IJAI 26:20 - Bibəl ta Sar̄

²⁰ Gír deē yāḿ gə̄, údiī kújú ɓēé loosí ba ūtī ta róbə ī-gāngīneé gíŕsí kɔ̄ɔ́. Ī-ɓɔ̄ɔ̄ rɔ̄í kum ngán mbang gə̄ sḛý ādə̄ wōn̄g yā Kɔ́ɔ̄ɓē mānəń.

Bible sar

²⁰ Gír deē yāḿ gə̄, údiī kújú ɓēé loosí ba ūtī ta róbə ī-gāngīneé gíŕsí kɔ̄ɔ́. Ī-ɓɔ̄ɔ̄ rɔ̄í kum ngán mbang gə̄ sḛý ādə̄ wōn̄g yā Kɔ́ɔ̄ɓē mānəń.

IJAI 26:20 Referans Kwoze

PĀ GƏ̄ 30:5

Sḭḭ̄ deē yā Kɔ́ɔ̄ɓē gə̄ ə̄nīī pā ādīin̄, ī-ɓōkíin̄neé tɔ̄ȳ ə́daī na, ni i de kə́ táĺ.

PĀ GƏ̄ 27:5

Tām̄ ndɔ̄ ń yá̰á̰ kə́ to kum kaȳ aĺ teē dɔḿ tə́ ní, ni ɓɔ̄ɔ̄m̄ looneé. Ni ɓɔ̄ɔ̄m̄ gə́lé kújə yān tə́ ō, əndām̄ dɔɔ́ dɔ mbal̄ tə́ ō.

MATIYE 6:6

Ba dan ń ā ī-gḛy ndɔ̄ȳ ní anī, údə́ kújú looí, ba ūtə̄ ta kújə dɔí tə́ tá ī-ndɔ̄ȳ Bɔbí ń ndi kem loo kə́ to loo mundə̄ tə́ ní. Anī Bɔbí ń i nge ka̰a̰ yá̰á̰ kə́ rāā loo mundə̄ tə́ jəke ní, a əndā njaí.

PĀ GƏ̄ 91:4

Ni a ngɔ̄mī. Ā ə́nge loo ɓēé looneé kadə̄ ī-ɓɔ̄ɔń rɔ̄í, tītə̄ ngōn̄ kə̄njá kə́ ɓɔ̄ɔ̄ rɔ̄n gír bɔ̄gə̄ kó̰o̰n tə́ beē. Kem majə yān rāā rɔ̄n i der tə́ ō, kūbə̄ gində̄ tə́ ō.

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.

PĀ GƏ̄ 17:8

Ī-ngɔ̄mə̄m̄ tītə̄ loo ngɔ̄m̄ njár̄ kumií beē. Ī-ɓɔ̄ɔ̄m̄ gír bɔ̄gīí tə́,

2 KORḚNTƏ 4:17

Wur kɔl gə̄ ń əsōn̄ dɔjí tə́ kum ngōn̄ mbang kə́ sḛ́ý beē tə́ ní, ré deē əndādə́ kadə naā tə́ kə kɔsə gɔn kə́ a to ngándáńg ń yá̰á̰ kə́ tōr̄ gə̄ ngeé ń toō rāān̄ loon tām̄ yājí tə́ ní anī, asən̄ naā aĺ bátə́, tɔdɔ̄ kɔsə gɔn ní i kɔsə gɔn kə́ ngá̰ý tɔȳ yá̰á̰ kə́ tōr̄ gə̄ ń rāān̄jí ní.

IJAI 10:25

Ba na̰y kum mbang i ngá̰ý aĺ yā kadə̄ wōn̄g ń rāām̄ seí ní dəba, gír wōn̄g ní a gān̄g kɔ̄ɔ́.

PĀ GƏ̄ 32:7

Ḭ̄ i loo ɓɔ̄ɔ̄ rɔ̄ yāḿ, ādə̄ yá̰á̰ kə́ to wur kɔl əngem̄ alé. Ḭ̄ ī-gān̄g dɔḿ adə̄ m-ə̄nī pā rɔ̄nel̄ m-ɔ́səń gɔnií.

IJAI 51:4

Kɔ́ɔ̄ɓē əda na: Sḭḭ̄ gír deē yāḿ gə̄, ōōī najə̄ yāḿ, sḭḭ̄ nápar deē yāḿ gə̄, ī-nēlī mbīsí! I mā n m-ā m-ə̄ndā ndū najə̄ ō, yá̰á̰ kə́ súmūú ń m-ə̄ndā ngəran ní, i loo kə́ unjə̄ kow kə́ kadə̄ gír de gə̄ a̰a̰nə̄ń loo ō.

PĀ GƏ̄ 91:1

Deē ń ndi loo ń Nə́ɓā kə́ dɔɔ́ a ɓɔ̄ɔ̄ rɔ̄n tū tə́ tə́ ní to i ndíĺ Nə́ɓā kə́ bo kə́ tɔ́gən i ngá̰ý tə́.

PĀ GƏ̄ 31:20

Banī Kɔ́ɔ̄ɓē, kem majə ń ī-ngɔ̄m̄ tām̄ yā ngé ɓōĺ ndílí gə̄ tə́ ní, i kem majə kə́ to ɓōĺ ngá̰ý! Ngé gə̄ malang ń ḭ̄ i loo ɓɔ̄ɔ̄ rɔ̄ yādə́ ní, ɔ́jə kem majə ní kə̄ ndágá tām̄ yādə́ tə́ i ta kum de gə̄ tə́ malang.

EJEKIEL 11:16

I beé ní, ngé gə̄ ń ɔyn̄də́ dɔ gúú tə́ aw̄n̄ sedə́ dɔ ɓē kə́ rang tə́ naā tə́ seí ní, ā ə́dádə́ na: Najə̄ ń mā Kɔ́ɔ̄ɓē Nə́ɓā m-ɔ̄r̄ sedə́ ní n toó: M-ə́la sesí sa̰y, kə̄ loo gə̄ tə́ malang dan nápar de gə̄ tə́ ɓá tā, ba mā i dansí tə́ tītə̄ ń m̄-ndiń kem loo kə́ táĺ tə́ tə́.

IJAI 51:16

M-ə̄ndā dɔ rā̰ loo ran tə́ ō, m-ə̄ndā dɔ nang ba m-ə́da Siyo̰ na: Ḭ̄ i gír de gə̄ yāḿ ō. m̄-ə̄ndā najə̄ yāḿ taí tə́ ō, m̄-rāā ndíl jīḿ dɔí tə́ m̄-ngɔ̄mīneé ō.

PĀ GƏ̄ 143:9

Kɔ́ɔ̄ɓē, ī-gān̄g dɔḿ jī madə̄ ba̰ā̰ḿ gə̄ tə́. m̄-rāāī i loo ɓɔ̄ɔ̄ rɔ̄ yāḿ tə́.

PĀ GƏ̄ 57:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā ī-lōō nujəń beé. I pā yā Dabid kə́ yā ndóoń deē yá̰a̰. I dan ń Dabid a̰ȳ Saul aw̄ ɓɔ̄ɔ̄ rɔ̄n bəlo mbalá ní.

TA KƏLA 7:1

Kɔ́ɔ̄ɓē əda Noe na: Údiī kem to boó, ḭ̄ ō, deē yāí gə̄ malang ō, tɔdɔ̄ i ḭ̄ ngóy n i de kə́ súmūú ta kumḿ tə́ dan de kə́ dɔ nang tə́ gə̄ tə́.

JEREMI 31:14

M-ā m̄-rāā kadə̄ ngé tun̄ yá̰a̰ gə̄ əsan̄ dā̰ kə́ yḛmbə gə̄ kadə̄ ndān̄ kemdə́ ō, kadə̄ gír deē yāḿ gə̄ əngen̄ yá̰a̰ yāḿ gə̄ kadə̄ asə jīdə́ ō.

MATIYE 23:37

Ɓē kə́ Jerusalem, ɓē kə́ Jerusalem, ḭ̄ ń i nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ looí ní kə mbalá tə́nī tɔ̄l̄də́ ō ní! Nja i kóndóńg n m̄-gḛy kán̄ ngání gə̄ kə̄ naā tə́, tītə̄ ń kó̰o̰ kə̄njá a kánəń ngánən gə̄ gír bɔ̄gə̄n tə́ ní? Ba ngání gə̄ gḛyn̄ alé!

JEREMI 7:23

Yá̰á̰ ń m̄-dəjedə́ ní n toó ngóy: Ōōī najə̄ yāḿ anī m-ā m̄-téĺ Nə́ɓā yāsí ō, sḭḭ̄ ā ī-téliī gír deē yāḿ gə̄ ō. Ré úniī gō róbə́ ń m̄-rāā tām̄ yāsí tə́ ní anī, ā ī-ndiī majə.

Makətūbə̄ yā Job 14:13

Nə́ngētə́ ī-ɓɔ̄ɔ̄m̄ i ɓádá anī, loo ń de kə́ koy gə̄ ton̄ tū tə́ ní anī, nə́ngētə́ ī-ngɔ̄mə̄n̄ i bátə́ kadə̄ wōn̄g yāí mānəń kɔ̄ɔ́ anī, nə́ngētə́ ɔ́jə i ndɔ̄ gə̄ kə́ kadə̄ gíŕdə́ gān̄g a, a əga kemií dɔḿ tə́ anī,

Gōsə̄ najə̄ gə̄ 22:3

De kə́ nge kəndā kum kedə̄ dɔ rɔ̄n tə́ a̰a̰ yá̰á̰ kə́ to kum kaȳ aĺ loo reē tə́ anī ɓɔ̄ɔ̄ rɔ̄n kɔ̄ɔ́ banī usə de kə́ kumdə́ gān̄g aĺ gə̄ dɔ tə́ alé adə̄ yá̰á̰ kə́ tōr̄ ní reē rāādə́.

IJAI 10:5

Kɔ́ɔ̄ɓē əda na: I yá̰á̰ kə́ to kum kaȳ aĺ kə́ ba̰ý beē tām̄ yā Asiri tə́, ni ń wōn̄g rāām̄ anī m-únən m-ə́ndań ndéý ní! M-ā m-ɔ́jə wōn̄g ní i kāgə̄ ń ni-əhɔ jīn tə́ ní.

IJAI 13:5

Kɔ́ɔ̄ɓē ō, ngé gə̄ ń a bə̄gān̄ wōn̄g yān ō ní, ḭḭn̄ i sa̰y ngá̰ý n a reēn̄ ní, ḭḭn̄ i ta ngóy dɔ rā̰ kə́ dām̄ kə́rēý tə́. Nin̄ a nujən̄ ɓē malang kɔ̄ɔ́.

IJAI 34:2

Wōn̄g rāā Kɔ́ɔ̄ɓē kə nápar de gə̄ malang, wōn̄g rāān kə ɓūtə̄ yādə́ malang. Ni gḛy nujə sedə́ kɔ̄ɔ́ malang. Ni-aw̄ sedə́ loo tɔ̄l̄də́ tə́.

IJAI 66:14

Dan ń ā ī-ndiī dan yá̰á̰ ń noō tə́ anī, kemsí i kə rɔ̄nelēé ō, dā̰ rɔ̄sí a tél yā ndi kə kumneé gogə́ tītə̄ mu kə́ gō man̄ kə́ edə tə́ beē. Kɔ́ɔ̄ɓē a rāā yá̰a̰ kə tɔ́gɔ́ tām̄ yā ngé gə̄ ń rāān̄ kəla adə̄nən̄ tə́ ní, banī madə̄ ba̰ā̰n gə̄ a gerə̄n̄ kɔȳ wōn̄g yān.

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.

SOPONI 2:3

Ī-tūrī rɔ̄sí kə̄ rɔ̄ Kɔ́ɔ̄ɓē tə́, sḭḭ̄ de kə́ kem ɓēé gə̄ ń sḭḭ̄ i de kə́ najə̄sí gətóo gə̄ ní, sḭḭ̄ ń oōī tan, adə̄ ī-rāāī yá̰a̰ gə̄ ń ni ədasí ní. Ī-rāāī yá̰á̰ kə́ gōtə́ ō, ī-rāāī rɔ̄sí de kə́ dūú gə̄ tə́ ta kum Nə́ɓā tə́ ō. Na majanī ā ī-ndiī loo kə́ yá̰a̰ a ɔdə́ rɔ̄sí tū tə́ aĺ tə́, ndɔ̄ ń Kɔ́ɔ̄ɓē a ɔjəń wōn̄g yān kə̄ ndágá tə́ ní.

PĀ GƏ̄ 57:2

Ɓɔ́ Nə́ɓā, á̰a̰ kum tō ndoō yāḿ! Tɔdɔ̄ m̄-rāāī i loo ɓɔ̄ɔ̄ rɔ̄ yāḿ tə́. m̄-ɓɔ̄ɔ̄ rɔ̄ḿ i ndíl bɔ̄gīí tə́, bátə́ kadə̄ gíŕ yá̰á̰ kə́ to kum kaȳ aĺ gāngəń.

PĀ GƏ̄ 94:13

Ni a ndi lɔm ndɔ̄ ń yá̰a̰ a tōrəń rɔ̄ de gə̄ tə́ ní ō, dan ń a əjan̄ bəlo kə́ bo tām̄ yā ngé kem ndul gə̄ tə́ ní ō.