IJAI 3:15 - Bibəl ta Sar̄

¹⁵ Sḭḭ̄ ī-rējī gír deē yāḿ gə̄. I tām̄ rí tə́? Sḭḭ̄ ḭ́ḭḭ̄ gúu dɔ ngé ndoō gə̄ tə́. Ní, i tām̄ rí tə́? Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

Bible sar

¹⁵ Sḭḭ̄ ī-rējī gír deē yāḿ gə̄. I tām̄ rí tə́? Sḭḭ̄ ḭ́ḭḭ̄ gúu dɔ ngé ndoō gə̄ tə́. Ní, i tām̄ rí tə́? Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

IJAI 3:15 Referans Kwoze

PĀ GƏ̄ 94:5

Kɔ́ɔ̄ɓē, nin̄ rāān̄ kum deē yāí gə̄ ndoō tə́! Ngé gə̄ ń i deē yāí gə̄ ní, nin̄ əlan̄ rɔ̄sɔl̄ dɔdə́ tə́.

EJEKIEL 18:2

I tām̄ rí tə́ á ədan̄ kāgə̄ najə̄ ń toō kə̄ nja naā tə́ dɔ nang kə́ Israel tə́ ní, ədan̄ na: Bɔbə̄ ngán gə̄ əsan̄ kan̄ kāgə̄ nduú kə́ ɓogə́ro, ba i ngán gə̄ n ngān̄gdə́ oy ō ní?

IJAI 58:4

Dan ń sḭḭ̄ ī-*ndiī ɓō tām̄ yā Nə́ɓā tə́ anī, ī-kɔ̄lī naā ō, ī-ɓirī jīsí ī-tə́ndāīneé madə̄sí gə̄ ō. I kə ta kūl̄ ndi ɓō kə́ tītə̄ ń noō n ā ī-rāāiń kadə̄ oōn̄ ndūsí dɔɔ́ nú ní alé.

Teē Ngán Israel gə̄ 5:14

Tə̄ndān̄ ngé ndóō de gə̄ ndū najə̄ gə̄ yā ngán Israel gə̄ ń ngāgəra dɔ ngé kəla gə̄ tə́ndān̄ dɔdə́ tə́ ní, ba ədan̄də́ na tagə́bēé ō, ɓōólaā ō, ní ké ɔrə̄n̄ kutə bəríkə́ ń gāngə̄n̄ dɔdə́ tə́ ní tītə̄ kə́ kété aĺ ké i tām̄ rí tə́ wa.

JONAS 1:6

Ngol ngé rāā kəla kem to bo ní tə́ gə̄ reē rɔ̄n tə́, ba ədan na: A̰á̰, adə̄ ā ī-ɓīī i mbée a? Ḭ́ḭ dɔɔ́, ə́ga kɔŕ kə̄ dɔ nə́ɓā yāí tə́! Na majanī a gír̄ dɔjí tə́, yā kadə̄ j-a j-oyiī alé.

IJAI 5:7

Ndɔr̄ kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

IJAI 10:2

I tītə̄ ń noō n ɔgə̄nəń kadə̄ gāngə̄n̄ sarya yā ngé ndoō gə̄ kə gōó ní, de gə̄ kə́ dan deē yāḿ gə̄ tə́ ń nge rɔ̄ɔ̄ dɔdə́ tə́ gətóó ní, nin̄ ɔgə̄n̄də́ yá̰á̰ kə́ sɔɔ̄də́. Nin̄ ɓogən̄ dəyá̰ kə́ ngaa koy gə̄ ō, ɔyn̄ yá̰a̰ yā ngán hal gə̄ dɔ gúú tə́ ō.

IJAI 14:30

A ulə̄n̄ ngé ndoō gə̄ majə kə yá̰a̰ kəsaá, ngé rɔ̄ tō ndoō gə̄ a ɔrə̄n̄ koō loo kə́ yá̰a̰ a ɔdə rɔ̄də́ tū tə́ aĺ tə́. Banī sḭḭ̄ Pilistin gə̄, madə̄ ba̰ā̰sí a rāān̄sí kadə̄ sḭḭ̄ malang ā óyiī yo ɓō ō, ngé gə̄ ń a teēn̄ ta yo tə́ ní, nin̄ a tɔ̄lə̄n̄də́ kɔ̄ɔ́ ō.

IJAI 26:6

De kə́ nin̄ i yá̰á̰ kógə̄ḿ aĺ bátə́ gə̄ a rējə̄nən̄, ngé ndoō gə̄ a njə̄rān̄ dɔn tə́, a rējə̄nən̄.

IJAI 29:19

De gə̄ kə́ nin̄ i yá̰á̰ kógə̄ḿ aĺ gə̄ a əngen̄ rɔ̄nel̄ kə́ a bo i kum kə̄ kété kété kem Kɔ́ɔ̄ɓē tə́, de gə̄ kə́ nin̄ ndoōn̄ tɔȳ madə̄də́ gə̄ a ndāmə̄n̄ ndām̄ rɔ̄nel̄ najə̄ yā Nə́ɓā kə́ táĺ yā Israel tə́.

IJAI 30:12

I tām̄ najə̄ ń toō tə́ n Nə́ɓā kə́ táĺ yā Israel əda najə̄ ń toō ní, əda na: Sḭḭ̄ ī-mbātíī najə̄ yāḿ gə̄. Sḭḭ̄ ə̄nī kemsí ādī ngé ngóĺsí gə̄ ō, ngé sor̄ gə̄ ō, sḭḭ̄ ī-ndə̄nāī rɔ̄sí rɔ̄də́ tə́ ō.

IJAI 32:6

Tām̄ de kə́ sapə gə̄ a ɔrə̄n̄ i najə̄ kə́ kumən gətóo gə̄. Yá̰á̰ ń nin̄ a gírə̄n̄ ní, i rāā yá̰á̰ kə́ majaĺ ngóy ō, a rāān̄ i yá̰á̰ kə́ majə ka̰ā̰ aĺ ngá̰ý gə̄ ō, a tájə̄n̄ i Kɔ́ɔ̄ɓē ō. Deē ń ɓō rāān ní, nin̄ adə̄nən̄ yá̰a̰ kəsa aĺ ō, deē ń kəndā man̄ rāān ní, nin̄ adə̄nən̄ man̄ ka̰ȳ aĺ ō.

IJAI 63:8

Ni-ɔr̄ najə̄ yā de gə̄ yā Israel, əda na: Nin̄ i gír deē yāḿ gə̄, i ngánə́ḿ gə̄, nin̄ a gól̄mə̄n̄ aĺ ō, kété ni i nge kajədə́.

Gōsə̄ najə̄ gə̄ 30:14

De kə́rēý gə̄ ndin̄ noó, ngān̄gdə́ i kaskar ō, kə̄ngā mbɔ́ŕdə́ i kəyā ō. Nin̄ əsan̄ ngé rɔ̄ tō ndoō kə́ kem ɓēé gə̄ ō, ngé ndoō gə̄ kə́ dan de gə̄ tə́ ō.