IJAI 28:3 - Bibəl ta Sar̄

³ Ɓē kə́ to tītə̄ jākā mbang beé, adə̄ i yá̰a̰ kənda gúu yā ngé kasə rāā gə̄ kə́ Epəraim ní, a rējə̄nən̄ kɔ̄ɔ́.

Bible sar

³ Ɓē kə́ to tītə̄ *jākā mbang beé, adə̄ i yá̰a̰ kənda gúu yā ngé kasə rāā gə̄ kə́ *Epəraim ní, a rējə̄nən̄ kɔ̄ɔ́.

IJAI 28:3 Referans Kwoze

IJAI 26:6

De kə́ nin̄ i yá̰á̰ kógə̄ḿ aĺ bátə́ gə̄ a rējə̄nən̄, ngé ndoō gə̄ a njə̄rān̄ dɔn tə́, a rējə̄nən̄.

JEJU TEĒ KUM JA̰A̰ 11:2

Kə m-ə́yá̰ ndágə loo kə́ gīr̄ gidə kújə yā Kɔ́ɔ̄ɓē, ba kə m̄-lōō mbɔ̄jə́. Tām̄ na adə̄n̄ de gə̄ kə́ nin̄ i Jipə aĺ gə̄ ta róbə́ tə́ɓā ɓē kə́ táĺ njadə́ tə́ nāā kutə sɔ́ gidə i jōó.

HEBƏRO 10:29

Deē ń a tə́ɓā Ngōn̄ Nə́ɓā njan tə́ ō, rāā mósə́ ń Nə́ɓā əhɔń madə̄ naā kə de gēé ní yá̰á̰ kə́ karī tə́ ō, mósə́ ń unnəń majaĺ yān gə̄ kɔ̄ɔ́ dɔn tə́ adə̄ ni tél de kə́ kɔr̄ kam̄ tayā ō, tájə̄ Ndíĺ ń kem majə yā Nə́ɓā adə̄jí ní ō anī, ī-gírī kadə̄ yá̰á̰ kə́ tōr̄ ń majə kadə̄ rāān̄ seneé tām̄ majaĺ yān tə́ ní, i yá̰á̰ kə́ tōr̄ kə́ tɔȳ nge ń noō aĺ a?

DANIEL 8:13

Loo ń noō tə́ m-ōō ndū de kə́ dɔ rā̰ tə́ kógə̄ḿ ɔr̄ najə̄. anī de kə́ dɔ rā̰ tə́ kə́ rang dəje nge ń a ɔr̄ najə̄ ní na: Yá̰a̰ gə̄ ń a rāān̄ yā rāā yá̰á̰ á nī əda najə̄n kété toō a rāān̄ yá̰á̰ i bátə́ rəngá̰ý tə́? Yá̰á̰ tun̄ kə́ kə dɔ ndɔ̄ gə̄ ní a ɔgə̄n̄ tun̄ i bátə́ rə́ngáý tə́? Yá̰a̰ rāā kə́ gōtə́ aĺ ń najə̄ yá̰a̰ malang sák sák ní a o̰o̰ ɓē i bátə́ rə́ngáý tə́? A tə́ɓān̄ loo kə́ táĺ ō, de kə́ dɔ rā̰ tə́ gə̄ ō kə njadə́ i bátə́ rə́ngáý tə́?

IJAI 28:1

I yá̰á̰ kə́ to kum kaȳ aĺ kə́ ba̰ý beē tām̄ yā ɓē kə́ Samari tə́! Ɓē ń toō ń to tītə̄ jākā mbang beé ní, ngé kasə rāā gə̄ kə́ dɔ nang yā Epəraim tə́ əndan̄ gúúdə́ tāmən tə́ Ɓē ní ndi i dɔ ngōn̄ mbal̄ ń deē ra dɔ tə́ anī a̰a̰ wól loo kə́ teē kōō ngá̰ý ní. Súūn̄ ɓē ní adə̄ majə ngá̰ý. Banī ɓē ní to i tītə̄ hútə̄ yá̰á̰ kə́ tutə kə́ to dɔ de gə̄ kə́ kasə nduú rāādə́ kɔ̄ɔ́ tə́ beē.

2 MBAN̄G 9:33

Yehu ədadə́ na kə mbəren̄ Jesabel kadə̄ əsō nang tə́. Nin̄ mbərenən̄ adə̄ əsō. Mósən kə̄rā tū ndogə̄ mbal̄ tə́ ō ɔdə sə́nda gə̄ ō. Yehu tə́ɓān kə njaneé.

NŌŌ RƆ̄ 1:15

Kɔ́ɔ̄ɓē tə̄ɓā go̰ rɔ̄ɔ̄ gə̄ malang ń i seḿ ní kɔ̄ɔ́. Ni-ɔsə dɔ de kə́ ngá̰ý gə̄ naā tə́ kə rīḿ, kadə̄ reē rējə̄n̄ balsáa yāḿ gə̄. Kɔ́ɔ̄ɓē mbə́rē ngōmandə kə́ Juda tə́ tītə̄ kan̄ kāgə̄ nduú beē.

IJAI 25:10

Jī Kɔ́ɔ̄ɓē ngɔ̄m̄ mbal̄ Siyo̰. Banī rējə̄n̄ Moab gotə loo kə́ kógə̄ḿ beē tə́ tītə̄ mu kə́ rējə̄n̄ kem bəlo ɓōkə́ yedə̄ dā̰ gə̄ tə́ beē.

IJAI 5:11

I yá̰á̰ kə́ to kum kaȳ aĺ kə́ ba̰ý beē, tām̄ yā ngé kḭḭ dɔɔ́ ta gír loo tə́ ɓatə ka̰ȳ ngɔ̄də̄ gō kasə kə́ ngan̄g gə̄ tə́ ō, kasə nduú rāādə́ adə̄ dan ndɔ̄ tɔyɔ́ gə̄gē anī, nin̄ a dáȳn̄ i mbéé ɓáý ō ní!

IJAI 9:9

Ndogə̄ bəríkə gə̄ ń tə́sōn̄ nang tə́ ní, j-a jə-tél yā kəndādə́ gogə́ kə mbal̄ kə́ tɔ́sə̄ kadə gēé. Sáā kāgə̄ kə́ karī gə̄ ń rāānəń kújə a tə́sō kɔ̄ɔ́ ní, j-a jə-mbél̄ gíŕdə́ kə sáā kāgə̄ sédər gēé.

IJAI 28:18

A gāngə̄n̄ madə̄ naā yāsí ń ə́hɔī kə yoó ní kɔ̄ɔ́, ndūsí ń ə̄nī ādī naā kə de kə́ ɓádá gēé ní a to gotoó alé. Dan ń yá̰á̰ kə́ tɔ̄r̄ a rāā yā rāā yá̰a̰ anī, a rējə̄n̄sí kɔ̄ɔ́.

IJAI 63:3

A̰á̰ā̰, i mə̄kɔ́ kə kérə́ḿ n m̄-mbə́rē kan̄ nduú loo mbə́rē kan̄ nduú tə́ ní. De kə́ dan gír de gə̄ tə́ kə́ seḿ gətóo. Loo ń noō tə́ wōn̄g rāām̄ ngá̰ý, adə̄ m̄-mbə́rēdə́, m̄-tə̄ɓādə́ kə wōn̄g kə́ ngá̰ý. Mósə́də́ kə́rā kə̄ tū kūbə̄ yāḿ gə̄ tə́ adə̄ kūbə̄ yāḿ gə̄ malang i kə́ m̄-rāā adə̄ mósə́də́ tákə̄.