IJAI 3:19 - Bibəl ta Sar̄

¹⁹ yá̰a̰ ta mbī gə̄ ō, nə̄ngá kə́ jī tə́ gə̄ ō, kūbə̄ kə́ yā seĺ ta kum tə́ gə̄ ō,

Bible sar

¹⁹ yá̰a̰ ta mbī gə̄ ō, nə̄ngá kə́ jī tə́ gə̄ ō, kūbə̄ kə́ yā seĺ ta kum tə́ gə̄ ō,

IJAI 3:19 Referans Kwoze

EJEKIEL 16:11

m̄-tə́la yá̰a̰ ta mbī gə̄ mbīí tə́ ō, m̄-tə́la nə̄ngá gə̄ jīí tə́ ō, m-ə̄nī məde kɔ́ɔ́í tə́ ō.

TƏ́DA 31:50

I tām̄ najə̄ ń toō tə́ n jə-reē kə yá̰a̰ ndējə̄ gēé yā rāań yá̰á̰ kə́ yā kutə̄ń dɔ majaĺ yājí ta kum Kɔ́ɔ̄ɓē tə́ ní. Jə-reē i kə yá̰á̰ kə́ rāā kə lɔ́r gə̄ ń j-ənge ní, adə̄ i nə̄ngá gə̄ ō, kulūm̄ ta jī gə̄ ō, yá̰a̰ ta mbī gə̄ ō, yá̰á̰ súū rɔ̄ kə́ rang gə̄ ō.

Teē Ngán Israel gə̄ 35:22

Dəngam gə̄ kə dəyá̰ gə̄ ń kemdə́ ndigə kadə̄ yá̰á̰ ngá̰ý ní reēn̄ kə yá̰á̰ súū rɔ̄ kə́ dáńg dáńg gə̄ kə́ rāān̄ kə lɔ́rɔ́: Yá̰á̰ kə́ yā kəhɔń nənga dɔ gə̄ ō, yá̰a̰ ta mbī gə̄ ō, nə̄ngá gə̄ ō, məde gə̄ ō. Reē ndējə̄n̄ Kɔ́ɔ̄ɓē yá̰a̰ gə̄ ń noō kə gō looneé.

TA KƏLA 38:18

Juda dəjen na ké kə n-adə̄n i rí wa. Dəyá̰ ní əda na kə adə̄n tambō̰o̰ yān kə kəlā kə́ gírí ō, kāgə̄ jī yān ō. Juda adə̄n yá̰a̰ gə̄ ń dəjen ní ba sāān, adə̄ ndān̄ ngōn̄ seneé.

TA KƏLA 24:53

Ni-tḛḛ̄ ta ngɔng mbā yān, ɔy yá̰á̰ súū rɔ̄ kə́ rāā kə gində̄ arjā̰a̰á̰ ō, kə lɔ́rɔ́ ō, kūbə̄ gə̄ ō, adə̄ Rebeka. Ni-adə̄ ngōkó̰o̰n ō, kó̰o̰n ō, yá̰á̰ kə́ gātə̄də́ i ngá̰ý gə̄.

TA KƏLA 24:30

tɔdɔ̄ a̰a̰ nə̄ngá kə́ kón ngōkó̰o̰n tə́ ō, nə̄ngá gə̄ kə́ jīn tə́ ō. Tá ngōkó̰o̰n ənī gotə yá̰a̰ gə̄ ń dəngam ədan ní adə̄ oō ō. Ni-reē ənge dəngam ní dɔ bəlo maná kə jámbal yān gēé,

TA KƏLA 24:22

Dan ń jámbal gə̄ a̰ȳn̄ man̄ oy anī, dəngam ní un nə̄ngá kə́ yā kəla kóń tə́ kə́ rāā kə lɔ́rɔ́ kə́ ɔȳ asə ngán kəlōo mehḛ́ ō, nə̄ngá jī kə́ rāā kə lɔ́rɔ́ gə̄ jōó kə́ ɔȳn̄ tɔȳ ngán kəlōo ɓú ō, adə̄ ngōmandə ní

TA KƏLA 38:25

Dan ń a teēn̄ seneé kə̄ ndágá anī, Tamar əla əda umən kə́ dəngam na i kɔ́ɔ̄ yá̰a̰ gə̄ ń toō n na n-ndān̄ ngōn̄ seneé ní, na n-rāān ɓɔ́ ba kə a̰a̰ tambō̰o̰ ń toō ō, kəlā kə́ gírí ń toō ō, kāgə̄ jī ń toō ō, ké i yā náā wa.

TA KƏLA 35:4

Nin̄ adə̄n̄ Jakob ɓesə̄ yādə́ gə̄ ní malang ō, nə̄ngá kə́ mbīdə́ gə̄ tə́ ō, adə̄ Jakob ndēr̄ bəlo ɓɔ̄ɔń gír kāgə̄ kə́ bo ń ra kadə ɓē kə́ Sisem tə́ ní,

IJAI 3:18

Ndɔ̄ ngeé ń noō tə́ ní, Kɔ́ɔ̄ɓē a ɔr̄ yá̰á̰ ń rāā adə̄ nin̄ mandən̄ ngá̰ý ní rɔ̄də́ tə́ kɔ̄ɔ́, adə̄ i nə̄ngá gə̄ kə́ dɔ kúkə̄lú njadə́ gə̄ tə́ ō, məde gə̄ ō, yá̰á̰ súū rɔ̄ kə́ to tītə̄ gájə nāā beé ō,

IJAI 3:20

mandíl gə̄ ō, ngáń sḛ́ń kə́ dūú ngá̰ý gə̄ ō, ndāŕ kəhɔ ɓōdə̄ kə́ sétə̄ gidə naā tə́ gə̄ ō, láyā̰ gə̄ ō, yá̰á̰ kə́ a rāā majə kə deé gə̄ ō,

Teē Ngán Israel gə̄ 32:2

Anī Aaro̰ tél ədadə́ na kə ró̰ȳn̄ nə̄ngá lɔ́ŕ gə̄ kə́ mbī nə̄yá̰də́ gə̄ tə́ ō, kə́ mbī ngáńdə́ kə́ dəngam gə̄ tə́ ō, kə́ dəyá̰ gə̄ tə́ ō, kə reēn̄neé kə adə̄nən̄.

Teē Ngán Israel gə̄ 32:3

Ngán Israel gə̄ malang ró̰ȳn̄ nə̄ngá lɔ́ŕ kə́ mbīdə́ gə̄ tə́ reēn̄neé adə̄nən̄.

EJEKIEL 16:12

M-ə́la nə̄ngá kóní tə́ ō, m̄-tə́la yá̰a̰ ta mbī gə̄ mbīí tə́ ō, m-ə́la yá̰á̰ súū rɔ̄ kə́ majə ngá̰ý jākā tə́ dɔí tə́ ō.