IJAI 3:17 - Bibəl ta Sar̄

¹⁷ I beé ní, Kɔ́ɔ̄ɓē a rāā kadə̄ kur əsa dɔdə́ malang, adə̄ nənga a gətóo notə nodə́ tə́.

Bible sar

¹⁷ I beé ní, Kɔ́ɔ̄ɓē a rāā kadə̄ kur əsa dɔdə́ malang, adə̄ nənga a gətóo notə nodə́ tə́.

IJAI 3:17 Referans Kwoze

JEREMI 13:22

Ī-dəje rɔ̄í najə̄ ə́da na: I tām̄ rí tə́ á yá̰á̰ ń toō rāām̄ ní? I tām̄ yá̰á̰ kə́ gōtə́ aĺ ngá̰ý ń ī-rāā tə́ ní n de gə̄ sa̰ā̰n̄neé kūbə̄ kə́ ta gírí tə́ kə̄ dɔɔ́ ō, ɓīīn̄neé seí dɔ gúú tə́ ō ní.

JEJU TEĒ KUM JA̰A̰ 16:2

De kə́ dɔ rā̰ tə́ kə́ ta kəga dɔ aw̄ ɓōkə́ wōn̄g kə́ kem kópə yān tə́ dɔ nang tə́. Anī de gə̄ ń tə́ré yá̰a̰ yā dā̰ i rɔ̄də́ tə́ ō, nin̄-rɔȳn̄ ndíĺ yá̰á̰ kə́ ɔsə kum gotə dā̰ ō ní, do səya̰ kə́ majaĺ ngá̰ý ō, kə́ tōr̄ ngá̰ý ō, əsō dɔdə́ tə́.

MISE 1:11

Sḭḭ̄ de kə́ Sapir gə̄, āwī dɔ ɓē kə́ rang tə́ kə rɔ̄sɔlɔ̄ɔ́ ō, rɔ̄sí karī ō. De kə́ Saanan gə̄ gḛyn̄ teē kɔ̄ɔ́ kem ɓē yādə́ tə́ alé. De kə́ Bet Esel gə̄ ənīn̄ pā yo. Ɓē bo ń toō asə rāā sesí alé.

IJAI 20:4

Mban̄g kə́ Asiri a əhɔ de kə́ Ejiptə tə́ gə̄ dəngáy ō, a ɔy de kə́ Etiopi gə̄ yā kaw̄ sedə́ dɔ ɓē kə́ rang tə́ dɔ gúú tə́ ō. Ni a ɔy balsáa gə̄ ō, de kə́ tɔgə gə̄ ō, yā kaw̄ sedə́ kanjə̄ kūbə̄ rɔ̄də́ tə́ ō, da njadə́ karī ō, rɔ̄də́ karī ō. Nge ń noō i rɔ̄sɔl̄ kə́ tām̄ yā de kə́ Ejiptə gə̄ tə́.

NAHUM 3:5

Kɔ́ɔ̄ɓē kə́ bo kə́ tɔ́gən i ngá̰ý ədan wáńg na: M-ā m̄-rāā yá̰á̰ kə́ tōr̄ seí. M-ā m̄-sa̰ā̰ kūbə̄ yāí yā reēń ta kumií tə́ dɔɔ́, m-ā m-ɔ́jə́ nápar de gə̄ gírí kə́ karī kadə̄ a̰a̰n̄. I beé n gotə ɓē ko̰o̰ kə́ rang gə̄ a a̰a̰nə̄ń rɔ̄sɔl̄ yāí ní.

NDŪ NAJƏ̄ 28:27

Kɔ́ɔ̄ɓē a rāā kadə̄ ngaw ń a əɓa de kə́ Ejiptə gə̄ ní əɓaī ō, a rāā kadə̄ yá̰a̰ agī ō, kadə̄ kur əsaī ō, kadə̄ rɔ̄ ndo̰ō̰ kə́ dan gān̄g aĺ əsō dɔí tə́ ō.

LEBI GƏ̄ 21:20

de kə́ rugə ō, kə́ dūú njéḿ njéḿ ō, kə́ kumən əɓa ō, kə́ kur əsan ō, kə́ mo̰y rāā ndārə́n ō, áji mbang i de kə́ ɔrə̄n̄ gumə̄n kɔ̄ɔ́. ō ń,

PĀ KƏ́ MAJƏ 3:11

Ngáń kə́ dəyá̰ kə́ Siyo̰ gə̄, ī-teē á̰a̰ī mban̄g Salomo̰! Ni-əla jākā mbang dɔn tə́. I jākā ń kó̰o̰n adə̄n ndɔ̄ ń ni-taāń dəyá̰ tə́ ní, ndɔ̄ ń rɔ̄n nelə̄nneé tə́ ní.

IJAI 3:16

Kɔ́ɔ̄ɓē əda na: Dəyá̰ kə́ mandə gə̄ kə́ Siyo̰ əndan̄ gúúdə́. Nin̄ njə̄rān̄ ɓáa ə́lan̄ míndə́də́ kə̄ kété, sāān̄ kadə̄ de gə̄ reēn̄ rɔ̄də́ kə ta kūl̄ ka̰a̰ loo yādə́. Nin̄ njə̄rān̄ ɓáa unən̄ njadə́ sḛ́ý beē ba rāān̄ adə̄ kōō nə̄ngá gə̄ kə́ dɔ kúkə̄lú njadə́ gə̄ tə́ ɓār̄.

IJAI 3:18

Ndɔ̄ ngeé ń noō tə́ ní, Kɔ́ɔ̄ɓē a ɔr̄ yá̰á̰ ń rāā adə̄ nin̄ mandən̄ ngá̰ý ní rɔ̄də́ tə́ kɔ̄ɔ́, adə̄ i nə̄ngá gə̄ kə́ dɔ kúkə̄lú njadə́ gə̄ tə́ ō, məde gə̄ ō, yá̰á̰ súū rɔ̄ kə́ to tītə̄ gájə nāā beé ō,