IJAI 26:14 - Bibəl ta Sar̄

¹⁴ Ngol gə̄ ngeé ń toō oyn̄ kɔ̄ɔ́, nin̄ a télən̄ yā reē to̰ alé. Nin̄ i ndíl de gə̄ kɔ̄ɔ́, a télən̄ yā kḭḭ dɔɔ́ gogə́ to̰ alé. Ḭ̄ ī-rāā yá̰a̰ yā nujəńdə́, yá̰a̰ gə̄ ń ton̄ kadə̄ əgań kem deē gə̄ dɔdə́ tə́ ní, ḭ̄ ī-rāā adə̄ yá̰a̰ gə̄ ní gətóon̄ kɔ̄ɔ́ malang.

Bible sar

¹⁴ Ngol gə̄ ngeé ń toō oyn̄ kɔ̄ɔ́, nin̄ a télən̄ yā reē to̰ alé. Nin̄ i ndíl de gə̄ kɔ̄ɔ́, a télən̄ yā kḭḭ dɔɔ́ gogə́ to̰ alé. Ḭ̄ ī-rāā yá̰a̰ yā nujəńdə́, yá̰a̰ gə̄ ń ton̄ kadə̄ əgań kem deē gə̄ dɔdə́ tə́ ní, ḭ̄ ī-rāā adə̄ yá̰a̰ gə̄ ní gətóon̄ kɔ̄ɔ́ malang.

IJAI 26:14 Referans Kwoze

Gōsə̄ najə̄ gə̄ 10:7

Kəga kem dɔ de kə́ súmūú tə́ i yá̰á̰ kə́ a rāā majə kə deé, banī dɔ de gə̄ a ndígə̄nal rī ngé kem ndul gə̄.

IJAI 8:19

Ngé kə́rēý gə̄ ədan̄ na: Āw̄ ōōī najə̄ kə́ ta ngé ɓāŕ de kə́ koy gə̄ tə́, kɔdə̄ sāā gə̄ ń i ngé kəda yá̰á̰ kə́ a reē ɓáý gə̄ ní. Nin̄ i ngé tél kə ndūdə́ kə̄ nang tə́ ngá̰ý kɔrə̄ń najə̄ gə̄, deē asə ger̄ kum najə̄ kɔr̄də́ alé. I gōtə́ ngá̰ý kadə̄ gír de gə̄ aw̄ oōn̄ najə̄ kə́ ta nə́ɓā yādə́ gə̄ tə́, kadə̄ ɓārə́n̄ de kə́ koy kɔ̄ɔ́ gə̄ kadə̄ rāān̄ majə kə de gə̄ kə́ ndin̄ kə kumdə́. Ré deē ədasí tītə̄ ń noō anī,

PĀ GƏ̄ 106:28

Nin̄ əlan̄ dɔdə́ gír ɓesə̄ Baal kə́ Peor tə́ ō, əsan̄ dā̰ kə́ tun̄ kadə̄ ngé koy gə̄ ō.

JEJU TEĒ KUM JA̰A̰ 20:5

Gotə de kə́ rang gə̄ ń oyn̄ ní, ndólə̄n̄ alé, bátə́ kadə̄ ɓāl̄ kə́ dūbú kógə̄ḿ ní təgāń. Nge ń noō i ndól̄ kə́ ta kəga dɔ yā de kə́ koy gə̄.

MATIYE 2:20

Ḭ́ḭ dɔɔ́, ún ngōn̄ ō kó̰o̰n ō, ba ī-tél āw̄ sedə́ gogə́ dɔ nang kə́ Israel tə́, tɔdɔ̄ ngé gə̄ ń sāān̄ tɔ̄l̄ ngōn̄ ní oyn̄ kɔ̄ɔ́.

IJAI 10:3

Dan ń Kɔ́ɔ̄ɓē a rāā yá̰a̰, dan ń yá̰á̰ kə́ to kum kaȳ aĺ a ḭḭ sa̰y yā reē ní, ā ī-rāāī i ba̰ý? I náā n ā ā̰yī yā kaw̄ looneé kadə̄ rāā sesí ní? Ā ə́ya̰ī yá̰a̰ kənge yāsí gə̄ i loo kə́ rá tə́?

PĀ GƏ̄ 109:13

Ādə̄ tɔ̄lə̄n̄ ngánən gə̄ ō, ngán kaan gə̄ ō, kɔ̄ɔ́ malang. De kə́ gogə́ gə̄ ń a ojən̄də́ ní, ādə̄ rīn gətóo dandə́ tə́!

PĀ GƏ̄ 9:6

Ḭ̄ ɔ́jə rāā yá̰á̰ kə́ tōr̄ kə nápar de gə̄ ń noō. Ī-rāā ādə̄ de kə́ sew aĺ gə̄ oyn̄. Ɔ̄r̄ rīdə́ kɔ̄ɔ́ dɔ nang tə́ kə́ njɔ́ḿ gə̄ tə́.

NDŪ NAJƏ̄ 4:28

Ā ī-ndɔ̄yī ɓesə̄ gə̄ ń i kāgə̄ gə̄, kə mbal̄ gə̄ ń de gə̄ tɔ́sə̄n̄ kə jīdə́ ní loo ní tə́. Ɓesə̄ gə̄ ń asən̄ ka̰a̰ loo aĺ ō, koō loo aĺ ō, kəsa yá̰a̰ aĺ ō, asən̄ kun wusə yá̰a̰ aĺ ō ní, ā ī-rāāī kəla yā kadə̄də́.

Teē Ngán Israel gə̄ 14:30

Ndɔ̄ ń noō tə́ Kɔ́ɔ̄ɓē gān̄g dɔ ngán Israel gə̄ jī de kə́ Ejiptə gə̄ tə́, adə̄ ngán Israel gə̄ a̰a̰n̄ nīń de kə́ Ejiptə gə̄ ta gógə́ tə́.

IJAI 26:19

Gír deē yāḿ gə̄, de kə́ koy yāsí gə̄ a télən̄ yā ndi kə kumdə́ gogə́, a ḭḭn̄ yā ra dɔɔ́ gogə́. Ngé to kum bumbə́rú tə́ gə̄ a ndólə̄n̄ ō, a əgan̄ kɔŕ rɔ̄nel̄ ō. Kɔ́ɔ̄ɓē a əla kə tal kógə̄ḿ kə́ i loo kə́ unjə̄ kow yā kadī, ba kə ta kūl̄ tal ngeé ń toō ní, dɔ nang a rāā kadə̄ de kə́ koy gə̄ tél ndin̄ kə kumdə́ gogə́.

PĀ GƏ̄ 36:12

Ādə̄ de kə́ nge gán̄g rɔ̄n əndā njan looḿ alé! Ādə̄ jī ngé kem ndul gə̄ tə̄ɓām̄ kə̄ gogə́ alé!

PĀ GƏ̄ 59:5

Najə̄ gətóo dɔḿ tə́, ba nin̄ a̰ȳ reē tə́nīn̄ rɔ̄də́ ra a ngóōn̄ taḿ. Ḭ́ḭ dɔ ɓīī tə́, ī-reē kə̄ laā ba á̰a̰ā̰!

PĀ GƏ̄ 135:17

Mbīdə́ to ba oōn̄ loo alé, Ngōn̄ koō kə́ sḛ́ý beē gə̄gē gətóo tadə́ tə́.

KOHELET 9:5

Tɔdɔ̄ de gə̄ ń ndin̄ kə kumdə́ ní nin̄ gerə̄n̄ kadə̄ a oyn̄. Banī de kə́ koy kɔ̄ɔ́ gə̄ ní gerə̄n̄ yá̰á̰ kógə̄ḿ alé. Deē a əndā njadə́ nin̄ to̰ alé, tām̄ dɔ deē ndígə̄naldə́ kɔ̄ɔ́.

IJAI 29:6

Kɔ́ɔ̄ɓē kə́ bo kə́ tɔ́gən i ngá̰ý ní, rāā yá̰á̰ kógə̄ḿ kə ta kūl̄ man̄ kə́ ndang, kə kōō yá̰á̰ kógə̄ḿ kə́ ɓār̄ to ɓōĺ ngá̰ý, kum nél man̄ kə́ əla kə ngangá ngá̰ý tə́ ō, kə ta ndo̰ hor kə́ a nujə looó ō.

IJAI 37:19

Nin̄ ɓōkə́n̄ nə́ɓā yādə́ gə̄ kum hor tə́. Tām̄ nin̄ i nə́ɓā gə̄ alé, banī nin̄ i kāgə̄ kə́ tɔ́sə̄ gə̄, aláa nin̄ i mbal̄ gə̄ kə́ i de gə̄ n rāān̄də́ kə jīdə́.

Makətūbə̄ yā Job 7:9

Tītə̄ ń kil̄ man̄ a tḭ̄ḭń kɔ̄ɔ́ ō, a gətóoń kɔ̄ɔ́ ō ní, deē aw̄ ɓádá i yā teē to̰ alé.

Makətūbə̄ yā Job 18:17

Əga kem de kə́ dɔ nang tə́ gə̄ dɔn tə́ to̰ alé. A ɓārə́n̄ rīn loo kə́rēý tə́ dɔ nang tə́ to̰ alé.

Makətūbə̄ yā Job 24:20

Dɔ dəyá̰ ń ndānən kemən tə́ ní ndígə̄nalən kɔ̄ɔ́, banī ni i yá̰a̰ kəsa kə́ nel̄ tām̄ yā kəde gə̄ tə́, əga kem deē dɔn tə́ to̰ alé. Tetən̄ yá̰a̰ rāā kə́ gōtə́ aĺ i tītə̄ loo tetə kāgə̄ beé.