IJAI 26:1 - Bibəl ta Sar̄

¹ Ndɔ̄ ngeé ń noō tə́ ní, de kə́ Juda a ənīn̄ pā: J-awī kə ɓē kə́ de gə̄ rɔ̄ɔ̄n̄ dɔ tə́ majə. Kɔ́ɔ̄ɓē ənī ndogə̄ mbal̄ gə̄ jōó dɔ tə́ adə̄ gīr̄ gidə əla ta naā tə́, yā ngɔ̄məńjí.

Bible sar

¹ Ndɔ̄ ngeé ń noō tə́ ní, de kə́ *Juda a ənīn̄ pā: J-awī kə ɓē kə́ de gə̄ rɔ̄ɔ̄n̄ dɔ tə́ majə. Kɔ́ɔ̄ɓē ənī ndogə̄ mbal̄ gə̄ jōó dɔ tə́ adə̄ gīr̄ gidə əla ta naā tə́, yā ngɔ̄məńjí.

IJAI 26:1 Referans Kwoze

IJAI 60:18

Deē a oō najə̄ yā yá̰a̰ rāā kə́ kə dɔ́nɔ́ kem ɓē yāí tə́ to̰ aĺ ō, najə̄ yā loo kə́ nujə aláa najə̄ yā gájə bɔr kə́ tétə̄ gə̄ gō nang yāí tə́ to̰ aĺ ō. A əndān̄ rī ndogə̄ mbal̄ yāí gə̄ na i kajə. A əndān̄ rī ta róbə yāí gə̄ na i tɔ̄ȳ.

IJAI 62:11

Kɔ́ɔ̄ɓē rāā adə̄ de gə̄ oōn̄ ndūn bátə́ ta ngóy dɔ nang tə́. I beé ní, ə́daī ɓē kə́ Siyo̰ na: Nge kajií a reē noó. Ngé gə̄ ń ni-əngedə́ ní, ni-tél reē sedə́. Yá̰á̰ ń ni-ənge gír kəla yān tə́ ní ni-tél reēń.

JAKARI 2:5

Mā Jakari m-ún kumḿ kə̄ dɔɔ́ anī, yá̰á̰ ń m-á̰ā̰ ní n toó, m-á̰a̰ i deē kógə̄ḿ kə́ əhɔ kəlā kə́ yā mbɔ̄jə́nń loo jīn tə́.

JEREMI 33:11

pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ yá̰a̰ tun̄ gə̄ kə́ yā tɔ̄yń kem kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

PĀ GƏ̄ 48:12

Mbal̄ bo kə́ Siyo̰ rāā rɔ̄nel̄. Ɓē gə̄ kə́ Juda ḭḭn̄ bal walya tām̄ yā sarya gāngīí gə̄ tə́!

PĀ GƏ̄ 31:21

Ī-ɓɔ̄də́ i loo ń īkɔ́ ā ī-ɓɔ̄ɔ̄ rɔ̄í tū tə́ ní tə́, adə̄ yá̰á̰ kə́ majaĺ kə́ de gə̄ rāān̄ loo mundə̄ tə́ asə kɔdə rɔ̄də́ alé. Ī-ɓɔ̄də́ i kem kújə yāí tə́, adə̄ najə̄ kə́ majaĺ kə́ ta de gə̄ tə́ asə rāā yá̰a̰ sedə́ alé.

MATIYE 16:18

Banī mā m-ə́daī na ḭ̄ i mbal̄ ō, mā m-ā m̄-rāā Egəlijə yāḿ dɔ mbal̄ ń toō tə́ ō. Yo a asə rāā yá̰a̰ seneé alé.

IJAI 12:1

Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

IJAI 5:1

Ə́yam̄ ādə̄ m-ún rī madə́ḿ m-ə̄niń pā kógə̄ḿ. Pā ní ɔr̄ i najə̄ yā madə́ḿ ō, najə̄ yā ndɔr̄ kāgə̄ nduú yān ō. Madə́ḿ aw̄ kə ndɔr̄ kāgə̄ nduú kógə̄ḿ dɔ ngōn̄ mbal̄ kógə̄ḿ kə́ nang kə́ tū tə́ teē yá̰á̰ ngá̰ý tə́.

IJAI 2:20

Ndɔ̄ ngeé ń noō tə́ ní, yá̰a̰ gə̄ ń de gə̄ rāān̄də́ yā kɔsə kejədə́ nang tə́ nodə́ tə́, adə̄ i nə́ɓā yādə́ kə́ rɔ̄kum aĺ gə̄ kə́ rāā kə gində̄ arjā̰a̰ ō, lɔ́r ō ní, kɔ́ɔ̄ gə̄ a tə́nīn̄də́ yā kadə̄ yégə̄ gə̄ ō, birbir gə̄ ō.

IJAI 2:11

Ngé ka̰a̰ madə̄də́ gə̄ ba kídə̄də́ ní, i gáŕ kadə̄ nin̄ əgan̄ kumdə́ nang tə́ ō, i gáŕ kadə̄ ngé kɔjə rɔ̄də́ gə̄ rugən̄ nang tə́ ō. Ndɔ̄ ngeé ń noō tə́ ní, Kɔ́ɔ̄ɓē kal kógə̄ḿ beē ngóy n i de kə́ bo ní.

ESDRAS 3:11

Nin̄ unən̄ pā tə́da ɔsən̄neé gɔn Kɔ́ɔ̄ɓē ō, ɓōkə́nən̄neé tɔ̄y ō ədan̄ na: Kɔ́ɔ̄ɓē i de kə́ majə, tár yān kə́ tām̄ yā Israel tə́ i táŕ kə́ ta ngóyn gətóo! Ngán Israel gə̄ urən̄ kɔĺ ngá̰ý ɔsən̄neé gɔn Kɔ́ɔ̄ɓē ō, tām̄ kəndā kə́ əndān̄ ngəra kújə yān ní tə́.

TƏ́DA 21:17

Adə̄ ngán Israel gə̄ unən̄ pā ń toō ədan̄ na: Man̄ kə́ bəloó ī-teē, ī-ɓōkíin̄ tɔ̄ȳ.

IJAI 4:2

Ndɔ̄ kógə̄ḿ tə́ Kɔ́ɔ̄ɓē a rāā kadə̄ yá̰á̰ kógə̄ḿ kə́ majə ngá̰ý ō, kə́ to kɔsə gɔn ngá̰ý ō, əɓa kem ɓēé. De kə́ Israel tə́ gə̄ ń a teēn̄ ta yo tə́ ní, a əndan̄ kadədə́ ō, de gə̄ a rɔȳn̄də́ ō, najə̄ yá̰á̰ ń a teē kem ɓēé tə́ ní.

IJAI 14:31

Sḭḭ̄ ta róbə gə̄ kə́ yā kudəń kə̄ kem ɓē bo gə̄ tə́, ī-nōōī! Sḭḭ̄ ɓē bo gə̄, ī-gángī kɔŕ! Tɔ́gə dɔ nang kə́ Pilistin kə taá malang ur̄ wak kɔ̄ɔ́, tām̄ sa hor kógə̄ḿ kə́ to tītə̄ kil̄ man̄ beé, ḭḭ dām̄ mbɔ́r ɓē kə́ ko̰ó̰ tə́ a reē noó. Ɓē madə̄ ba̰ā̰ gēé ɓáa, de kə́ əya̰ ɓūtə̄ ngé rɔ̄ɔ̄ gə̄ ba aw̄ sa̰y ní gətóo.

IJAI 31:5

Tītə̄ ń yel̄ a ḭḭń bɔ̄gə̄ dɔ ngánən gə̄ tə́ ní, Kɔ́ɔ̄ɓē kə́ bo kə́ tɔ́gən i ngá̰ý ní, a ngɔ̄m̄ ɓē kə́ Jerusalem. Ni a rɔ̄ɔ̄ dɔn tə́ ō, a gān̄g dɔn ō. Ni a ngɔ̄mən ō, a ajən ō.

IJAI 31:9

Ɓōĺ a rāādə́ adə̄ nin̄ a ndewn̄. Ngé gə̄ ń ngangə̄n̄ tɔȳ madə̄də́ gə̄ ní a a̰ȳn̄ naā ō, ngār gə̄ ń jīdə́ ur̄ wak ní, a əya̰n̄ dərapóo yādə́ kɔ̄ɔ́ ō. I Kɔ́ɔ̄ɓē ń ta ndo̰ hor yān i Siyo̰ ní, ni ń hor yān o̰o̰ kem ɓē kə́ Jerusalem tə́ ní. Najə̄ ń ni əda ní n noó.

IJAI 33:5

Kɔ́ɔ̄ɓē bo tɔȳ yá̰a̰ malang, tɔdɔ̄ ni-ndi i loo kógə̄ḿ kə́ ḭḭ kə̄ dɔɔ́ tə́. Ɓōĺ gidə yá̰á̰ kə́ súmūú ō, yá̰a̰ rāā kə́ gōtə́ ō ní, ni-əndā ngəran i Jerusalem.

IJAI 33:6

Ba sḭḭ̄ gír de gə̄ yā Kɔ́ɔ̄ɓē, ā ásiī ndi kanjə̄ sōl̄ yá̰á̰ kógə̄ḿ. Kum kedə̄ ō, yá̰a̰ ger̄ ō, rāān̄ rɔ̄də́ i yá̰a̰ kənge kə́ ajə deē tə́. Ɓōĺ ndíĺ Kɔ́ɔ̄ɓē i yá̰a̰ kənge yāí kə́ gātə̄n i ngá̰ý!

IJAI 56:5

I beé ní, m-ā m-údə mbal̄ kógə̄ḿ tām̄ yādə́ tə́ kem kújə yāḿ tə́, kem ndogə̄ mbal̄ yāḿ gə̄ tə́, yā ndang rīdə́ dɔ tə́. Nge ń noō i yá̰á̰ kə́ majə tɔȳ ngáńdə́ kə́ dəngam gə̄ ō, ngáńdə́ kə́ dəyá̰ gə̄ ō. Rī ń m-ā m-ə̄ndā dɔdə́ tə́ ní a to ngándáńg, deē a tɔ̄l̄ rī ní kɔ̄ɔ́ alé.

IJAI 62:10

De kə́ Jerusalem gə̄, ī-teēī, ī-teēī láẃ kɔ̄ɔ́ kem ɓēé! Ī-njariī róbə ādī gír deē yāḿ gə̄. Ī-rāāī róbə ādī majə, ī-ró̰yī mbal̄ gə̄ kɔ̄ɔ́, údiī yá̰á̰ kógə̄ḿ dɔɔ́ yā taāń gír de gə̄.

EJEKIEL 40:5

Yá̰á̰ ń m-á̰a̰ā̰ ní n toó: Ndogə̄ mbal̄ kə́ gidə tə́ ndágá gīr̄ gidə kújə yā Kɔ́ɔ̄ɓē. Deē ní əhɔ tə̄ɓā yān jīn tə́. Tə̄ɓā ní ngālən asə kíl deē mehḛ́. Ni mbɔ̄jə́ laa ndogə̄ mbal̄ ní ō, ngālən kə́ kə̄ dɔɔ́ i kíl deē mehḛ́ ō.

PĀ GƏ̄ 48:4

De gə̄ ń ndin̄ kem kújə́ kə́ bo gə̄ kə́ Siyo̰ tə́ ní gerə̄n̄ kadə̄ Nə́ɓā i loo kə́ ngan̄g kə́ kem ɓēé.

JAKARI 2:9

Najə̄ ń Kɔ́ɔ̄ɓē əda wáńg ní n toó, ni-əda na: Mə̄kɔ́ m-ā m̄-rā tītə̄ ndogə̄ mbal̄ kə́ rāā kə horoó beē, kə gō gidə ɓēé kadə̄ gīr̄ gidə əla ta naā tə́ ō, m-ā m-ɔ́jə kɔsə ngɔn yāḿ kem ɓēé danaá bang ō!