IJAI 28:6 - Bibəl ta Sar̄

⁶ Ni a adə̄ ngé gān̄g sarya gə̄ ndíĺ yá̰a̰ rāā kə́ gōtə́. Ngé mbəre madə̄ ba̰ā̰də́ gə̄ kə̄ gogə́ kɔ̄ɔ́ ta róbə́ kə́ yā kudəń kə̄ kem ɓēé tə́ ní, ni a adə̄də́ tɔ́gə́ ngá̰ý.

Bible sar

⁶ Ni a adə̄ ngé gān̄g sarya gə̄ ndíĺ yá̰a̰ rāā kə́ gōtə́. Ngé mbəre madə̄ ba̰ā̰də́ gə̄ kə̄ gogə́ kɔ̄ɔ́ ta róbə́ kə́ yā kudəń kə̄ kem ɓēé tə́ ní, ni a adə̄də́ tɔ́gə́ ngá̰ý.

IJAI 28:6 Referans Kwoze

JA̰A̰ 5:30

Mā m-ásə rāā yá̰á̰ kógə̄ḿ kə dɔḿ alé, banī m̄-gān̄g sarya i kə gō koō ń m-ōō ní. Adə̄ sarya gāngə̄ḿ i gōtə́, tɔdɔ̄ m̄-sāā rāā yá̰a̰ kə gō kem ndigə yāḿ alé, banī i kə gō kem ndigə yā nge ń əlam̄ ní.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

JA̰A̰ 3:34

Tɔdɔ̄ nge ń i Nə́ɓā n əlan ní, Nə́ɓā adə̄n Ndíl i kanjə̄ mbɔ̄jə́ ka̰ā̰, adə̄ a əda i najə̄ yā Nə́ɓā.

1 KORḚNTƏ 12:8

Ni-adə̄ deē kógə̄ḿ tɔ́gə kɔr̄ najə̄ kə́ kə kum kedēé ō, Ndíĺ kə́ Táĺ nəkɔ́ kə́ kal kógə̄ḿ beē ń toō adə̄ de kə́ rang tɔ́gə kɔr̄ najə̄ kə gō yá̰á̰ ń ní ger̄ kə ta kūl̄ Ndíĺ kə́ Táĺ ní ō.

Gōsə̄ najə̄ gə̄ 20:8

Dan ń mban̄g ndi dɔ kɔ̄r̄ kāgə̄ mbang tə́ yā gāngəń sarya ní anī, ni-a̰a̰ yá̰a̰ malang kə́ majaĺ kə kumneé ger̄ láẃ ngá̰ý.

PĀ GƏ̄ 46:1

Pā kə́ kem makətūbə̄ yā ngār yā gōsə̄ pā gə̄ tə́ ō, i pā yā ngán Kore gə̄ ō. A dānə̄n̄ gō i kə ndū kə́ dūú ngá̰ý.

2 YÁ̰A̰ GƏ̄ 32:8

Ngé rɔ̄ɔ̄ gə̄ ń seneé ní i de gə̄, banī jḭḭ̄ ɓáa Kɔ́ɔ̄ɓē Nə́ɓā yājí n i sejí ní. Ni a dḭḭ̄jí adə̄ a rɔ̄ɔ̄ dɔjí tə́. Najə̄ ń mban̄g Ejekias ɔr̄ ní adə̄ de gə̄ malang tɔ́gə.

1 MBAN̄G GƏ̄ 3:28

Ngán Israel gə̄ malang oōn̄ sarya ń mban̄g gān̄g ní adə̄ rɔȳn̄ mban̄g. Tɔdɔ̄ a̰a̰n̄ kadə̄ Nə́ɓā adə̄n kum kedə̄ yān yā gāngəń sarya.

NDŪ NAJƏ̄ 20:4

Tɔdɔ̄ i Kɔ́ɔ̄ɓē Nə́ɓā yāsí n a njə̄rā sesí yā rɔ̄ɔ̄ madə̄ ba̰ā̰sí gə̄ dɔsí tə́ ō, yā dḭḭ̄sí ō ní.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

2 YÁ̰A̰ GƏ̄ 32:6

Ni-tə́ndā ngol áskar gə̄ dɔ de gə̄ tə́ ba ɓāŕdə́ malang adə̄ reēn ndágə loo kə́ ta ɓē tə́, ba ɔjə̄də́ əda na:

IJAI 4:4

Kɔ́ɔ̄ɓē a rāā kadə̄ néĺ yá̰á̰ kə́ gōtə́ ō, néĺ kə́ a tə́go deē kadə̄ unjə̄ ō əla. Dan ń ni a tə́gó yá̰á̰ kə́ yḛr gə̄ kə́ rɔ̄ dəyá̰ kə́ Jerusalem tə́ gə̄ tītə̄ ń noō anī, dan ń ni a tə́gó mósə́ ń ɓē kə́ Siyo̰ ɓōkə́ nang tə́ ɓēé looneé ní,

IJAI 25:4

Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

IJAI 33:5

Kɔ́ɔ̄ɓē bo tɔȳ yá̰a̰ malang, tɔdɔ̄ ni-ndi i loo kógə̄ḿ kə́ ḭḭ kə̄ dɔɔ́ tə́. Ɓōĺ gidə yá̰á̰ kə́ súmūú ō, yá̰a̰ rāā kə́ gōtə́ ō ní, ni-əndā ngəran i Jerusalem.

JAKARI 12:5

Ngār gə̄ kə́ Juda a ədan̄ kə̄ kemdə́ nin̄ kɔ́ gə̄ tə́ na: De kə́ Jerusalem gə̄ ngangə̄n̄ ngá̰ý, i tɔdɔ̄ Nə́ɓā yādə́ i Kɔ́ɔ̄ɓē kə́ bo kə́ tɔ́gən i ngá̰ý.