IJAI 26:18 - Bibəl ta Sar̄

¹⁸ Majə kadə̄ jḭḭ̄ j-ojiī de kə́ ndi kə kumneé ō, banī j-ojiī i nél. Jḭḭ̄ jə-reēī kə kajaá j-adī dɔ nang alé, j-adīin̄ de kə́ kijə gə̄ kadə̄ ndin̄ tū tə́ alé.

Bible sar

¹⁸ Majə kadə̄ jḭḭ̄ j-ojiī de kə́ ndi kə kumneé ō, banī j-ojiī i nél. Jḭḭ̄ jə-reēī kə kajaá j-adī dɔ nang alé, j-adīin̄ de kə́ kijə gə̄ kadə̄ ndin̄ tū tə́ alé.

IJAI 26:18 Referans Kwoze

OJEE 13:13

Kə́ tām̄ yān ni tə́ ɓáa, i kum mbang kə́ tām̄ yā ko̰y kə́ tītə̄ ko̰y kə́ ndɔ̄ kojə ngōn̄ tə́ beē. Banī Epəraim i ngōn̄ kógə̄ḿ kə́ kum kedə̄ yān gətóo. Ni-mbātə́ teē kem kó̰o̰n tə́ kɔ̄ɔ́.

PĀ GƏ̄ 17:14

Ī-tɔ̄l̄də́ kə kaskar yāí ādə̄ gətóon̄ kɔ̄ɔ́ dan de gə̄ tə́. Ī-tɔ̄l̄də́ kə jīí! Ādə̄ yá̰a̰ kəndā nja yādə́ i kadə̄ gətóon̄ kɔ̄ɔ́ dɔ nang tə́! Ī-rāā ādə̄ a̰ȳn̄ man̄ kə́ katə̄ kárárá ń ī-ngɔ̄m̄ tām̄ yādə́ tə́ ní. ādə̄ ngáńdə́ gə̄ a̰ȳ ndānə̄n̄ ba əya̰n̄ gotə əndān̄ ngán kaadə́ gə̄!

IJAI 59:4

Loo sekə́ ń ā ī-sekíī deē loo sarya tə́ ní i gōtə́ alé. Sḭḭ̄ ī-rɔ̄ɔ̄ī dɔ deē tə́ i kə gō najə̄ kə́ rɔ̄kum alé. Sḭḭ̄ ə̄ndāī tɔ́gə́sí i dɔ yá̰á̰ kə́ kemən ra wōȳ tə́. Sḭḭ̄ ə́daī yá̰á̰ kə́ rɔ̄kum aĺ gə̄. Sḭḭ̄ ə̄tōī yá̰á̰ kə́ majaĺ kemsí tə́ ō, ójiī i yá̰á̰ kə́ to kum kaȳ aĺ ō.

IJAI 37:3

I kadə̄ nin̄ ədan̄ nge koō ta najə̄ yā Ejekias ń toō: Ɓōólaā i ndɔ̄ wur kɔl yājí, i ndɔ̄ ndéy ō, i ndɔ̄ rɔ̄sɔl̄ ō. De gə̄ ədan̄ na ngōn̄ əndā dɔ rɔ̄n danaá kɔ̄ɔ́ yā teē kem kó̰o̰n tə́, banī tɔ́gə́ kó̰o̰n kə́ yā kojənəń gətóo.

2 MBAN̄G 19:3

yā kədan na: Ejekias ɔr̄ najə̄ i beé əda na: Ɓōólaā i ndɔ̄ wur kɔl ō, ndéy ō, rɔ̄sɔl̄ ō! Ngán gə̄ əndān̄ rɔ̄də́ ta róbə́ tə́ yā teē kem kó̰də́ gə̄ tə́ kə̄ ndágá, banī tɔ́gə́ kə́ yā kojəńdə́ gətóo!

IJAI 33:11

Yá̰a̰ gə̄ ń sḭḭ̄ ī-sāā-i rāā ní, i mu kə́ tutə gə̄ ngóy. Dan ń yá̰a̰ gə̄ ní reē udən̄ gíŕ kə́ rɔ̄ tə́ anī, yá̰a̰ gə̄ ní i mu karī. Koōsí sḭḭ̄ kɔ́ gə̄ a nujəsí tītə̄ hor beé.

1 SAMUEL 14:45

Banī de gə̄ ədan̄ Saul na: Jonatan ń tetə rɔ̄ɔ̄ kə́ bo ngá̰ý ń toō adə̄ ngán Israel gə̄ ní kə oy a? Nge ń noō i yá̰á̰ kə́ majaĺ bátə́. Tītə̄ ń Kɔ́ɔ̄ɓē ndiń kə kumneé noō, nənga dɔn kógə̄ḿ gə̄gē a əsō nang tə́ alé. Tām̄ yá̰á̰ ń ni-rāā kem ndɔ̄ kə́ ɓōólaā tə́ ní nin̄ rāān̄ i naā tə́ kə Nə́ɓāá. I beé n ngán Israel gə̄ taān̄neé Jonatan ta yo tə́ ní.

1 SAMUEL 11:13

Banī Saul əda na: Ndɔ̄ kə́ tītə̄ ń toō ní a tɔ̄lə̄n̄ deē kógə̄ḿ kemeé alé. Tɔdɔ̄ ɓōólaā i ndɔ̄ ń Kɔ́ɔ̄ɓē tetəń rɔ̄ɔ̄ nang kə́ Israel tə́ ní.

1 JA̰A̰ 5:19

Jə-gerī kadə̄ jḭḭ̄ i de gə̄ yā Nə́ɓā, banī de kə́ dɔ nang tə́ gə̄ malang ní nin̄ i gíŕ tɔ́gə yā De kə́ Majaĺ tə́.

JA̰A̰ 7:7

Banī nin̄-imə̄mə̄n̄ mā i tɔdɔ̄ kəda ń m-ə́da kə̄ ndágá wáńg na kəla rāādə́ gə̄ i kə́ majaĺ ní.