IJAI 3:16 - Bibəl ta Sar̄

¹⁶ Kɔ́ɔ̄ɓē əda na: Dəyá̰ kə́ mandə gə̄ kə́ Siyo̰ əndan̄ gúúdə́. Nin̄ njə̄rān̄ ɓáa ə́lan̄ míndə́də́ kə̄ kété, sāān̄ kadə̄ de gə̄ reēn̄ rɔ̄də́ kə ta kūl̄ ka̰a̰ loo yādə́. Nin̄ njə̄rān̄ ɓáa unən̄ njadə́ sḛ́ý beē ba rāān̄ adə̄ kōō nə̄ngá gə̄ kə́ dɔ kúkə̄lú njadə́ gə̄ tə́ ɓār̄.

Bible sar

¹⁶ Kɔ́ɔ̄ɓē əda na: Dəyá̰ kə́ mandə gə̄ kə́ *Siyo̰ əndan̄ gúúdə́. Nin̄ njə̄rān̄ ɓáa ə́lan̄ míndə́də́ kə̄ kété, sāān̄ kadə̄ de gə̄ reēn̄ rɔ̄də́ kə ta kūl̄ ka̰a̰ loo yādə́. Nin̄ njə̄rān̄ ɓáa unən̄ njadə́ sḛ́ý beē ba rāān̄ adə̄ kōō nə̄ngá gə̄ kə́ dɔ kúkə̄lú njadə́ gə̄ tə́ ɓār̄.

IJAI 3:16 Referans Kwoze

IJAI 4:4

Kɔ́ɔ̄ɓē a rāā kadə̄ néĺ yá̰á̰ kə́ gōtə́ ō, néĺ kə́ a tə́go deē kadə̄ unjə̄ ō əla. Dan ń ni a tə́gó yá̰á̰ kə́ yḛr gə̄ kə́ rɔ̄ dəyá̰ kə́ Jerusalem tə́ gə̄ tītə̄ ń noō anī, dan ń ni a tə́gó mósə́ ń ɓē kə́ Siyo̰ ɓōkə́ nang tə́ ɓēé looneé ní,

MATIYE 21:5

Ədaī ngōmandə kə́ Siyo̰ na: Á̰a̰ mban̄g yāí a reē kə̄ rɔ̄í tə́. Ni i de kə́ najə̄n gətóo. Ndi i gidə kərō kə́ dəyá̰ tə́, gidə ngōn̄ kərō tə́.

PĀ KƏ́ MAJƏ 3:11

Ngáń kə́ dəyá̰ kə́ Siyo̰ gə̄, ī-teē á̰a̰ī mban̄g Salomo̰! Ni-əla jākā mbang dɔn tə́. I jākā ń kó̰o̰n adə̄n ndɔ̄ ń ni-taāń dəyá̰ tə́ ní, ndɔ̄ ń rɔ̄n nelə̄nneé tə́ ní.

Gōsə̄ najə̄ gə̄ 30:13

De kə́rēý gə̄ ndin̄ noó, kídə̄n̄ loo ngá̰ý ō, rāān̄ de gə̄ malang i yá̰a̰ aĺ tə́ ō!

Najə̄ kə́ Majə yā Jeju ń Luk ndang ní 23:28

Jeju tél tūr̄ kumən kə̄ rɔ̄ dəyá̰ gə̄ ní tə́, ba ədadə́ na: Dəyá̰ kə́ Jerusalem gə̄, ī-nōōmī mā alé, ba ī-nōōī rɔ̄sí sḭḭ̄ kɔ́ gə̄ ō, ngáńsí gə̄ ō.

SOPONI 3:11

Ndɔ̄ ń noō tə́ ní, rɔ̄ gír deē yāḿ gə̄ a sɔl̄də́ najə̄ yá̰a̰ rāādə́ gə̄ malang kə́ majaĺ tə́ to̰ aĺ ō, najə̄ yá̰á̰ ń nin̄ rāān̄ seḿ tə́ ní to̰ aĺ ō. Tām̄ kum mbang ngeé ń noō tə́ ní, de gə̄ ń noō malang ń əgōn̄ ɔjənə̄ń rɔ̄də́ ní, m-ā m-ɔ̄r̄də́ kɔ̄ɔ́ ɓēé loosí ō, a asəsí jā̰ā̰ bɔ̄gə̄sí dɔ mbal̄ bo yāḿ kə́ táĺ tə́ ō.

IJAI 24:4

Dɔ nang əhɔ ndoō, ni-əsō ngísə kɔ̄ɔ́, yá̰a̰ malang kə́ dɔ nang tə́ nujə kɔ̄ɔ́, əsō ngísə kɔ̄ɔ́. I kum mbang ń nujənə̄ń dɔ nang ní n nujənə̄ń dɔ rā̰ ō ní.

IJAI 3:18

Ndɔ̄ ngeé ń noō tə́ ní, Kɔ́ɔ̄ɓē a ɔr̄ yá̰á̰ ń rāā adə̄ nin̄ mandən̄ ngá̰ý ní rɔ̄də́ tə́ kɔ̄ɔ́, adə̄ i nə̄ngá gə̄ kə́ dɔ kúkə̄lú njadə́ gə̄ tə́ ō, məde gə̄ ō, yá̰á̰ súū rɔ̄ kə́ to tītə̄ gájə nāā beé ō,

IJAI 1:8

I ɓē kə́ Siyo̰ ngóy n teē ní. Ni to tītə̄ dabə kə́ ra kem ndɔr̄ kāgə̄ nduú gə̄ tə́ beē, tītə̄ kújə ngɔm̄ kə́ ra kem ndɔr̄ kosə́ gə̄ tə́ beē, tītə̄ ɓē kə́ áskar yā madə̄ ba̰ā̰ gə̄ gīrə̄n̄ gidə beé.

Gōsə̄ najə̄ gə̄ 16:18

Kɔjə rɔ̄ i róbə́ ń deē a nujəń sák sák ní ō, gán̄g rɔ̄ i róbə ń deē a əsōń ní ō.

IJAI 3:1

Yá̰a̰ kəsa kə́ kəndā dɔ jī ō, man̄ ō, kə́ kem ɓē kə́ Jerusalem tə́ ō, kə́ kem ɓē ko̰o̰ kə́ Juda tə́ ō ní, Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, a ɔy malang kɔ̄ɔ́. Yá̰a̰ malang ń nin̄ əndān̄ tɔ́gə́də́ dɔ tə́ ní, ni a taā jīdə́ tə́ kɔ̄ɔ́:

IJAI 3:4

Kɔ́ɔ̄ɓē ə́da na: Ngār gə̄ ń m-ā m̄-tə́ndādə́ dɔdə́ tə́ ní, i ngáń kə́ dūú gə̄, kadə̄ yə̄ngān̄də́.

IJAI 3:17

I beé ní, Kɔ́ɔ̄ɓē a rāā kadə̄ kur əsa dɔdə́ malang, adə̄ nənga a gətóo notə nodə́ tə́.

Gōsə̄ najə̄ gə̄ 21:4

Ka̰a̰ loo kə́ kə kidə taá ō, kɔjə rɔ̄ kə́ kem deē tə́ ō, hor lámba yā ngé kem ndul gə̄ ō ní, yá̰a̰ gə̄ ń noō malang i rāā majaĺ!