IJAI 26:13 - Bibəl ta Sar̄

¹³ Kɔ́ɔ̄ɓē Nə́ɓā yājí, ngol kə́ rang gə̄ o̰ō̰n̄ ɓē dɔjí tə́ ba i ḭ̄ alé. Banī deē ń jə-rɔȳn ní i ḭ̄ ngóy.

Bible sar

¹³ Kɔ́ɔ̄ɓē Nə́ɓā yājí, ngol kə́ rang gə̄ o̰ō̰n̄ ɓē dɔjí tə́ ba i ḭ̄ alé. Banī deē ń jə-rɔȳn ní i ḭ̄ ngóy.

IJAI 26:13 Referans Kwoze

Makətūbə̄ ń Pol ndang adə̄ Rom gə̄ ní 6:22

Ba ngɔlaā sḭḭ̄ ī-teēī kɔ̄ɔ́ ɓəlo rāā yá̰á̰ kə́ majaĺ tə́ banī sḭḭ̄ i ɓəlo gə̄ yā Nə́ɓā. Yá̰á̰ ń ə́ngeī tū tə́ ní i háĺsí ń ɔjə kadə̄ sḭḭ̄ i de kə́ táĺ gə̄ ní. Ta tɔ̄l̄ tasí anī ā ə́ngeī i ndi kə kumuú kə́ ngándáńg.

IJAI 63:7

m̄-ndigə ter̄ kem de gə̄ dɔ rāā majə gə̄ yā Kɔ́ɔ̄ɓē tə́, dɔ kum kənī pā tɔ̄ȳ yān tə́: Yá̰a̰ malang ń Kɔ́ɔ̄ɓē rāā tām̄ yājí tə́ ní, kem majə yān kə́ ngá̰ý kə́ tām̄ yā gír de gə̄ yā Israel tə́, yá̰a̰ malang ń ni-rāā kə ta kūl̄ táŕ ní ō, rāā majə yān gə̄ ń gír i ngá̰ý ní ō.

IJAI 2:8

Nə́ɓā kə́ rɔ̄kum aĺ gə̄ taān̄ loo kem ɓē yān tə́. De gə̄ malang a ɔsən̄ i kejədə́ nang tə́ no yá̰á̰ kə́ tɔ́sə̄ rāā yá̰á̰ kógə̄ḿ tə́, no yá̰á̰ kə́ jī deē rāā tə́.

HEBƏRO 13:15

I beé ní, jə-ndējī Nə́ɓā tɔȳ yājí tītə̄ yá̰a̰ tun̄ beé kə ndɔ̄ gə̄ ndɔ̄ gə̄, kə ta kūl̄ Jeju. Kumən na ādə̄ jə-tɔ̄yī rīn kə tam tají kə ndɔ̄ gə̄ ndɔ̄ gə̄.

AMOS 6:10

Loo ń noō tə́ ngeedə́ kógə̄ḿ a teē kə nīńdə́ kɔ̄ɔ́ kem kújú yā róō horoó. Kem kújə́ kə́ ta tɔ̄l̄ ta tə́ ní, ré deē kógə̄ḿ na̰y kemeé kə kumneé ɓáý anī, ngeen a dəjen najə̄ a əda na: De gə̄ i seí ɓáý a? Anī ni a tél yā kədan na: A̰ á̰, deē gətóo. Ba gō tə́ anī a əda na: Ūtə̄ taí! I kum mbang kəda rī Kɔ́ɔ̄ɓē n toó alé!

IJAI 51:22

Najə̄ ń Kɔ́ɔ̄ɓē, ngolií, Nə́ɓā yāí, nge rɔ̄ɔ̄ dɔ gír deē yān gə̄ tə́, əda ní n toó: Kopə wōn̄g yāḿ ń i kópə kə́ a ḭḭ̄ no deē ní, m-ā m̄-tél yā taā jīí tə́ kɔ̄ɔ́. Ā ā̰ȳ yá̰á̰ kə́ kemeé to̰ aĺ i kə́ bátə́ gə̄ tə́.

IJAI 12:4

Ndɔ̄ ngeé ń noō tə́ ní ā ə́daī na: Ī-tɔ̄yī Kɔ́ɔ̄ɓē kə pāá, i náā n i Nə́ɓā yāsí anī, ə́daī ngá̰ý kə̄ dɔɔ́. Yá̰á̰ ń ni-rāā ní, ɔ́jiī gír de gə̄ malang ādə̄ gerə̄n̄.

IJAI 10:11

Yá̰á̰ ń m̄-rāā kə ɓē kə́ Samari ō, kə nə́ɓā yān gēé ō ní, m-ásə rāā kə ɓē kə́ Jerusalem ō, kə yá̰a̰ yān gə̄ kə́ tɔ́sə̄n̄ kum gotə yá̰a̰ gə̄ ō aĺ á?

2 YÁ̰A̰ GƏ̄ 12:8

Ɓá tā ba a télən̄ ngé rāā kəla yān gə̄ kadə̄ gerə̄n̄neé na rāā kəla yāḿ mā ō, rāā kəla yā gotə ɓē ko̰o̰ kə́ rang gə̄ ō, i yá̰á̰ kə́ to tītə̄ naā alé.

JOJUE 23:7

Ī-lōōī kaw̄ dan nápar de gə̄ ń ndin̄ rɔ̄sí tə́ ní ō, ɓāŕ rī ɓesə̄ yādə́ gə̄ ō, túbə kə rī ɓesə̄ yādə́ gə̄ ō, rāā ɓesə̄ yādə́ gə̄ ō, kəso kə̄ nang tə́ kə̄ no ɓesə̄ yādə́ gə̄ tə́ yā rɔȳndə́ ō.

1 KORḚNTƏ 4:7

Tɔdɔ̄ i náā n rāāī ḭ̄ de kə́ tayā tə́ ní? Yá̰á̰ ń ə́ngé ní i rí n i kə́ adīn̄ i mbée aĺ ní? Banī loo ń adīn̄ i mbée anī, i tām̄ rí tə́ á ɔ́jəń rɔ̄í tītə̄ kə́ adīn̄ i mbée aĺ ní?

JA̰A̰ 8:32

Ā ī-gerī najə̄ kə́ rɔ̄kum ō, najə̄ kə́ rɔ̄kum a rāāsí kadə̄ sḭḭ̄ i de kə́ kɔ́ɔ̄ rɔ̄də́ gə̄ ō.

IJAI 26:8

A̰á̰ā̰, Kɔ́ɔ̄ɓē, j-əndā tɔ́gə́jí i dɔí ḭ̄ tə́, dɔ róbə́ ń ī-mēr̄jí kun tə́ ní. Yá̰á̰ ń jə-gḛy ní i kógə̄ḿ beē, i ɓāríī kadə̄ ī-rāā sejí, i gír̄ dɔí tə́.

IJAI 64:5

Jḭḭ malang jə-to tītə̄ de kə́ yḛr gə̄ ō, yá̰a̰ rāājí kə́ majə tɔȳ madə̄ gə̄ i yá̰á̰ kə́ to yḛr kum tītə̄ kūbə̄ kə́ mósə tákə̄ beé ō. Yá̰a̰ rāājí kə́ gōtə́ aĺ gə̄ rāān̄jí adə̄ jə-to tītə̄ mbī kámbə́ kə́ nél un aw̄ń kɔ̄ɔ́ beē.

MISE 4:5

Gotə́ gír de kə́ rang gə̄ malang ní, de gə̄ kógə̄ḿ kógə̄ḿ kə́ dandə́ tə́ a oōn̄ i ta nə́ɓā yādə́ gə̄. Banī jḭḭ j-oō i ta Kɔ́ɔ̄ɓē Nə́ɓā yājí kə́ njɔ́ḿ gə̄ tə́.