IJAI 29:8 - Bibəl ta Sar̄

⁸ Deē ń ɓō rāān ní, nī rāān adə̄ ndi a əsa yá̰a̰, ba dan ń ni ndól̄ anī, ɓō rāān ɓáý. Deē ń kəndā rāān ní, nī rāān adə̄ ni-ndi a a̰ȳ i man̄, ba dan ń ni ndól̄ anī, kɔr rāān ō, no míndən tutə ká káḿ ɓáý ō. Kósə de gə̄ yā ɓē gə̄ ń a rɔ̄ɔ̄n̄ mbal̄ Siyo̰ ní, yādə́ a to i tītə̄ ń noō ō.

Bible sar

⁸ Deē ń ɓō rāān ní, nī rāān adə̄ ndi a əsa yá̰a̰, ba dan ń ni ndól̄ anī, ɓō rāān ɓáý. Deē ń kəndā rāān ní, nī rāān adə̄ ni-ndi a a̰ȳ i man̄, ba dan ń ni ndól̄ anī, kɔr rāān ō, no míndən tutə ká káḿ ɓáý ō. Kósə de gə̄ yā ɓē gə̄ ń a rɔ̄ɔ̄n̄ mbal̄ *Siyo̰ ní, yādə́ a to i tītə̄ ń noō ō.

IJAI 29:8 Referans Kwoze

IJAI 44:12

Kɔdə̄ rāā ta waĺ kə́ ənī dɔ yā̰l̄ hor kə́ ajə ying tə́ adə̄ atə. Ni ənda waĺ ní kə mō̰ó̰ kə ta kūl̄ tɔ́gə jīneé. Ba dan ń ɓō rāān anī, tɔ́gən gətóo kɔ̄ɔ́. Ré ni a̰ȳ man̄ aĺ anī, kɔr rāān.

PĀ GƏ̄ 73:20

Kɔ́ɔ̄ɓē, dan ń ḭ̄ údə danaá ní, nin̄ télən̄ i yá̰á̰ kə́ karī kɔ̄ɔ́, tītə̄ ndíĺ yá̰a̰ gə̄ kə́ kem nī tə́ ń deē ndól̄ dɔ ɓīī tə́ anī, télən̄ i yá̰á̰ kə́ karī kɔ̄ɔ́ ní.

2 YÁ̰A̰ GƏ̄ 32:21

Anī Kɔ́ɔ̄ɓē əla de kə́ dɔ rā̰ tə́ yān kógə̄ḿ kem gérger yā mban̄g kə́ Asiri tə́ adə̄ tɔ̄l̄ go̰ rɔ̄ɔ̄ gə̄ malang kɔ̄ɔ́ ō, tɔ̄l̄ ngol ngé rɔ̄ɔ̄ gə̄ ō, de kə́ bo gə̄ ō. Mban̄g kə́ Asiri tél kə rɔ̄sɔl̄ gēé ta kaw̄ gogə́ ɓēé. Dan ń udə kem kújə yā nə́ɓā yān tə́ anī, ngán kemən nəkɔ́ gə̄ tɔ̄l̄nən̄ kə kaskaraá.

IJAI 54:17

Yá̰a̰ rɔ̄ɔ̄ gə̄ ń rāān̄ yā kənīīneé rɔ̄ɔ̄ ní, nge kógə̄ḿ kə́ asə rāāī yá̰á̰ kə́ majaĺ gətóo. Ba ré deē kógə̄ḿ ndigə sekíī loo gān̄g sarya tə́ anī, ā ásə kɔjə kadə̄ najə̄ əhɔn. Núsə́ yá̰á̰ ń m̄-ngɔ̄m̄ tām̄ yā ngé kəla yāḿ gə̄ tə́ ní n noó, loo gān̄g ń m̄-gān̄g sarya yādə́ kə gōó ní n noó. Najə̄ ń Kɔ́ɔ̄ɓē əda ní n noó.

PĀ GƏ̄ 129:5

De gə̄ malang ń imə̄n̄ ɓē kə́ Siyo̰ ní ādə̄ rɔ̄də́ sɔl̄də́ ō, ādə̄ télən̄ kə̄ gogə́ ō!

IJAI 41:11

De gə̄ malang ń rāān̄ wōn̄g seí ní, rɔ̄də́ a sɔl̄də́ ngá̰ý ō, ndū a asədə́ nák ō. Ngé gə̄ ń kɔ̄lə̄n̄ seí ní, a nujən̄də́ kɔ̄ɔ́ ō, nin̄ a oyn̄ ō.

IJAI 41:12

Ngé rɔ̄ɔ̄í gə̄ ní, ā ī-sāādə́ banī ā ə́ngédə́ to̰ alé. De gə̄ ń toō ń rɔ̄ɔ̄īn̄ ní, a nujən̄də́ kɔ̄ɔ́ ō, nin̄ a hində̄n̄ lim kɔ̄ɔ́ ō.

NAHUM 2:1

Sḭḭ̄ Juda gə̄, nge kaw̄ kəla kə́ nge reē kə najə̄ kə́ majaá ní, ni i dɔ mbal̄ bo gə̄ tə́. Ni-əda najə̄ yā lɔm kə́ a to! Ə̄ndāī dɔ loo rāā nāā yāsí gə̄ danaá. Míndə́sí ń ə̄nīī ādī Nə́ɓā ní, ī-raī dɔ tə́. De kə́ nge núm̄ nujə loo a teē loosí to̰ aĺ i kə́ bátə́ gə̄ tə́. Tɔ́gən gətóo kɔ̄ɔ́.