IJAI 29:1 - Bibəl ta Sar̄

¹ Kɔ́ɔ̄ɓē əda na: Yá̰á̰ kə́ to kum kaȳ aĺ! Ariel, Ariel! Ɓē kə́ Jerusalem ń mban̄g Dabid reē ənīn rɔ̄ɔ̄ ní! Ásə ɓōĺ gidə ndɔ̄ rāā nāā gə̄ malang, kə dɔ ɓāl̄ gə̄.

Bible sar

¹ Kɔ́ɔ̄ɓē əda na: Yá̰á̰ kə́ to kum kaȳ aĺ! Ariel, Ariel! Ɓē kə́ Jerusalem ń mban̄g Dabid reē ənīn rɔ̄ɔ̄ ní! Ásə ɓōĺ gidə ndɔ̄ rāā nāā gə̄ malang, kə dɔ ɓāl̄ gə̄.

IJAI 29:1 Referans Kwoze

2 SAMUEL 5:9

Dabid ndi kem ɓē kə́ ngan̄g ngá̰ý tə́ ba əndā rīn na i ɓē yā Dabid. Gō tə́ anī ni-rāā kújə gə̄ gidə ɓē yān ní tə́ dɔ dán Milo tə́ kə kújə́ ń ni-ndi tū tə́ ní.

OJEE 9:4

Loo ń noō tə́ nin̄ a ɓōkə́n̄ kasə nduú nang tə́ yā ndējə̄ Kɔ́ɔ̄ɓē to̰ alé. Yá̰á̰ gə̄ ń nin̄ tun̄ adə̄nən̄ ní, a nelə̄n alé. Kə́ tām̄ yādə́ nin̄ tə́ ɓáa, yá̰a̰ kəsa a tél a to i tītə̄ yá̰a̰ kəsa kə́ loo yo tə́ beē. De gə̄ malang ń a əsan̄ ní a télən̄ de kə́ yḛr gə̄. Mápa yādə́ a ul̄də́, banī nin̄ a asən̄ kudə kə mápá ní kem kújə yā Kɔ́ɔ̄ɓē tə́ alé. ba a ɔtə̄ kem kújə yā Kɔ́ɔ̄ɓē tə́ alé.

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.

OJEE 5:6

Nin̄ sāān̄ Kɔ́ɔ̄ɓē i kə batə̄ yādə́ gə̄ ō, man̄g yādə́ gə̄ ō ń aw̄n̄ yā tɔ̄l̄ ba ndējə̄ ní. Banī nin̄ a əngenən̄ alé, tɔdɔ̄ ni əya̰də́ ba aw̄ sa̰y kɔ̄ɔ́.

IJAI 66:3

Tá kə́ tām̄ yā yá̰á̰ kə́ yā tun̄ tə́ ní, de gə̄ tɔ̄lə̄n̄ man̄g kə́ bəra gə̄, banī nin̄-ran̄ dɔ tə́ noō tɔ̄lə̄n̄ de gə̄. Nin̄ əjan̄ míndə batə̄ gə̄, banī nin̄ ran̄ dɔ tə́ noō ndējə̄n̄ bísə gə̄. Nin̄-ndējə̄mə̄n̄ yá̰a̰, banī nin̄ ran̄ dɔ tə́ noō ɓōkə́n̄ mósə kosong nang tə́. Nin̄-róōn̄ ndujə̄ yá̰á̰ kə́ kotə majə gə̄ adə̄mə̄n̄, banī nin̄-ran̄ dɔ tə́ noō rɔȳn̄ nə́ɓā kə́ rɔ̄kum aĺ gə̄. Nin̄ gə̄rān̄ i rāā yá̰á̰ kə́ nel̄də́ ō, yá̰á̰ kə́ majaĺ ngá̰ý gə̄ ń noō nel̄də́ ō.

HEBƏRO 10:1

Ndū najə̄ yā Moijə ɔjə kɔ̄r̄ kum yá̰a̰ kə gōgēé alé. Ni i ndíĺ yá̰á̰ kə́ majə gə̄ ń ndɔ̄ń tə́ a adə̄n̄ ní. Ni-dəje kadə̄ adə̄n̄ yá̰a̰ tun̄ kə́ kógə̄ḿ beē kə̄ nja naā tə́ kə dɔ ɓāl̄ gə̄ kanjə̄ dəba. I yá̰á̰ ń noō n ngé gə̄ ń ndɔ́tə̄n̄ kə̄ rɔ̄ Nə́ɓā tə́ ní, ni asə rāādə́ kadə̄ majə ɔtə̄n̄ kə taá alé ní.

IJAI 31:9

Ɓōĺ a rāādə́ adə̄ nin̄ a ndewn̄. Ngé gə̄ ń ngangə̄n̄ tɔȳ madə̄də́ gə̄ ní a a̰ȳn̄ naā ō, ngār gə̄ ń jīdə́ ur̄ wak ní, a əya̰n̄ dərapóo yādə́ kɔ̄ɔ́ ō. I Kɔ́ɔ̄ɓē ń ta ndo̰ hor yān i Siyo̰ ní, ni ń hor yān o̰o̰ kem ɓē kə́ Jerusalem tə́ ní. Najə̄ ń ni əda ní n noó.

JEREMI 7:21

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Ī-reēī kə yá̰a̰ tun̄ kə́ yā róō horoó gə̄ dɔ yá̰a̰ tun̄ yāsí gə̄ tə́, ba ə́saī dā̰də́.

IJAI 5:12

Nin̄ əsan̄ yá̰a̰ ō, a̰ȳn̄ yá̰a̰ ō, adə̄ mān̄ dɔ majən. Dānə̄n̄ gō yá̰a̰ gə̄ ní i kə kənde kə́ laa kə́ kugə ō, i kə kənde kə́ karī kə́ kugə ō, i kə kɔdɔɔ́ ō, i kə nalaá ō. Banī yá̰á̰ ń Kɔ́ɔ̄ɓē rāā ní, nin̄ a̰a̰n̄ alé. Nin̄ a̰a̰n̄ kəla rāān alé.

IJAI 29:9

Ādə̄ ɔr kumsí ō, ī-ndiī kanjə̄ kəda yá̰a̰ ō. Ī-téliī ngé kum tɔ̄ɔ̄ gə̄ ō, ī-ndiī kanjə̄ ka̰a̰ loo ō. Ādī kasə rāāsí, ba i kanjə̄ ka̰ȳ kasə nduú. ī-bḭ́ḭ̄ḭ̄ sitə sitə, ba i kanjə̄ ka̰ȳ kasə.

IJAI 29:13

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.

LEBI GƏ̄ 23:4

Ndɔ̄ gə̄ kə́ yā rāań nāā yā Kɔ́ɔ̄ɓē ń kadə̄ ā ɔ́siīń dɔ de gə̄ naā tə́ ní n toó: