɔ̄də́ tə́ njə̄rān̄neée kum róbə kɔsə gə̄ tə́. Nin̄ ran̄ kə̄ ta kújə gə̄ tə́ ō, kə̄ ndágə loo gə̄ tə́ ō ənīnəń pā yo ō, de gə̄ malang nōōn̄ ō.

1 PIYER 3:3

Ādī yá̰á̰ súū rɔ̄ yāsí i yá̰á̰ súū rɔ̄sí kə́ gidə tə́ ndágá alé, tītə̄ dɔ kə́ tūm̄, aláa nə̄ngá lɔ́r, aláa kūbə̄ kə́ majə kə́ ō̰ō̰ī.

AMOS 8:10

M-ā m̄-rāā kadə̄ ndɔ̄ rāā nāā yāsí gə̄ télən̄ ndɔ̄ kəhɔ ndoō ō, pā yāsí gə̄ malang ní m-ā m̄-rāā kadə̄ a télən̄ i pā yo gə̄ ō. De gə̄ malang a əlan̄ i kūbə̄ kəhɔ ndoō rɔ̄də́ tə́. De gə̄ malang a dəsān̄ dɔdə́ kɔ̄ɔ́, tītə̄ kə́ ndɔ̄ yo ngōn̄ kə́ kal kógə̄ḿ beē tə́ beē. Ba yá̰a̰ gə̄ ń noō malang ní, ta tɔ̄l̄ ta a to i tītə̄ ndɔ̄ kógə̄ḿ kə́ rɔ̄nelāĺ i ngá̰ý kemeé adə̄ rɔ̄ deē atə̄n beē.

ESTER 2:12

Ngōn̄ kə́ dəyá̰ a rāā rɔ̄n kem nāā kutə gidə i jōó pá tá ré ta i dɔn tə́ kadə̄ aw̄ rɔ̄ mban̄g Jerses tə́ anī a aw̄ ɓáý. Dan ń dəyá̰ gə̄ a rāān̄neé rɔ̄də́ tə́ ní, a ndumən̄ yibə̄ kāgə̄ mír nāā mehḛ́. Kem nāā kə́ mehḛ́ gə̄ ń na̰yn̄ tə́ ní a ndumən̄ nō kāgə̄ kə́ kotə majə ō, yibə̄ gə̄ kə́ rāān̄ rɔ̄də́ kadə̄ ndélē gə̄ ō.

LEBI GƏ̄ 26:16

yá̰á̰ ń m-ā m̄-rāā sesí ní n toó: M-ā m-ādə̄ mo̰y gajə a rāāsí kadə̄ kumsí a ra doo ō, kadə̄ rɔ̄sí a tōr̄sí ō. Ā ī-dubī kōō yāsí i ndāńg karī i madə̄ ba̰ā̰sí gə̄ ń a əsan̄.

JEJU TEĒ KUM JA̰A̰ 18:9

Dan ń mban̄g kə́ dɔ nang tə́ gə̄ ń ɓīīn̄ seneé loo ájə́ba tə́ ō, tə́ndān̄ yá̰á̰ kə́ majə ngá̰ý yādə́ gə̄ kə ta naá ō, a a̰a̰n̄ sa hor kə́ dɔn tə́ anī, a nōōn̄ ō, a əndan̄ kadədə́ najə̄ yān tə́ ō.

JEJU TEĒ KUM JA̰A̰ 16:9

Loo ń noō tə́ kəngā mbang kə́ ngá̰ý rāā de gə̄, adə̄ ngonjə̄n̄ kə rī Nə́ɓā kə́ nge kaw̄ kə tɔ́gə dɔ yá̰á̰ kə́ tōr̄ gə̄ ní tə́. Banī nin̄-tūrə̄n̄ háĺdə́ ɔsənə̄ń gɔnən alé.

JEJU TEĒ KUM JA̰A̰ 11:3

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

JOEL 1:8

Ī-nō rɔ̄í, tītə̄ ngōmandə kə́ ger̄ dəngam aĺ ɓáý kə́ o̰ō̰ sákə̄ kūbə̄ rɔ̄n tə́, yā nōoń dəngam ń əhɔ gātə̄n dan ń ni i mandən tə́ ní.

EJEKIEL 7:18

Nin̄ a o̰o̰n̄ kūbə̄ kəhɔ ndoō ō, ɓōĺ a ndewdə́ ō. Ta kumdə́ i kə rɔ̄sɔlɔ̄ɔ́ ō, nin̄ malang a dəsān̄ dɔdə́ kɔ̄ɔ́ ō.

JEREMI 48:37

Tā anī, dəsān̄ dɔ de gə̄ malang ō, mbāý de gə̄ malang ō, tə́jān̄ jī de gə̄ malang kə doó ō, de gə̄ malang o̰ō̰n̄ kūbə̄ kəhɔ ndoō ō.

JEREMI 6:26

Sḭḭ̄ gír deē yāḿ gə̄, ə́laī kūbə̄ kəhɔ ndoō rɔ̄sí tə́. Ī-wángə̄lāī kum bumbə́rú tə́. Əhɔī ndoō tītə̄ loo rāā ndoō ngōn̄ kə́ dəngam kə́ kal kógə̄ḿ beē kə́ oy. Ī-nōōī rɔ̄sí kə wur katāá. Tɔdɔ̄ nge nujə loo a teē sejí rétə́ gēé.

JEREMI 4:8

Tām̄ najə̄ ń toō tə́ ní, ō̰ō̰ī sákə̄ kūbə̄ tə́ rɔ̄sí tə́. Ī-nōōī rɔ̄sí ō, ə́gaī kɔŕ ō, tɔdɔ̄ wōn̄g yā Kɔ́ɔ̄ɓē kə́ al̄ naā ngá̰ý əya̰ gōjí alé.

IJAI 57:9

Ḭ̄ āw̄ rɔ̄ mban̄g kə́ bo tə́ kə yibīí ō, kə ítirií ō, ḭ̄ ə́la de gə̄ adə̄ aw̄n̄ bátə́ ugə̄n̄ sa̰y ngá̰ý, nin̄ i sa̰y kə loo ń toō. Ḭ̄ ī-risə nang tə́, āw̄ bátə́ ūgə̄ loo ń de kə́ koy kɔ̄ɔ́ gə̄ ndin̄ tū tə́ ní tə́.

Gōsə̄ najə̄ gə̄ 31:24

Dəyá̰ ní əjō dɔ kūbə̄ yā gātəń ō, rāā ndāŕ kəhɔ ɓōdə̄ gə̄ adə̄ ngé kɔy njə̄rań dɔɔ́ gātəń gə̄ ō.

Gōsə̄ najə̄ gə̄ 7:17

Yá̰á̰ kə́ kotə majə gə̄ ń i nō kāgə̄ mír ō, kāgə̄ aloe ō kāgə̄ sinamon ō ní, m̄-sə̄kādə́ loo toḿ tə́ kɔ̄ɔ́ ɓá.

Makətūbə̄ yā Job 16:15

M-ūr̄ kūbə̄ kəhɔ ndoō m-ə́la rɔ̄ḿ tə́ m-ūtəń tə́re doo gə̄ ō, m-ə́la nɔtə noḿ kum bumbə́rú tə́ ō.

NDŪ NAJƏ̄ 32:24

Dan ń ɓō a taā tɔ́gə́də́ kɔ̄ɔ́ ō, mo̰y gajə ō, mo̰y ngāl̄bɔ̄gīí ō, a taān̄ tɔ́gə́də́ kɔ̄ɔ́ ō anī, m-ā m̄-sə̄lā dā̰ kə́ do̰ gə̄ dɔdə́ tə́ ō, m-ā m̄-ɓōkə́ lī kə́ kongdə́ majaĺ gə̄ dɔdə́ tə́ ō.

NDŪ NAJƏ̄ 28:22

Ni a rāāī kadə̄ ōn̄g ō, a ənī mo̰y gajə ō, rɔ̄ kagə̄ ō dɔí tə́. A rāā kadə̄ rɔ̄í a təngā tólóló ō, a rāā kadə̄ man̄ a əhɔ laa ō, a ənī mo̰y dɔ kōō gə̄ tə́ kadə̄ kərēn̄ ngéŕ ngéŕ ō, kadə̄ kumdə́ teē aĺ ō. Yá̰á̰ kə́ tōr̄ gə̄ ń noō a rāānī bátə́ kadə̄ ī-gətóoń kɔ̄ɔ́.

JEREMI 49:3

Hesəbon, ī-nōō kə̄ dɔɔ́ ɓororo na ɓē kə́ Ai nujə sák sák kɔ̄ɔ́. Ɓē gə̄ ń Raba o̰o̰ ɓē dɔsí tə́ ní, ə́gaī kɔŕ. Ə́laī kūbə̄ kəhɔ ndoō rɔ̄sí tə́ ō, ī-nōōī rɔ̄sí ō. Ī-dáyī kə̄ yóō kə̄ laā kem ndogə̄ mbal̄ gə̄ tə́. Tɔdɔ̄ aw̄n̄ kə ɓesə̄ Milkom ō, ngé tun̄ yá̰a̰ yān gə̄ ō, de kə́ bo yān gə̄ ō, naā tə́ malang dɔ nang kə́ rang tə́ kɔ̄ɔ́.

IJAI 4:4

Kɔ́ɔ̄ɓē a rāā kadə̄ néĺ yá̰á̰ kə́ gōtə́ ō, néĺ kə́ a tə́go deē kadə̄ unjə̄ ō əla. Dan ń ni a tə́gó yá̰á̰ kə́ yḛr gə̄ kə́ rɔ̄ dəyá̰ kə́ Jerusalem tə́ gə̄ tītə̄ ń noō anī, dan ń ni a tə́gó mósə́ ń ɓē kə́ Siyo̰ ɓōkə́ nang tə́ ɓēé looneé ní,

IJAI 3:23

kútəram gə̄ ō, kūbə̄ lḛ́ḛ́ kə́ hɔɔ́lɔ̄ kə́ yā kəla rɔ̄ tə́ pá tá kəla kūbə̄ madə̄ gə̄ dɔ tə́ gə̄ ō, ta kūbə̄ kə́ yā ɓír̄ míndə́ tə́ gə̄ ō, ta kūbə̄ kə́ bo kə́ yā kənī dɔ bɔ̄gə̄ tə́ gə̄ ō.

IJAI 15:2

De kə́ Dibon gə̄ aw̄n̄ nōó loo ndɔ̄ȳ gə̄ tə́. Moab gə̄ unən̄ pā yo kem ɓē kə́ Nebo tə́ ō, Medeba tə́ ō. Dɔ de gə̄ malang i kə́ dəsā kɔ̄ɔ́ ō, mbāý de gə̄ malang i kə́ kəja kɔ̄ɔ́ ō.