IJAI 27:10 - Bibəl ta Sar̄

¹⁰ Ɓē ń ngɔ̄mə̄n̄ majə ngá̰ý ní, deē i kemeé to̰ alé. Kemən i karī ō, əya̰nən̄ kɔ̄ɔ́ tītə̄ dəla loo beé ō. Ngán man̄g gə̄ a reēn̄ ko̰ó̰ i loo ń noō tə́ ō, a ɔrə̄n̄ koō i loo ń noō tə́ ō, əsan̄ mbī túpə́ kámbə gə̄ ō.

Bible sar

¹⁰ Ɓē ń ngɔ̄mə̄n̄ majə ngá̰ý ní, deē i kemeé to̰ alé. Kemən i karī ō, əya̰nən̄ kɔ̄ɔ́ tītə̄ dəla loo beé ō. Ngán man̄g gə̄ a reēn̄ ko̰ó̰ i loo ń noō tə́ ō, a ɔrə̄n̄ koō i loo ń noō tə́ ō, əsan̄ mbī túpə́ kámbə gə̄ ō.

IJAI 27:10 Referans Kwoze

IJAI 17:2

Ɓē bo gə̄ ń ndin̄ i kə ta kūl̄neé ní, a əya̰n̄də́ kɔ̄ɔ́ i kə́ njɔ́ḿ gə̄ tə́. Nin̄ i tām̄ yā ɓūtə̄ yá̰a̰ kul̄ gə̄ tə́. Ɓūtə̄ yá̰a̰ kul̄ gə̄ a ndin̄ tū tə́ ō, de kə́ yā njə́ɓādə́ a gətóo ō.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

JEREMI 26:18

Mise nge koō ta kə́ Moreset tə́ ɔr̄ najə̄ ɓāl̄ yā Ejekias, mban̄g kə́ Juda tə́, əda gír de gə̄ malang kə́ Juda tə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: A ndɔrə̄n̄ ɓē kə́ Siyo̰ tītə̄ loo ndɔr̄ loo beé ō, Jerusalem a tél ndəbā ɓē kə́ gájə́ yá̰á̰ kə́ tū tə́ gə̄ ra dɔ naā tə́ bing ō, mbal̄ kə́ kújə yā Kɔ́ɔ̄ɓē tə́ a tél loo kə́ kḭḭ kə̄ dɔɔ́ kə́ mu taā dɔ ō.

JEREMI 26:6

yá̰á̰ ń m̄-rāā kə Silo ní, m-ā m̄-rāā kə kújə́ ń toō. M-ā m̄-rāā ɓē ń toō kadə̄ a téĺ yá̰á̰ kə́ nápar de gə̄ malang kə́ dɔ nang tə́ a ndɔ̄lə́n̄ naā kə rīneé.

IJAI 17:9

Ndɔ̄ ngeé ń noō tə́ ní, ɓē bo gə̄ ń ngɔ̄mə̄n̄də́ majə dɔ nang kə́ Israel tə́ ní, a télən̄ i loo kə́ nujə sák sák. Tām̄ a əya̰n̄də́ kɔ̄ɔ́ tītə̄ ń kété əya̰nə̄ń ɓē bo gə̄ yā Hibi gə̄ ō, yā Amor gə̄ ō kɔ̄ɔ́ ta rēē ngán Israel gə̄ tə́ ní.

EJEKIEL 36:4

I beé ní, sḭḭ̄ mbal̄ bo gə̄ kə́ Israel tə́, ōōī najə̄ kɔrə̄ḿ! Mā Kɔ́ɔ̄ɓē Nə́ɓā, m-ə́da i mbal̄ bo gə̄ ō, ngán mbal̄ gə̄ ō, man̄ dɔ mbal̄ gə̄ ō, wól loo gə̄ ō. M-ə́da i loo kə́ nujə sák sák kə́ to dɔ naā tə́ bing gə̄ ō, ɓē bo gə̄ kə́ de gə̄ əya̰n̄ kɔ̄ɔ́ gə̄ ō. Nápar de kə́ rang gə̄ ń ndin̄ gīrə̄n̄ gidə ɓē bo gə̄ ngeé ń toō ní, ɔyn̄ yá̰a̰ kənge kə́ kemeé gə̄ kɔ̄ɔ́ dɔ gúú tə́ ō, tájə̄n̄ ɓē bo gə̄ ní ō.

NŌŌ RƆ̄ 5:18

I tɔdɔ̄ mbal̄ Siyo̰ tél loo kə́ nujə kɔ̄ɔ́ ō, loo kə́ tal̄ gə̄ a njə̄rān̄ tū tə́ ō.

NŌŌ RƆ̄ 1:4

Róbə́ kə́ ta reē kə̄ Siyo̰ tə́ gə̄ ndə̄ngān̄ rɔ̄də́, tɔdɔ̄ de gə̄ njə̄rān̄ dɔ tə́ yā reēń rāā nāā gə̄ tə́ to̰ alé. Bápə́ kə́ ta róbə ndogə̄ kə́ Siyo̰ tə́ gə̄ malang i kə́ nujəń kɔ̄ɔ́. Ngé tun̄ yá̰a̰ yān gə̄ malang to̰ō̰n̄ rus rus. Rɔ̄ ngámandə yān gə̄ nel̄də́ aĺ ō, wurən nəkɔ́ atə̄n ngá̰ý ō.

IJAI 64:10

Kújə́ kə́ táĺ ō, kə́ majə ngá̰ý ō ń kaají gə̄ a ənīn̄ pā tɔ̄ȳ yāí kemeé ní, hor o̰o̰ kɔ̄ɔ́. Yá̰a̰ malang ń kété jə-gḛy ní, i kə́ tétə̄ nang tə́ adə̄ ra dɔ naā tə́ bing.

IJAI 25:2

Ḭ̄ ī-rāā ɓē ādə̄ tél i kɔkərɔ kə́ kán̄ dɔ naā tə́ bing. Ɓē ngeé ń toō ń ngɔ̄mə̄n̄ majə ní, i kə́ tétə̄ nang tə́ kɔ̄ɔ́. Ɓē kə́ ngan̄g ngá̰ý gə̄ yā tə̄rā gə̄ tél i ɓē to̰ alé, deē a tél yā rāān gogə́ to̰ aĺ i kə́ bátə́ gə̄ tə́.

IJAI 7:25

De gə̄ a ɓōlə́n̄ túpə kōn̄ gə̄, adə̄ deē a aw̄ dɔ ngán mbal̄ gə̄ ń kété a ndɔrə̄n̄ tū tə́ kə kɔsɔɔ́ ní tə́ to̰ alé. A tél i loo kə́ man̄g gə̄ aw̄n̄ ko̰ó̰ tū tə́ ō, a tél i loo ra batə̄ gə̄ ō.

IJAI 7:21

Ndɔ̄ ngeé ń noō tə́ ō ní, de gə̄ kógə̄ḿ kógə̄ḿ a ulə̄n̄ kó̰o̰ man̄g kógə̄ḿ ō, kó̰o̰ bə̄yā̰ gə̄ jōó ō.

IJAI 32:19

Kɔ̄sə̄ a tə́sō dɔ ku kāgə̄ gə̄ tə́ ō, ɓē a əsō ō.

IJAI 35:1

Dəla loo ō, loo kə́ mángá ō, ādī rɔ̄sí nel̄sí! Gō nang kə́ man̄ gətóo tū tə́, ī-rāā rɔ̄nel̄ ō, ī-hútə̄ ō!

IJAI 49:21

Ba ā ī-dəje rɔ̄í najə̄ ń toō, ā ə́da na: Ngán gə̄ ń toō malang ní i náā n adə̄m̄ sedə́? Kété ní, ngánə́ḿ gə̄ gətóon̄ ō, m-ásə kənge ngán gə̄ aĺ ō. Aw̄n̄ seḿ dɔ ɓē kə́ rang tə́ dɔ gúú tə́ ō, əya̰mə̄n̄ kɔ̄ɔ́ ō. Ba ngé gə̄ ń noō ní i náā n ətōdə́? Dan ń mā i kérə́ḿ ní, ngán gə̄ ń toō nin̄ i rá?

JEREMI 25:37

Gɔng gə̄ ń yá̰a̰ kul̄ gə̄ rosə ní tél ton̄ kúkúkú dan ń wōn̄g yā Kɔ́ɔ̄ɓē ḭḭ seneé kə ngangá ngá̰ý ní.

JEREMI 52:27

Mban̄g kə́ Babilon tɔ̄l̄də́ Ribəla, dɔ nang kə́ Hamat tə́. I beé n ɔyn̄neé de kə́ Juda gə̄ dɔ nang yādə́ tə́ aw̄n̄ sedə́ sa̰y kɔ̄ɔ́ ní.

IJAI 24:10

Ɓē bo ń de gə̄ i ngá̰ý tū tə́ aĺ ní əsō, ta kújə gə̄ malang ran̄ i kə kutú, deē asə kudə kemeé to̰ alé.