IJAI 28:7 - Bibəl ta Sar̄

⁷ Ngé tun̄ yá̰a̰ gə̄ ō, ngé koō ta gə̄ ō ní, nin̄ gə̄gē ɔrə̄n̄ najə̄ i kə̄ noó ngóy sɔɔ̄ń kasə nduú. Kasə rāādə́ adə̄ njə̄rān̄ a bḭ́ḭ̄n̄ i mbée. Nin̄ ɔrə̄n̄ najə̄ i kə̄ nuú ngóy sɔɔ̄ń kasə. Kasə nduú rāādə́ adə̄ kumdə́ a̰a̰ loo to̰ alé. Kasə rāādə́ adə̄ njə̄rān̄ a bḭ́ḭ̄n̄ i mbée. Dan ń nin̄ a̰a̰n̄ yá̰a̰ anī, ɔrə̄n̄ najə̄ i kə̄ nuú ngóy. Dan ń nin̄ a gāngə̄n̄ sarya anī, a̰a̰n̄ yá̰a̰ unjə̄ alé.

Bible sar

⁷ *Ngé tun̄ yá̰a̰ gə̄ ō, *ngé koō ta gə̄ ō ní, nin̄ gə̄gē ɔrə̄n̄ najə̄ i kə̄ noó ngóy sɔɔ̄ń kasə *nduú. Kasə rāādə́ adə̄ njə̄rān̄ a bḭ́ḭ̄n̄ i mbée. Nin̄ ɔrə̄n̄ najə̄ i kə̄ nuú ngóy sɔɔ̄ń kasə. Kasə *nduú rāādə́ adə̄ kumdə́ a̰a̰ loo to̰ alé. Kasə rāādə́ adə̄ njə̄rān̄ a bḭ́ḭ̄n̄ i mbée. Dan ń nin̄ a̰a̰n̄ yá̰a̰ anī, ɔrə̄n̄ najə̄ i kə̄ nuú ngóy. Dan ń nin̄ a gāngə̄n̄ sarya anī, a̰a̰n̄ yá̰a̰ unjə̄ alé.

IJAI 28:7 Referans Kwoze

Najə̄ kə́ Majə yā Jeju ń Luk ndang ní 21:34

Ī-ndiī já̰já̰ dɔ rɔ̄sí tə́, ba ī-lōōī kəya̰ kadə̄ rāā nāā gə̄, kə kasə rāā gə̄, kə sōlə̄m̄ kə́ dɔ nang tə́ gə̄, rāān̄ ndíĺsí adə̄ ɔȳ nding, na sōgə́ ndɔ̄ sarya ní əhɔsí dɔ jīsí tə́,

MATIYE 24:29

Sḛ́ý gō wur kɔl gə̄ kə́ kem ndɔ̄ gə̄ ngeé ń noō tə́ anī, mbang a ndul ō, nāā a ndaa to̰ aĺ ō, tə́yō̰ kə́ dɔ rā̰ tə́ gə̄ a tə́sōn̄ dɔ nang tə́ ō, ngé tɔ́gə́ kə́ dɔ rā̰ tə́ gə̄ a ndewn̄ ō.

IJAI 19:14

Kɔ́ɔ̄ɓē rāādə́ adə̄ dɔdə́ ndi kə gōó alé. A̰á̰ā̰, ngār gə̄ ń noō ndɔ́rə̄n̄ ɓē kə́ Ejiptə aw̄n̄ seneé dɔ róbə́ kə́ majaĺ tə́, tū yá̰a̰ rāān gə̄ tə́ malang. Ɓē kə́ Ejiptə to i tītə̄ nge kasə rāā kə́ njan əhɔ dɔ nang alé loo tōmbə̄ tə́.

KOHELET 10:17

Rɔ̄nel̄ i yā ɓē ń mban̄g kə́ tū tə́ i de kə́ gír yā de kə́ bo gə̄ tə́ ō, de kə́ bo kə́ kemeé gə̄ a əsan̄ yá̰a̰ i kə kum mbangneé yā kəngeń tɔ́gə ba i yā ka̰ȳń kasə kadə̄ rāādə́ aĺ ní ō!

Gōsə̄ najə̄ gə̄ 20:1

Kasə nduú i yá̰á̰ kə́ a mbóo kə deé, kutə̄ mbī ō, yá̰á̰ kə́ a̰a̰ gō naā aĺ ō i tū kasə kə́ ngan̄g tə́. Deē ń a̰ȳ adə̄ mān̄ dɔ loon ní i de kə́ nge kum kedə̄ alé.

MISE 2:11

Tá de kə́rēý gə̄ ɔrə̄n̄ najə̄ kə́ sor̄ gə̄, ədan̄ na: Ā ā̰yī kasə nduú ō, kasə kə́ ngan̄g ō. Tá ngé kɔr̄ najə̄ wa gə̄ ngeé ń toō ədan̄ ɓáý to̰ na: Israel gə̄ ń teēn̄ ta yo tə́ ní, Nə́ɓā a ɔsə njadə́ kə̄ naā tə́.

JEREMI 23:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə̄ndāī mbīsí gír najə̄ ń ngé koō ta gə̄ ədan̄sí ní tə́ alé. Tɔdɔ̄ nin̄ gólə̄n̄ i kumsí. Yá̰a̰ gə̄ ń a̰a̰n̄ á ənīn̄sí gotə ní i gír̄ yādə́ nin̄ kɔ́ gə̄. Yá̰a̰ ń noō teē i ta Kɔ́ɔ̄ɓē tə́ alé.

JEREMI 14:14

Kɔ́ɔ̄ɓē ədam̄ na: Najə̄ ń ngé koō ta gə̄ ədan̄ kə rīḿ ní, i najə̄ kə́ rɔ̄kum alé. M-ə́ládə́ aĺ ō, m̄-dəjedə́ yá̰á̰ kógə̄ḿ aĺ ō, m-ɔ̄r̄ najə̄ sedə́ aĺ ō. Yá̰a̰ gə̄ ń a̰ā̰n̄ ní, i yá̰á̰ kə́ rɔ̄kum aĺ gə̄ ō, najə̄ gə̄ ń ədan̄ na n oōn̄ na i taḿ mā tə́ ní, i gír̄ yādə́ nin̄ kɔ́ gə̄ ō.

IJAI 3:12

Kɔ́ɔ̄ɓē əda na: Gír deē yāḿ gə̄, ngé rējə̄sí gə̄ i ngáń kə́ dūú gə̄ ō, i dəyá̰ gə̄ n i ngé ko̰o̰ ɓē dɔsí tə́ gə̄ ō ní. Gír deē yāḿ gə̄, ngé kɔr nosí gə̄ gólə̄n̄sí, nin̄ tɔ̄ɔ̄ aw̄n̄ sesí i kum kə̄ loo kə́ majaĺ tə́.

PĀ GƏ̄ 107:27

Nodə́ ḭḭ̄də́ ō bḭ́ḭ̄n̄ ō, tītə̄ ngé kasə rāā gə̄ beé. Kum kedə̄ yādə́ gə̄ malang teēdə́ yá̰á̰ tə́ alé.

EPEJƏ 5:28

Ī tītə̄ ń toō n majə kadə̄ dəngam gə̄ tárən̄ nə̄yá̰də́ gə̄ ní. De kə́ tár nə̄yá̰n tár i dā̰ rɔ̄n nəkɔ́.

EJEKIEL 44:21

Nge tun̄ yá̰a̰ a a̰ȳ kasə nduú tá a udəń ndágə loo kə́ gīr̄ gidə kújə yā Kɔ́ɔ̄ɓē kə́ kemeé tə́ alé.

EJEKIEL 13:7

Banī najə̄ ń m-ə́dádə́ ní n toó: Yá̰a̰ gə̄ ń á̰a̰ī ní i yá̰á̰ kə́ rɔ̄kum aĺ gə̄ ō, yá̰a̰ gə̄ ń sḭḭ̄ ə́daī na a rāā yá̰á̰ ní, i yá̰á̰ kə́ rɔ̄kum aĺ gə̄ ō. Sḭḭ̄ ə́daī na Kɔ́ɔ̄ɓē na əda na, banī najə̄ kógə̄ḿ kə́ mā m-ɔ̄r̄ sesí gətóo.

NŌŌ RƆ̄ 2:4

Ndɔ́r̄ ga̰ gərā yān sɔɔ̄ń Jerusalem tītə̄ kə́ ni i madə̄ ba̰ā̰n beé ō, əhɔ jī ko̰o̰n dɔɔ́ tītə̄ nge rɔ̄ɔ̄ beé ō. Ni tɔ̄l̄ ngé gə̄ malang ń majən̄ ka̰ā̰ ngá̰ý ní. Ɓōkə́ wōn̄g yān kə́ ngá̰ý hor tə́ dɔ kújə tandā yā ngōmandə kə́ Siyo̰ tə́.

JEREMI 23:13

M-á̰á̰ yá̰á̰ kə́ ngɔr mbiti gə̄ rɔ̄ ngé koō ta kə́ Samari tə́ gə̄ tə́. Nin̄ ɔrə̄n̄ najə̄ kə rī Baal adə̄ gír deē yāḿ gə̄ ń i Israel gə̄ ní ndɔmə̄n̄ róbə.

IJAI 29:11

Yá̰a̰ gə̄ ń toō malang ń i kə́ kəda ní, tām̄ yāsí tə́ ɓáa ton̄ i tītə̄ najə̄ gə̄ kə́ ton̄ kem makətūbə̄ kə́ kutə̄ ta kə tīw̄ tejeé tə́ beē. Makətūbə̄ ní adə̄n̄ deē kógə̄ḿ kə́ ger̄ tə́da makətūbə̄ ba ədanən̄ dɔ tə́ na: Ī-tə́da makətūbə̄ ń toō tā! Banī ni tūr̄ əda na: M-ásə́ tə́da alé, makətūbə̄ ní i kə́ kutə̄ ta kɔ̄ɔ́.

IJAI 24:2

I yá̰á̰ kə́ kógə̄ḿ beē n rāā nge tun̄ yá̰a̰ ō, nge tun̄ yá̰a̰ aĺ ō, kɔ́ɔ̄ ɓəlo ō, ɓəlo ō, kɔ́ɔ̄ kújə́ kə́ dəyá̰ ō, nge kəla kə́ dəyá̰ ō, nge kigə yá̰a̰ ō, nge mang yá̰a̰ ō, nge kadə̄ yá̰a̰ loo tə̄nā tə́ ō, nge tə̄nā yá̰a̰ ō, de kə́ kə̄rā i dɔn tə́ ō, de kə́ yá̰a̰ yān i dɔ deē tə́ ō ní.

IJAI 22:13

Tá loo i rɔ̄nel̄ ō, i yá̰á̰ kə́ to rɔ̄nel̄ gə̄ ō: De gə̄ tɔ̄lə̄n̄ man̄g gə̄ ō, batə̄ gə̄ ō, əsan̄ dā̰ ō, a̰ȳn̄ kasə nduú ō. Sḭḭ̄ ə́daī na: Ādə̄ j-əsaī ō, j-a̰yī ō, tām̄ j-a j-oyiī bírí!

IJAI 5:22

I yá̰á̰ kə́ to kum kaȳ aĺ kə́ ba̰ý beē, tām̄ yā ngé gə̄ ń nin̄ i go̰ kasə gə̄ ō, gerə̄n̄ tə́la kasə kə́ ngan̄g gə̄ naā tə́ ngá̰ý ō ní!

IJAI 5:11

I yá̰á̰ kə́ to kum kaȳ aĺ kə́ ba̰ý beē, tām̄ yā ngé kḭḭ dɔɔ́ ta gír loo tə́ ɓatə ka̰ȳ ngɔ̄də̄ gō kasə kə́ ngan̄g gə̄ tə́ ō, kasə nduú rāādə́ adə̄ dan ndɔ̄ tɔyɔ́ gə̄gē anī, nin̄ a dáȳn̄ i mbéé ɓáý ō ní!

Gōsə̄ najə̄ gə̄ 23:30

I nge ka̰ȳ kasə nduú kadə̄ kum mbang mān̄ dɔn tə́ ō, nge sāā kasə kə́ ngan̄g gə̄ ō aláa?

IJAI 24:20

Dɔ nang bḭ́ḭ̄ tītə̄ de kə́ nge kasə rāā beé, ni mbo̰y tītə̄ kújə́ kámbə́ kə́ nél rāān beé. Yá̰a̰ rāān kə́ gōtə́ aĺ ɔyn adə̄ teē əsō, ni a asə kḭḭ dɔɔ́ gogə́ alé.

IJAI 28:1

I yá̰á̰ kə́ to kum kaȳ aĺ kə́ ba̰ý beē tām̄ yā ɓē kə́ Samari tə́! Ɓē ń toō ń to tītə̄ jākā mbang beé ní, ngé kasə rāā gə̄ kə́ dɔ nang yā Epəraim tə́ əndan̄ gúúdə́ tāmən tə́ Ɓē ní ndi i dɔ ngōn̄ mbal̄ ń deē ra dɔ tə́ anī a̰a̰ wól loo kə́ teē kōō ngá̰ý ní. Súūn̄ ɓē ní adə̄ majə ngá̰ý. Banī ɓē ní to i tītə̄ hútə̄ yá̰á̰ kə́ tutə kə́ to dɔ de gə̄ kə́ kasə nduú rāādə́ kɔ̄ɔ́ tə́ beē.

IJAI 43:27

Kaaí kə́ ta kəga dɔ n rāā majaĺ kɔ̄ɔ́ ɓá toō, ō tá ngé gə̄ ń ə̄ndā najə̄ tadə́ tə́ ní, əsōn̄ wōn̄g taḿ tə́ ō

OJEE 7:5

Dan ń i ndɔ̄ yā mban̄g anī, de kə́ bo yān gə̄ rāān̄ yá̰a̰ tītə̄ kə́ mo̰y rāādə́ beē, nin̄ a̰ȳn̄ kasə nduú adə̄ mān̄ dɔ majən. Nin̄ rāān̄ de gə̄ mbóó tə́ ō, mban̄g rāā tītə̄ yādə́ ō.

HABAKUK 2:15

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ādī de kə́ rang gə̄ yá̰a̰ ka̰ȳ, i yá̰a̰ ka̰ȳ kə́ majaĺ ngá̰ý tītə̄ yá̰a̰ yḛl deē beé. Ī-sāāī kadə̄ yá̰a̰ ka̰ȳ ní rāādə́, kadə̄ á̰a̰īń rɔ̄də́ kə́ karī.

HABAKUK 2:16

Ba sḭḭ̄, a rāān̄sí kadə̄ rɔ̄sí a sɔl̄sí banī a rɔȳn̄sí i mbée alé! Ta i dɔsí tə́ kadə̄ sḭḭ̄ ā̰yī yá̰á̰ ní ba ɔ́jiīń de gə̄ rɔ̄sí kə́ karī! Kɔ́ɔ̄ɓē a ra sesí ta ka̰ȳ yá̰á̰ kə́ kem kópə wōn̄g yān tə́. Kadə̄ rɔȳ ń rɔȳn̄sí ní, tél i rɔ̄sɔl̄ kə́ əlan̄ dɔsí tə́.

IJAI 5:23

Deē ń najə̄ i dɔn tə́ ní, nin̄ əya̰nən̄ dɔɔ́ ba taān̄ kadə̄ karī gírí. Ba deē ń najə̄ gətóo dɔn tə́ ní, nin̄ mbātə́n̄ gān̄g sarya kə́ gōtə́ kadə̄n.