IJAI 26:19 - Bibəl ta Sar̄

¹⁹ Gír deē yāḿ gə̄, de kə́ koy yāsí gə̄ a télən̄ yā ndi kə kumdə́ gogə́, a ḭḭn̄ yā ra dɔɔ́ gogə́. Ngé to kum bumbə́rú tə́ gə̄ a ndólə̄n̄ ō, a əgan̄ kɔŕ rɔ̄nel̄ ō. Kɔ́ɔ̄ɓē a əla kə tal kógə̄ḿ kə́ i loo kə́ unjə̄ kow yā kadī, ba kə ta kūl̄ tal ngeé ń toō ní, dɔ nang a rāā kadə̄ de kə́ koy gə̄ tél ndin̄ kə kumdə́ gogə́.

Bible sar

¹⁹ Gír deē yāḿ gə̄, de kə́ koy yāsí gə̄ a télən̄ yā ndi kə kumdə́ gogə́, a ḭḭn̄ yā ra dɔɔ́ gogə́. Ngé to kum bumbə́rú tə́ gə̄ a ndólə̄n̄ ō, a əgan̄ kɔŕ rɔ̄nel̄ ō. Kɔ́ɔ̄ɓē a əla kə tal kógə̄ḿ kə́ i loo kə́ unjə̄ kow yā kadī, ba kə ta kūl̄ tal ngeé ń toō ní, dɔ nang a rāā kadə̄ de kə́ koy gə̄ tél ndin̄ kə kumdə́ gogə́.

IJAI 26:19 Referans Kwoze

DANIEL 12:2

De gə̄ ń to a ɓīīn̄ ɓádá ní, ngá̰ý gə̄ a ndólə̄n̄. Kə́rēý gə̄ ndólə̄n̄ i tām̄ yā ndi kə kumuú kə́ ndándáńg tə́ ō, kə́rēý gə̄ i tām̄ yā rɔ̄sɔl̄ kə́ ngá̰ý tə́ ō, yá̰á̰ kə́ majə ka̰ā̰ aĺ ngá̰ý kə́ a to ngándáńg tə́ ō.

EPEJƏ 5:14

tɔdɔ̄ yá̰a̰ malang ń deē teē kə gírneé ndágá ní a tél i loo kə́ unjə̄ kow. I tām̄ ń toō tə́ n ədan̄ na: Ḭ̄ ń ī-ɓīī ní, ī-ndól̄, ḭ́ḭ dɔɔ́ dan de kə́ koy gə̄ tə́, anī Kərist a unjə̄ kow dɔí tə́.

MATIYE 27:52

Ta bāá ɓádə gə̄ teēn̄ ō, de gə̄ yā Nə́ɓā ń oyn̄ ní, ngá̰ý gə̄ ndólə̄n̄ ō.

OJEE 13:14

Ba mā Kɔ́ɔ̄ɓē ní, i kadə̄ kə m-ɔ̄rən kɔ̄ɔ́ gíŕ tɔ́gə yā loo kə́ ɓádá tə́ a? I kadə̄ kə m-ájən kɔ̄ɔ́ ta yo tə́ a? Yo, yá̰a̰ rɔ̄ɔ̄ yāí i rá? Yo, tɔ́gí ń kadə̄ ī-tɔ̄ləń deē ní i rá? Kumḿ a o̰o̰m̄ tām̄ yā Epəraim tə́ alé.

OJEE 6:2

Gō tə́ rāā ndɔ̄ jōó anī, ni a rāā kadə̄ j-a jə-tél jə-ndiī kə kumjí gogə́. Kə ndɔ̄ kə́ nge ko̰ mətá anī, ni a tél yā kunjí dɔɔ́ gogə́ ō, j-a jə-ndiī kə kumjí ta kumən tə́ ō.

PĀ GƏ̄ 71:20

Ḭ̄ ī-rāā ādə̄ wur kɔl əsō dɔḿ tə́ ō, yá̰á̰ kə́ to kum kaȳ aĺ gə̄ teēn̄ dɔḿ tə́ ō. Banī ā ī-reē yā rāām̄ kadə̄ m-ā m̄-ndi kə kumḿ gogə́. Ā ī-reē yā teē seḿ kɔ̄ɔ́ ɓádá, kem bəlo kə́ lú ngá̰ý tə́.

IJAI 25:8

Ni a nujə yo kɔ̄ɔ́ i kə́ njɔ́ḿ gə̄ tə́. Kɔ́ɔ̄ɓē Nə́ɓā a ɔl̄ man̄ nōō kə́ kum de gə̄ tə́ malang kɔ̄ɔ́. Ni a un rɔ̄sɔl̄ kɔ̄ɔ́ dɔ gír deē yān gə̄ tə́ kem ɓēé malang. Yá̰á̰ ń Kɔ́ɔ̄ɓē ənī ndūn yā rāā ní n noó.

PILIPƏ 3:21

Ni a tūr̄ rɔ̄jí kə́ dɔ nang tə́ kə́ to rɔ̄ tō ndoō ń toō kɔ̄ɔ́, kadə̄ tél to tītə̄ rɔ̄n nəkɔ́ ń i rɔ̄ kə́ to kɔsə gɔn ní. Ni a rāā nge ń noō i kə tɔ́gə́ ń ni a əlań dɔ yá̰a̰ malang gíŕ tɔ́gə yān tə́ ní.

JAKARI 8:12

M-ā m̄-rāā kadə̄ lɔm a reē dɔ nang tə́ ō, kāgə̄ nduú gə̄ a anə̄n̄ ō, dɔ nang a teē yá̰a̰ ō, man̄ kə́ dɔ rā̰ tə́ a edə ō. Gír deē yāḿ gə̄ ń teēn̄ ta yo tə́ ní, m-ā m̄-rāā majə sedə́ kə yá̰a̰ gə̄ ń noō malang.

1 KORḚNTƏ 15:20

Ba Kərist ń oy ní ndól̄ rɔ̄kum. Adə̄ ni i tītə̄ dɔ yá̰á̰ kə́ teē kété no madə̄ gə̄ tə́, kə́ ɔjə kadə̄ ngé gə̄ ń oyn̄ ní a ndólə̄n̄ rɔ̄kum tītə̄ ń ni-ndóləń ní ō.

OJEE 14:5

Kɔ́ɔ̄ɓē əda na: Mo̰y kəra dɔ ndū tə́ aĺ ń rāā Israel ní, m-ā m̄-tɔ̄l̄ kɔ̄ɔ́ dɔn tə́. M-ā m̄-tárən kə kem kə́ majaá, tɔdɔ̄ wōn̄g rāām̄ seneé to̰ alé.

PILIPƏ 3:10

Yá̰á̰ ń m̄-sāā ní i kadə̄ m̄-ger̄ Kərist ō, tɔ́gə́ ń ni ndóləń bəlo yo tə́ ní ō. m̄-sāā i ka̰a̰ tápə̄ seneé ō, kadə̄ m̄-to tītə̄n dan ń ni-oyń tə́ ní ō,

PĀ GƏ̄ 22:15

Tɔ́gə́ḿ teē rɔ̄ḿ tə́ tītə̄ man̄ kə́ a də̄yā̰ beé. Kə̄ngāḿ gə̄ ḭḭn̄ ta naā tə́ malang. Wurəḿ yḛḛ̄ kə̄ kemḿ tə́ tītə̄ tībə̄ tejə bəya̰ beé.

NDŪ NAJƏ̄ 33:28

Ngán Israel gə̄ ənīn̄ kemdə́ báŕ báŕ ndin̄neé tām̄ yá̰á̰ kə́ yā rāādə́ gətóo. Ngán kaa Jakob gə̄ aw̄ ndin̄ loo kə́ yá̰á̰ kə́ majaĺ a rāādə́ tū tə́ aĺ tə́. Nin̄ ndin̄ i dɔ nang kə́ kōō gémē ō, kāgə̄ nduú ō, a əɓan̄ tū tə́ i kə ta kūl̄ tal kə́ ngá̰ý kə́ ḭḭ dɔ rā̰ tə́.

KƏLA RĀĀ 24:15

Mā m-ə̄ndā kemḿ dɔ Nə́ɓā tə́ tītə̄ ń nin̄ kɔ́ gə̄ əndān̄neé kemdə́ dɔn tə́ ō ní, kadə̄ de kə́ sew gə̄ ō, de kə́ sew aĺ gə̄ ō ń oyn̄ ní, Nə́ɓā a ndól̄də́.

IJAI 51:17

Jerusalem, ī-ndól̄, ī-ndól̄! Ḭ́ḭ ī-ra dɔɔ́! Kɔ́ɔ̄ɓē rāā adə̄ ā̰ȳ kasə kə́ kem kópə wōn̄g yān tə́. Ḭ̄ ā̰ȳ i malang, adə̄ ḭḭ̄ noí.

NDŪ NAJƏ̄ 33:13

Yá̰á̰ ń Moijə əda dɔ Jəjep tə́ ni n toó: Kɔ́ɔ̄ɓē rāā majə kə dɔ nang yā Jəjep tām̄ dɔ nang yān ənge tal kə́ dɔ rā̰ tə́ ō, man̄ kə́ teē gíŕ nángāá ō.

NDŪ NAJƏ̄ 32:2

Ādə̄ yá̰á̰ ndóō yāḿ gə̄ edən̄ tītə̄ man̄ ō, ādə̄ najə̄ kə́ taḿ tə́ teē tītə̄ tal kə́ a tə́sō ō, i tītə̄ man̄ kə́ edə dɔ mbī kámbə́ tə́ ō, dɔ mu tə́ ō.

MATIYE 27:58

Ni-aw̄ ənge Pilatə ba dəjen na kə adə̄n nīń Jeju. Anī Pilatə adə̄ ndūn kadə̄ adə̄nən̄.

PĀ GƏ̄ 110:3

De kə́ dəngam kə́ ger̄ rɔ̄ɔ̄ ngá̰ý gə̄ aw̄n̄ gōí tə́ ndɔ̄ ń ɔ́səń nja ngé rɔ̄ɔ̄ yāí gə̄ kə̄ naā tə́ ní. Dɔ mbal̄ kə́ táĺ gə̄ tə́, balsáa yāí gə̄ a reēn̄ kə̄ rɔ̄í tə́, tītə̄ tal kə́ ta gír loo tə́ beē.

Makətūbə̄ yā Job 29:19

m̄-to tītə̄ kāgə̄ kə́ əla ngəran kum man̄ tə́ beé ō, tal əhɔ dɔ ta jīḿ gə̄ tə́ ndɔ̄ɔ́ bátə́ loo tīī ō.

1 SAMUEL 2:6

I Kɔ́ɔ̄ɓē n i nge rāā kadə̄ deē oy ō, ndi kə kumneé ō ní. I ni n i nge kaw̄ kə deé ɓádá ō, teē seneé ō ní.

PĀ GƏ̄ 22:29

Kɔ́ɔ̄ɓē i mban̄g, ni-o̰o̰ ɓē dɔ nápar de gə̄ tə́.

IJAI 18:4

Tām̄ Kɔ́ɔ̄ɓē ədam̄ na: m̄-ndigə ndi loo ndiḿ tə́ ka̰a̰ń loo ō, ndi tū tə́ jəke ō, tītə̄ mbang kə́ ɔsə ngá̰ý kum loo kə́ unjə̄ kow tə́ beē ō, tītə̄ tal kə́ to tītə̄ kil̄ man̄ dan yā sāā kōō gə̄ tə́ beē.

Makətūbə̄ yā Job 14:8

Ká ngəran tɔgəń i ɓə́gá gíŕ nángāá, aké bə̄dēn oyń i kɔ̄ɔ́ kum bumbə́rú tə́ gə̄gē,

PĀ GƏ̄ 88:11

Ā ī-rāā yá̰á̰ kə́ yáā tām̄ yā de kə́ koy kɔ̄ɔ́ gə̄ tə́ a? Nin̄ a ḭḭn̄ yā kɔsə gɔnií a?