IJAI 27:13 - Bibəl ta Sar̄

¹³ Ndɔ̄ ngeé ń noō tə́ ní, a kɔ̄rə́n̄ tōw̄ gajə batə̄ kə́ bo kadə̄ de gə̄ oōn̄. Loo ń noō tə́ ngé gə̄ ń tadə́ tḭ̄ḭ̄ kɔ̄ɔ́ dɔ nang kə́ Asiri tə́ ní, ngé gə̄ ń tə̄ɓān̄də́ kɔ̄ɔ́ adə̄ aw̄n̄ dɔ nang kə́ Ejiptə tə́ ní, a reēn̄ malang. Nin̄ a reēn̄ yā kɔsə kejədə́ nang tə́ no Kɔ́ɔ̄ɓē tə́, dɔ mbal̄ bo kə́ táĺ tə́, kem ɓē kə́ Jerusalem tə́.

Bible sar

¹³ Ndɔ̄ ngeé ń noō tə́ ní, a kɔ̄rə́n̄ tōw̄ gajə batə̄ kə́ bo kadə̄ de gə̄ oōn̄. Loo ń noō tə́ ngé gə̄ ń tadə́ tḭ̄ḭ̄ kɔ̄ɔ́ dɔ nang kə́ Asiri tə́ ní, ngé gə̄ ń tə̄ɓān̄də́ kɔ̄ɔ́ adə̄ aw̄n̄ dɔ nang kə́ Ejiptə tə́ ní, a reēn̄ malang. Nin̄ a reēn̄ yā kɔsə kejədə́ nang tə́ no Kɔ́ɔ̄ɓē tə́, dɔ mbal̄ bo kə́ *táĺ tə́, kem ɓē kə́ Jerusalem tə́.

IJAI 27:13 Referans Kwoze

MATIYE 24:31

Loo ń kōō bərúnjə́ kə́ bo a ɓār̄ anī, ni a əla deē yān kə́ dɔ rā̰ tə́ gə̄ kadə̄ aw̄ ɔyn̄ ngé gə̄ ń ni-gə̄rādə́ ní kíl dɔ nang kə́ sɔ́ gə̄ tə́. A əlan̄ gír i ta ngóy dɔ nang kə́ dām̄ kə́rēý tə́, bátə́ ugə̄n̄ ta ngóyn kə́ dām̄ kə́ rang tə́.

LEBI GƏ̄ 25:9

Ndɔ̄ kə́ nge ko̰ kutə yā nāā kə́ nge ko̰ sīrí i ndɔ̄ mā̰ȳ rɔ̄ kə́ bo. Ndɔ̄ ń noō tə́ ā ī-ɓāríī tōw̄ dɔ nang yāsí tə́ malang kadə̄ de gə̄ əganə̄ń kɔr̄ rɔ̄nel̄.

HEBƏRO 12:22

Banī sḭḭ̄ ī-ndɔ́tī i kə̄ kadə mbal̄ kə́ Siyo̰ tə́ ō, i kə̄ kadə̄ ɓē yā Nə́ɓā kə́ ndi kə kumneé tə́ ō. Adə̄ i kə̄ kadə Jerusalem kə́ dɔ rā̰ tə́ ń de kə́ dɔ rā̰ tə́ gə̄ kə́ dūbú ngá̰ý i kemeé ní tə́.

Najə̄ kə́ Majə yā Jeju ń Luk ndang ní 4:18

Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō,

JAKARI 14:16

Əla gír ndɔ̄ ń noō tə́ ní, Gír de gə̄ ń rɔ̄ɔ̄n̄ ɓē kə́ Jerusalem ní, de kə́ dandə́ gə̄ tə́ ń a teēn̄ ta yo tə́ ní, a aw̄n̄ kem ɓē ngeé ń toō tə́ kə dɔ ɓāl̄ gə̄. Kɔ́ɔ̄ɓē kə́ bo kə́ tɔ́gən i ngá̰ý ní, nin̄ a rɔȳnən̄ loo ń noō tə́ ō, nin̄ a rāān̄ nāā kújə́ kámbə gə̄ ō.

IJAI 11:16

De gə̄ yān gə̄ ń a teēn̄ ta yo tə́ dɔ nang kə́ Asiri tə́ ní, róbə́ kógə̄ḿ a to tām̄ yādə́ tə́. A to i tītə̄ ń kaadə́ gə̄ teēnəń kɔ̄ɔ́ kem ɓē kə́ Ejiptə tə́ kété jóó ní.

JEJU TEĒ KUM JA̰A̰ 10:7

Ba kem ndɔ̄ gə̄ ń deē a oōń ndū de kə́ dɔ rā̰ tə́ kə́ nge ko̰o̰ sīrí loo kɔ̄ŕ bərúnjə tə́ ní, yá̰á̰ kə́ to loo mundə̄ tə́ yā Nə́ɓā a rāā yá̰a̰. Ni-əda ngé kəla yān gə̄ ń i ngé koō ta gə̄ ní najə̄n kété. Najə̄ ń ni-əda ní i Najə̄ kə́ Majə.

JEJU TEĒ KUM JA̰A̰ 9:14

Ni-ɔr̄ najə̄ kə de kə́ dɔ rā̰ tə́ kə́ nge ko̰ mehḛ́ ń bərúnjə i jīn tə́ ní, ədan na kə tútə de kə́ dɔ rā̰ tə́ kə́ sɔ́ gə̄ ń do̰ō̰n̄də́ dɔ bā Opəratə ń i bā kə́ bo ní tə́.

JEJU TEĒ KUM JA̰A̰ 8:6

Loo ń noō tə́ de kə́ dɔ rā̰ tə́ kə́ sīrí gə̄ ń bərúnjə́ kə́ sīrí gə̄ i jīdə́ tə́ ní, əndān̄ dɔ rɔ̄də́ danaá yā kɔ̄ŕ bərúnjə gə̄ ní.

JEJU TEĒ KUM JA̰A̰ 8:2

Anī m-á̰a̰ kadə̄ adə̄n̄ de kə́ dɔ rā̰ tə́ kə́ sīrí gə̄ ń ran̄ no Nə́ɓā tə́ ní bərúnjə gə̄ sīrí.

1 TESALONIK 4:16

Tām̄ ngol de kə́ dɔ rā̰ tə́ gə̄ a adə̄ ndūn ō, bərúnjə yā Nə́ɓā a ɓār̄ ō, anī Kɔ́ɔ̄ɓē nəkɔ́ a teē dɔ rā̰ tə́ yā reē. Adə̄ de gə̄ ń ɓoon̄ naā kə Kərist tá oyn̄ ní, a ndólə̄n̄ kété.

Makətūbə̄ ń Pol ndang adə̄ Rom gə̄ ní 10:18

Ba mā m̄-sāā dəje na: Ké nin̄-oōn̄ najə̄ ní aĺ wa? Oōn̄ majə, tɔdɔ̄ makətūbə̄ əda na: Ndūdə́ na ɓār̄ taā gō dɔ nang malang ō, deē ra i ta ngóy dɔ nang tə́ gə̄gē anī a oō najə̄ kɔrdə́ gə̄ ō.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

OJEE 11:11

Nin̄ ḭḭn̄ Ejiptə reēn̄ kə rɔ̄ ndebeé tītə̄ ngán yel̄ kə́ dūú gə̄ beé ō, ḭḭn̄ Asiri reēn̄ tītə̄ dér dum gə̄ kə́ ḭḭn̄ bɔ̄gə̄ beé ō. M-ā m̄-rāā kadə̄ nin̄ a ndin̄ kə̄ kem ɓē yādə́ gə̄ tə́. Najə̄ ń Kɔ́ɔ̄ɓē əda ní n noó.

OJEE 9:3

Epəraim gə̄ a asən̄ ndi dɔ nang yā Kɔ́ɔ̄ɓē tə́ alé. Nin̄ a télən̄ yā kaw̄ gogə́ dɔ nang kə́ Ejiptə tə́, aĺ ɓáa a aw̄n̄ Asiri. Nin̄ a əsan̄ yá̰á̰ kə́ yḛr loo ń noō tə́.

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.

JEREMI 44:28

De kə́ kutədə́ i ngá̰ý aĺ gə̄ kə́ teēn̄ ta yo kaskar tə́ a ḭḭn̄ Ejiptə yā tél kaw̄ gogə́ dɔ nang kə́ Juda tə́. Ɓá anī, ngé gə̄ malang ń ndin̄ kə kumdə́ Juda tə́ á reē ɓɔ̄ɔ̄n̄ rɔ̄də́ Ejiptə tə́ ní, a gerə̄n̄ ké najə̄ i yāḿ aké i yādə́ nin̄ wa.

JEREMI 43:7

mbātə́n̄ koō ndū Kɔ́ɔ̄ɓē ba aw̄n̄ Ejiptə tə́ adə̄ aw̄n̄ bátə́ ugə̄n̄ Tapanes.

IJAI 66:18

Kɔ́ɔ̄ɓē əda na: m̄-ger̄ yá̰a̰ rāādə́ ō, gír̄ yādə́ ō. m̄-reē i kɔsə dɔ nápar de gə̄ malang kə́ ta kɔr̄də́ i tayā tayā tə́ kə̄ naā tə́. Nin̄ a reēn̄ ō, a a̰a̰n̄ kɔsə go̰n yāḿ ō.

IJAI 56:8

Kɔ́ɔ̄ɓē Nə́ɓā, ni ń ɔsə nja ngán Israel gə̄ kə́ aw̄n̄ sedə́ dɔ ɓē kə́ rang tə́ dɔ gúú tə́ kə̄ naā tə́ ní, əda kə̄ ndágá wáńg na: M-ɔ́sə njadə́ kə̄ naā tə́ kɔ̄ɔ́ ɓá ō, m-ā m-ɔ́sə nja kə́ rang gə̄ kə̄ naā tə́ ɓáý to̰ ō.

IJAI 25:6

Kɔ́ɔ̄ɓē kə́ bo kə́ tɔ́gən i ngá̰ý a tə́ngā dā̰ kə́ yḛmbə tām̄ yā gír de gə̄ tə́ malang ō, a adə̄də́ kasə nduú kə́ majə dɔ tə́ ō, a əsan̄ i dā̰ kə́ ngəra aĺ ō, yḛmbə ō, a a̰ȳn̄ i kasə nduú kə́ kumən unjə̄ yáŕ yáŕ ō.

IJAI 19:21

Kɔ́ɔ̄ɓē a rāā kadə̄ de kə́ Ejiptə gə̄ ger̄nən̄ ō, ndɔ̄ ngeé ń noō tə́ ní, de kə́ Ejiptə gə̄ a gerə̄n̄ Kɔ́ɔ̄ɓē ō. Nin̄ a rāān̄ kəla yā kadə̄n tām̄ a tunə̄n̄ yá̰a̰ yā kadə̄n ō, a ndējə̄nən̄ yá̰a̰ ō. Nin̄ a ənīn̄ ndūdə́ yā kadə̄ Kɔ́ɔ̄ɓē ō, a rāān̄ kadə̄ yá̰a̰ gə̄ ní reē udən̄ gíŕ kə́ rɔ̄ tə́ ō.

IJAI 18:3

Sḭḭ̄ de gə̄ malang ń ī-ndiī dɔ nang tə́ ní, sḭḭ̄ ń ī-taāī loo malang dɔ nang tə́ ní, dan ń a udən̄ yá̰á̰ kə́ ɔjə kadə̄ yá̰á̰ kógə̄ḿ a rāā yā rāā yá̰a̰ dɔ mbal̄ bo gə̄ tə́ anī, á̰a̰ī ō, dan ń a kɔ̄rə́n̄ tōw̄ gajə batə̄ anī, ōōī ō.

IJAI 11:12

Ni a udə dərapóo rɔ̄ɔ̄ yā tāań nápar de gə̄ ngeé ń toō najə̄ yá̰á̰ ń ni sāā rāā tə́ ní. Israel gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni a ɔsə dɔdə́ naā tə́ ō, Juda gə̄ ń aw̄n̄ kə̄ kíl dɔ nang kə́ sɔ́ gə̄ tə́ ní, ni a kán̄də́ kə̄ naā tə́ ō.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

IJAI 2:3

Gír de gə̄ ngá̰ý a əsōn̄ róbó. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń ni a sāā rɔ̄jí tə́ ní ō, róbə́ ń ni ɔjəjí ní, j-a j-uniī ō. Tām̄ yá̰á̰ ndóō yā Kɔ́ɔ̄ɓē ḭḭ i Siyo̰ n reē ní. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

PĀ GƏ̄ 89:15

Ko̰o̰ ɓē yāí ndi i dɔ yá̰á̰ kə́ gōtə́ tə́ ō, yá̰á̰ kə́ súmūú tə́ ō. Kem majə ō najə̄ kə́ rɔ̄kum ō njə̄rān̄ kété noí tə́.

PĀ GƏ̄ 81:3

Əndaī yá̰a̰ gō pā tə́, ə́ndaī kɔdə ādī ɓār̄, úgiī kənde kə́ kəlān i ngá̰ý kə́ ɓār̄ majə ō, úgiī kənde kə́ kəlān i ngá̰ý aĺ ō.

PĀ GƏ̄ 47:5

Ni gə̄rā dɔ nang adə̄jí yá̰a̰ yājí tə́. I yá̰a̰ kənda nganjə yājí jḭḭ̄ de kə́ gír yā Jakob tə́ gə̄ ń ni táŕjí ngá̰ý ní.

2 MBAN̄G 17:6

Kem ɓāl̄ ko̰o̰ ɓē yā Ose kə́ nge ko̰ ndōhó tə́ anī, mban̄g kə́ Asiri taā ɓē kə́ Samari ba ɔy Israel gə̄ aw̄ sedə́ gō nang kə́ Asiri tə́. Aw̄ tə́ndādə́ Hala ō, dɔ gɔ́sə Habor ń i bā kə́ gō nang kə́ Gojan tə́ ní ō, tə́ndādə́ kem ɓē gə̄ kə́ Medi tə́ ō.

IJAI 2:2

Ndɔ̄ kógə̄ḿ tə́, kem ɓāl̄ gə̄ ń a reēn̄ tə́ noō ní, mbal̄ bo ń kújə yā Kɔ́ɔ̄ɓē i dɔ tə́ ní, a ngāl̄ yā mān̄ dɔ gotə mbal̄ kə́ rang gə̄. Ni a tɔȳ dɔ ngán mbal̄ gə̄ kə̄ dɔɔ́. Loo ń noō tə́ nápar de gə̄ malang a reēn̄ kə̄ rɔ̄n tə́.

IJAI 19:22

Kɔ́ɔ̄ɓē a ənda de kə́ Ejiptə tə́ gə̄. Ni a əndadə́ ba a rāādə́ kadə̄ rɔ̄də́ a ngáā. Nin̄ a télən̄ kə̄ rɔ̄ Kɔ́ɔ̄ɓē tə́ ō, Kɔ́ɔ̄ɓē a oōdə́ najə̄ yá̰á̰ ń nin̄ dəjenən̄ tə́ ní ō, ni a rāādə́ kadə̄ rɔ̄də́ a ngáā ō.

IJAI 49:7

Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.

IJAI 66:23

Adə̄ kə dɔ rāā nāā gə̄ kə́ ndɔ̄ teē naā kə́ kijə tə́ gə̄ malang ní, kə dɔ ndɔ̄ sabat gə̄ malang ní, de kə́ dɔ nang tə́ gə̄ malang a reēn̄ yā kɔsə kejədə́ nang tə́ noḿ mā Kɔ́ɔ̄ɓē tə́.

EJEKIEL 20:34

M-ā m̄-teē sesí kɔ̄ɔ́ dan gír de kə́ tayā gə̄ tə́ ō, kem ɓē gə̄ ń ī-tḭ̄ḭ̄ naā tū tə́ ní ō, ba m-ā m-ɔ́sə njasí kə̄ naā tə́. Loo rāā tə́ beé ní, m-ā m-ɔ́jə́sí tɔ́gə́ḿ malang ō, m-ā m̄-bə̄gā wōn̄g yāḿ kə́ ngá̰ý dɔsí tə́ ō.

EJEKIEL 20:41

M-ā m̄-teē sesí kɔ̄ɔ́ dan gír de gə̄ tə́ ō, kem ɓē gə̄ ń ī-tə̄ndāī naā ī-tḭ̄ḭ̄ tū tə́ ní ō, ba m-ā m-ɔ́sə dɔsí naā tə́. Gō tə́ anī, m-ā m̄-rāā kem majə sesí adə̄ m-ā m̄-taā yá̰a̰ tun̄ yāsí kə́ sēēdə́ otə majə gə̄. Ré m̄-rāā yá̰á̰ kə́ tītə̄ ń noō sesí anī, m-ɔ́jə i gotə nápar de gə̄ kadə̄ mā i Nə́ɓā kə́ táĺ.

EJEKIEL 39:25

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, kumḿ a o̰o̰m̄ tām̄ yā Israel gə̄ tə́, kumḿ a o̰o̰m̄ tām̄ yā ngé gə̄ ń Jakob ojədə́ ní tə́. M-ā m̄-tél kə dəngáy yādə́ gēé yā reē sedə́ gogə́ ō, m-ā m̄-rā kə de gə̄ malang ta ɓōĺ gidə rīḿ kə́ táĺ ō.

DANIEL 11:45

Kújə tandā gə̄ kə́ kem kújə mban̄g yān tə́ ní a ɔydə́ yā kudədə́ dɔ dán bā bo tə́ kə mbal̄ kə́ táĺ kə́ kem ɓē kə́ majə tɔȳ gotə ɓē gə̄ malang tə́ ō, ni a oy kanjə̄ kadə̄ deē rāā seneé ō.

JAKARI 8:7

A̰á̰ā̰, m-ə́da na m-ā m-ájə́ gír deē yāḿ gə̄, kə ta kūl̄ kɔydə́ kem ɓē gə̄ kə́ dām̄ kə́ gír ɓē tə́ tə́ ō, no ɓē tə́ tə́ ō, yā tél reē sedə́ gogə́.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

IJAI 43:6

M-ə́dá mbɔ́r ɓē kə́ ko̰ó̰ na ī-tél ādə̄m̄ sedə́ ō, m-ə́dá mbɔ́r ɓē kə́ geleé na ī-lōō kəhɔdə́ gotoó ō. Ngánə́ḿ kə́ dəngam gə̄ ń ndin̄ ɓē kə́ sa̰y gə̄ ń toō tə́ ní, ī-tél ī-reēī sedə́ ādə̄mī ō, ngánə́ḿ kə́ dəyá̰ gə̄ ń ndin̄ ta ngóy dɔ nang tə́ ní, ī-tél ī-reēī sedə́ ādə̄mī ō.

JEREMI 31:6

Ndɔ̄ ń ngé ngɔ̄m̄ loo gə̄ a əgan̄neé kɔŕ dɔ mbal̄ kə́ Epəraim tə́ ní i kə́ kɔjə kɔ̄ɔ́ ɓá. A ədan̄ na ḭ́ḭī dɔɔ́, j-al̄ j-awī Siyo̰, kum kə̄ rɔ̄ Kɔ́ɔ̄ɓē Nə́ɓā yājí tə́

MISE 7:14

Kɔ́ɔ̄ɓē, ɔ́ŕ gír deē yāí gə̄ ta róbə kə kāgə̄ yāí ń ā ī-ngɔ̄məń yá̰a̰ kul̄ gə̄ ní. Nin̄ ndin̄ i kə kéŕdə́ dɔ nang kə́ tutə kɔ̄ɔ́ tə́. Kāgə̄ kə́ kan̄ gə̄ gīrə̄n̄ gidədə́. Ɔ́ŕdə́ ta róbə tītə̄ kə́ kété, āw̄ sedə́ dɔ mu gə̄ kə́ Basan tə́ ō, dɔ nang kə́ Galaad tə́ ō!