IJAI 27:9 - Bibəl ta Sar̄

⁹ Loo kun ń a unən̄ yá̰a̰ rāā kə́ gōtə́ aĺ yā Jakob kɔ̄ɔ́ ní n toó, mā̰ȳ rɔ̄ kə́ dɔ yá̰a̰ rāān kə́ gōtə́ aĺ tə́ a ojə i yá̰á̰ ń toō: A tɔ̄ɔ̄n̄ mbal̄ gə̄ malang kə́ dɔ loo tun̄ yá̰a̰ gə̄ tə́ kɔ̄ɔ́, tītə̄ kə́ i yā rāā ndujə̄ tə́ beē. Kāgə̄ ɓesə̄ gə̄ kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ní, a ran̄ dɔɔ́ to̰ alé.

Bible sar

⁹ Loo kun ń a unən̄ yá̰a̰ rāā kə́ gōtə́ aĺ yā Jakob kɔ̄ɔ́ ní n toó, mā̰ȳ rɔ̄ kə́ dɔ yá̰a̰ rāān kə́ gōtə́ aĺ tə́ a ojə i yá̰á̰ ń toō: A tɔ̄ɔ̄n̄ mbal̄ gə̄ malang kə́ dɔ *loo tun̄ yá̰a̰ gə̄ tə́ kɔ̄ɔ́, tītə̄ kə́ i yā rāā ndujə̄ tə́ beē. Kāgə̄ ɓesə̄ gə̄ kə́ yā ɓōĺ gidə gə̄ ō, *loo róō ndujə̄ yá̰á̰ kə́ kotə majə gə̄ ō ní, a ran̄ dɔɔ́ to̰ alé.

IJAI 27:9 Referans Kwoze

Makətūbə̄ ń Pol ndang adə̄ Rom gə̄ ní 11:27

I nge ń noō n i madə̄ naā yāḿ kə́ sedə́ dan ń m-ā m-ɔ̄r̄ yá̰á̰ kə́ majaĺ yādə́ gə̄ kɔ̄ɔ́ ní.

IJAI 48:10

m̄-tə́gósí adə̄ ūnjī i kum hor tə́, i kum hor ń a tə́go gində̄ arjā̰a̰ adə̄ unjə̄ ní tə́ alé, banī i kum hor yá̰á̰ kə́ to kum kaȳ aĺ tə́.

DANIEL 11:35

Dan de kə́ ngé ger̄ najə̄ gə̄ tə́ ní ngá̰ý gə̄ a oyn̄ yā kadə̄ ɔrə̄n̄neé kamdə́ kadə̄ unjə̄n̄ njáý njáý ō, kadə̄ kemdə́ ndaań táĺ táĺ ō, bátə́ kadə̄ ta ngóy ndɔ̄ ugə̄ń. Tɔdɔ̄ ta ngóy ndɔ̄ a ugə̄ i ndɔ̄ ń ɔjən̄ tə́ ní.

IJAI 17:8

Nin̄ a tūrə̄n̄ kumdə́ kə̄ loo tun̄ yá̰a̰ gə̄ ń nin̄ kɔ́ gə̄ rāān̄ tə́ ní alé. Kāgə̄ kə́ kudə kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ń nin̄ kɔ́ gə̄ rāān̄ kə jīdə́ ní, nin̄ a̰a̰n̄ to̰ alé.

HEBƏRO 12:6

Tɔdɔ̄ i deē ń Kɔ́ɔ̄ɓē tárən ní n a əndan yā kɔjə̄nəń ní. Deē malang ń Kɔ́ɔ̄ɓē ger̄ kadə̄ i ngōnən ní, a əndan.

1 KORḚNTƏ 11:32

Banī Kɔ́ɔ̄ɓē gān̄g sarya dɔjí tə́ ō, əndají ō, i yā kadə̄ sarya əhɔńjí naā tə́ kə de kə́ dɔ nang tə́ gēé alé.

JAKARI 13:2

Kɔ́ɔ̄ɓē kə́ bo kə́ tɔ́gən i ngá̰ý, əda wáńg na: Kum mbang ngeé ń noō tə́ ní, ɓesə̄ gə̄ kə́ kem ɓēé ní, m-ā m̄-ró̰ȳdə́ kɔ̄ɔ́ ō, deē a əda rīdə́ to̰ aĺ ō. M-ā m̄-tə̄ɓā ngé koō ta kə́ rɔ̄kum aĺ gə̄ kɔ̄ɔ́ kem ɓēé ō, m-ā m-ɔ̄r̄ ngur rɔȳ nə́ɓā kə́ rɔ̄kum aĺ gə̄ kɔ̄ɔ́ kemsí tə́ ō.

OJEE 14:8

De gə̄ kə́ Israel tə́ a télən̄ yā reē ndi ndílə́ḿ tə́. Nin̄ a ndɔrə̄n̄ gémē gogə́ ō, a hútə̄n̄ tītə̄ kāgə̄ nduú beē ō, rīdə́ a ɓār̄ ngá̰ý tītə̄ yā kasə nduú kə́ Liban tə́ beē ō.

EJEKIEL 20:38

Ngé gə̄ ń rāān̄ dɔ ngan̄g ba mbātə́n̄ taḿ ní, m-ā m̄-tə̄ɓādə́ kɔ̄ɔ́ dɔ dáńsí tə́. M-ā m̄-teē sedə́ kɔ̄ɔ́ kem ɓē gə̄ ń ndin̄ tū tə́ ní tə́, banī nin̄ a udən̄ dɔ nang kə́ Israel tə́ alé. I beé n ā ī-gerīiń kadə̄ Kɔ́ɔ̄ɓē i mā ní.

EJEKIEL 11:18

Ré ī-tél ī-reē ūgī gogə́ anī, kəla kə́ majaĺ ngá̰ý gə̄ ń de kə́ kemeé gə̄ a rāān̄ adə̄n̄ nə́ɓā kə́ rɔ̄kum aĺ gə̄ ní, ā ī-rāāī kadə̄ a gətóo kɔ̄ɔ́.

IJAI 4:4

Kɔ́ɔ̄ɓē a rāā kadə̄ néĺ yá̰á̰ kə́ gōtə́ ō, néĺ kə́ a tə́go deē kadə̄ unjə̄ ō əla. Dan ń ni a tə́gó yá̰á̰ kə́ yḛr gə̄ kə́ rɔ̄ dəyá̰ kə́ Jerusalem tə́ gə̄ tītə̄ ń noō anī, dan ń ni a tə́gó mósə́ ń ɓē kə́ Siyo̰ ɓōkə́ nang tə́ ɓēé looneé ní,

IJAI 1:29

Loo ń noō tə́ rɔ̄sí a sɔl̄sí najə̄ yā kāgə̄ kə́ yā ɓōĺ gidə gə̄ ń kété nel̄sí ngá̰ý ní tə́. Ndɔr̄ gə̄ ń ī-gə̄rāīdə́ yā rāā kəla kemeé kadə̄ nə́ɓā kə́ rɔ̄kum aĺ gə̄ ní a əlan̄ rɔ̄sɔl̄ dɔsí tə́.

Gōsə̄ najə̄ gə̄ 20:30

Do ndéy i dáwá yá̰á̰ kə́ majaĺ ō, ndéy i dáwá gír̄ kə́ kem deē tə́ kə́ to loo ɓɔ̄ɔ̄ rɔ̄ tə́ ō.

PĀ GƏ̄ 119:71

Rɔ̄sɔl̄ ń əlan̄ dɔḿ tə́ ní i yá̰á̰ kə́ majə tām̄ yāḿ tə́, kadə̄ m̄-ndóoń yá̰a̰ gə̄ ń ī-ndang kadə̄ yā rāā ní.

PĀ GƏ̄ 119:67

Kété ní m̄-gól̄ i rɔ̄ḿ adə̄ rɔ̄ḿ sɔlə̄m̄, ba ngɔlaā m̄-rāā yá̰a̰ gə̄ ń ɔ́sə kə de gēé ta rāā ní.

2 YÁ̰A̰ GƏ̄ 36:19

De kə́ Babilon gə̄ əlan̄ hor dɔ kújə yā Nə́ɓā tə́ ō, tetən̄ ndogə̄ mbal̄ kə́ Jerusalem nang tə́ ō, tə́lan̄ hor dɔ kújə mban̄g gə̄ kə́ kemeé tə́ kɔ̄ɔ́ ō. yá̰á̰ kə́ gātə̄də́ i ngá̰ý gə̄ ní nujən̄neé kɔ̄ɔ́ malang ō.

2 YÁ̰A̰ GƏ̄ 34:4

Loo tun̄ yá̰a̰ gə̄ ń a tunə̄n̄ yá̰a̰ dɔ tə́ adə̄n̄ ɓesə̄ Baal gə̄ ní, nujən̄neé kɔ̄ɔ́ i ta kumən tə́ ō. Ni nujə loo róō ndujə̄ yá̰á̰ kə́ kotə majə gə̄ kə́ dɔ loo tun̄ yá̰a̰ gə̄ ní tə́ kɔ̄ɔ́ ō. Jén̄g kāgə̄ ɓesə̄ kə́ túdə̄ gə̄ ō, kāgə̄ ɓesə̄ kə́ tɔ́sə̄ kə́ yā ɓōĺ gidə gə̄ ō kɔ̄ɔ́. Ɓesə̄ gində̄ kə́ nō horoó gə̄ ní, ni nujəń kɔ̄ɔ́ ō. Ni tétə̄də́ rárák ba seĺ butə̄də́ dɔ ɓádə de gə̄ ń tunə̄n̄ yá̰a̰ gə̄ adə̄n̄də́ ní tə́.

2 YÁ̰A̰ GƏ̄ 14:5

Ni-rāā ɓē kə́ ngan̄g gə̄ kə́ Juda tə́ tɔdɔ̄ ɓē ndi jəke. Kem ɓāl̄ gə̄ ń noō tə́ ní deē rɔ̄ɔ̄n̄ alé, tɔdɔ̄ Kɔ́ɔ̄ɓē rāā adə̄ ni-ɔr̄ koō.

2 MBAN̄G 25:9

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, kújə gə̄ kə́ kem ɓēé tə́ ō, ba mandang ní ni tə́la hor i dɔ kújə yā de kə́ bo gə̄ tə́ malang.

Teē Ngán Israel gə̄ 34:13

Ā ī-tɔ̄ɔ̄ī loo tun̄ yá̰a̰ yādə́ gə̄ kɔ̄ɔ́ ō, ā ī-tɔ̄ɔ̄ī mbal̄ yādə́ gə̄ ń túdə̄n̄ kə nja kə́ dɔɔ́ ní kɔ̄ɔ́ ō, ā ī-jéngī kāgə̄ ɓesə̄ yādə́ kə́ yā ɓōĺ gidə gə̄ ń túdə̄n̄ ní kɔ̄ɔ́ ō.

LEBI GƏ̄ 26:30

Wurəḿ a atə̄m̄ sesí ngá̰ý, adə̄ m-ā m̄-nujə loo ndɔ̄ȳ yāsí gə̄ kɔ̄ɔ́ ō, m-ā m̄-tɔ̄ɔ̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, m-ā m̄-tétə̄ ɓesə̄ yāsí gə̄ ba m-ā m̄-kán̄ nīńsí gə̄ dɔ tə́ ō.

NDŪ NAJƏ̄ 12:3

Ā ī-tɔ̄ɔ̄ī loo tun̄ yá̰a̰ yādə́ gə̄ ō, mbal̄ yādə́ gə̄ ń túdə̄n̄ kə nja dɔɔ́ ní ō kɔ̄ɔ́. Ā ī-róōī kāgə̄ ɓesə̄ yādə́ kə́ yā ɓōĺ gidə gə̄ ń a ndɔ̄ȳn̄ ní horoó kɔ̄ɔ́ ō. Ā ī-tétī yá̰a̰ gə̄ ń tɔ́sə̄n̄ ba rāān̄də́ nə́ɓā yādə́ gə̄ tə́ ní kɔ̄ɔ́ ō. Ā ī-rāāī kadə̄ rī ɓesə̄ gə̄ ní ɓār̄ dɔ nang ní tə́ to̰ alé.

2 MBAN̄G 10:26

Nin̄ unən̄ kāgə̄ ɓesə̄ kə́ kem kújú teēn̄neé ndágá ba əlan̄ hor dɔ tə́ kɔ̄ɔ́.

EJEKIEL 6:4

A nujən̄ kə loo tun̄ yá̰a̰ yāsí gēé sák sák kɔ̄ɔ́ ō, a tɔ̄ɔ̄n̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, m-ā m̄-rāā kadə̄ de kə́ koy yāsí gə̄ a tə́sōn̄ no ɓesə̄ gə̄ tə́ ō.

2 MBAN̄G 23:14

Ni tɔ̄ɔ̄ mbal̄ kə́ kudə dɔɔ́ gə̄ kɔ̄ɔ́ ō, tə́gā kāgə̄ ɓesə̄ kə́ yā ɓōĺ gidə gə̄ kɔ̄ɔ́ ō, ba kán̄ kə̄ngā de gə̄ gotoó.

IJAI 30:22

Yá̰á̰ kə́ rāā kum gotə nə́ɓā kə́ rɔ̄kum aĺ gə̄, adə̄ i kāgə̄ kə́ tɔ́sə̄, aláa i gində̄ kə́ nō horoó ba rāā gində̄ arjā̰a̰ ō lɔ́r ō gidə tə́ ní, ā ī-rāādə́ i yá̰á̰ kə́ yḛr tə́. Ā ī-tə́nādə́ kɔ̄ɔ́ tītə̄ yá̰á̰ kə́ yə̄ró i tū tə́ beē ō, ā ə́da najə̄ yādə́ na i yedə̄ yá̰a̰ ō.

IJAI 40:2

Ī-téliī kə kəhɔ rɔ̄ tɔgɔɔ́ ādī Jerusalem gogə́. Úniī ndūsí kə̄ dɔɔ́ ə́dain̄neé na: Gír kəla kə́ kəndā gúu dɔí tə́ kadə̄ ī-rāań gān̄g kɔ̄ɔ́. Kɔ́ɔ̄ɓē rāā adə̄ ə̄gā kə̄rā majaĺ yāí gə̄ malang kɔ̄ɔ́.

MISE 5:11

M-ā m̄-rāā kadə̄ mbōlí gə̄ ń ā ī-rāāī ní gətóon̄ kɔ̄ɔ́. De kə́ nge ka̰a̰ yá̰á̰ kə́ dɔ rā̰ tə́ to̰ a gətóo.