IJAI 27:12 - Bibəl ta Sar̄

¹² Ndɔ̄ ngeé ń noō tə́ ní, Kɔ́ɔ̄ɓē a ənda dɔ kōō gə̄, a əla gír i bā Opəratə tə́ bátə́ ngōn̄ man̄ dɔ mbal̄ kə́ Ejiptə tə́. Ba sḭḭ̄ Israel gə̄, ni a kə̄tósí kógə̄ḿ kógə̄ḿ tītə̄ loo kə̄tó dɔ kōō beé.

Bible sar

¹² Ndɔ̄ ngeé ń noō tə́ ní, Kɔ́ɔ̄ɓē a ənda dɔ kōō gə̄, a əla gír i bā Opəratə tə́ bátə́ ngōn̄ man̄ dɔ mbal̄ kə́ Ejiptə tə́. Ba sḭḭ̄ *Israel gə̄, ni a kə̄tósí kógə̄ḿ kógə̄ḿ tītə̄ loo kə̄tó dɔ kōō beé.

IJAI 27:12 Referans Kwoze

TA KƏLA 15:18

Ndɔ̄ ń noō tə́ Kɔ́ɔ̄ɓē əhɔ madə̄ naā kə Abəram. Ni-ədan na: M-ādə̄ ngán kaaí gə̄ dɔ nang ń toō ń əla gír bā kə́ Ejiptə tə́ bátə́ ugə̄ń Opəratə ń i bā kə́ bo ní tə́ ní.

IJAI 56:8

Kɔ́ɔ̄ɓē Nə́ɓā, ni ń ɔsə nja ngán Israel gə̄ kə́ aw̄n̄ sedə́ dɔ ɓē kə́ rang tə́ dɔ gúú tə́ kə̄ naā tə́ ní, əda kə̄ ndágá wáńg na: M-ɔ́sə njadə́ kə̄ naā tə́ kɔ̄ɔ́ ɓá ō, m-ā m-ɔ́sə nja kə́ rang gə̄ kə̄ naā tə́ ɓáý to̰ ō.

NEHEMI 1:9

Banī ré gō tə́ jə-tél jə-reē gogə́ rɔ̄í tə́ ba jə-ngɔ̄m̄ gō míndə gə̄ ń ə́dájí kadə̄ jə-rāā ní ō, jə-rāādə́ ō anī, ká ré ɔyn̄jí aw̄n̄ sejí i ta ngóy dɔ rā̰ tə́ gə̄gē anī, ḭ̄ na ā āw̄ gōjí tə́ yā reē sejí loo ń ī-gə̄rā yā kadə̄ rīí i dɔ tə́ ní tə́.

JA̰A̰ 10:16

Batə̄ yāḿ kə́ rang gə̄ i noó ɓáý, ba nin̄ i kem gɔng ń toō tə́ alé, i gáŕ kadə̄ m̄-teē sedə́ ō. Nin̄ a oōn̄ ndūḿ, adə̄ a télən̄ ɓūtə̄ yá̰a̰ kul̄ kə́ kógə̄ḿ beē ō, nge kul̄də́ i kógə̄ḿ beē ō.

JA̰A̰ 6:37

De gə̄ malang ń Bɔbə́ḿ adə̄m̄ sedə́ ní, a reēn̄ rɔ̄ḿ tə́, ba deē ń reē rɔ̄ḿ tə́ ní, m-ā m̄-tə̄ɓān ndágá alé.

Najə̄ kə́ Majə yā Jeju ń Luk ndang ní 15:4

I náā dansí tə́ laā n ré kɔ́ɔ̄ aw̄ kə batə̄ gə̄ ɓú, ba tḭ̄ḭ̄ ta kógə̄ḿ anī, a əya̰ madə̄ kə́ kutə ndōhó gidə i ndōhó gə̄ dan bembeé yā kaw̄ń sāāń nja nge ń tan tḭ̄ḭ̄ ní bátə́ kadə̄ ré əngen tá tél aĺ ní.

AMOS 9:9

A̰á̰ā̰, m-ā m-ə́dá yá̰a̰ gə̄ kə́ kadə̄ de gə̄ rāān̄, dan nápar de gə̄ tə́ malang ní, m-ā m̄-yéȳ gír de gə̄ ń i ngán Israel gə̄ ní, tītə̄ ń deē a əgań kum yá̰a̰ kə yḛngəreé noō beē, adə̄ kɔkərɔ kógə̄ḿ a əsō nang tə́ alé.

JEREMI 3:14

Ngáń kə́ ngé túy taā kem gə̄ ī-tél ī-reēī! Tɔdɔ̄ i mā n i Kɔ́ɔ̄ɓē ní. Najə̄ ń Kɔ́ɔ̄ɓē əda ní n noó. M-ā m-ɔ́ýsí kógə̄ḿ, kógə̄ḿ kə dɔ ɓē gēé ō, jōó jōó kə dɔ gír kaa gēé ō, yā kaw̄ sesí Siyo̰.

IJAI 17:6

I yá̰á̰ kə́ ngá̰ý aĺ n a na̰y gotə Israel tə́ ní. Ɓē ngeé ń toō a to tītə̄ kāgə̄ olibə kə́ əjan̄ kanə̄n kɔ̄ɔ́ beē. Na̰y kanə̄n gə̄ i jōó aláa mətá jam kāgāá dɔɔ́ ō, na̰y i sɔ́ aláa mí tū ta jīn gə̄ tə́. Najə̄ ń Kɔ́ɔ̄ɓē Nə́ɓā yā Israel əda ní n noó.

PĀ GƏ̄ 72:8

Ādə̄ loo ń ni-o̰o̰ ɓē dɔ tə́ ní ḭḭ bā bo kə́rēý tə́ bátə́ bā bo kə́ rang tə́ ō, ḭḭ bā Opəratə tə́ bátə́ ta ngóy dɔ nang tə́ ō!

PĀ GƏ̄ 68:22

Banī Nə́ɓā tɔ̄ɔ̄ dɔ madə̄ ba̰ā̰n gə̄, ni tɔ̄ɔ̄ kār̄ dɔ deē ń əɓa nənga ngá̰ý á rāā yá̰á̰ kə́ majaĺ ní.

IJAI 49:5

Ba ngɔlaā ní, Kɔ́ɔ̄ɓē ɔr̄ najə̄. Ni rāām̄ kété pá tá kadə̄ ojəmə̄n̄ ɓáý, yā kadə̄ mā i nge kəla yān. Ni ndigə kadə̄ m̄-tél kə ngán Jakob gēé kə̄ rɔ̄n tə́, kadə̄ m-ósə dɔ gír de gə̄ yā Israel gə̄ kə̄ naā tə́. Kɔ́ɔ̄ɓē əhɔ gōḿ ō, Nə́ɓā yāḿ i tɔ́gə́ḿ ō.

JEREMI 44:28

De kə́ kutədə́ i ngá̰ý aĺ gə̄ kə́ teēn̄ ta yo kaskar tə́ a ḭḭn̄ Ejiptə yā tél kaw̄ gogə́ dɔ nang kə́ Juda tə́. Ɓá anī, ngé gə̄ malang ń ndin̄ kə kumdə́ Juda tə́ á reē ɓɔ̄ɔ̄n̄ rɔ̄də́ Ejiptə tə́ ní, a gerə̄n̄ ké najə̄ i yāḿ aké i yādə́ nin̄ wa.

EJEKIEL 20:34

M-ā m̄-teē sesí kɔ̄ɔ́ dan gír de kə́ tayā gə̄ tə́ ō, kem ɓē gə̄ ń ī-tḭ̄ḭ̄ naā tū tə́ ní ō, ba m-ā m-ɔ́sə njasí kə̄ naā tə́. Loo rāā tə́ beé ní, m-ā m-ɔ́jə́sí tɔ́gə́ḿ malang ō, m-ā m̄-bə̄gā wōn̄g yāḿ kə́ ngá̰ý dɔsí tə́ ō.

EJEKIEL 20:41

M-ā m̄-teē sesí kɔ̄ɔ́ dan gír de gə̄ tə́ ō, kem ɓē gə̄ ń ī-tə̄ndāī naā ī-tḭ̄ḭ̄ tū tə́ ní ō, ba m-ā m-ɔ́sə dɔsí naā tə́. Gō tə́ anī, m-ā m̄-rāā kem majə sesí adə̄ m-ā m̄-taā yá̰a̰ tun̄ yāsí kə́ sēēdə́ otə majə gə̄. Ré m̄-rāā yá̰á̰ kə́ tītə̄ ń noō sesí anī, m-ɔ́jə i gotə nápar de gə̄ kadə̄ mā i Nə́ɓā kə́ táĺ.

EJEKIEL 39:25

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, kumḿ a o̰o̰m̄ tām̄ yā Israel gə̄ tə́, kumḿ a o̰o̰m̄ tām̄ yā ngé gə̄ ń Jakob ojədə́ ní tə́. M-ā m̄-tél kə dəngáy yādə́ gēé yā reē sedə́ gogə́ ō, m-ā m̄-rā kə de gə̄ malang ta ɓōĺ gidə rīḿ kə́ táĺ ō.

EJEKIEL 47:19

Dɔ nin̄ ɓē kə́ dām̄ mbɔ́r ɓē kə́ geleé tə́ a əla gír Tamar tə́ bátə́ ugə̄ man̄ gə̄ kə́ Meriba kə́ Kades tə́ ō, a un gō man̄ kə́ Ejiptə tə́ kum kə̄ bā bo tə́ ō. Dām̄ dɔ nin̄ ɓē kə́ dām̄ mbɔ́r ɓē kə́ geleé tə́ n noó.

JAKARI 8:7

A̰á̰ā̰, m-ə́da na m-ā m-ájə́ gír deē yāḿ gə̄, kə ta kūl̄ kɔydə́ kem ɓē gə̄ kə́ dām̄ kə́ gír ɓē tə́ tə́ ō, no ɓē tə́ tə́ ō, yā tél reē sedə́ gogə́.

1 MBAN̄G GƏ̄ 8:65

Dan ngeé ń ń noō tə́ ní Salomo̰ nin̄ kə ngán Israel gə̄ malang rāān̄ nāā kújə́ kámbə gə̄ ō. I kán̄ naā kə́ bo ngá̰ý. De gə̄ ń kánə̄n̄ naā ní ḭḭn̄ i kə gō ɓē gə̄ malang kə́ Israel tə́ ń əla gír i Lebo Hamat bátə́ man̄ kə́ Ejiptə tə́ ní n reēn̄ ní. Nin̄ rāān̄ nāā ta kum Kɔ́ɔ̄ɓē Nə́ɓā tə́ ndɔ̄ sīrí.