IJAI 26:2 - Bibəl ta Sar̄

² Ī-teēī ta róbə gə̄, ə́ya̰ī nápar de gə̄ ń oōn̄ ta Nə́ɓā ní, nápar de gə̄ ń ran̄ dɔ ndūdə́ tə́ seneé ní, ādə̄ udən̄.

Bible sar

² Ī-teēī ta róbə gə̄, ə́ya̰ī nápar de gə̄ ń oōn̄ ta Nə́ɓā ní, nápar de gə̄ ń ran̄ dɔ ndūdə́ tə́ seneé ní, ādə̄ udən̄.

IJAI 26:2 Referans Kwoze

JEJU TEĒ KUM JA̰A̰ 5:9

Nin̄-ənīn̄ pā kə́ kijə ń toō: Ḭ̄ ásə taā makətūbə̄ ní, ba kɔsə mbō̰ kə́ ta tə́ kɔr̄. Tɔdɔ̄ əjan̄ míndí adə̄ ī-gān̄g dɔ gír ɓē gə̄ malang ō, dɔ de gə̄ kə́ ta yādə́ gə̄ i tayā tayā malang ō, gíŕdə́ i tayā tayā malang ō, nápardə́ i tayā tayā malang ō, ādə̄ Nə́ɓā kə ta kūl̄ mósí.

PĀ GƏ̄ 118:20

I ta róbə yā Kɔ́ɔ̄ɓē, ādə̄ de kə́ súmūú gə̄ udən̄ kemeé!

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

IJAI 60:11

Ta róbə yāí gə̄ a ran̄ wōyōó ngándáńg. Deē a utə̄ tadə́ kadaá aĺ ō, ndɔ̄ɔ́ aĺ ō. Loo ń noō tə́ a reēēn̄ kə yá̰a̰ kənge gə̄ yā nápar de kə́ rang gə̄ yā kudəń ɓēé looí ō, kə mban̄g yādə́ gə̄ ō, kə gō naá kógə̄ḿ kógə̄ḿ.

IJAI 62:10

De kə́ Jerusalem gə̄, ī-teēī, ī-teēī láẃ kɔ̄ɔ́ kem ɓēé! Ī-njariī róbə ādī gír deē yāḿ gə̄. Ī-rāāī róbə ādī majə, ī-ró̰yī mbal̄ gə̄ kɔ̄ɔ́, údiī yá̰á̰ kógə̄ḿ dɔɔ́ yā taāń gír de gə̄.

IJAI 62:2

Loo ń noō tə́ nápar de gə̄ malang a a̰a̰n̄ kadə̄ Kɔ́ɔ̄ɓē ajiī ō, mban̄g gə̄ malang a a̰a̰n̄ kɔsə kə́ ɔsən̄ gɔnií ō. Loo ń noō tə́ ā ə́nge rī kə́ kijə ń Kɔ́ɔ̄ɓē a gə̄rā ní.

KƏLA RĀĀ 2:47

Nin̄-tɔ̄ȳn̄ Nə́ɓā ō, nel̄ de gə̄ malang sedə́ ō. Ngé gə̄ ń ajən̄ ní Kɔ́ɔ̄ɓē reē sedə́ kə̄ dɔ ngé kán̄ naā gə̄ tə́ kə dɔ ndɔ̄ gə̄.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

IJAI 54:14

Ā ə̄ndā tɔ́gí dɔ yá̰a̰ rāā kə́ gōtə́ tə́. Deē a rējī to̰ aĺ ō, ɓōĺ a rāāī to̰ aĺ ō. De kə́ yā rāāī kadə̄ ndílí a̰ȳ to̰ a gətóo ō, de kə́ yā kəla ɓōĺ kemií tə́ to̰ a gətóo ō.

PĀ GƏ̄ 106:5

Ādə̄ m-á̰a̰ rɔ̄nel̄ yā ngé gə̄ ń ī-gə̄rādə́ ní ō, m̄-rāā walya rɔ̄nel̄ yā gír deē yāí gə̄ ō, ādə̄ m-ɔ́r ta rɔ̄ḿ naā tə́ kə ngé gə̄ ń əngen̄ yá̰a̰ yāí ní ō.

Teē Ngán Israel gə̄ 19:6

adə̄ sḭḭ̄ ā ī-téliī ɓē ko̰o̰ yā ngé tun̄ yá̰a̰ gə̄ ō, gír de gə̄ kə́ táĺ gə̄ ō. Yá̰á̰ ń kadə̄ ə́dá ngán Israel gə̄ ní n noó.

JEJU TEĒ KUM JA̰A̰ 21:24

Nápar de gə̄ a njə̄rān̄ i kə ta kūl̄ loo yān kə́ unjə̄ kow ō, mban̄g kə́ dɔ nang tə́ gə̄ a reēn̄ kə kɔsə gɔn yādə́ gēé kem ɓē ní tə́ ō.

JAKARI 8:20

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: A̰á̰ā̰, gír de gə̄ kə́ nin̄ i tə̄rā gə̄, kə́ nin̄ teēn̄ i kem ɓē gə̄ kə́ gír i kósə́ ngá̰ý tə́, a reēn̄ kem ɓē kə́ Jerusalem tə́ gogə́ rang.

IJAI 58:8

Loo ń noō tə́ loo kə́ unjə̄ kow yāí a teē tītə̄ ta gír loo kə́ atə wororo beé ō, do yāí a idə̄ láẃ ō. Yá̰a̰ rāāí kə́ gōtə́ a njə̄rā kété noí tə́ ō, kɔsə gɔn yā Kɔ́ɔ̄ɓē a njə̄rā gogə́ gōí tə́ ō.

Makətūbə̄ ń Jud ndang ní 1:3

Kó tár yāḿ gə̄, najə̄ kə́ dɔ kajə deē tə́ ń i najə̄ kə́ sɔɔ̄jí malang ní, m̄-gḛy ngá̰ý kadə̄ m̄-ndang makətūbūú m-ādə̄sí. M-á̰a̰ā̰ ní majə kadə̄ m̄-ndang m-ə́lań go̰ kemsí tə́, kadə̄ ī-rɔ̄ɔ̄īneé dɔ taā kem ń i yá̰á̰ kə́ Nə́ɓā adə̄ deē yān gə̄ i nja kógə̄ḿ beē ngóý ní tə́.

2 PIYER 3:13

Tá jə-ndi j-a jə-ngóōī i yá̰á̰ ń ni-ənī míndən najə̄n tə́ ní, adə̄ i dɔ rā̰ kə́ kijə ō, dɔ nang kə́ kijə ō ń yá̰á̰ kə́ gōtə́ a to tū tə́ ní.

PĀ GƏ̄ 24:7

Ī-teēī ta róbə, ɔ́yiī kāgə̄ tan kə́ dɔɔ́ gə̄ kə̄ dɔɔ́! Ī-teēī ta róbə kə́ jóo gə̄ ādī laa kadə̄ mban̄g kə́ bo udəń!

PĀ GƏ̄ 118:19

Ī-teēī ta róbə yā de kə́ gōtə́ ādə̄mī, m-ā m-údə kemeé yā tɔ̄ȳ Kɔ́ɔ̄ɓē.

IJAI 45:25

De gə̄ malang ń Israel ojədə́ ní a əngen̄ yá̰a̰ rāā kə́ gōtə́ i kə ta kūlə̄ḿ mā ō, nin̄ a əndan̄ kadədə́ najə̄n tə́ ō.

IJAI 54:17

Yá̰a̰ rɔ̄ɔ̄ gə̄ ń rāān̄ yā kənīīneé rɔ̄ɔ̄ ní, nge kógə̄ḿ kə́ asə rāāī yá̰á̰ kə́ majaĺ gətóo. Ba ré deē kógə̄ḿ ndigə sekíī loo gān̄g sarya tə́ anī, ā ásə kɔjə kadə̄ najə̄ əhɔn. Núsə́ yá̰á̰ ń m̄-ngɔ̄m̄ tām̄ yā ngé kəla yāḿ gə̄ tə́ ní n noó, loo gān̄g ń m̄-gān̄g sarya yādə́ kə gōó ní n noó. Najə̄ ń Kɔ́ɔ̄ɓē əda ní n noó.

IJAI 60:18

Deē a oō najə̄ yā yá̰a̰ rāā kə́ kə dɔ́nɔ́ kem ɓē yāí tə́ to̰ aĺ ō, najə̄ yā loo kə́ nujə aláa najə̄ yā gájə bɔr kə́ tétə̄ gə̄ gō nang yāí tə́ to̰ aĺ ō. A əndān̄ rī ndogə̄ mbal̄ yāí gə̄ na i kajə. A əndān̄ rī ta róbə yāí gə̄ na i tɔ̄ȳ.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

IJAI 62:1

Jerusalem, m-ā m̄-ndi taḿ mbóo alé, i tām̄ táŕ kə́ m̄-táriī tə́. Siyo̰, m-ā m̄-ndi kanjə̄ rāā yá̰a̰ alé, i tām̄ táŕ kə́ m̄-táriī tə́. m̄-ngóō kadə̄ gān̄g kə́ gāngə̄n̄ dɔí ɔjə rɔ̄n kə̄ ndágá tītə̄ loo kə́ dəloí kə́ unjə̄ beé ō, kadə̄ kajə kə́ ajiīn̄ unjə̄ tītə̄ lámbá kə́ əndān̄ hor tū tə́ beē ō.