IJAI 29:9 - Bibəl ta Sar̄

⁹ Ādə̄ ɔr kumsí ō, ī-ndiī kanjə̄ kəda yá̰a̰ ō. Ī-téliī ngé kum tɔ̄ɔ̄ gə̄ ō, ī-ndiī kanjə̄ ka̰a̰ loo ō. Ādī kasə rāāsí, ba i kanjə̄ ka̰ȳ kasə nduú. ī-bḭ́ḭ̄ḭ̄ sitə sitə, ba i kanjə̄ ka̰ȳ kasə.

Bible sar

⁹ Ādə̄ ɔr kumsí ō, ī-ndiī kanjə̄ kəda yá̰a̰ ō. Ī-téliī ngé kum tɔ̄ɔ̄ gə̄ ō, ī-ndiī kanjə̄ ka̰a̰ loo ō. Ādī kasə rāāsí, ba i kanjə̄ ka̰ȳ kasə nduú. ī-bḭ́ḭ̄ḭ̄ sitə sitə, ba i kanjə̄ ka̰ȳ kasə.

IJAI 29:9 Referans Kwoze

JEJU TEĒ KUM JA̰A̰ 17:6

Ba m-á̰a̰ kadə̄ mósə de gə̄ yā Nə́ɓā ō, mósə de kə́ kum tə́ gə̄ yā Jeju ō, rāā dəyá̰ ní kə́ kasə tə́. Dan ń m-á̰a̰n anī ɔr kumḿ ngá̰ý.

IJAI 49:26

Ngé gə̄ ń rējīīn̄ ní, m-ā m̄-rā sedə́ ta kəsa dā̰də́ nin̄ kɔ́ gə̄. Nin̄ a a̰ȳn̄ mósə́də́ nin̄ kɔ́ gə̄. Mósə́də́ ní a rāādə́ kə́ kasə tə́ tītə̄ ń kasə nduú kə́ kijə a rāań deē ní. Loo ń noō tə́ yá̰a̰ malang ń ndi kə kumneé ní a a̰a̰ yá̰á̰ ń toō yā ger̄: Mā Kɔ́ɔ̄ɓē, mā i nge kajií, mā i nge taā kəya̰ī dɔɔ́, mā, Nə́ɓā yā Jakob kə́ tɔ́gən to.

IJAI 19:14

Kɔ́ɔ̄ɓē rāādə́ adə̄ dɔdə́ ndi kə gōó alé. A̰á̰ā̰, ngār gə̄ ń noō ndɔ́rə̄n̄ ɓē kə́ Ejiptə aw̄n̄ seneé dɔ róbə́ kə́ majaĺ tə́, tū yá̰a̰ rāān gə̄ tə́ malang. Ɓē kə́ Ejiptə to i tītə̄ nge kasə rāā kə́ njan əhɔ dɔ nang alé loo tōmbə̄ tə́.

MARK 14:41

Ni-tél reē nja kə́ nge ko̰ mətá, ba ədadə́ na: Ngɔlaā ní ī-ɓīī ō, ī-taāī koō ō! Asə tā! Kum mbang asə kɔ̄ɔ́. Á̰a̰ī, a əlan̄ Ngōn̄ Deē jī de kə́ ngé rāā yá̰a̰ majaĺ gə̄ tə́.

MATIYE 26:45

Gō tə́ anī, ni-tél reē rɔ̄ ngé ndóō yá̰a̰ yān gə̄ tə́, ba ədadə́ na: Ā ī-ɓīī i mbée ō, a ī-taāī i koō ō a! Á̰a̰ī, kum mbang asə kɔ̄ɔ́, adə̄ a əlan̄ Ngōn̄ Deē jī ngé rāā yá̰a̰ majaĺ gə̄ tə́.

HABAKUK 1:5

Kɔ́ɔ̄ɓē əda na: Yá̰á̰ ń a rāā yá̰a̰ dan nápar de gə̄ tə́ ní, ə̄ndāī ma̰ȳ á̰a̰ī majə, ba ādī ɔr kumsí ō, ādī yáāsí ngá̰ý ō! A̰á̰ā̰, yá̰á̰ kógə̄ḿ kə́ to jákə́ ngá̰ý a rāā yá̰a̰ dan ń ī-ndiīń kə kumsí ní. Ré deē ənīsí i gotə anī, ā ī-taāī kem alé!

NŌŌ RƆ̄ 4:21

Ngōmandə kə́ Edom, ī-rāā walya ō ī-rāā rɔ̄nel̄ ō, ḭ̄ ń ī-ndi dɔ nang kə́ Us tə́ ní. Kópə kasə nduú a ɔdə jīí ō, ā ā̰ȳ kadə̄ rāāī ō, ā ī-ró̰ȳ kūbə̄ rɔ̄í tə́ yā njə̄rā gírí karī ō.

JEREMI 51:7

Kopə lɔ́r ń Kɔ́ɔ̄ɓē əhɔ kem jīn tə́ ní, i Babilon. Kasə kə́ kemeé rāā de gə̄ malang kə́ dɔ nang tə́. Nápar de gə̄ a̰ȳn̄ kasə nduú yān, bátə́ adə̄ gerə̄n̄ kum najə̄ to̰ alé.

JEREMI 25:27

Ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ā̰yī ādə̄ rāāsí ō, ī-tōmbī ō, ī-teē ī-tə́sōī kanjə̄ kadə̄ ḭ́ḭī dɔɔ́ ō, dan ń a á̰a̰ī kaskar ń m-ā m-ə́la dɔ dáńdə́ tə́ ní.

JEREMI 23:9

Jeremi ɔr̄ najə̄ dɔ ngé koō ta gə̄ tə́ əda na: Ngarā̰ kemḿ nujə ō, m̄-ndew yakə yakə ō. m̄-to tītə̄ nge kasə rāā ń kasə nduú rāān ngá̰ý noō beé, najə̄ yā Kɔ́ɔ̄ɓē tə́ ō, tām̄ najə̄ kə́ táĺ gə̄ tə́ ō.

JEREMI 2:12

Sḭḭ̄, dɔ rā̰ gə̄, ādə̄ yá̰á̰ ń noō ɔr kumsí. Ādə̄ ɓōĺ rāāsí tāmə̄n̄ n tə́ ō, ādə̄ kə̄ngā sā gān̄gsí ō. Najə̄ ń Kɔ́ɔ̄ɓē əda ní n noó.

IJAI 51:17

Jerusalem, ī-ndól̄, ī-ndól̄! Ḭ́ḭ ī-ra dɔɔ́! Kɔ́ɔ̄ɓē rāā adə̄ ā̰ȳ kasə kə́ kem kópə wōn̄g yān tə́. Ḭ̄ ā̰ȳ i malang, adə̄ ḭḭ̄ noí.

IJAI 29:10

Tām̄ Kɔ́ɔ̄ɓē rāā adə̄ kur̄ dɔsí oy kɔ̄ɔ́. Ngé koō ta yāsí gə̄ ń nin̄ i kumsí gə̄ ní, ni ɔgə̄də́ ka̰a̰ loo ō, ngé ka̰a̰ yá̰a̰ yāsí gə̄ ń nin̄ i dɔsí gə̄ ní, ni seĺ kūbə̄ kógə̄ḿ dɔm dɔdə́ tə́ kɔ̄ɔ́ ō.

IJAI 1:2

Dɔ rā̰, ōō! Ba ḭ̄ dɔ nang, ī-nēl̄ mbīí! I Kɔ́ɔ̄ɓē n a ɔr̄ najə̄ ní: M-ūl̄ ngán gə̄ adə̄ tɔgən̄, m-ə̄tō ngán gə̄, banī nin̄ əsōn̄ wōn̄g taḿ tə́ kɔ̄ɔ́.

IJAI 29:1

Kɔ́ɔ̄ɓē əda na: Yá̰á̰ kə́ to kum kaȳ aĺ! Ariel, Ariel! Ɓē kə́ Jerusalem ń mban̄g Dabid reē ənīn rɔ̄ɔ̄ ní! Ásə ɓōĺ gidə ndɔ̄ rāā nāā gə̄ malang, kə dɔ ɓāl̄ gə̄.

IJAI 56:10

Ngé ngɔ̄m̄ Israel gə̄ malang i məndō gə̄, nin̄ a̰a̰n̄ yá̰á̰ kógə̄ḿ gerə̄n̄ aĺ bátə́. Nin̄ malang i bísə́ kə́ gír kəlā ndo̰də́ gə̄ do̰ō̰ naā kɔ̄ɔ́ gə̄, ndōgə̄ gə̄gē nin̄ asən̄ ndōgə̄ alé. Nin̄ ton̄ nang tə́ ō, nī rāādə́ ō, ɓīī nel̄ tadə́ ō.

IJAI 63:6

Dan ń wōn̄g rāām̄ ngá̰ý ní m̄-rējə̄ gír de gə̄. m̄-rāā adə̄ wōn̄g yāḿ rāādə́ kə́ kasə tə́ ō, m̄-ɓōkə́ mósə́də́ nang tə́ ō.

JEREMI 4:9

Ndɔ̄ nəkɔ́ ń noō tə́ ní tɔ́gə mban̄g ō, tɔ́gə de kə́ bo yān gə̄ ō a ɔr̄ kɔ̄ɔ́. Najə̄ ń Kɔ́ɔ̄ɓē əda ní n noó. Ngé tun̄ yá̰a̰ gə̄ ndin̄ tadə́ mbóó kóńg, ángal ngé koō ta gə̄ nujə sák sák.

IJAI 6:10

Ūtə̄ ta róbə kemdə́ kɔ̄ɔ́, ī-rāādə́ ādə̄ mbīdə́ oō loo aĺ ō, ādə̄ kumdə́ a̰a̰ loo aĺ ō. Ɔ̄gə̄ kumdə́ ka̰a̰ loo ō, ɔ̄gə̄ mbīdə́ koō loo ō, ɔ̄gə̄ kemdə́ ger̄ najə̄ ō, i beé tá a tūrə̄n̄ rɔ̄də́ kə̄ rɔ̄ḿ tə́ aĺ ō, a əngen̄ rɔ̄ ngáā aĺ ō.

JEREMI 13:13

anī ā ə́dádə́ na: Najə̄ ń Kɔ́ɔ̄ɓē əda ní n toó: M-ā m̄-rāā kadə̄ kasə a rāā de gə̄ malang kə́ kem ɓē ń toō tə́ ō, a rāā mban̄g gə̄ kə́ gír yā Dabid tə́ ń ndin̄ dɔ kōr̄ kāgə̄ mbang yān tə́ ní ō, ngé tun̄ yá̰a̰ gə̄ ō, ngé koō ta gə̄ ō, de gə̄ malang kə́ kem ɓē kə́ Jerusalem tə́ ō.