IJAI 29:2 - Bibəl ta Sar̄

² Banī m-ā m̄-rējī, Ariel. Ā ī-nōō ngá̰ý ō, man̄ kumií a reē ngá̰ý ō, tām̄ yāḿ tə́ ɓáa ā ī-to tītə̄ Ariel yā loo tun̄ yá̰á̰ ń a róōn̄ yá̰á̰ kə́ tun̄ gə̄ tū tə́ ní.

Bible sar

² Banī m-ā m̄-rējī, Ariel. Ā ī-nōō ngá̰ý ō, man̄ kumií a reē ngá̰ý ō, tām̄ yāḿ tə́ ɓáa ā ī-to tītə̄ Ariel yā *loo tun̄ yá̰á̰ ń a róōn̄ yá̰á̰ kə́ tun̄ gə̄ tū tə́ ní.

IJAI 29:2 Referans Kwoze

EJEKIEL 39:17

Kɔ́ɔ̄ɓē Nə́ɓā ədam̄ ɓáý to̰ na: Ḭ̄ ngōn̄ deē, najə̄ ń m-ə̄ndā taí tə́ ní, ə́da yel̄ kə́ tayā tayā gə̄ malang ō, dā̰ kə́ bembeé gə̄ ō, ādə̄m̄. Ə́dádə́ na: Ī-teēī kə̄ ta loo gə̄ tə́ ī-reē ɔ́siī dɔsí naā tə́, kadə̄ ə́ngeī kum yāsí tū yá̰á̰ ń m-ā m̄-rāā yā tun̄ tām̄ yāsí tə́ ní. Yá̰a̰ tun̄ kə́ bo a to ndɔ̄ ń noō tə́ dɔ mbal̄ bo kə́ Israel tə́ tə́. Ā ə́saī dā̰ ō, ā ā̰yī mósə ō.

EJEKIEL 22:31

Loo ń noō tə́ m̄-bə̄gā wōn̄g yāḿ kə́ ngá̰ý dɔdə́ tə́. m̄-rāā adə̄ nin̄ gətóon̄ kɔ̄ɔ́ kum hor wōn̄g ní tə́, m̄-rāā adə̄ nin̄ əgān̄ kə̄rā yá̰a̰ rāādə́ kə́ majaĺ gə̄. Najə̄ ń Kɔ́ɔ̄ɓē Nə́ɓā əda ní n noó.

NŌŌ RƆ̄ 2:5

Kɔ́ɔ̄ɓē rāā yá̰a̰ tītə̄ kə́ ni i madə̄ ba̰ā̰n beé. Nujə kə Israel ō, kə kújə yān kə́ majə ngá̰ý gə̄ ō, gidə kógə̄ḿ. Ni tɔ̄ɔ̄ kújə yān kə́ ngan̄g ngá̰ý gə̄ kɔ̄ɔ́. Rāā adə̄ de gə̄ nōōn̄ rɔ̄də́ ngá̰ý ō, to̰ō̰n̄ ō, kem ɓē yā ngōmandə kə́ Juda tə́.

IJAI 37:3

I kadə̄ nin̄ ədan̄ nge koō ta najə̄ yā Ejekias ń toō: Ɓōólaā i ndɔ̄ wur kɔl yājí, i ndɔ̄ ndéy ō, i ndɔ̄ rɔ̄sɔl̄ ō. De gə̄ ədan̄ na ngōn̄ əndā dɔ rɔ̄n danaá kɔ̄ɔ́ yā teē kem kó̰o̰n tə́, banī tɔ́gə́ kó̰o̰n kə́ yā kojənəń gətóo.

IJAI 36:22

Gō yá̰á̰ ń noō tə́ anī, Eliakim kə́ ngōn̄ Hilkia ń i ngār kə́ dɔ kújə ngol yā mban̄g tə́ ní ō, Sebəna nge ndang makətūbə̄ ō, Yoa kə́ ngōn̄ Asap ń i ngōmbang kəla yā mban̄g ní ō, rə́yā̰n̄ kūbə̄ yādə́ gə̄. Nin̄ tél reēn̄ rɔ̄ Ejekias tə́ ba ɔjənən̄ gotə najə̄ ń ngol áskar gə̄ kə́ dɔ madə̄ gə̄ tə́ ń i de kə́ Asiri ní əda ní.

IJAI 34:6

Kaskar yā Kɔ́ɔ̄ɓē i mósə malang, mból dā̰ i gidə tə́ malang. To i tītə̄ mósə́ ngán batə̄ gə̄ kə mósə bal bə̄yā̰ gə̄ beé. To i tītə̄ mból bal batə̄ gə̄ kə́ gidə mənjodə́ gə̄ tə́ beē. Kɔ́ɔ̄ɓē əndā dɔ yá̰a̰ tun̄ kógə̄ḿ kem ɓē kə́ Bosra tə́, ɓē kə́ Bosra ń i ɓē bo ní tə́. I nujə loo kə́ to ɓōĺ ngá̰ý kə́ dɔ nang kə́ Edom tə́.

IJAI 17:14

Loo tíbí anī, i ɓōĺ kógə̄ḿ kə́ to ɓōĺ ngá̰ý, kété pá tá kadə̄ loo tīī anī, nin̄ gətóon̄ kɔ̄ɔ́ malang. Yá̰á̰ ń a rāā ngé gə̄ ń ɔyn̄ yá̰a̰ yājí malang kɔ̄ɔ́ ní n noó, yá̰á̰ ń ngé kɔy yá̰a̰ yājí dɔ gúú tə́ gə̄ a əngen̄ ní n noó. pá tá kadə̄ loo tīī ní, yá̰á̰ kógə̄ḿ kə́ na gətóo ō.

IJAI 10:32

Ndɔ̄ ngeé noō tə́ ní madə̄ ba̰ā̰ gə̄ dəban̄ Nob. Nin̄-unən̄ jīdə́ kə́ ɓir̄ əlan̄ kə̄ dɔɔ́, yā kəlań ɓōĺ kem mbal̄ bo kə́ Siyo̰ tə́, kem ngōn̄ mbal̄ kə́ Jerusalem tə́.

IJAI 3:26

Loo ń nōō tə́ ɓē kə taá malang a nōō rɔ̄n ō, a əhɔ ndoō ō. Ni a ndi nang tə́ tītə̄ dəyá̰ kə́ tḭ̄ḭ̄ ta yá̰a̰ malang kɔ̄ɔ́ beē.

IJAI 1:14

Pétə nāā kə́ teē kijə yāsí gə̄ ō, pétə́ yá̰a̰ kūjə́ yāsí gə̄ ō ń ī-rāāī ní, nelə̄m̄ aĺ ngá̰ý. Nin̄ ɔȳmə̄n̄ ngá̰ý ō, kɔr rāām̄ ta tə́gā taḿ gíŕdə́ tə́ kɔ̄ɔ́ ō.