IJAI 26:16 - Bibəl ta Sar̄

¹⁶ Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

Bible sar

¹⁶ Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

IJAI 26:16 Referans Kwoze

OJEE 5:15

Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

JEJU TEĒ KUM JA̰A̰ 3:19

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

OJEE 7:14

Dan ń nin̄ ɓāŕmə̄n̄ kadə̄ m̄-dḭḭ̄də́ anī, i kə́ rɔ̄kum tə́ alé. Banī nin̄ tṵ́ṵ̄n̄ dɔ tə̄rá yādə́ gə̄ tə́ ō, tə́jān̄ rɔ̄də́ kə doó ō, yā kəngeń gémē ō, kasə nduú kə́ kijə ō. I tītə̄ ń noō n yá̰á̰ ń mā m̄-ndigə ní nin̄ rāān̄ alé.

NŌŌ RƆ̄ 2:19

Ḭ́ḭ dɔɔ́ ndɔ̄ɔ́, ba ə́ga kɔŕ, kə mbang gə̄ malang ń ngé ngɔ̄m̄ loo gə̄ a mbélə̄n̄neé gír naā ní. Ə́dá yá̰á̰ kə́ kemií tə́ malang kə̄ ndágá ta kum Kɔ́ɔ̄ɓē tə́. Ɔ́y jīí kə̄ dɔɔ́ ta kumən tə́ ī-rāānneé ɓɔ́ tām̄ ndi kə kumuú yā ngání gə̄ ń ɓō a tɔ̄l̄də́ kɔ̄ɔ́ kə só̰ róbə gə̄ malang ní.

JEREMI 22:23

Ḭ̄ ń ī-rāā ɓē dɔ mbal̄ Liban tə́ ō, ī-rāā kújə yāí dan kāgə̄ sédər gə̄ tə́ ō ní, ā ī-to̰ō̰ rus rus dan ń rɔ̄í a tōrī, tītə̄ yā dəyá̰ ń a rāā kem á a jənga rik rik ní.

IJAI 37:3

I kadə̄ nin̄ ədan̄ nge koō ta najə̄ yā Ejekias ń toō: Ɓōólaā i ndɔ̄ wur kɔl yājí, i ndɔ̄ ndéy ō, i ndɔ̄ rɔ̄sɔl̄ ō. De gə̄ ədan̄ na ngōn̄ əndā dɔ rɔ̄n danaá kɔ̄ɔ́ yā teē kem kó̰o̰n tə́, banī tɔ́gə́ kó̰o̰n kə́ yā kojənəń gətóo.

PĀ GƏ̄ 142:2

M-ún ndūḿ kə̄ dɔɔ́ ngá̰ý, m̄-ɓārə́nń Kɔ́ɔ̄ɓē. M-ún ndūḿ kə̄ dɔɔ́ ngá̰ý, m̄-rāań Kɔ́ɔ̄ɓē ɓɔ́.

PĀ GƏ̄ 91:15

Ré ɓārə́m̄ anī m-ā m̄-ndigən, m-ā m̄-ndi seneé dan wur kɔl tə́. M-ā m̄-gān̄g dɔn ō, m-ā m-ɔ́sə gɔnən ō.

PĀ GƏ̄ 42:4

Kadaá ō ndɔ̄ɔ́ ō ní yá̰a̰ kəsaḿ i man̄ kumḿ, tām̄ a dəjemə̄n̄ ngándáńg na ké Nə́ɓā yāḿ ngaá i rá wa.

1 SAMUEL 1:15

Ana tél ədan na: Kɔ́ɔ̄ḿ, mā i dəyá̰ kə́ wurəḿ ɔlə̄m̄ ngá̰ý. M-ā̰ȳ kasə nduú aĺ ō, m-ā̰ȳ yá̰á̰ kógə̄ḿ kə́ rāā deē kasə tə́ aĺ ō, ba m-ɔ́jə i Kɔ́ɔ̄ɓē yá̰á̰ kə́ kemḿ tə́.

TƏ́DA 21:7

Gír de gə̄ reē əngen̄ Moijə ba ədanən̄ na: Jə-rāā yá̰á̰ kə́ majaĺ tām̄ jə-tə́da najə̄ dɔ Kɔ́ɔ̄ɓē tə́ ō, dɔí tə́ ō. Ba ī-rāā Kɔ́ɔ̄ɓē ɓɔ́ ādə̄ tə̄ɓā lī gə̄ ń toō kɔ̄ɔ́ dɔjí tə́ ādə̄ aw̄n̄ sa̰y. Moijə rāā Kɔ́ɔ̄ɓē ɓɔ́ tām̄ yā gír de gə̄ tə́.

JEREMI 2:27

Nin̄ ədan̄ kāgə̄ na: Ḭ̄ i bɔbə́ḿ, nin̄ ədan̄ mbal̄ na: I ḭ̄ n ójəm̄. Rɔ̄kum, nin̄ tūrə̄n̄ i gə́ra gōdə́ n ɔjəmə̄n̄ ba i nɔtə nodə́ alé. Ba dan nəkɔ́ ń yá̰á̰ kə́ to kum tō ndoō teē dɔdə́ tə́ anī, nin̄ ədamə̄n̄ na: Ḭ́ḭ dɔɔ́, ájə́jí!

NGÉ SARYA 10:15

Anī ngán Israel gə̄ tél ədan̄ Kɔ́ɔ̄ɓē na: Kɔ́ɔ̄ɓē, jə-rāā majaĺ seí, adə̄ ī-rāā sejí yá̰a̰ malang ń kemií ndigə ní, banī ɓɔ́ ī-gān̄g dɔjí ɓōólaā.

PĀ GƏ̄ 27:8

Kɔ́ɔ̄ɓē ḭ̄ ə́da na kə jə-tūr̄ kum̄jí kə̄ rɔ̄í tə́! M-ə̄ndā kemḿ dɔ najə̄ ń noō tə́, adə̄ Kɔ́ɔ̄ɓē, m̄-tūr̄ kumḿ kə̄ rɔ̄í tə́.

PĀ GƏ̄ 77:3

Dan ń wur kɔl əsō dɔḿ tə́ ní, m̄-tūr̄ rɔ̄ḿ kə̄ rɔ̄ Kɔ́ɔ̄ɓē tə́. Ndɔ̄ɔ́ anī m̄-ə́la jīḿ kum kə̄ rɔ̄n tə́ kanjə̄ kɔr ta tə́, m̄-mbātə́ kadə̄ deē sɔl̄ kemḿ.

PĀ GƏ̄ 78:34

Dan ń Nə́ɓā a tɔ̄l̄də́ anī, nin̄ sāān̄ njan. Əya̰n̄ yá̰a̰ rāādə́ gə̄ ba tūrə̄n̄ rɔ̄də́ kə̄ rɔ̄ Nə́ɓā tə́.

JEREMI 29:12

Tā anī, sḭḭ̄ ā ī-ɓārí rīḿ kem ndɔ̄ȳ tə́ ō, ā ī-njə̄rāī mbā kə rīḿ ō, ā ī-ndɔ̄ȳmī ō anī, mā m-ā m̄-rāā yá̰a̰ gə̄ ń ī-dəjeī ní.