IJAI 27:6 - Bibəl ta Sar̄

⁶ Kum mbang gə̄ ń a reēn̄ noō ní, gír deē yā Jakob gə̄ a tə́lan̄ ngəradə́, Israel a sitə ō, a hútə̄ ō. Ni a rāā kadə̄ kanə̄n gə̄ a taān̄ loo dɔ nang tə́.

Bible sar

⁶ Kum mbang gə̄ ń a reēn̄ noō ní, gír deē yā Jakob gə̄ a tə́lan̄ ngəradə́, *Israel a sitə ō, a hútə̄ ō. Ni a rāā kadə̄ kanə̄n gə̄ a taān̄ loo dɔ nang tə́.

IJAI 27:6 Referans Kwoze

IJAI 37:31

Ngé kə́ kem ɓē ko̰o̰ yā Juda tə́ gə̄ ń a ndin̄ kə kumdə́ ní, a ton̄ tītə̄ ngōn̄ kāgə̄ beé. Nin̄ a télən̄ ngəradə́ kə́ kijə gə̄ gíŕ nángāá, ta jī gə̄ a anə̄n̄.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

OJEE 2:23

Kɔ́ɔ̄ɓē əda na: Ndɔ̄ ń noō tə́ ní, m-ā m-ādə̄ yá̰á̰ ń dɔ rā̰ ndi a ngóō ta jīḿ tə́ ní ō, dɔ rā̰ a adə̄ yá̰á̰ ń dɔ nang ndi a ngóō ta jīn tə́ ní ō.

IJAI 60:22

De kə́ dūú tɔȳ madə̄n gə̄ kə́ dandə́ tə́ a ojə de gə̄ dūbú, de kə́ tɔ́gən gətóo tɔȳ madə̄n gə̄ kə́ dandə́ tə́ a téĺ gír de gə̄ kə́ tɔ́gə́də́ i ngá̰ý. Mā Kɔ́ɔ̄ɓē, dan ń kum mbang a asə anī, m-ā m̄-rāā yá̰á̰ ń noō i láẃ ngá̰ý.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

GALATƏ 3:29

Tɔdɔ̄ sḭḭ̄ malang i de kə́ kógə̄ḿ beē gə̄, sɔɔ̄ń ɓoo kə́ ī-ɓooī naā kə Kərist. Adə̄ ré sḭḭ̄ i de gə̄ yā Kərist anī, sḭḭ̄ i gír kaa yā Abəraham ō, ngé kənge yá̰a̰ gə̄ ń Nə́ɓā ənī míndən yā kadə̄də́ ní ō.

JEREMI 30:19

Pā ndadə̄ gə̄ kə́ tū tə́ a ɓār̄ kə̄ dɔɔ́ dɔɔ́. I kōō ngé rāā nāā gə̄ n a ɓār̄ ní. M-ā m̄-rāādə́ kadə̄ ojən̄ naā ngá̰ý, kutədə́ a tél kə̄ gogə́ to̰ aĺ bátə́. M-ā m-ɔ́r tadə́, m-ā m̄-rāādə́ jingəling to̰ aĺ ō.

IJAI 6:13

Ré gángə̄n̄ de kə́ kem ɓēé gə̄ gír loo kutə anī, gírən kə́ kógə̄ḿ ń a na̰y ní, hor a o̰o̰ tītə̄ loo róō kāgə̄ kə́ tə́gā kɔ̄ɔ́ beē. I gír gisə kāgə̄ ní ngóy n a na̰y ní. Banī gír gisən ní i yá̰á̰ kə́ Nə́ɓā ɔjəń kadə̄ n a n-rāā yá̰á̰ kə́ kijə.

Makətūbə̄ yā Job 37:12

I ni n i nge rāā kadə̄ nin̄ ənīn̄ gir̄ gində̄ yā rāań yá̰a̰ malang ń ni ədadə́ kadə̄ rāān̄ dɔ rā̰ tə́ ō dɔ nang tə́ ō ní, kə gō ń ni nóməń ní.

IJAI 4:2

Ndɔ̄ kógə̄ḿ tə́ Kɔ́ɔ̄ɓē a rāā kadə̄ yá̰á̰ kógə̄ḿ kə́ majə ngá̰ý ō, kə́ to kɔsə gɔn ngá̰ý ō, əɓa kem ɓēé. De kə́ Israel tə́ gə̄ ń a teēn̄ ta yo tə́ ní, a əndan̄ kadədə́ ō, de gə̄ a rɔȳn̄də́ ō, najə̄ yá̰á̰ ń a teē kem ɓēé tə́ ní.

IJAI 35:1

Dəla loo ō, loo kə́ mángá ō, ādī rɔ̄sí nel̄sí! Gō nang kə́ man̄ gətóo tū tə́, ī-rāā rɔ̄nel̄ ō, ī-hútə̄ ō!

IJAI 35:2

Ūtə̄ gidə rɔ̄í kə hútə́ yá̰á̰ kə́ bembeé gēé. Ī-rāā rɔ̄nel̄, ī-rāā rɔ̄nel̄ ō ə́ga kɔŕ rɔ̄nel̄ ō! Kɔ́ɔ̄ɓē a rāāī kadə̄ ā ī-majə to ɓōĺ ngá̰ý tītə̄ mbal̄ bo gə̄ kə́ Liban beé, ni a rāāī kadə̄ ā ī-majə tītə̄ mbal̄ Karmel beé ō, kadə̄ ā ī-majə tītə̄ ndágə mbō gə̄ kə́ Saro̰ beé ō. Loo ń noō tə́ de gə̄ malang a a̰a̰n̄ kɔsə gɔn yā Kɔ́ɔ̄ɓē, a a̰a̰n̄ majə Nə́ɓā yājí.

EJEKIEL 36:8

Kum mbang ngeé ń noō tə́ ní, kāgə̄ gə̄ kə́ dɔ mbal̄ bo gə̄ kə́ Israel tə́ a tɔ̄ɔ̄n̄ ta jīdə́ gə̄ ō, a anə̄n̄ tām̄ yāsí sḭḭ̄ Israel gə̄ ń i gír deē yāḿ gə̄ ní tə́ ō. Tɔdɔ̄ sḛ́ý laā anī ā ī-téliī yā kaw̄ gogə́ dɔ nang yāsí tə́.

EJEKIEL 36:10

Dɔ nang kə́ Israel tə́ malang ní, m-ā m̄-rāāsí kadə̄ kutəsí i ngá̰ý. De gə̄ a télən̄ yā ndi kem ɓē bo gə̄ tə́ gogə́ ō, yá̰á̰ ń i kə́ nujə kɔ̄ɔ́ ní, a télən̄ yā rāā gogə́ ō.