IJAI 26:5 - Bibəl ta Sar̄

⁵ Ni-rāā ngé ndi ɓē loo kə́ kḭḭ kə̄ dɔɔ́ gə̄ tə́ adə̄ tə́sōn̄. Ni mbəre ɓē bo kə́ de gə̄ ngɔ̄mə̄n̄ majə ngá̰ý ənīn. Ni-tél seneé bátə́ ugə̄ seneé nang tə́, ənīn kum bumbə́rú tə́.

Bible sar

⁵ Ni-rāā ngé ndi ɓē loo kə́ kḭḭ kə̄ dɔɔ́ gə̄ tə́ adə̄ tə́sōn̄. Ni mbəre ɓē bo kə́ de gə̄ ngɔ̄mə̄n̄ majə ngá̰ý ənīn. Ni-tél seneé bátə́ ugə̄ seneé nang tə́, ənīn kum bumbə́rú tə́.

IJAI 26:5 Referans Kwoze

JEJU TEĒ KUM JA̰A̰ 18:2

Ni-əga kɔŕ ngá̰ý əda na: Babilon ń i ɓē kə́ bo ní əsō kɔ̄ɔ́, əsō kɔ̄ɔ́! Adə̄ tél i loo ndi ndíĺ kə́ majaĺ gə̄ ō, loo ɓɔ̄ɔ̄ rɔ̄ yā ndíĺ kə́ yḛr gə̄ malang ō, yā yel̄ kə́ yḛr gə̄ malang ō, yā dā̰ kə́ yḛr gə̄ malang kə́ majən̄ aĺ ta kum de gə̄ tə́ ō.

JEREMI 51:37

Babilon a tél yā to tītə̄ mbal̄ kə́ kán̄ dɔ naā tə́ ō, tītə̄ loo ra tal̄ gə̄ ō, yá̰á̰ kə́ to kum ko̰ kə́ de gə̄ a əgan̄ kɔŕ ɓōĺ dɔ tə́ ō. De kə́ kemeé gə̄ a gətóon̄ malang kɔ̄ɔ́.

JEREMI 51:64

gō tə́ anī ā ə́da na: Babilon a gətóo kɔ̄ɔ́ i tītə̄ ń noō ō, ni a ḭḭ dɔɔ́ kum yá̰á̰ kə́ to kum kaȳ aĺ gə̄ ń rāānən̄ ní tə́ to̰ aĺ ō. Nápar de gə̄ tə́sōn̄ sɔɔ̄ń kɔr kə́ rāādə́ ngá̰ý. Ta tɔ̄l̄ ta Najə̄ yā Jeremi i loo ń toō tə́.

IJAI 13:11

Kɔ́ɔ̄ɓē əda na: M-ā m-ə́nda de kə́ dɔ nang tə́ gə̄ najə̄ kem ndul yādə́ tə́ ō, m-ā m-ə́ndá ngé kem ndul gə̄ najə̄ tɔ̄l̄ ń nin̄ tɔ̄lə̄n̄ de gə̄ tə́ ní ō. M-ā m̄-rāā kadə̄ kídə̄ loo yā ngé kɔjə rɔ̄ gə̄ gətóo kɔ̄ɔ́. Ngé gə̄ ń ko̰o̰ ɓē i jīdə́ nin̄ kɔ́ gə̄ tə́ ngóý ní, m-ā m̄-rāā kadə̄ kɔjə rɔ̄ yādə́ tél kə̄ nang tə́.

IJAI 47:1

Najə̄ ń Kɔ́ɔ̄ɓē əda ní n toó: Ḭ̄ ɓē kə́ Babilon, ī-risə kɔ̄ɔ́ dɔ kōr̄ kāgə̄ mbang yāí tə́, ba ī-ndi kum bumbə́rú tə́. A̰á̰ā̰, ɓē yā Babilon gə̄, ī-ndi dɔ nang tə́. Ngɔlaā ní a ɓāríīn̄ na i Babilon kə́ ger̄ gō yá̰á̰ láẃ ngá̰ý to̰ aĺ i kə́ bátə́ gə̄ tə́.

IJAI 32:19

Kɔ̄sə̄ a tə́sō dɔ ku kāgə̄ gə̄ tə́ ō, ɓē a əsō ō.

IJAI 14:13

Kété ní ī-gír̄ ə́da na: M-ā m-āw̄ bátə́ yā kugə̄ dɔ rā̰ tə́, m-ā m-ə̄ndā kōr̄ kāgə̄ mbang yāḿ dɔɔ́ dɔ tə́yō̰ gə̄ yā Nə́ɓā tə́. M-ā m̄-ndi dɔ mbal̄ ń nə́ɓā gə̄ a kánə̄n̄ naā dɔ tə́ ní tə́, ta ngóy ɓē tə́ dām̄ mbɔ́r ɓē kə́ geleé tə́.

IJAI 2:12

Kɔ́ɔ̄ɓē kə́ bo kə́ tɔ́gən i ngá̰ý, ngɔ̄m̄ ndɔ̄ kógə̄ḿ yā rɔ̄ɔń kə yá̰a̰ malang ń a ənda kadən ō, a ɔjə rɔ̄n ní ō, yā rɔ̄ɔń kə yá̰a̰ malang ń a̰a̰ rɔ̄n i yá̰á̰ kə́ bo tə́ ní ō, yā téləń seneé kə̄ nang tə́ ō.

PĀ GƏ̄ 79:8

Yá̰á̰ kə́ majaĺ gə̄ ń kaají gə̄ rāān̄ ní, ī-lōō kəndā najə̄n dɔjí tə́, banī ādə̄ kumií o̰o̰ī sejí, ī-reē láẃ ī-tə́nā tají, tɔdɔ̄ j-əsō adə̄ jḭḭ i gírí nang tə́ sa̰y ngá̰ý.

IJAI 25:2

Ḭ̄ ī-rāā ɓē ādə̄ tél i kɔkərɔ kə́ kán̄ dɔ naā tə́ bing. Ɓē ngeé ń toō ń ngɔ̄mə̄n̄ majə ní, i kə́ tétə̄ nang tə́ kɔ̄ɔ́. Ɓē kə́ ngan̄g ngá̰ý gə̄ yā tə̄rā gə̄ tél i ɓē to̰ alé, deē a tél yā rāān gogə́ to̰ aĺ i kə́ bátə́ gə̄ tə́.

NŌŌ RƆ̄ 2:2

Kɔ́ɔ̄ɓē nujə kə loo ndi gə̄ yā Jakob malang kanjə̄ kadə̄ kumən o̰o̰n. Ni tɔ̄ɔ̄ kújə́ kə́ ngan̄g ngá̰ý gə̄ kə́ Juda tə́ kə wōngōó ngá̰ý. Tɔɔ̄də́ nang tə́ kɔ̄ɔ́ ba əla rɔ̄sɔl̄ dɔ ɓē ko̰o̰ tə́ ō, ngār yān gə̄ tə́ ō.

EJEKIEL 26:11

Nja sə́nda yādə́ gə̄ a tɔ̄ɔ̄ nán̄g kə́ kum róbə kɔsə yāí gə̄ tə́ ō, de gə̄ ń ndin̄ kemií tə́ ní, nin̄ a tɔ̄lə̄n̄də́ kə kaskaraá ō, mbal̄ yāí kə́ túdə̄ kə nja dɔɔ́ gə̄ ń tɔ́gə́də́ i ngá̰ý ní, nin̄ a tə́nīn̄də́ nang tə́ kɔ̄ɔ́ ō.

IJAI 24:10

Ɓē bo ń de gə̄ i ngá̰ý tū tə́ aĺ ní əsō, ta kújə gə̄ malang ran̄ i kə kutú, deē asə kudə kemeé to̰ alé.

EJEKIEL 28:17

Majə ń ī-majə deē ní rāāī adə̄ ɔ́jə rɔ̄í. Teēń ī-teē deē ní rāāī adə̄ dɔí ndi gōtə́ aĺ kɔ̄ɔ́. I tām̄ najə̄ ń noō tə́ n m-ə̄nī nang tə́ m-ādə̄ mban̄g kə́ rang gə̄ a̰a̰īn̄ ní.