IJAI 25:4 - Bibəl ta Sar̄

⁴ Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

Bible sar

⁴ Tām̄ ḭ̄ ī-rɔ̄ɔ̄ dɔ ngé tɔ́gə gətóo gə̄ tə́ kə ngangá, dan ń wur kɔl əsōń dɔ ngé ndoō gə̄ tə́ anī, ḭ̄ ī-ngɔ̄m̄də́. Ḭ̄ i loo kə́ yā kadə̄ deē ndi gírí najə̄ man̄ kə́ a edə tə́, ḭ̄ i ndíĺ kə́ deē ndi gírí najə̄ yā mban̄g tə́. A̰á̰ā̰, wōn̄g yā ngé rāā yá̰a̰ kə dɔ́nɔ́ gə̄ tə́ i tītə̄ man̄ kə́ edə dɔ ndogə̄ mbal̄ tə́ kə néĺ kə́ əla kə ngangá ngá̰ý beē.

IJAI 25:4 Referans Kwoze

SOPONI 3:12

I de kə́ dansí tə́ gə̄ ń najə̄də́ gətóo ō, i ngé ndoō gə̄ ō ní ngóy n m-ā m-ə́yá̰də́ ní. Nin̄ a əngen̄ loo kə́ yā ɓɔ̄ɔń rɔ̄də́ kemḿ tə́.

IJAI 32:2

Nin̄ kógə̄ḿ kógə̄ḿ a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā néĺ tə́ beē, a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā man̄ kə́ a edə tə́ beē, a ton̄ i tītə̄ man̄ kə́ a nūgə́ dəla loo tə́ beē, a ton̄ i tītə̄ ndíl mbal̄ kə́ bo kə́ kem ɓē kə́ loo təngā tū tə́ beē.

JAKƏ 2:5

Ngákó̰ó̰ḿ kə́ kó tár yāḿ gə̄, ōōī, Nə́ɓā gə̄rā ngé gə̄ ń i ngé ndoō gə̄ ta kum de kə́ dɔ nang tə́ gə̄ tə́ ní kadə̄ télən̄ de kə́ ngé kənge yá̰á̰ ngá̰ý gə̄ kə gō taā kem yādə́ ō, kadə̄ əngen̄ Ɓē ko̰o̰ ń Nə́ɓā ənī míndən yā kadə̄ ngé gə̄ ń tárnən̄ ní ō aĺ a?

IJAI 33:16

Deē ngeé ń toō a ndi loo kə́ kḭḭ kə̄ dɔɔ́ tə́ kanjə̄ sōl̄ yá̰á̰ kógə̄ḿ. Mbo̰ō̰ mbal̄ kə́ njar i loo ɓɔ̄ɔ̄ rɔ̄ yān. Ngáńdáńg ni a ənge yá̰á̰ kə́ yā kəsa ō, ni a ənge man̄ kə́ yā ka̰ȳ ō.

PĀ GƏ̄ 107:41

Banī ni un nge rɔ̄ tō ndoō kɔ̄ɔ́ kum ndoō kə́ ngá̰ý aĺ naā tə́ ō, rāā adə̄ gír kojə gə̄ ojən̄ naā ngá̰ý tītə̄ ɓūtə̄ yá̰a̰ kuĺ gə̄ ō.

PĀ GƏ̄ 12:5

Nin̄ ń ədan̄ na n-gerə̄n̄ najə̄ kə́ yā kəda tetəń rɔ̄ɔ̄, na n-a n-əhɔn̄ tadə́ ngan̄g adə̄ na n-ɓōlə́n̄ deē alé ní.

IJAI 66:2

I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

IJAI 49:25

Najə̄ ń Kɔ́ɔ̄ɓē əda ní n toó: A̰á̰ā̰, m-ā m̄-taā dəngáy yā nge rɔ̄ɔ̄ jīn tə́, m-ā m̄-taā yá̰a̰ kənge gə̄ kə́ kəhɔ ta rɔ̄ɔ̄ tə́ yā nge rāā de gə̄ yá̰á̰ kə́ tōr̄ dɔ gúú tə́. Jerusalem, mə̄kɔ́ m-ā m̄-rɔ̄ɔ̄ ngé kənīí rɔ̄ɔ̄ gə̄ ō, mə̄kɔ́ m-ā m-ájə́ ngání gə̄ ō.

IJAI 37:36

De kə́ dɔ rā̰ tə́ yā Kɔ́ɔ̄ɓē ugə̄ gérger yā Asiri gə̄ tə́, ba rāā adə̄ de gə̄ dūbú kə kutə sɔ́sɔ́ kə kalən kə́ mí oyn̄. Teē dəloí kə ndɔ̄ kə́ noō anī, áskar gə̄ teēn̄ dɔ de kə́ koy gə̄ ń noō tə́ malang.

IJAI 33:2

Kɔ́ɔ̄ɓē, ādə̄ kumií o̰ō̰ī tām̄ yājí tə́! J-ənī kemjí mámák j-adī. Ādə̄ dəloí kə ndɔ̄ gə̄ ḭ̄ i tɔ́gə́jí ō, ḭ̄ i nge kajəjí kum mbang yā wur kɔl tə́ ō.

IJAI 29:19

De gə̄ kə́ nin̄ i yá̰á̰ kógə̄ḿ aĺ gə̄ a əngen̄ rɔ̄nel̄ kə́ a bo i kum kə̄ kété kété kem Kɔ́ɔ̄ɓē tə́, de gə̄ kə́ nin̄ ndoōn̄ tɔȳ madə̄də́ gə̄ a ndāmə̄n̄ ndām̄ rɔ̄nel̄ najə̄ yā Nə́ɓā kə́ táĺ yā Israel tə́.

IJAI 29:5

Kósə madə̄ ba̰ā̰í gə̄ ton̄ tītə̄ bumbə́rú kə́ ḭḭ tuy beé. Ɓūtə̄ ngé rējīí gə̄ ton̄ tītə̄ mu kə́ nél ɔy aw̄ń beē. Anī kə̄ ta jī tə́ noō,

IJAI 27:5

Ba ré de kógə̄ḿ əla dɔn gírə́ḿ tə́ kadə̄ m̄-ngɔ̄mən anī, ni a əndā najə̄ naā tə́ seḿ kadə̄ lɔm to dɔ dáńjí tə́, a̰á̰ā̰, ni a əndā najə̄ naā tə́ seḿ yā kadə̄ lɔm to.

IJAI 17:10

Israel, dɔí ndígə̄nal Nə́ɓā kə́ nge kajiī. Mbal̄ ń ngɔ̄mī ní, əga kemií dɔn tə́ alé, i tām̄ najə̄ ń toō tə́ n ī-rāā adə̄ kāgə̄ kə́ nel̄ gə̄ əɓan̄ ō, ī-dubə̄ kum yá̰á̰ kə́ mbā gə̄ ō ní.

IJAI 14:32

De gə̄ ń Pilistin gə̄ əlan̄də́ ní, i yā tūr̄ kədadə́ na i rí? I najə̄ ń toō: I Kɔ́ɔ̄ɓē nəkɔ́ n əndā ɓē kə́ Siyo̰ ní. Yá̰á̰ kógə̄ḿ a ɔdə rɔ̄ ngé ndoō gə̄ kə́ dan gír deē yān gə̄ tə́ alé i loo ń noō tə́.

IJAI 11:4

Ni a gān̄g sarya yā ngé ndoō gə̄ i kə gō róbə́ yá̰á̰ kə́ gōtə́. De kə́ kem ɓēé gə̄ ń de kə́ nge rɔ̄ɔ̄ dɔdə́ tə́ gətóó ní, ni a gān̄g sarya kə́ gōtə́ tām̄ yādə́ tə́. Ni a ənda de kə́ kem ɓē yān tə́ gə̄ kə najə̄ kə́ tan tə́ tītə̄ kə́ i kə sálang kāgāá beē. Najə̄ kə́ tan tə́ a tɔ̄l̄ de kə́ majaĺ gə̄.

PĀ GƏ̄ 119:31

Mā m-ə́hɔ gō yá̰a̰ gə̄ ń ə́dá ní, Kɔ́ɔ̄ɓē, ī-lōō kəya̰m̄ dan rɔ̄sɔl̄ tə́.

PĀ GƏ̄ 72:13

Kumən a o̰o̰n tām̄ yā nge ndoō tə́ ō, de kə́ tɔ́gən gətóó tə́ ō. Ni a ajə ngé ndoō gə̄.

PĀ GƏ̄ 72:4

Ngé ndoō gə̄ kə́ dan gír de gə̄ tə́ ní, ādə̄ mban̄g gān̄g sarya yādə́ kə gōó. Ādə̄ ni i nge kajə ngé ndoō gə̄ ō, nge rējə̄ ngé bám̄də́ gə̄ ō!

PĀ GƏ̄ 35:10

Najə̄ ń a ḭḭ ngarā̰ kemḿ tə́ yā teē taḿ tə́ ní n toó: Kɔ́ɔ̄ɓē, de kə́ to tītīí i náā? Ḭ̄ ī-gān̄g dɔ de kə́ tɔ́gən gətóo jī de kə́ ngan̄g tɔȳn tə́, ī-gān̄g dɔ de kə́ əlan̄ rɔ̄sɔl̄ dɔn tə́ ō nge ndoō ō jī nge kəsa tətōdə́ tə́.

PĀ GƏ̄ 55:8

A̰á̰ā̰, m-ā m-ā̰ȳ yā kaw̄ sa̰y, kaw̄ ndi kem dəla loo tə́.

PĀ GƏ̄ 91:1

Deē ń ndi loo ń Nə́ɓā kə́ dɔɔ́ a ɓɔ̄ɔ̄ rɔ̄n tū tə́ tə́ ní to i ndíĺ Nə́ɓā kə́ bo kə́ tɔ́gən i ngá̰ý tə́.

PĀ GƏ̄ 121:5

Kɔ́ɔ̄ɓē i nge ngɔ̄m̄ dɔí, Kɔ́ɔ̄ɓē i ndíl yāí. Ni i dɔ jī ko̰í tə́.

IJAI 8:14

Tām̄ yā ɓē ko̰o̰ kə́ jōó gə̄ yā Israel tə́ ní, ni i loo kə́ táĺ, ni i mbal̄ kə́ nge kəga deē, mbal̄ kə́ nge rāā deē kadə̄ əsō. Ndɔ̄ń tə́ ni i gūmbə̄ tām̄ yā de kə́ Jerusalem gə̄ tə́.

IJAI 16:3

De kə́ Moab gə̄ dəjen̄ Jerusalem na: Ādə̄jí kɔjə̄, ún ndūí yā rāā yá̰á̰ kógə̄ḿ, ūtə̄ gidəjí dan kadaá yā ngɔ̄məńjí, tītə̄ loo kə́ ndɔ̄ɔ́ kə́ ənī til dɔ loo tə́ beē. Ī-ɓɔ̄ɔ̄ dɔ mā̰ȳ rɔ̄ɔ̄ yājí gə̄. Ngé gə̄ ń a̰ȳn̄ naā ní, ī-lōō teē kə gíŕdə́ dɔɔ́.

IJAI 28:6

Ni a adə̄ ngé gān̄g sarya gə̄ ndíĺ yá̰a̰ rāā kə́ gōtə́. Ngé mbəre madə̄ ba̰ā̰də́ gə̄ kə̄ gogə́ kɔ̄ɔ́ ta róbə́ kə́ yā kudəń kə̄ kem ɓēé tə́ ní, ni a adə̄də́ tɔ́gə́ ngá̰ý.

IJAI 29:20

Tām̄ i ta tɔ̄l̄ ta ngé gə̄ ń ko̰o̰ ɓē malang i gír jīdə́ nin̄ kɔ́ gə̄ tə́ ní ō, ngé lur loo gə̄ a gətóon̄ kɔ̄ɔ́ ō. Ngé sāā rāā yá̰á̰ kə́ majaĺ kə madə̄də́ gēé ō, ngé tetə najə̄ dɔ de gə̄ tə́ ō, ngé kəyā gūmbə̄ no ngé sarya gə̄ tə́ ō, ngé gān̄g sarya dɔ de kə́ najə̄ gətóo dɔn tə́ ō ní, a rāān̄də́ kadə̄ nin̄ a gətóon̄ kɔ̄ɔ́.

IJAI 57:13

Dan ń ā ī-ɓāŕ yá̰a̰ kadə̄ ajiīn̄ tə́ anī, ādə̄ nə́ɓā yāí kə́ rɔ̄kum aĺ gə̄, kə́ majən̄ aĺ ngá̰ý gə̄ malang ní ajiīn̄! Nél a ɔydə́ malang yā kaw̄ sedə́ kɔ̄ɔ́, koō kógə̄ḿ a ndɔ́tə̄ sedə́ kɔ̄ɔ́. Ba ngé gə̄ ń nge ngɔ̄m̄də́ i mā ní, a əngen̄ ɓē tītə̄ yá̰a̰ haladə́ beē ō, nin̄ a əngen̄ mbal̄ bo yāḿ kə́ táĺ ō.

JEREMI 16:19

Kɔ́ɔ̄ɓē, ḭ̄ ń i tɔ́gə́ḿ ō, nge ngɔ̄mə̄ḿ ō, loo ɓɔ̄ɔ̄ rɔ̄ yāḿ ndɔ̄ wur kɔl tə́ ō ní, nápar de gə̄ a ḭḭn̄ ta ngóy dɔ nang tə́ yā reē rɔ̄í tə́ yā kəda na: Yá̰á̰ ń kaají gə̄ əngen̄ loo nə̄ɓō naā yá̰á̰ tə́ ní, i yá̰á̰ kə́ rɔ̄kum alé ō, i yá̰á̰ kə́ kanjə̄ kumən kə́ yá̰á̰ kə́ yā rāań gətóo ō.

EJEKIEL 38:9

Ḭ̄ ō, ngé rɔ̄ɔ̄ yāí gə̄ ō, ngé ɓoo rɔ̄də́ tū yāí tə́ gə̄ ń nin̄ i ngá̰ý ní ō, ā ə̄nīdə́ rɔ̄ɔ̄. Ā āwī kə̄ dɔdə́ tə́ i tītə̄ nél man̄ kə́ əla kə ngangá ngá̰ý beē ō, ā ī-taāī loo kem ɓē yādə́ tə́ malang tītə̄ kil̄ man̄ kə́ to tītə̄ mbal̄ bo beé.

PĀ GƏ̄ 9:10

Kɔ́ɔ̄ɓē i loo ɓɔ̄ɔ̄ rɔ̄ yā deē ń rāān̄ kumən ndoō tə́ ní, i loo ɓɔ̄ɔ̄ rɔ̄ yā de kə́ wur kɔl əsō dɔn tə́.