IJAI 25:6 - Bibəl ta Sar̄

⁶ Kɔ́ɔ̄ɓē kə́ bo kə́ tɔ́gən i ngá̰ý a tə́ngā dā̰ kə́ yḛmbə tām̄ yā gír de gə̄ tə́ malang ō, a adə̄də́ kasə nduú kə́ majə dɔ tə́ ō, a əsan̄ i dā̰ kə́ ngəra aĺ ō, yḛmbə ō, a a̰ȳn̄ i kasə nduú kə́ kumən unjə̄ yáŕ yáŕ ō.

Bible sar

⁶ Kɔ́ɔ̄ɓē kə́ bo kə́ tɔ́gən i ngá̰ý a tə́ngā dā̰ kə́ yḛmbə tām̄ yā gír de gə̄ tə́ malang ō, a adə̄də́ kasə *nduú kə́ majə dɔ tə́ ō, a əsan̄ i dā̰ kə́ ngəra aĺ ō, yḛmbə ō, a a̰ȳn̄ i kasə nduú kə́ kumən unjə̄ yáŕ yáŕ ō.

IJAI 25:6 Referans Kwoze

MATIYE 8:11

Ādə̄ m-ə́dásí, de gə̄ ngá̰ý a ḭḭn̄ no ɓē tə́ ō, dūn̄ ɓē tə́ ō, yā reē ndi ta kār̄ yá̰a̰ kəsa tə́ kə Abəraham ō, Isaak ō, Jakob ō, kem Ɓē ko̰o̰ kə́ dɔ rā̰ tə́ tə́.

PĀ GƏ̄ 63:5

M-ā m̄-ɓōkíī tɔ̄ȳ bátə́ kadə̄ m-óyń ō, m-ā m-ɔ́y jīḿ kə̄ dɔɔ́ tām̄ yā rīí tə́ ō.

JEJU TEĒ KUM JA̰A̰ 19:9

Anī de kə́ dɔ rā̰ tə́ kógə̄ḿ ədam̄ na kə m̄-ndang najə̄ ń toō: Ngé gə̄ ń ɓārə́n̄də́ tū yá̰a̰ kūjə́ kaw̄ kújú yā nə̄yá̰ Ngōn̄ Batə̄ tə́ ní, rɔ̄də́ nel̄də́. Gō tə́ anī ni-ədam̄ na najə̄ ń toō na i najə̄ kə́ rɔ̄kum yā Nə́ɓā.

Najə̄ kə́ Majə yā Jeju ń Luk ndang ní 22:30

Ā ə́saī yá̰a̰ dɔ yāḿ tə́ ō, ā ā̰yī seḿ ō, kem Ɓē ko̰o̰ yāḿ tə́, tá ā ī-ndiī dɔ kōr̄ kāgə̄ mbang gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́ ō.

HEBƏRO 12:22

Banī sḭḭ̄ ī-ndɔ́tī i kə̄ kadə mbal̄ kə́ Siyo̰ tə́ ō, i kə̄ kadə̄ ɓē yā Nə́ɓā kə́ ndi kə kumneé tə́ ō. Adə̄ i kə̄ kadə Jerusalem kə́ dɔ rā̰ tə́ ń de kə́ dɔ rā̰ tə́ gə̄ kə́ dūbú ngá̰ý i kemeé ní tə́.

JAKARI 8:3

I tām̄ najə̄ ń toō tə́ n m̄-tél m̄-reē gogə́ dɔ mbal̄ Siyo̰ tə́ ní. A̰á̰ā̰, m̄-tél m̄-ndi kem ɓē kə́ Jerusalem tə́ gogə́ ɓáý to̰. A ɓārə́n̄ ɓē kə́ Jerusalem na i ɓē kə́ nge ra dɔ ndūn tə́ ō, a ɓārə́n̄ mbal̄ bo yā Kɔ́ɔ̄ɓē kə́ bo kə́ tɔ́gən i ngá̰ý na i mbal̄ bo kə́ táĺ ō.

IJAI 1:19

Ré síī ī-ndigiī kadə̄ dɔsí oō loo anī, ā ásiī kəsa yá̰á̰ kə́ majə gə̄ kə́ kem ɓēé.

MATIYE 26:29

Ādə̄ m-ə́dásí najə̄ kə́ bo ngá̰ý, ngɔlaā ní m-ā m-ā̰ȳ kasə nduú ń toō to̰ alé, bátə́ ndɔ̄ ń m-ā m-ā̰yń kə́ kijə naā tə́ sesí kem Ɓē ko̰o̰ yā Bɔbə́ḿ tə́ ní.

IJAI 25:10

Jī Kɔ́ɔ̄ɓē ngɔ̄m̄ mbal̄ Siyo̰. Banī rējə̄n̄ Moab gotə loo kə́ kógə̄ḿ beē tə́ tītə̄ mu kə́ rējə̄n̄ kem bəlo ɓōkə́ yedə̄ dā̰ gə̄ tə́ beē.

PĀ GƏ̄ 78:68

Ba gə̄rā i gír ɓē yā Juda, adə̄ i mbal̄ kə́ Siyo̰ ń ni gḛy ní.

DANIEL 7:14

Adə̄nən̄ kadə̄ i ni n i dɔ yá̰a̰ gə̄ tə́ malang ba de kə́ dɔn ni tə́ gətóo ō, adə̄nən̄ kɔsə gɔn ō ko̰o̰ ɓē ō, de kə́ gíŕdə́ i tayā tayā gə̄ ō nápardə́ i tayā tayā gə̄ ō, rāān̄ kəla yān. Ndi dɔ yá̰a̰ gə̄ tə́ malang yān dan a gān̄g aĺ ō, ta ngóyn a gətóo ō, ɓē ko̰o̰ yān i ɓē ko̰o̰ kə́ a nujə aĺ bátə́ ō.

PĀ KƏ́ MAJƏ 5:1

Ngōkó̰ó̰ḿ kə́ dəyá̰, nge nong yāḿ, m̄-reē kem ndɔr̄ yāḿ tə́. M-ɔ̄r̄ nō kāgə̄ mír yāḿ naā tə́ kə nō kāgə̄ bomə yāḿ. M-ə́sa mbar̄ tejə yāḿ ō, m-ó̰o̰ yibə̄ tejə yāḿ ō. M-ā̰ȳ kasə nduú yāḿ ō, m-ā̰ȳ mba yāḿ ō! Madə̄ḿ gə̄, ə́saī yá̰a̰ ō, ā̰yī ō, ādī tár rāāsí kə́ kasə tə́!

PĀ KƏ́ MAJƏ 1:4

Əhɔ ta jīḿ, ī-ndɔ́rə̄m̄ gōí tə́ ō, ādə̄ j-a̰ȳ ngɔ̄də̄ ō. Ḭ̄ i mban̄g yāḿ, āw̄ seḿ kújə yāí tə́. Ī-rāā ādə̄ jḭḭ kɔ́ gə̄ jōó mbak ní rɔ̄jí nel̄jí ngá̰ý. Ādə̄ jə-tɔ̄ȳ tár yāí tɔȳ loo kɔr ta kasə nduú. Ngáń kə́ dəyá̰ gə̄ ń nel̄də́ seí ní najə̄ i yādə́!

PĀ KƏ́ MAJƏ 1:2

Ə́hɔm̄ kə̄ rɔ̄í tə́ ī-ɓirə̄m̄ dagə, ə́hɔm̄ kə̄ rɔ̄í tə́ ī-ɓirə̄m̄ dagə! Tɔdɔ̄ tɔ́ý ń ī-tɔ́y rɔ̄ḿ ní majə tɔȳ kasə nduú ō,

Najə̄ kə́ Majə yā Jeju ń Luk ndang ní 5:39

Deē ń a̰ȳ kasə kə́ tɔgə ní a sāā nge kə́ tām̄ ngōn̄ alé, tɔdɔ̄ ni a əda na kasə kə́ tɔgə na nel̄ tɔȳ nge kə́ tām̄ ngōn̄.

JEREMI 48:11

Moab ndi kanjə̄ sōl̄ yá̰á̰ kógə̄ḿ i kə ngōn̄ dūúneé beē. Ni to i tītə̄ kasə kə́ ɗīgə̄ beé, tɔdɔ̄ tūrə̄n̄ gírən kem káĺ kə́ rang tə́ nja kógə̄ḿ alé. Kumən na əhɔ aw̄n̄ seneé dɔ nang kə́ rang tə́ nja kógə̄ḿ aĺ ɓáý, adə̄ nelə̄n ō, kotən ō, ton̄ gotoó.

MARK 16:15

Ba ədadə́ na: Āwī kə̄ loo gə̄ tə́ malang, ə̄nīī mbēr̄ Najə̄ kə́ Majə ādə̄ de gə̄ malang oōn̄.

PĀ GƏ̄ 36:8

Nə́ɓā, kem majə yāí i yá̰á̰ kə́ majə ngá̰ý! De gə̄ sāān̄ loo ɓɔ̄ɔ̄ rɔ̄ yādə́ i gír bɔ̄gīí tə́.

IJAI 56:7

m-ā m̄-rāā kadə̄ nin̄ a reēn̄ dɔ mbal̄ bo yāḿ kə́ táĺ tə́, m-ā m̄-rāā kadə̄ rɔ̄də́ a nel̄də́ ngá̰ý kem kújə ndɔ̄ȳ yāḿ tə́. M-ā m̄-ndigə yá̰á̰ kə́ tun̄ gə̄ ō, yá̰á̰ kə́ kadə̄ karī yādə́ gə̄ ō ń nin̄ ndējə̄mə̄n̄ dɔ loo tun̄ yá̰á̰ tə́ ní. A̰á̰ā̰, a ɓārə́n̄ kújə yāḿ na i kújə ndɔ̄ȳ kə́ tām̄ yā gír de gə̄ tə́ malang.