IJAI 28:21 - Bibəl ta Sar̄

²¹ Kɔ́ɔ̄ɓē a rāā yá̰á̰ kógə̄ḿ tītə̄ ń rāań dɔ mbal̄ Perasim tə́ ní. Wōn̄g a rāān adə̄ ni a ndew tītə̄ ń ndewń wól loo kə́ Gabaon tə́ ní, yā rāań yá̰á̰ kógə̄ḿ ō, yā rāań kəla yān ō. Banī yá̰á̰ ń ni-rāā ní ɔr kum ngá̰ý, kəla ń ni-rāā ní i kəla kə́ rāā jóo alé!

Bible sar

²¹ Kɔ́ɔ̄ɓē a rāā yá̰á̰ kógə̄ḿ tītə̄ ń rāań dɔ mbal̄ Perasim tə́ ní. Wōn̄g a rāān adə̄ ni a ndew tītə̄ ń ndewń wól loo kə́ Gabaon tə́ ní, yā rāań yá̰á̰ kógə̄ḿ ō, yā rāań kəla yān ō. Banī yá̰á̰ ń ni-rāā ní ɔr kum ngá̰ý, kəla ń ni-rāā ní i kəla kə́ rāā jóo alé!

IJAI 28:21 Referans Kwoze

1 YÁ̰A̰ GƏ̄ 14:11

Pilistin gə̄ aw̄n̄ bátə́ ugə̄n̄ Baal Perasim, ba Dabid tetədə́ rɔ̄ɔ̄ loo ń noō tə́ əda na: Nə́ɓā un jīḿ mbutəń kum loo adə̄ ra wōȳ dan madə̄ ba̰ā̰ḿ gə̄ tə́ tītə̄ man̄ kə́ mbutə kum loo beé. I tām̄ najə̄ ń noō tə́ n əndān̄neé rī loo ní na i Baal Perasim ní.

2 SAMUEL 5:20

Anī Dabid aw̄ Baal Perasim. Ni-tetə Pilistin gə̄ rɔ̄ɔ̄ loo ń noō tə́. Ni-əda na: Kɔ́ɔ̄ɓē tetə madə̄ ba̰ā̰ḿ gə̄ rɔ̄ɔ̄ noḿ tə́ i tītə̄ loo tetə ń man̄ a tetəń babəra ní. I tām̄ najə̄ ń noō tə́ n əndān̄neé rī loo ní na i Baal Perasim ní. Kumə̄n na i mojə nge tə́ndā kum loo gán̄g.

JOJUE 10:12

Ndɔ̄ ń Kɔ́ɔ̄ɓē əlań Amor gə̄ kem jī ngán Israel gə̄ tə́ ní, Jojue dəje Kɔ́ɔ̄ɓē yá̰á̰ ń toō ta kum ngán Israel gə̄ tə́ malang, ni-əga kɔŕ əda na: Mbang, ī-dəba dɔ ɓē kə́ Gabaon tə́, nāā, ī-dəba dɔ wól loo kə́ Ayalon tə́.

JOJUE 10:10

Kɔ́ɔ̄ɓē tə̄ndā Amor gə̄ tḭ̄ḭ̄də́ kɔ̄ɔ́ no ngán Israel gə̄ tə́, adə̄ ngán Israel gə̄ tɔ̄lə̄ndə́ ngá̰ý kadə ɓē kə́ Gabaon tə́. Ngán Israel gə̄ ngɔ̄də̄n̄ Amor gə̄ kum kə̄ Bet Horon ń i loo kə́ kḭḭ kə̄ dɔɔ́ tə́ ní, rɔ̄ɔ̄n̄də́ bátə́ ugə̄n̄ sedə́ Ajeka ō, Makeda ō.

NŌŌ RƆ̄ 2:15

Ngé mān̄ róbə gə̄ malang əndan̄ jīdə́ gírí tə́ mbóon̄neé seí. Nin̄ kɔ̄rə́n̄ ngél ō, tə́gān̄ dɔdə́ nek nek ō, mbóōon̄neé kə ngōmandə kə́ Jerusalem. I ɓē ń de gə̄ ɓārə́n̄ na i yá̰á̰ kə́ majə ɔtə̄ kə taá ō, na i rɔ̄nel̄ yā dɔ nang kə taá malang ō ní n toó a?

1 YÁ̰A̰ GƏ̄ 14:16

Dabid rāā tītə̄ ń Nə́ɓā ədanəń ní. I beé n Israel gə̄ tetənə̄ń gérger yā Pilistin gə̄ rɔ̄ɔ̄ ba tə̄ɓān̄neédə́ Gabaon bátə́ ugə̄n̄neé sedə́ Gejer ní.

2 SAMUEL 5:25

Dabid rāā tītə̄ ń Kɔ́ɔ̄ɓē ədanəń ní, adə̄ ni-tetə Pilistin gə̄ rɔ̄ɔ̄ ba tə̄ɓādə́ Geba bátə́ ugə̄ sedə́ ngɔr kə̄ Gejer.

IJAI 29:14

I tām̄ ń najə̄ ń toō tə́ n m-ā m̄-na̰y kə̄ loo rāā yá̰a̰ gə̄ kə́ kadə̄ ɔr kum gír de gə̄ ń toō tə́ ní. Kumdə́ edə̄ ɓá tā, banī ngé kum kedə̄ gə̄ a gerə̄n̄ yá̰á̰ kógə̄ḿ tū tə́ alé. Kur̄ dɔdə́ i nuú ɓá tā, banī ngé ger̄ yá̰á̰ ngá̰ý yādə́ gə̄ a asən̄ kɔjə kum yá̰á̰ kógə̄ḿ alé.

IJAI 28:19

Ni a mān̄ dəloí kə ndɔ̄ gə̄ malang, a mān̄ kadaá ō ndɔ̄ɔ́ ō. Kə dɔ mānən gə̄ malang ń noō ní, ni a ɔysí yā kaw̄ sesí. Dan ń de gə̄ a gerə̄n̄ kum najə̄ yān anī, ɓōĺ a tɔ̄l̄də́ kɔ̄ɔ́.

JEREMI 30:14

Dɔ ngé sāāí gə̄ malang ndigə̄nalií kɔ̄ɔ́. Gírə̄n̄ dɔí tə́ to̰ alé. M-ə́ndaī tītə̄ ń madə̄ ba̰ā̰í ḭ̄ deē a əndaīneé ní. I yá̰á̰ kə́ tōr̄ ngá̰ý n m̄-rāā seí ní, kadə̄ ī-gerə̄ń gō majaĺ yāí kə́ ngá̰ý gə̄ ō, yá̰á̰ kə́ gōtə́ aĺ yāí kə́ ngá̰ý gə̄ ō.

IJAI 10:12

Dan ń Kɔ́ɔ̄ɓē a rāā kəla yān kə́ dɔ mbal̄ Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.

EJEKIEL 33:21

Ɔyn̄ de gə̄ aw̄n̄ sedə́ dɔ ɓē kə́ rang tə́ dɔ gúú tə́ rāā ɓāl̄ kutə gidə i jōó. Kem ɓāl̄ kə́ nge ko̰ kutə gidə i jōó tə́, kem nāā kə́ nge ko̰ kutə tə́, kə ndɔ̄ nāā kə́ nge ko̰ mí, anī deē kógə̄ḿ kə́ teē ta yo tə́ dan ń taān̄ ɓē kə́ Jerusalem ní reē ədam̄ na: Ɓē əsō kɔ̄ɔ́!

NŌŌ RƆ̄ 3:33

Tɔdɔ̄ ni-əla rɔ̄sɔl̄ dɔ de gə̄ tə́ ō, rāādə́ yá̰á̰ kə́ tōr̄ ō, i kə gō kem ndigə yānneé alé.

PĀ GƏ̄ 94:16

I náā n a ḭḭ yā mbātə́ najə̄ gō ngé kem ndul gə̄ ń noō tə́ yā rɔ̄ɔń dɔḿ tə́ ní? I náā n a ḭḭ yā kənī najə̄ gírə́ḿ tə́ yā rɔ̄ɔń kə ngé rāā majaĺ gə̄ ń noō ní?

IJAI 65:7

a əgān̄ kə̄ran yā kaadə́ gə̄ ō. Kaadə́ gə̄ ní róōn̄ ndujə̄ yá̰á̰ kə́ kotə majə gə̄ kə̄ dɔ mbal̄ bo gə̄ tə́ ō, tájə̄mə̄n̄ dɔ ngán mbal̄ gə̄ tə́ ō. I beé ní, yá̰á̰ ń nin̄ rāān̄ kété jóó ní, m-ā m̄-rāā kadə̄ nin̄ a əgān̄ kə̄rān ngá̰ý. I mā Kɔ́ɔ̄ɓē n m-ə́da na najə̄ ń noō i najə̄ kə́ rɔ̄kum ní.

JOJUE 10:11

Dan ń Amor gə̄ ń a̰ȳn̄ naā no ngán Israel gə̄ tə́ ní, ḭḭn̄ Bet Horon ba a risən̄ kə̄ wól loo tə́ anī, Kɔ́ɔ̄ɓē rāā adə̄ kɔ̄sə̄ kə́ bo tītə̄ kūbə̄rū mbal̄ gə̄ tə́sōn̄ dɔdə́ bátə́ Ajeka. Adə̄ de gə̄ ngá̰ý oyn̄. De gə̄ ń kɔ̄sə̄ tɔ̄ldə́ ní, kutədə́ tɔȳ kutə de gə̄ ń ngán Israel gə̄ tɔ̄lə̄n̄də́ kə kaskaraá ní.

IJAI 29:23

Tām̄ nin̄ ō ngáńdə́ gə̄ ō a a̰a̰n̄ yá̰á̰ m-ā m̄-rāā dɔ dáńdə́ tə́ ní. Loo ń noō tə́ nin̄ a ger̄mə̄n̄, mā Nə́ɓā kə́ táĺ yā Jakob. Nin̄ a ɓōlə́n̄ rāā yá̰á̰ kə́ kadə̄ nelə̄m̄ alé, mā ń i Nə́ɓā yā Israel ní.

IJAI 64:2

dan ń ī-rāā yá̰á̰ kə́ to ɓōĺ gə̄ kə́ deē əndā kemən dɔ tə́ aĺ ní. A̰á̰ā̰, nə́ngētə́ ī-risə i mbée anī, mbal̄ bo gə̄ a ndewn̄ noí tə́.

HABAKUK 1:5

Kɔ́ɔ̄ɓē əda na: Yá̰á̰ ń a rāā yá̰a̰ dan nápar de gə̄ tə́ ní, ə̄ndāī ma̰ȳ á̰a̰ī majə, ba ādī ɔr kumsí ō, ādī yáāsí ngá̰ý ō! A̰á̰ā̰, yá̰á̰ kógə̄ḿ kə́ to jákə́ ngá̰ý a rāā yá̰a̰ dan ń ī-ndiīń kə kumsí ní. Ré deē ənīsí i gotə anī, ā ī-taāī kem alé!