IJAI 27:5 - Bibəl ta Sar̄

⁵ Ba ré de kógə̄ḿ əla dɔn gírə́ḿ tə́ kadə̄ m̄-ngɔ̄mən anī, ni a əndā najə̄ naā tə́ seḿ kadə̄ lɔm to dɔ dáńjí tə́, a̰á̰ā̰, ni a əndā najə̄ naā tə́ seḿ yā kadə̄ lɔm to.

Bible sar

⁵ Ba ré de kógə̄ḿ əla dɔn gírə́ḿ tə́ kadə̄ m̄-ngɔ̄mən anī, ni a əndā najə̄ naā tə́ seḿ kadə̄ lɔm to dɔ dáńjí tə́, a̰á̰ā̰, ni a əndā najə̄ naā tə́ seḿ yā kadə̄ lɔm to.

IJAI 27:5 Referans Kwoze

IJAI 25:4

Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

Makətūbə̄ yā Job 22:21

I beé ní, ī-tél ə̄ndā najə̄ yāí naā tə́ kə Nə́ɓāá ō, ī-rāā ādə̄ lɔm to mbo̰ō̰sí tə́ seneé ō. I beé n ā ī-téləń yā ndi majə gogə́ ní.

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

IJAI 57:19

m-ā m-ə̄ndā pā tɔ̄ȳ tadə́ tə́. Kɔ́ɔ̄ɓē əda na: Deē ń ndi sa̰y ní, kem sɔl̄ lɔm i tām̄ yān tə́ ō, deē ń ndi ngɔr ní, kem sɔl̄ lɔm i tām̄ yān tə́ ō! A̰á̰ā̰, m-ā m̄-rāā gír deē yāḿ gə̄ kadə̄ rɔ̄də́ ngáā.

IJAI 56:2

Rɔ̄nel̄ i kə deē ń rāā yá̰á̰ m-ə́dá ní, i kə deē ń ra dɔ tə́ ngan̄g ní. Rɔ̄nel̄ i kə deē ń ɓōĺ gidə ndɔ̄ sabat ō, rā dɔ ndūn tə́ loon tə́ ō ní, deē ń gōn̄g yá̰a̰ rāā kə́ majaĺ ní.

IJAI 45:24

Deē a ənge yá̰a̰ rāā kə́ gōtə́ ō, tɔ́gə ō, i rɔ̄ Kɔ́ɔ̄ɓē tə́ ngóy. De gə̄ malang ń rɔ̄ɔ̄mə̄n̄ ní, a reēn̄ rɔ̄ḿ tə́ kə rɔ̄sɔl̄ kə́ ngá̰ý.

JOJUE 10:6

De kə́ Gabaon gə̄ əlan̄ kəla ədan̄ Jojue gérger kə́ Gilgal tə́ na: Ī-lōō əya̰ ɓer̄ yāí gə̄ kɔ̄ɔ́, ī-reē láẃ ī-dḭḭ̄jí ba ájə́jí. Tɔdɔ̄ mban̄g yā Amor gə̄ malang ń ndin̄ gō nang kə́ mbalá tə́ ní, ɓoon̄ naā dɔjí tə́.

Najə̄ kə́ Majə yā Jeju ń Luk ndang ní 19:42

Nə́ngētə́ ɓōólaā ń toō ḭ̄ ī-ger̄ yá̰á̰ ń a adī lɔm ní anī, ba ngɔlaā yá̰á̰ ń toō i kə́ ɓɔ̄ɔ̄ kɔ̄ɔ́ ta kumií tə́.

IJAI 64:7

Tá Kɔ́ɔ̄ɓē, ḭ̄ i bɔbə̄jí. Jḭḭ i nánjə, ba ḭ̄ i kɔdə̄ jóo. Jḭḭ malang ní ī-rāājí kə jīí.

Najə̄ kə́ Majə yā Jeju ń Luk ndang ní 14:32

Ba ré a̰a̰ kadə̄ n-asən̄ aĺ ɓáa, dan ń madə̄n i sa̰y ɓáý ní, ni a ɔr̄ de gə̄ yā kəladə́ yā dəjen kadə̄ kə n-ndin̄ lɔm kə naá.

Najə̄ kə́ Majə yā Jeju ń Luk ndang ní 13:34

Jerusalem, Jerusalem, ḭ̄ nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ ní kə mbalá ō, nja ngá̰ý m̄-gḛy kán̄ ngání gə̄ kə̄ naā tə́ tītə̄ kó̰o̰ kə̄njá kə́ kán̄ ngánən gə̄ gír bɔ̄gə̄n tə́, ba sḭḭ̄ ī-gḛyiī alé.

IJAI 12:2

Nə́ɓā ń ajəm̄ ní n toó. M-ə̄nī kemḿ ō, ɓōĺ rāām̄ to̰ aĺ ō. A̰á̰ā̰, tɔ́gə́ḿ ō, pā yāḿ ō, i Kɔ́ɔ̄ɓē. Ni i nge kajəḿ.

IJAI 26:12

Kɔ́ɔ̄ɓē, ḭ̄ ādə̄jí lɔm, yá̰a̰ malang ń j-əla gír rāā ní, i ḭ̄ n i nge rāā kadə̄ reē udə gíŕ kə́ rɔ̄ tə́ ādə̄jí ní.

IJAI 42:19

I náā n kumən tɔ̄ɔ̄ ní, i nge kəla yāḿ aĺ a? I náā n i mbíkī tītə̄ ngōmbang kəla yāḿ ń m-ā m-ə́lan ní? I náā n kumən tɔ̄ɔ̄ tītə̄ gír de gə̄ yā Kɔ́ɔ̄ɓē ní? I náā n i mbíkī tītə̄ nge kəla yā Kɔ́ɔ̄ɓē ní?