IJAI 27:11 - Bibəl ta Sar̄

¹¹ Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

Bible sar

¹¹ Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

IJAI 27:11 Referans Kwoze

JEREMI 8:7

Kóndə́la ń a nēl̄ dɔɔ́ ní gə̄gē, ger̄ kum mbang kə́ yā ndɔ́təń ɓē. Tá dér ndaa ō, gabə kɔsə ō, dāngā ō, mānə̄n̄ dɔ kum mbang kə́ yā téləń kə̄ ɓēé tə́ alé. Ba gír deē yāḿ gə̄ tá usədə́ dɔ ndū najə̄ ń Kɔ́ɔ̄ɓē adə̄də́ ní tə́ alé.

IJAI 44:24

Israel, Kɔ́ɔ̄ɓē i nge gān̄g dɔí, ni rāāī kété pá tá kadə̄ ojiīn̄ ɓáý. Ni ədaī na: Mā i Kɔ́ɔ̄ɓē. Yá̰a̰ malang ń toō ní, i mā n i nge rāān. I mə̄kɔ́ kə kérə́ḿ n m̄-tūtə́ dɔ rā̰ gidə naā tə́ ní. m̄-tḛḛ̄ kem dɔ nang i kanjə̄ kadə̄ deē kógə̄ḿ ɔsə kílə́ḿ loon tə́.

IJAI 43:7

De gə̄ malang ń rīḿ i dɔdə́ tə́ ní, de gə̄ malang ń m-ə̄ndādə́, m-ə̄ɓādə́, m̄-rāādə́ kadə̄ ɔsən̄ gɔnəḿ ní, ī-tél ī-reēī sedə́.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

IJAI 1:3

Man̄g ger̄ kɔ́ɔ̄n ō, kərō ger̄ loo ń kɔ́ɔn a adə̄n yá̰a̰ kəsa tū tə́ ní ō. Banī Israel ger̄ yá̰á̰ kógə̄ḿ alé, gír deē yāḿ gə̄ gerə̄n̄ najə̄ alé.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

1 TESALONIK 2:16

Nin̄-ɔgə̄n̄jí kɔjə nápar de kə́ rang gə̄ Najə̄ kə́ Majə kadə̄ ajən̄neé ō, a tɔ̄lə̄n̄ ta yá̰a̰ rāādə́ kə́ majaĺ i tītə̄ ń noō dejə ō. Banī Nə́ɓā gān̄g sarya dɔdə́ tə́ ta tɔ̄l̄ ta tə́.

Makətūbə̄ ń Pol ndang adə̄ Rom gə̄ ní 1:31

Kur̄ dɔdə́ gətóo, tá ənīn̄ míndə́də́ anī ran̄ dɔ tə́ aĺ ō. Ndér̄də́ loo rāā madə̄də́ gə̄ yá̰á̰ kə́ tōr̄ tə́ kɔ̄ɔ́ ō, kumdə́ o̰o̰də́ kə deé aĺ ō.

JA̰A̰ 15:6

Ré deē kógə̄ḿ ndi kemḿ tə́ aĺ anī, a ənīnən̄ ndágá kɔ̄ɔ́ tītə̄ ta jī kāgə̄ kadə̄ tutə. Gō tə́ anī, a kánə̄n̄ tajī kāgə̄ gə̄ yā ɓōkə́də́ horoó kadə̄ hor o̰o̰.

MATIYE 13:19

Ngé gə̄ ń oōn̄ najə̄ kə́ dɔ Ɓē ko̰o̰ tə́ ba gerə̄n̄ kum aĺ ní, nin̄-ton̄ i tītə̄ bɔ̄gə̄ róbə́ ń kōō tə́sō tū tə́ ní. Ndíĺ kə́ nge ngól̄ loo gə̄ reē nār̄ yá̰á̰ ń dubə̄n̄ kemdə́ tə́ ní kɔ̄ɔ́.

MATIYE 13:15

Tɔdɔ̄ gír de gə̄ ń toō kemdə́ magə́rā kɔ̄ɔ́, mbīdə́ əja oō loo to̰ alé. Nin̄ kɔ́ gə̄ utə̄n̄ kumdə́ kɔ̄ɔ́ na sōgə́ kumdə́ a̰a̰ loo ō, tá utə̄n̄ mbīdə́ kɔ̄ɔ́ na sōgə́ mbīdə́ oō loo ō, yā kadə̄ ger̄nəń kum najə̄ kógə̄ḿ aĺ ō. Na sōgə́ nin̄-tūrə̄n̄ háĺdə́ anī, m̄-rāā adə̄ rɔ̄də́ ngáā.

MATIYE 3:10

Kə̄ngā i kə́ kəndā ngəra kāgə̄ gə̄ tə́ ɓá kɔ̄ɔ́, adə̄ kāgə̄ gə̄ malang ń a anə̄n̄ majə aĺ ní, a tə́gān̄də́ yā ɓōkə́də́ horoó kɔ̄ɔ́.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

EJEKIEL 9:10

Adə̄ m-ā m-ə́yá̰də́ alé, kumḿ a o̰o̰m̄ tām̄ yādə́ tə́ alé. M-ā m̄-rāā kadə̄ yá̰á̰ kə́ majaĺ ń nin̄ rāān̄ ní tél əsō dɔdə́ nin̄ kɔ́ gə̄ tə́.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

IJAI 44:2

Mā, Kɔ́ɔ̄ɓē ń m̄-rāāī ní, m-ə̄ɓāī pá tá kadə̄ ojiīn̄ ɓáý ní, m̄-reē dḭḭ̄ī tə́. Yá̰á̰ ń m-ə́dá ní n toó: Gír de gə̄ yā Jakob, ḭ̄ Yesurun, nge kəla yāḿ ń m̄-gə̄rāī ní, ī-lōō ɓōĺ.

IJAI 9:17

A̰á̰ā̰, kem ndul i yá̰á̰ kə́ o̰o̰ loo tītə̄ hor kə́ o̰o̰ kōn̄ kə́ tayā tayā gə̄ beé. Hor ní əhɔ túpə kámbə gə̄ kə́ kem ku kāgə̄ gə̄ tə́ ō, rāā adə̄ sa hor kə́ ra kə ngālāá ɓururu ḭḭ ta kaw̄ dɔ rā̰ tə́ ō.

PĀ GƏ̄ 106:40

Wōn̄g rāā Kɔ́ɔ̄ɓē ngá̰ý dɔ gír deē yān gə̄ tə́. Ngé gə̄ ń i yá̰a̰ halan gə̄ ní ni kidə̄də́ kɔ̄ɔ́,

NDŪ NAJƏ̄ 4:6

Ré ī-rāāī kə gō ń m-ɔ́jəńsí ní anī, gír de kə́ rang gə̄ ń a oōn̄ ndū najə̄ gə̄ ń toō malang ní, a rāān̄sí i gír de kə́ ngáā gə̄ tə́ ō, de kə́ ger̄ yá̰a̰ gə̄ tə́ ō, a ədan̄ na: Nápar de gə̄ ń toō i nápar de gə̄ kə́ yā kɔsə gɔndə́, i gír de kə́ ngáā gə̄ ō, kə́ ger̄ yá̰a̰ gə̄ ō.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

IJAI 5:13

I tām̄ najə̄ ń toō tə́ ń Kɔ́ɔ̄ɓē əda najə̄ ń toō ní: A ɔyn̄ gír deē yāḿ gə̄ yā kaw̄ sedə́ dɔ ɓē kə́ rang tə́, tɔdɔ̄ nin̄ ndigən̄ ger̄ yá̰á̰ kógə̄ḿ alé. De kə́ bo gə̄ a oyn̄ yo ɓō ō, kósə de gə̄ a oyn̄ yo kəndā man̄ ō.

IJAI 18:5

Kété no kəja kan̄ nduú tə́, dan ń kāgə̄ nduú hútə̄ ní, dan ń hútən gə̄ télən̄ dɔ bəra nduú gə̄ kə́ a kərēn̄ i mbéé ní, tə́jān̄ ta jīn kə́ teē yá̰a̰ aĺ gə̄ kɔ̄ɔ́ ō, ta jīn gə̄ kə́ a sitə gə̄ kɔ̄ɔ́ ō, mbīn gə̄ kɔ̄ɔ́ ō, kə yá̰á̰ tə́jā yá̰á̰ kógə̄ḿ.

JEREMI 11:16

Rī ń Kɔ́ɔ̄ɓē əndā dɔí tə́ ní n toó: Kāgə̄ olibə kə́ to mbōl̄ ngándáńg ō, balsáá ngá̰ý kə ta kūl kanə̄n gə̄ kə́ majə páráńg ō. Kɔ́ɔ̄ɓē əla hor ādə̄ o̰o̰ mbīn gə̄ ō, de gə̄ tétə̄n̄ ta jīn gə̄ ō i dan ń kōō yá̰a̰ a ɓārəń kə ngangá ngá̰ý ní tə́.

JEREMI 13:14

M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

JEREMI 16:5

Rɔ̄kum, Kɔ́ɔ̄ɓē ɔr̄ najə̄ i tītə̄ ń toō beé: Údə kem kújə́ kə́ de gə̄ kánə̄n̄ naā kemeé yā nōoń yo tə́ alé. Āw̄ loo rāā yá̰a̰ kūjə́ kə́ loo nōō yo gə̄ tə́ aĺ ō. Ādə̄ kumií o̰o̰ī kə de gə̄ ń noō aĺ ō, tɔdɔ̄ m-ā m̄-tél yā taā ndi lɔm yāḿ jī gír de gə̄ ń toō tə́ ō, m-ā m̄-rāā kem majə sedə́ to̰ aĺ ō, kumḿ a o̰o̰ḿ sedə́ to̰ aĺ ō. Najə̄ ń Kɔ́ɔ̄ɓē əda ní n noó.

JEREMI 25:37

Gɔng gə̄ ń yá̰a̰ kul̄ gə̄ rosə ní tél ton̄ kúkúkú dan ń wōn̄g yā Kɔ́ɔ̄ɓē ḭḭ seneé kə ngangá ngá̰ý ní.

EJEKIEL 19:12

Banī ɔr̄nən̄ kə wōn̄g gēé ənīnən̄ nang tə́. Néĺ kə́ dūn̄ tə́ tutə kanə̄n gə̄, adə̄ kanə̄n gə̄ tə́sōn̄ nang tə́. Ta jīn kə́ ngan̄g gə̄ ní tutən̄ kɔ̄ɔ́ ō, hor o̰o̰də́ ō.

OJEE 4:14

M-ā m̄-rāā yá̰a̰ kə ngáńsí kə́ dəyá̰ gēé tām̄ ájə́ba ń nin̄ a rāān̄ tə́ ní aĺ ō, kə umsí kə́ dəyá̰ gēé tām̄ gól̄ ń nin̄ a gólə̄n̄ ngaadə́ gə̄ ní aĺ ō. M-ā m̄-rāā yá̰a̰ i sesí sḭḭ̄ ngé tun̄ yá̰a̰ gēé, tɔdɔ̄ āwī loo kə́ rang tə́ kə kéŕsí kə dəyá̰ ájə́ba gēé ō, ə́saī yá̰á̰ kə́ yā ɓōĺ gidə gə̄ naā tə́ kə ájə́ba gə̄ kə́ gíŕ kújə ndɔ̄ȳ yāsí gə̄ tə́ ō. Gír de gə̄ ń gerə̄n̄ kum yá̰á̰ kógə̄ḿ aĺ ní, i gír de gə̄ kə́ tadə́ tḭ̄ḭ̄ kɔ̄ɔ́ gə̄, tītə̄ ń ngɔ̄ý tām̄ ədań ní.